Монголын хөрөнгийн зах зээлийн тулгамдсан асуудал, түүний цаашдын хөгжлийг тодорхойлохын тулд Японы туршлагаас суралцах, дотоодын компаниудтай санал солилцох зорилгоор “IPO болон давхар бүртгэл” сэдэвт чуулга уулзалтыг энэ сарын 23-нд зохион байгуулах гэж байна. Санхүүгийн зохицуулах хороо, ЖАЙКА болон МҮХАҮТ-тай хамтран зохион байгуулж буй тус чуулганд Монголын ТОП-100 компани, үнэт цаасны компани, Засгийн газар болон холбогдох агентлаг, мэргэжлийн холбоод, олон улсын агентлагууд болон хөрөнгө оруулагчдын төлөөлөл оролцох юм.
Энэ үеэр хөрөнгийн зах зээлийн өнөөгийн байдал, компанийн санхүүжилтийн асуудлууд, IPO болон давхар бүртгэлийн ач холбогдол, Япон улсын төрийн өмчит компаниудын хувьчлалын талаарх туршлага, Токиогийн хөрөнгийн бирж болон Монголын хөрөнгийн биржийн бүртгэл, олон улсын хөрөнгийн биржид бүртгүүлсэн үндэсний компаниуд зэрэг сэдвээр илтгэл хэлэлцүүлэх аж.
Монголд аж ахуйн нэгжүүд хөрөнгийн зах зээлээс санхүүжилт босгон үйл ажиллагаагаа өргөжүүлэх боломжтой. Энэ нь санхүүгийн зах зээлийн тэнцвэрт байдлыг бий болгох сайн талтай аж. Дээрх арга хэмжээ нь санхүүгийн зах зээлийн өнөөгийн байдлыг оролцогч талууд хэлэлцэж зөв хөгжлийн замыг тодорхойлоход чухал ач холбогдол өгнө гэж зохион байгуулагчид үзэж байна.
“Алтанбулаг – Улаанбаатар – Замын-Үүд чиглэлийн 1000 км хурдны авто зам нь Монгол Улсын зургаан аймгийн 25 сум, нийслэлийн хоёр дүүргийн нутгийг дайран өнгөрч байгаа билээ. Хурдны замын дагуу ирээдүйд шинэ суурьшлийн бүс, дагуу хот, суурин хөгжих бөгөөд улмаар олон мянган ажлын байр бий болох юм. Иймээс Чингис Лэнд Девелопмент Группээс санаачлан “Талын зам ба хөгжил” сэдвийн хүрээнд аймаг, сум, дүүргийн ИТХ-ын дарга, Засаг дарга нар болон бусад албаны хүмүүсийг хамруулсан өргөн хэмжээний форум зохион байгууллаа. Энэхүү форумаар Алтанбулаг – Улаанбаатар – Замын-Үүд чиглэлийн хурдны авто зам” төслийн талаар дэлгэрэнгүй танилцуулга хийж, зам дагуу бий болох шинэ шинэ хот, суурин хаана байрлах, ямар онцлогтой байх, хэр хэмжээний ажлын байр бий болох, цаашид хэрхэн хөгжих, энэ төсөл дээр орон нутгийн зүгээс хэрхэн оролцох зэрэг олон асуудлыг хэлэлцэн зөвлөлдсөн юм. Форумын үр дүнд төсөл хэрэгжүүлэгч тал болон холбогдох аймаг сумдын зочид төлөөлөгч нар санал бодлоо чөлөөтэй солилцож, хэрхэн хамтран ажиллах талаар асуудал дэвшүүлэн ярилцав. Ингээд төсөл хэрэгжүүлэгч тал болох “Чингис Лэнд Девелопмент Групп” ХХК нь холбогдох аймаг сумдын засаг дарга нартай хамтран ажиллах Харилцан ойлголцлын санамж бичигт гарын үсэг зурцгаалаа. Энэхүү томоохон бүтээн байгуулалт болсон хурдны авто замын төсөлд хамтран ажиллана гэдгээ холбогдох аймаг сумдын төлөөлөгч нар илэрхийлсэн юм. Аймаг сумдын засаг дарга нар уг зам нь Монгол Улсын хөгжилд төдийгүй, сум орон нутагт хөгжил авч ирэх зам болох учиртайг онцлон тэмдэглэж, төслийг бүх талаар дэмжин ажиллахаа илэрхийллээ. Мэдээлэл өгөхөд Чингис Лэнд Девелопмент Групп нь Монгол Улсын Ерөнхийлөгчийн санаачлага “Талын зам” төслийн хэрэгжиж эхлээд буй “Алтанбулаг – Улаанбаатар – Замын-Үүд чиглэлийн 1000 км хурдны авто зам” төслийг концессийн гэрээгээр хэрэгжүүлнэ. Монгол Улсын Засгийн газрын 399 дүгээр тогтоолын дагуу 2014 оны гуравдугаар сарын 9-ны өдөр Эдийн засгийн хөгжлийн яамтай концессийн гэрээ байгуулсан билээ. Энэхүү төсөл нь ОХУ болон БНХАУ төдийгүй Ази – Европийг холбосон, нийгэм-эдийн засгийн ихээхэн үр нөлөөтэй бөгөөд уг хурдны замыг гурван жилийн хугацаанд барьж байгуулах зорилт тавин ажиллаж буй юм.
Sweet
Элсэлтийн ерөнхий шалгалтад орж буй шалгуулагчид өнөөдөр сүүлийн шалгалтаа өгч байна.
Иргэд цагдаагийн байгууллагад өгсөн дуудлага, мэдээллээ цахим хэлбэрээр хянах боломжтой болсон талаар Улаанбаатар хотын цагдаагийн газраас мэдээлж байна. Тус цагдаагийн газраас цагдаагийн байгууллагын үйл ажиллагааг иргэдэд нээлттэй ил тод, шуурхай хүргэх, гэмт хэрэг, зөрчлийн талаарх дуудлага, мэдээллийг цахим хэлбэрээр хүлээн авах, шалгах боломжийг бий болгох зорилгоор цахим өргөдөл, гомдлын нэгдсэн программыг зургадугаар сарын 15-ны өдрөөс эхлэн нэвтрүүлээд байгаа юм. 
Нийслэл хот зундаа улаан шороон дунд байдаг болсоор багагүй
Дүрэлзэн асч буй галаас дүүгээ аварсан А.Цэрэнтогтох хүүгийн биеийн
“ЭМ ТАРИА, ТОСОН ТҮРХЛЭГ ЗЭРЭГТ МӨНГӨ ТӨГРӨГ ИХ
МУГЖ, дуурийн дуучин Э.Амартүвшин энэ өдрүүдэд Уэлст зохион байгуулагдаж буй “BBC Cardiff Singer of the World 2015” олон улсын дуулаачдын тэмцээнд оролцож байгаа билээ. Тэрбээр өчигдөр тэмцээний гуравдугаар шатны ялагчаар тодорсон байна. Ингэснээр Монголын баритон хоолойтой дуулаач залуу энэ сарын 21-нд буюу ням гарагт эцсийн шатанд өрсөлдөхөөр болжээ. “BBC Cardiff Singer of the World 2015” тэмцээний финалын шатанд Монголын дуучин анх удаа шалгарч байгаа нь энэ юм.
Монгол Улсын Ерөнхий сайд Ч.Сайханбилэг Татвартай холбоотой асуудлаар УИХ-д мэдээлэл хийх үеэрээ “Татвар нэмэхгүй” хэмээн мэдэгдэж байсан ч шинэ төрлийн татварын хуулийг УИХ өнгөрсөн баасан гаригт баталлаа. Нийслэл хотын албан татвар нэртэй энэхүү хууль хэрэгжиж эхэлснээр архи, тамхины борлуулалтын үнийн дүнгээс, зочид буудал, баар, ресторан, амралтын газрын үйлчилгээнээс 0-1 хүртэл хувийн татвар авах болж байна. Өөрөөр хэлбэл, иргэд худалдан авсан архи, тамхи бүртээ, ресторанаар үйлчлүүлэх бүрийдээ татвар төлнө гэсэн үг. Татварын хувь хэмжээг Нийслэлийн ИТХ-ын хуралдаанаас тогтооно. Хууль нь батлагдсан болохоор удахгүй Нийслэлийн ИТХ хуралдаж, Нийслэл хотын албан татварын хувь хэмжээг тогтоох биз. Зарим нэг яриа ч сонсогдож эхэлсэн, Хотын “А” зэрэглэлд байрлах ресторанд 1 хүртэл хувийн татвар ногдуулж, хотоос зайдуу хэсгийг харж үзэх болов уу гэж… Гэхдээ эдийн засгийн нөхцөл байдлаа бодолцоод татвар ногдуулахгүй байх эрх ч мөн Нийслэлийн ИТХ-д бий. Яаж шийдэхийг Д.Баттулгын баг л мэднэ.