Month: June 2015

“Гал үндэстэн” холбооны тэргүүн Ц.Мөнхбаяр шүүхээс 7 жилийн ял сонсож хоригдож байгаа билээ.

Тодруулбал Урт
нэртэй хуулийг хэрэгжүүлэхийг шаардан галт зэвсэг, тэсрэх бөмбөгтэй
жагсаал зохион байгуулсан хэмээн шүүх түүнийг буруутгасан ч журмын нөхөд
нь тэмцэл өрнүүлж, түүнийг буруугүй гэдгийг нотлохоор оролдож байгаа ч
өнөөдрийг хүртэл ямар нэгэн үр дүнд хүрээгүй.

Тэгвэл МУГЖ С.Жавхлан өчигдөр хамтран зүтгэгч, журмын ахаа эргэж очсон байна. Тэрбээр өөрийн дууны цомог болон цагаан идээний дээжтэй эргэжээ.

Ямартай ч
гавьяат маань зовох цагт нөхрийн чанар танигддаг гэдэг Монгол жудгыг
харуулж БНСУ-ыг зорьж МАХН-ын дарга Н.Энхбаярыг эргэсэн бол энэ удаа
хорих ангид хоригдож байгаа Ц.Мөнхбаяр ахыг эргэсэн нь олны талархалыг хүлээгээд байна.

Улаанбурхан өвчний сүүлийн хоёр долоо хоногийн харьцуулалтаар бага
зэрэг буурах хандлагатай байгааг Халдварт өвчин судлалын үндэсний төвөөс
мэдээллээ.

Монгол Улсын Хөдөлмөрийн Баатар, олимпын алтан медальт Э.Бадар-Ууган үр
шилжүүлэн суулгах эмнэлэг байгуулсан байна. Хөдөлмөрийн баатар маань
тус эмнэлэгээ “Өөжинмед” хэмээх тун өвөрмөц нэр өгчээ. Тус эмнэлэг нь
японы Kato Ladies эмнэлгийн салбар бөгөөд эмч мэргэжилтнүүдээ Kato
Ladies клиникт дадлагажуулсан юм байна. Kato Ladies клиникийн тухайд
байгалийн жирэмслэлттэй хамгийн ойр аргаар үр шилжүүлэн суулгадаг бөгөөд
одоогоор жирэмслэлтийн хувиараа дэлхийд тэргүүлдэг эмнэлэг юм.
Хөдөлмөрийн баатрын үүсгэн байгуулсан эмнэлгийн албан ёсны нээлт өнөөдөр боллоо.

Дэлхийн Универсиад их наадамд оролцохоор бэлтгэлээ базааж буй Залуучуудын шигшээ баг Үндэсний шигшээ багтай халз тоглохоор болжээ. Уг тоглолт энэ Пүрэв гарагт 18.00 цагаас Спортын төв ордонд зохион байгуулагдахаар болсон байна. Тоглолтын тасалбар 3000 төгрөгийн үнэтэй аж. Харин тоглолтоос олсон бүх орлогыг гэрт нь газ дэлбэрсний улмаас гал руу орж дүүгээ аварсан А.Цэрэнтогтох болон түүний дүү А.Амарболд нарын эмчилгээнд хандивлахаар болжээ.

“Өдрийн сонин”-ы Асуух эрхийн танхимд “Сэлэнгэпресс” ХХК-ийн номын өдөрлөг болж байна. “Сэлэнгэпресс” ХХК-ийн дэргэдэх “Номын хүрд” редакциас эрхлэн гаргадаг номын үзэсгэлэн худалдаанд “Хүүхэд залуучуудын нэвтэрхий толь”, “Монгол орны байгалийн 100 гайхамшиг”, “Зам” роман, “Монголын хүүхдийн уран зохиолын дээж”-ээс эхлэн уран зохиолын болон дэлхийн сонгодог зохиолууд дэлгэгджээ. Үзэсгэлэнд ирж 100 гаруй төрлийн номоос сонголтоо хийж, 20-30 хувийн хямдралтай үнээр худалдан авах боломжтой. Мөн таван мянган төгрөгнөөс дээш үнийн дүнд худалдан авалт хийвэл нэг ном бэлгэнд өгч байгаа аж. “Сэлэнгэпресс” ХХК аж ахуйн нэгж болон хувийн байгууллагуудтай хамтран ажиллаж үзэсгэлэнгээ дэлгэдэг бөгөөд ажилчдад нь номоо зээлээр авах боломж олгодог юм байна. Тус өдөрлөг “Өдрийн сонин”-ы Асуух эрхийн танхимд 17 цаг хүртэл үргэлжлэх аж.

“Хүүхэд залуучуудын нэвтэрхий толь” боть номыг нийтэд нь 160 мянган төгрөгөөр худалдан авах боломжийг олгоод буй юм байна. Энэ нь гадуур 65 мянган төгрөгөөр зарагдаж байгаа номыг 55 мянгаар зарж байгаа бол Александр Дюмагийн “Монто Кристо гүн” ном 20 мянган төгрөг, Майн Риагийн “Морь унасан толгойгүй хүн” ном 20 мянган төгрөгөөр зарагдаж байна.

Мөн “Монголын хүүхдийн уран зохиолын дээж” таван боть номыг 108 мянган төгрөг байснаас 98 мянган төгрөг болгож худалдан авах боломжтой. Ж.Бямба гуайн “Уянгын гурван хорвоо” номыг 28 мянган төгрөөр 20 хувь хямдруулж авч болох аж. “Цагдаагийн дууль” гурван боть номыг 25500 төгрөгөөс 20 хувь хямдруулна. Хүүхдийн цуврал номнуудаас Толстойн үлгэрүүд таван боть номыг багцаар нь арван мянган төгрөөр худалдаалж байна.

“Сэлэнгэпресс” ХХК-ийн зүгээс аж ахуйн нэгж болон хувийн байгууллагуудтай хамтран гаргасан өдөрлөгөөр номын худалдааны гүйлгээ сайн байдаг ажээ.

Жолооны үнэмлэхийн бэлдэц хэвлэдэг “Смарт солюшн” ХХК-ийн Замын цагдаагийн газартай хийсэн гэрээ дуусгавар болсноор ирэх долдугаар сар хүртэл жолооны үнэмлэхийг хэвлэх боломжгүйд хүрсэн. Ингээд жолоочийн үнэмлэхээ хаяж үрэгдүүлсэн, солиулахаар хандсан, шинээр төгссөн жолооч, ангилал ахиулсан зэрэг 6-7 мянган хүнд жолооны түр үнэмлэх олгохоор болсон юм.
Түр үнэмлэхийг жолооч нарт үнэ төлбөргүй өгсөн бөгөөд жолооч хүсэлтээ илэрхийлж, ЦЕГ-ын Лицензийн төвд өөрийн биеэр очиж авсан. Уг түр үнэмлэхийг өнгөрсөн тавдугаар сард жолооч нарт тараасан бөгөөд гурван сарын хүчинтэй юм.
Замын цагдаагийн газрын мэдээлснээр, дахин тендер зарласан байна. Тиймээс ирэх сараас жолооны үнэмлэх хэвлэгдэж эхлэх юм байна. Учир нь тендер зарлах хугацаа 45 хоног, үнэмлэхийн бэлдэц хэвлэхэд багадаа 60 хоног шаардлагатай аж.

“Эрүүл элэг” үндэсний хөтөлбөр өчигдөр нээлтээ хийлээ. Арга хэмжээнд
Эрүүл мэнд спортын сайд Г.Шийлэгдамба, Монгол Улсын Ерөнхийлөгчийн
Тамгын газрын дарга П.Цагаан, УИХ-ын гишүүн, Нийгмийн бодлого, боловсрол
шинжлэх ухааны байнгын хорооны дарга Д.Батцогт, ДЭМБ-ын Монгол дахь
суурин төлөөлөгч доктор Су Нуюнт У, Дэлхийн Хепатитын холбооны
ерөнхийлөгч Чарльз Гор нар оролцлоо.

Энэ үеэр Эрүүл мэнд спортын сайд Г.Шийлэгдамба элэгний өвчлөлийн
өнөөгийн байдлаар талаар танилцуулав. 2014 оны эрүүл мэндийн статистик
мэдээллээр хавдрын өвчлөл хүн амын нас баралтын шалтгааны хоёрдугаарт
орж, түүний дотор элэгний хорт хавдараас шалтгаалсан нас баралт тэргүүлж
байна. Тухайлбал, Монгол улсад 100.000 эрэгтэй хүн тутмын 121, 100.000
эмэгтэй хүн тутмын 87 нь элэгний анхдагч өмөн буюу хорт хавдраар өвчилж
байна. Үүнээс үзэхэд манай улсын хувьд эрэгтэйчүүдийн дундах элэгний
хорт хавдрын өвчлөл дэлхийн дундаж түвшнээс 6 дахин, эмэгтэйчүүдийн
дундах элэгний хорт хавдрын өвчлөл 13 дахин их байгаа аж.