Month: June 2015

Хүний эрхийн Үндэсний Комисс, Нээлттэй Нийгэм Форум хамтран хүний эрхийн сэдвээр олон нийтийн илтгэл хэлэлцүүлэг арга хэмжээг 3 дахь жилдээ зохион байгуулж байна. Хүссэн хүн бүрт нээлттэй илтгэл хэлэлцүүлгийн илтгэгчээр МУИС-ийн Хууль зүйн сургуулийн эрх зүйн тэнхмийн багш, хууль зүйн доктор, дэд профессор Одонхүүгийн Мөнхсайхан уригдлаа. Тэрбээр 2015 оны зургаадугаар сарын 19-ний 15 цагт Засгийн газрын 11 дүгээр байрны хурлын танхимд “Хүний эрхийн заалтыг тайлбарлах нь” сэдвээр илтгэл тавина.

БНХАУ-аас “ADIDAS”, “NIKE”, “JORDAN”
зэрэг брэндийн бүтээгдэхүүнийг зөвхөн албан ёсоор борлуулах эрхтэй
дэлгүүр болон үйлчилгээний газруудаас худалдан авах, худалдаа хийсэн
баримт, тасалбар зэргийг хадгалахыг Гадаад хэргийн яамнаас санууллаа.
Учир нь “БНХАУ-ын Гаалийн тухай хууль-”ийн 21-р зүйлд “Зохиогчийн эрхийг
зөрчсөн бараа бүтээгдэхүүн улсын хилээр нэвтрүүлэхгүй” гэж заасны дагуу
брэндийн шошготой хуурамч бараа бүтээгдэхүүнийг тус улсын хилээр
нэвтрүүлэхийг хоригложээ. Мөн гааль, хяналтын байгууллагууд брэнд барааг
дурайлган хийсэн хуурамч бүтээгдэхүүнийг хурааж авах эрхтэй байдаг юм
байна.

Сүүлийн үед манай улсын иргэд дээрх брэндийн бүтээгдэхүүнийг хятадын
албан ёсны бус борлуулагч нараас /Эрээн хотын “Вэньжоу” зах/ их
хэмжээгээр худалдан авч тус улсын гаалийн байгууллагад бараа
бүтээгдэхүүнээ хураалган хохирч байгаа аж. Тиймээс худалдан авалт
хийхдээ болгоомжтой байхыг Гадаад хэргийн яамны Консулын газраас
сэрэмжлүүллээ.

Эрүүл, мэнд, спортын дэд сайд Д.Атармаа автомашины осолд орсон
харамсалтай хэрэг гарчээ. Тэрбээр нөхрийн хамт Булган аймгийн Дашинчилэн
сумаас хотруу явж байсан бөгөөд ослын улмаас нөхөр нь газар дээрээ нас
барсан байна. Харин дэд сайд Д.Атармаагийн биеийн байдал хүнд байгаа аж.

Нийслэлийн нийтийн тээврийн шинэчлэлийн
хүрээнд ухаалаг нийтийн тээврийн үйлчилгээг нэвтрүүлэхээр болсон. Энэ
хүрээнд автобусны ухаалаг карт худалдаанд гарч иргэд автобусаар
үйлчлүүлэхдээ билет авах шаардлагагүй болсон юм. Ухаалаг картыг ирэх
долдугаар сарын 7-ноос эхлэн ашиглана. БНСУ-д үйлдвэрлэгдсэн автобусны
ухаалаг системүүд өнгөрсөн тавдугаар сарын эхээр манай улсад ирсэн
бөгөөд одоогоор автобусуудад суулгах, карт борлуулах цэгүүдийг байгуулах
ажлууд үргэлжилж байна. Ухаалаг систем эхний ээлжинд 500 мянган картын
хамт ирснээр иргэд автобусанд бэлэн мөнгө төлж зорчих шаардлагагүй болох
юм. Картыг 3600 төгрөгөөр автобусны буудлуудын цэгүүдээр худалдаалж,
500-90мянган төгрөгөөр цэнэглүүлэн хэрэглэх юм байна.

Улиастай-Гачуурт чиглэлийн 11 км авто замын өргөтгөл шинэчлэлийн ажлын хүрээнд 1 метрийн диаметртэй төмөр бетон дугуй хоолойн ажил шинээр хийхтэй холбогдуулж зургаадугаар сарын 13-ны 08 цагаас зургаадугаар сарын 27-ны 07 цаг хүртэл 160 у/м зам хаана.

Мөн Улиастай-Гачуурт чиглэлийн замыг өнөөдрийн 23:00 цагаас зургаадугаар сарын 29-ний 07 цаг хүртэл хэсэгчлэн хааж зам барилгын ажил хийх юм.

Нийслэлийн Засаг дарга “Хөрөнгө гаргах тухай” А/503 дугаар захирамж
гаргалаа. Захирамжаар Олон улсын хөнгөн атлетикийн холбооноос дэлхийн
улс орнуудад хэрэгжүүлж байгаа төслийн сонгон шалгаруулалтад тэнцэж
нийслэлийн дагуул Налайх хотод байгуулагдаж буй хөнгөн атлетикийн
тартанан замын 400 метрийн тойрог замын тартанан /резин/ хучилт хийх
ажлыг холбогдох хууль, журмын хүрээнд зохион байгуулж, ажиллахыг Налайх
дүүргийн Засаг даргад үүрэг болголоо.

Налайх хотод баригдаж буй хөнгөн атлетикийн гүйлтийн тартам замын
гүйлтийн тартанан /резин/ хучилт хийхэд шаардагдах 204 сая 975 мянган
төгрөгийг нийслэлийн Засаг даргын нөөц хөрөнгөөс санхүүжүүлэхийг
нийслэлийн ЗДТГ – т даалгалаа.

Шинээр бий болсон хөрөнгийг нийслэлийн өмчид бүртгэн авч, ашиглалт,
үйлчилгээнд хяналт тавьж ажиллахыг нийслэлийн Өмчийн харилцааны газарт,
энэхүү захирамжийн биелэлтэд хяналт тавьж, нэгдсэн удирдлага зохион
байгуулалтаар ханган ажиллахыг нийслэлийн Засаг даргын Нийгмийн хөгжлийн
асуудал хариуцсан орлогч Ц.Энхцэнгэлд үүрэг болголоо гэж Нийслэлийн ЗДТГ – ын Хэвлэл мэдээлэл, олон нийттэй харилцах хэлтсээс мэдээллээ.