Япон, Өмнөд Солонгос улсын дипломат харилцааны 50 жилийн ой өнөөдөр тохиож байна. Хоёр орны харилцаа дэлхийн II дайны үеийн Японы эзлэн түрэмгийлэл, газар нутгийн маргаан зэрэг хүчин зүйлээс үүдэн амаргүй явж ирсэн билээ.
Ойг тохиолдуулан Сөүл, Токио дахь элчин сайдын яамдуудын арга хэмжээнд Өмнөд Солонгосын ерөнхийлөгч Пак Кын Хе, Японы ерөнхий сайд Шинзо Абе нар оролцох аж. “Хоёр орны хойч үеийхний төлөө би ерөнхийлөгч Пак Кын Хетэй дараагийн 50 жилд харилцаагаа сайжруулахын төлөө хамтран ажиллах болно” хэмээн Японы ерөнхий сайд Шинзо Абе Өмнөд Солонгосын гадаад хэргийн сайдтай уулзах үеэрээ мэдэгджээ.
Өчигдөр хоёр орны гадаад хэргийн сайд нар уулзсан юм. Энэ уулзалт нь дөрвөн жилийн хугацаан дахь анхных аж. Уулзалтаар хоёр орон батлан хамгаалах, худалдаа наймааны хамтын ажиллагааны талаар дээд түвшний уулзалт зохион байгуулахаар тохиролцсон байна. Япон, Өмнөд Солонгос улсууд 2012 оноос хойш дээр дурьдсан уулзалтыг хийгээгүй аж. Мөн Өмнөд Солонгосын ерөнхийлөгч Пак Кын Хе, Японы ерөнхий сайд Шинзо Абе нар албан тушаалаа авснаас хойш хоёр талын яриа хэлцэл хийгээгүй байгаа юм.
Шударга өрсөлдөөн хэрэглэгчийн төлөө газраас Барьцаалан зээлдүүлэх газруудын үйл ажиллагаа нь Өрсөлдөөний тухай хууль, Хэрэглэгчийн эрхийг хамгаалах тухай хууль болон холбогдох бусад хууль тогтоомжид нийцэж байгаа эсэхийг шалгаж, хяналт шалгалт хийжээ. Шалгалтад нийслэлд үйл ажиллагаа явуулж байгаа 30 гаруй барьцаалан зээлдүүлэх газрыг хамруулжээ.
Авлигатай тэмцэх газраас хууль зөрчсөн албан тушаалтнууддаа хариуцлага тооцуулах тухай албан бичгийг Архивын ерөнхий газарт илгээсэн. Энэхүү үүргийн дагуу Архивын ерөнхий газраас Үндэсний төв архивын төрийн үйлчилгээний найман албан хаагчийн албан тушаалыг түр түдгэлзүүлж, урьдчилсан мэдүүлгийг хянуулахаар болсон байна. Мөн худалдан авах ажиллагаа зохион байгуулах үед үнэлгээний хорооны гишүүдээр мэдэгдэл гаргуулах, мэдүүлгээ хожимдуулж гаргасан албан тушаалтанд зохих арга хэмжээ авах зэрэг үйл ажиллагааг зохион байгуулжээ.
УИХ дахь АН-ын бүлэг яг одоо хуралдаж байна. Тус бүлэг өнөөдөр хамтарч Засаг байгуулсан МАН-ын гэрээг хэлэлцэхээр товлоод байжээ. Гэтэл АН-ын дарга З.Энхболд хуралдаа ирээгүй улмаас энэ асуудлыг хойш тавьжээ. Эх сурвалжуудын өгч буй мэдээллээр МАН Засагт орохоор АН-тай байгуулсан гэрээгээ биелүүлээгүй учраас ийн асуудал боссон бололтой. МАН албан тушаал хуваахаас өөрөөр гэрээгээ биелүүлээгүй тул тэднийг засгаас хөөх шийдвэр гаргах тухай мэдээлэл ч Төрийн ордонд түгжээ. 
Төв шуудангаас Баруун дөрвөн зам хүртэлх замд инженерийн дэд бүтцийн шинэчлэл хийж байгаа билээ. Иймд Цэцэг төвийн уулзвараас Улсын их дэлгүүр хүртэлх замыг өчигдрөөс эхлэн хаажээ. Уг замыг ирэх долдугаар сарын 5-ны өдрийг хүртэл хааж засварын ажлыг хийх юм байна. Энэ хугацаанд 19 чиглэлийн 255 тээврийн хэрэгслийн хөдөлгөөнд өөрчлөлт орж троллейбусны гурван чиглэлийн 27 тээврийн хэрэгслийн үйлчилгээ түр зогсоно. Мөн Энхтайваны өргөн чөлөөний хөдөлгөөн хязгаарлагдах үед чиглэлүүд Баруун Сэлбийн гудамж, Цэрэндоржийн гудамж, Жуулчны гудамж, Самбуугийн гудамж, Сөүлийн гудамжаар үйлчилгээ үзүүлэх юм байна. Зам хаалттай байх хугацаанд Энхтайваны өргөн чөлөөнөөс Их дэлгүүрийн баруун хэсгээр зүүн гар тийш эргэх хөдөлгөөнийг нэг урсгалтай болголоо. Мөн Нэгдүгээр сургуулийн зүүн талын замыг урдаас хойд чиглэлд нэг урсгалтай болгон зохион байгуулжээ.
БНСУ-д тархаад байгаа коронавирусээр 165 хүн өвчилж 23 хүн нас бараад
Францын нэрт найруулагч Жан Жак Анногийн найруулсан “Чонон сүлд” уран сайхны кино өнгөрөгч хоёрдугаар сард Монгол улсад нээлтээ хийж олны хүртээл болж байсан. Монголчуудын аж амьдрал, ахуй соёлыг шингээн урласан энэ кино ОХУ-ын Москвагийн олон улсын наадмын нээлтийн киногоор шалгарсан. Тэгвэл тус кино наадам өнгөрөгч өдрүүдэд “Россия” театрт нээлтээ хийж, “Чонон сүлд” киногоор салхиа хагалсан байна. 
Хилийн 0257 дугаар ангийн хариуцсан хэсэгт алт олборлосон этгээдүүдийг илрүүлжээ. Тодруулбал Хөвсгөл аймгийн Баянзүрх сумын иргэн Д.Мөнхбаатар, Г.Баттулга, Д.Батням нарын 12 хүн гар аргаар алт олборлож байсныг хилчид илрүүлэн холбогдох хууль, хяналтын байгууллагад шилжүүлэн өгсөн байна. Мөн Хилийн 0131 дүгээр ангийн хариуцсан хэсэгт ард иргэд хилийн бүсэд нэвтрэх зөвшөөрөлгүй үйл ажиллагаа явуулж байна гэх мэдээллийг ХХТХГ ирүүлжээ.Мэдээллийн дагуу шалгалт явуулахад нэр бүхий долоон хүн хилийн бүс, зурваст нэвтрэх зөвшөөрөлгүйгээр “Этүгэн Эе” ХХК-д ажиллаж байсныг илрүүлж, Захиргааны хариуцлагын тухай хуулийн дагуу хариуцлага тооцжээ.
Нийслэлийн Засаг дарга бөгөөд Улаанбаатар хотын Захирагч Э.Бат-Үүл, Улаанбаатар хотын Захирагчийн ажлын алба, нийслэлийн Байгаль орчин ногоон хөгжлийн газар, Нийтийн үйлчилгээний Улаанбаатар нэгтгэлийн ажил хариуцсан дарга, мэргэжилтнүүд АСЕМ-2016 уулзалтын хүрээнд Наадамчдын гудамжинд хийх тохижилтын ажилтай газар дээр нь танилцлаа. Энэ үеэр холбогдох албаныхан Наадамчдын гудамжны замын голоор цэцэг тарьж, хоёр захаар нь мод, бут, сөөг суулган нүүдэлчдийн урлаг соёлын онцлогийг харуулсан уран баримал байрлуулж, зам дагуух байршлуудад уран зураг зурах төлөвлөгөө, зочид төлөөлөгчид явж өнгөрөх гүүрүүдэд усан толио хийж, гэрлээр чимэглэж, Богд уулын арын зам дагуух уулын энгэрт Монголын ёс заншил түүхийг харуулсан бүтээл урлах гэж байгаагаа танилцуулав. Зам дагуух аж ахуйн нэгжүүдэд “Эх орныхоо нүүр царайг дэлхийн бусад оронд харуулах учраас барилга байшин, орчныхоо өнгө үзэмжийг сайжруулах үүрэг өгч хамтран ажиллахыг хүссэн” гэдгээ дуулгасан юм.
Хүүхэд багачуудыг зуны амралтаа үр дүнтэй, зөв зохистой өнгөрүүлэхэд нь дэмжлэг үзүүлэх зорилгоор Нийслэлийн Засаг дарга бөгөөд Улаанбаатар хотын Захирагч Э.Бат-Үүл “Эрхийн бичгээр урамшуулах тухай” А/532 дугаар захирамж гаргасан байна. Захирамжаар зорилтот бүлгийн хүүхдүүдийг нийслэлийн ногоон бүсийн хүүхдийн зусланд амрах эрхийн бичгээр урамшуулахаар болжээ. Хүүхдүүдийг зусланд амраахад 50 сая төгрөг төсөвлөсөн аж.