“Хүний эрхийг хөхиүлэн дэмжигч” манай сонины 2015.06.19-ний дугаар 20 нүүрээр хэвлэгдэн уншигчдын гарт очлоо. Эл дугаарын нэгдүгээр нүүрээс арвандолдугаар нүүрт Говь-Алтай аймгийн “Хантайшир” бөхийн дэвжээнээс бэлтгэсэн “Өдрийн сурвалжлага” багтлаа. Наадмын өдрүүд хаяанд ирээд байгаа энэ үед Говь-Алтайн бөхчүүдийн бэлтгэл хэр байгаа талаарх сурвалжлагыг өнөөдрийн дугаараас тольдоорой.
Монгол Улсын Ерөнхий сайд асан, УИХ-ын гишүүн Н.Алтанхуяг өчигдөр мэдээлэл хийсэн. Тэрбээр Эрүүгийн байцаан шийтгэх тухай хуульд нэмэлт, өөрчлөлт оруулах хуулийн төслийг УИХ-д өргөн барьж, Байнгын хороо хэлэлцэхийг дэмжсэн. Гэтэл өчигдөр чуулганы нэгдсэн хуралдааны жагсаалтад хэлэлцэхээр оруулсан байсан уг хуулийн төслийг хойшлуулах болсон талаар мэдээлэл хийлээ. Тэрбээр АТГ ҮАБЗ-д албан бичиг хүргүүлсэн. ҮАБЗ гэтэл УИХ-аар хэлэлцэх гэж байсан хуулийн төслийг үүнээс болж саатуулсан нь АТГ УИХ-ын үйл ажиллагаанд хүртэл нөлөөлдөг болсон байна гээд өөрт тохиолдсон зүйлс болон бусад баримтууд дээр жишээ аван ярьсан юм. Уг мэдээллийг нэг, хоёр, тавдугаар нүүрээс унших боломжтой.
Ерөнхий боловсролын сургууль төгсөж буй сурагчид элсэлтийн ерөнхий шалтгалтаа өгч байгаа. Тэгвэл элсэлтийн ерөнхий шалтгалтад 400-гаас дээш оноо авч байж их, дээд сургуульд элсэх эрхтэй талаарх бичвэрийг нэгдүгээр нүүрээс зургадугаар нүүрт хэвлэгдсэн болохыг уншаарай.
Улс төрийн хоёрдугаар нүүрт УИХ-ын чуулганы нэгдсэн хуралдааны тоймын эхлэл багтсан бөгөөд үргэлжлэл нь тавдугаар нүүрт хэвлэгдсэн. Өчигдрийн чуулганы хуралдаанаар Гацууртын ордыг гишүүдийн олонх дэмжээгүй тул хууль санаачлагчид буцаасан. Мөн Бригадын генерал Д.Давааг ЗХЖШ-ын даргаар томилсон гээд чуулганы хуралдааны тоймыг унших боломжтой.
“Баримт, үзэл бодол”-ын гуравдугаар нүүрт нийтлэлч Д.Мөнгөндалайн “Улсад хохирол учруулсан Урт нэртэй хуулийг санаачлагчдад нь хариуцлага тооцъё” хэмээх нийтлэл багтлаа. Гадныхныг айдаст автуулсан, яаран хамаг юмаа ачаад явахад нөлөөлсөн гол зүйл нь урт нэртэй хууль тул эдийн засаг хүндрэхэд голлох үүрэгтэй оролцсон уг хуулийн төслийг санаачлагчдад хариуцлага тооцох ёстой гэжээ.
Улс төрийн дөрөвдүгээр нүүрт Ерөнхий сайд Ч.Сайханбилэгийн Петербургийн олон улсын эдийн засгийн чуулга уулзалтад оролцсон талаарх мэдээлэл болон Налайхын захирагчийн сонгууль, Нийслэлийн НАМЗХ-ны хурлын талаарх мэдээллүүд багтлаа.
Долдугаар нүүрт Малайзад буудуулсан бүсгүйн талаарх сурвалжлага багтсан бол үргэлжлэл нь 19 дүгээр нүүрт хэвлэгдсэн байна. Арваннэгдүгээр нүүрт нийтлэлч Э.Энэрэлийн “Шинэ цагийн хүйтэн дайн” хэмээх сонирхолтой нийтлэл багтсаныг унших боломжтой. Харин арвангуравдугаар нүүрт суут сэтгэгч Платоны талаарх сонирхолтой түүхийг унших боломжтой.
Энэ мэтчилэн олон сонирхолтой ярилцлага сурвалжлагыг манай сонины баасан гаригийн дугаараас уншаарай.
“Өдрийн сонин”-ы эрхэм уншигч та, манай өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно. “Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба энэ гуравдугаар улирлын захиалгаа өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ
Нийтийн тээвэрт явж буй автобуснуудыг тогтмол хянах “Улаанбаатар хотын нийтийн тээврийн удирдлагын төв”-ийг өнөөдөр нээлээ. Ирэх сараас эхлэх нийтийн тээврийн шинэчлэлийн хүрээнд автобуснуудыг цахим системд шилжүүлэх ажил хийгдэж байгаа аж. Удирдлагын төвийг цахим системд шилжүүлсэн байна. Тус төв Улаанбаатар хотын нийтийн тээврийн системийг бүхэлд нь удирдаж хөдөлгөөнд оролцож буй автобусыг тогтмол хянах юм байна. Эхний ээлжинд 1100 гаруй автобусанд цахим системийн төхөөрөмжийг суурилуулах аж. Одоогоор эдгээр төхөөрөмжийг суурилуулах ажил үргэлжилж байгаа юм байна. Ирэх сарын таван гэхэд автобусанд суулгаж дуусах гэнэ. Мөн эхний ээлжинд иргэдэд олгох 700 мянган смарт картыг оруулж иржээ. Нийслэлийн хэмжээнд 500 цэг байгуулахаас 280 цэгтэй гэрээ байгуулахаар болжээ. 
Баялаг бүтээгчид буюу үндэсний үйлдвэрлэгчид өнөөдөр Чингисийн талбайд жагсаал зохион байгууллаа. Жагсаалд оролцогчид “Бидний татварын мөнгөөр импортын барааг төрд шахдаг дарга нараа огцруул”, “Импорт орлосон экспорт руу чиглэсэн аж үйлдвэрийн салбараа хөгжүүлъе”, “Хүнд суртал дарамтаа багасгаач төр минь хурдтай ажлаач” зэрэг лоозон барьсан байлаа. Тэд үндэсний үйлдвэрээ дэмжих бодлогыг яаралтай бодит ажил болгох хэрэгтэй хэмээн онцолж байв. 
Төрийн болон орон нутгийн өмчийн хөрөнгөөр бараа,
Өмнөд Солонгост титэм вирусын /MERS/ халдвартай гурван өвчтөн нас барснаар хохирогчдын тоо 23-т хүрэв. Нас барсан гурван өвчтөний хоёр нь 60 гаруй насны цусны даралт ихтэй, сүрьеэгээр өвдсөн хүмүүс байжээ. Нөгөө нь 82 настай эмэгтэй аж. Тэрээр Сөүлээс 160 км зайтай орших Дэжон хотын эмнэлэгт нас барсан байна. Солонгост титэм вирусын халдвартай 165 хүн байгаагийн 17-гийнх нь биеийн байдал хүнд байна. Халдвар авсан байж магадгүй 6729 хүнийг хөл хорьжээ. Үүнээс гадна эдгэрсэн хүний тоо 24 болж нэмэгджээ. 
Нийслэлийн анхны дагуул хот Налайхын Захирагчийн дахин сонгууль явагдаж байна. Санал авах ажиллагаа 07:00-22:00 цаг хүртэл үргэлжлэх бөгөөд нэрсийн жагсаалтад 20310 иргэн бүртгэлтэй байна. Ирцийн мэдээллийг 2 цаг тутамд гаргаж байна. 12:00 цагийн байдлаар нэрсийн жагсаалтад бүртгэлтэй нийт иргэний 13,6 хувь нь буюу 2758 иргэн санал өгчээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Мэргэжлийн хяналтын газрын хийсэн шалгалтаар нийслэлд үйл ажиллагаа явуулж буй найман хувийн сургуульд мэргэжлийн бус багш ажиллаж байсан зөрчил илэрчээ. Багшлах эрхгүй, дөнгөж сургуулиа төгссөн хүн ажиллаж байсан хүнийг мөн илрүүлжээ. Шалгалтад төрийн бус өмчийн буюу хувийн 19 сургуулийг хамруулсан байна. 18 сургууль нь мэргэжлийн бус нийгмийн ажилтантай байжээ. Шалгалтад төрийн өмчийн 28 сургуулийг хамруулсан байна. Төрийн өмчит сургуулиудын хувьд сургалтын орчин хангалтгүй зөрчил нийтлэг илэрчээ. Сургуулиудын 74 хувь нь хими, физикийн хичээлийн лабораторигүй, 64 хувь нь хөгжмийн заалгүй, 25 хувь нь биеийн тамирын зааланд хичээллэдэггүй зэрэг зөрчил илэрсэн байна. Мэргэжлийн бус багш ажиллуулсан сургуульд хариуцлага тооцно гэж албаныхан мэдэгдлээ. 
Олон улсын спорт судалгааны “Infostarada Sports” компани “Рио де Жанейро-2016” олимпийн наадамд улс орнуудыг хэрхэн амжилт үзүүлэх талаар таамгаа дэвшүүлээд байна. Тус компани олимпийн төрлүүдийн Дэлхийн аваргын тэмцээний амжилтаар голчлон судалгаа гаргажээ. на.сургуульд хариуцлага тооцно гэж албаныхан мэдэгдлээ. 
ОХУ-д ажлын айлчлал хийж буй Монгол Улсын Ерөнхий
Авлигатай тэмцэх газарт Улсын Ерөнхий прокурорын газраас шалгалт оруулжээ. Хэрэг бүртгэлт мөрдөн байцаалтыг хэрхэн хийж буй талаар голчлон шалгаж байгаа аж. Мөн эрүүгийн байцаан шийтгэх ажиллагаанд оролцогчдын эрхийг хэрхэн хангаж байгаа байдлыг шалгаж дүгнэлт хийх юм байна. Шалгалт энэ сарын 25-ныг хүртэл үргэлжилнэ. Шалгалтын үеэр гэмт хэргийн талаарх гомдол, мэдээллийг хүлээн авах, бүртгэх, шалгаж шийдвэрлэх ажиллагаа, эрүүгийн хэрэг үүсгэх болон хэрэг бүртгэх, мөрдөн байцаах ажиллагааг хуулийн дагуу явагдаж байгаа эсэхийг шалгахаар төлөвлөжээ. Мөн сэжигтнийг баривчлах болон цагдан хорих таслан сэргийлэх арга хэмжээ, мөрдөн байцаалтын ажиллагааг нь түдгэлзүүлсэн болон хэрэгсэхгүй болгосон хэргүүдтэй танилцах аж.