Month: July 2015

7 дугаар сарын 11

12.00-15.00 Хүчит бөхийн барилдааны нэгийн даваа
13.30-16.00 Хүүхдийн барилдааны нэгийн даваа
15.20-18.00 Хүчит бөхийн барилдааны хоёрын даваа
16.20-18.00 Хүүхдийн барилдааны хоёрын даваа

7 дугаар сарын 12

09.30-11.00 Хүчит бөхийн барилдааны гурвын даваа
10.00-11.00 Хүүхдийн барилдааны гурвын даваа
11.20-12.40 Хүчит бөхийн барилдааны дөрвийн даваа
11.20-12.40 Хүүхдийн барилдааны дөрвийн даваа
14.30-15.10 Хүчит бөхийн барилдааны тавын даваа
15.20-16.00 Хүчит бөхийн барилдааны зургаагийн даваа
15.20-16.00 Хүүхдийн барилдааны тавын даваа
16.40-17.10 Хүүхдийн барилдааны зургаагийн даваа
16.40-17.20 Хүчит бөхийн барилдааны долоогийн даваа
17.25-17.45 Монгол Улсын Ерөнхийлөгч Цахиагийн Элбэгдорж “Улсын
начин”, “Улсын харцага” цолны болзол хангасан бөхчүүдэд цол олгож,
үнэмлэх, энгэрийн тэмдэг гардуулна.
17.50-18.40 Хүчит бөхийн барилдааны наймын даваа
18.35-19.05 Хүүхдийн барилдааны долоогийн даваа
18.45-19.00 Монгол Улсын Ерөнхийлөгч Цахиагийн Элбэгдорж “Улсын
заан” цолны болзол хангасан бөхчүүдэд цол олгож, үнэмлэх, энгэрийн
тэмдэг гардуулна
19.05-19.35 Хүчит бөхийн барилдааны есийн даваа
19.40-19.55 Монгол Улсын Ерөнхийлөгч Цахиагийн Элбэгдорж Үндэсний их
баяр наадмын хүчит бөхийн барилдаанд түрүүлж, үзүүрлэсэн бөхчүүдэд цол
олгож, үнэмлэх, энгэрийн тэмдэг, шагнал гардуулна.

Тулгар төрийн 2224, Их Монгол Улсын 809,
Ардын хувьсгалын 94 жилийн ой, Үндэсний их баяр наадмын Урианхай
харваанд 12 аймаг, 9 дүүргийн 165 харваач цэц мэргэнээ сорьсноос

1-р байр:
Завхан аймаг Тэс сумын уугуул, Зэвсэгт хүчний Алдар спорт хороо “Жем
интернешнл” компани, Худалдаа Хөгжлийн банк дотоод аудитор Б.Хатансайхан
– 28 оноо

2-р байр: Ховд аймаг Дуут сумын уугуул Д.Чулуунбат-27 оноо

3-р байр: Баян-Өлгий аймаг, Буянт сумын харьяат Б.Мөнхтөр-26 оноо

4-р байр: Ховд аймаг Дуут сумын харьяат З.Баярсайхан-25 оноо

5-р байр: Баян-Өлгий аймаг Буянт сумын харьяат Хөхийн Бямбажав-25 оноогоор шалгарсан бол,

Баян-Өлгий аймаг Булган сумын уугуул,
Сонгинохайрхан дүүргийн харваач Б.Бямбажав, Ховд аймаг Мөнххайрхан
сумын уугуул Б.Цогттөмөр нар “Спортын мастер” цолын болзлыг хангалаа.

Мөн Завхан аймаг Улиастай сумын уугуул,
Хангарьд спорт клубын харваач Ж.Мөнхбаатар, Баян-Өлгий аймгийн Өлгий
сумын уугуул, Шүүхийн шийдвэр гүйцэтгэх газар, Сүлд спорт хорооны
харваач Н.Алтантулга нар “Спортын дэд мастер”-ын цолын болзлыг хангажээ.

Азарганы уралдаанд Г.Тэмүүлэнгийн хээр азарга түрүүлсэн
мэдээллийг бид та бүхэнд хүргэсэн. Тэгвэл тус азаргыг эрлийз хэмээн эсэргүүцэх
хүн цөөнгүй байгаа сурагтай. Учир нь энэ түүний хээр азарга бага насандаа
эрлийз морьдын уралдаанд уралдаж байсан юм байна. Ямартай ч хурдан морины
салбар хорооныхон нарийн хэмжилт хийж, одоогоор ямар нэгэн шийдвэр гаргаагүй байгаа
бололтой.

Их
насны хурдан морьд гарааны зурхай руу хөдлөх гэж байна. Их насанд нийт 321 морь
бүртгүүлсэн бөгөөд яг одоо хэмжилт хийж шүдэлж байна. Энэ жилийн хурдан морьны
уралдаанд биеийн жацны хэмжээг өндөрсгөж өгснөөс үүдэн эрлийз адуу уралдуулах
боломжийг хангаж өглөө гэх гомдол, шүүмжлэл их байгаа юм. Тиймээс ч Хурдан
морьны салбар хорооныхон нарийн хэмжилт хийж байгаа гэв

Төв цэнгэлдэхэд жуулчдад зориулсан тусгай тайз засчээ. энэхүү тайзан дээр үндэснийхээ ёс заншлыг харуулсан бүтээл гадаадынханд танилцуулж байгаа бөгөөд үндэсний их баяр наадмын утга учир, дэг жаягаас тайлбарлаж өгч байгаа юм байна. Тодруулбал, одоо бөх барилдаж байна, нэгийн даваа, бөхийн зодог шуудаг ийм учиртай, монголчуудын дээл, хувцас ийм утгатай гэх зэрэг жуулчдад зориулж тусгайлан мэдээлэл өгч байгаа юм байна. мөн тэдэнд зориулсан урлагийн тоглолт хүртэл явагдаж байна

Тулгар төрийн 2224, Их Монгол Улс
байгуулагдсаны 809 жилийн ой, Ардын хувьсгалын 94 жилийн ойн үндэсний их
баяр наадам үргэлжилж байна.

МЗХ-ны дэргэдэх Залуучуудын Хүмүүнлэгийн
Байнгын Хорооноос дүрэлзэн асч буй галаас дүүгээ аварсан А.Цэрэнтогтох хүүд
туслах зорилгоор “Ахыг аваръя’’ аяныг өрнүүлээд байгаа билээ. А.Цэрэнтогтох хүү
Солонгос улсын Хангасва эмнэлэгт хэвтэн эмчлүүлж байгаа бөгөөд биеийнх 80 гаруй
хувь түлэгдэн, элэг, уушиг, бөөр зэрэг дотоод эрхтнүүдэд өөрчлөлт орсон учир
маш олон хагалгаанд орохоор болж, эмчилгээний нийт зардал нь 350-400сая төгрөг
шаардлагатай болоод байна. Тэгвэл “Ахыг аваръя” аянд наадамчид нэгдэж хандивын
гараа сунгаж байгаа юм байна.

Наадмын нээлтэд ихэнхдээ хүүхдүүд оролцлоо. арга хэмжээнд оролцсон бүх хүүхдэд талархалын бичиг гардуулсан байна. Энэхүү бичгээр багачуудын авьяасыг үнэлсэн бололтой. Үнэндээ ус ундаа битгий хэл ганц хуушуурны мөнгө ч өгөөгүй талаар хүүхдүүд ярьж байна. Аагим халуун үргэлжилж буй энэ үед ядаж ганц ганц ус тараагаад өгчихгүй гэж наадамчин олон шивнэлдэж байна.