Month: June 2015

Статистикийн үйл ажиллагааг залуучуудад ойлгуулах, энэ чиглэлээр
хийгдэж байгаа шинэлэг ажил, мэдээллийг залуучуудад түгээх, МЗХ-ны
салбар байгууллагууд, хороодыг мэдээллээр хангах зорилгоор Монголын
Залуучуудын Холбооны дэргэд Залуу Статистикчдын холбоо байгуулагдлаа.

Залуу Статистикчдын холбооны тэргүүнээр Д.Баасан (Баянгол дүүргийн
залуучуудын холбооны тэргүүлэгч) хуралд оролцсон нийт гишүүдийн 100
хувийн саналаар сонгогдсон бөгөөд нарийн бичгийн даргаар Г.Отгонбаяр,
тэргүүлэгч гишүүдээр Б.Зүмбэрэл, Э.Батзаяа, Ө.Нямжаргал, Б.Бат-Оргил,
П.Нарангарав, Д.Хулан, Б.Даваадорж нар сонгогджээ.

Агаарын хэм 39-40 хүртэл халах үед тархины булчингуудын үйл ажиллагаа
удааширдаг. 40-41 хэмд хүч тамир барагддаг бол 41-ээс дээш хэмд хүний
биеийн ажиллагаа зогсч эхэлдэг байна. Халуун химийн үйл явцад нөлөөлж,
биеийн дотор эсүүд муудаж, бие эрхтэний үйл ажиллагаа зогсох эрсдэлтэй.

Түүнчлэн арьс руу цус урсахаа больж, хүйтэн мэдрэгдэх учир бие хөлс
ялгаруулж чадахгүй болно. 40-өөс илүү хэмд дулааны цохилт үүсэх үед
мэргэжлийн эмчийн тусламж авах шаардлагатай. Хэт халалтад бага насны
хүүхэд, өндөр настан, даралт ихэсдэг болон зүрх судасны өвчтэй хүмүүс
өртөх магадлал өндөр байдаг.

Урьдчилан сэргийлэх:

• Шаардлагагүй тохиолдолд наранд бага явах
• Нарны шил, малгайг тогтмол хэрэглэх
• Гар, хөл, хүзүүгээ наранд ил гаргахгүй байж, урт ханцуйтаа хувцас өмсөх
• Наранд удаан хугацаагаар гарах бол битүү хувцас өмсөж, толгойгоо ойр ойрхон норгох эсвэл нойтон алчуур тавих
• Олон төрлийн шингэнийг ойр ойрхон хэрэглэх /буцалсан ус, хөргөөсөн цай, хярам, жүүс/
• Хэт хүйтэн ус, зайрмаг зэрэг нь хоолой өвдөх нөхцлийг бүрдүүлдэг учир халуун өдөр хэрэглэхээс татгалзах

Хэт халуун үед авах арга хэмжээ:

• Биеийн хэмийг бууруулахын тулд чийгтэй хувцас өмсөх
• Гараа хүйтэн усанд байлгах
• Сэнсээ цонхны хажууд байрлуулах аваас илүү сэрүүн агаараар үлээнэ
• Сул чөлөөтэй хувцас өмсөх
• Хүйтэн биш бүлээн шүршүүрт орох
• Гэртээ чийгтэй, сэрүүн орчин бүрдүүлэх
• Шим тэжээлтэй хоол унд идэх
• Хүндэрсэн тохиолдолд нэн даруй эмчид хандах шаардлагатай.

Говь-Алтай аймагт хур тунадас их хэмжээгээр орсны улмаас гүүр нуржээ. Тодруулбал ойролцоох Ховд аймгийн Дарви сумын Евийн гүүр нурж хот хоорондын зорчигч тээврийн автобусууд саатсан байна. Ховдоос ирж байсан гурав, Баян-Өлгий аймгаас ирж байсан хоёр автобус саатаад байгаа аж. Иймээс яаралтай арга хэмжээ авч саатсан автобусны зорчигчдыг төв суурин газар хонуулахыг шийдвэрлэж өгөхийг хүссэн байна. Тус аймгийн онцгой байдлын албан хаагчдын хэлж буйгаар олон хоног үргэлжлэн орсон борооны улмаас нурсан гүүрийг засварлахад багагүй хугацаа шаардлагатай байгаа аж.

Монгол Улсад зохион
байгуулагдаж буй “Khaan Quest” олон улсын цэргийн сургуулилт өнгөрсөн
долоо хоногт эхэлсэн билээ. Тус сургуулилтад БНХАУ-ын Ардын армийн
цэргүүд анх удаа оролцож байна хэмээн “Синьхуа” агентлаг мэдээллээ.

Монгол, АНУ, БНХАУ, Франц, Япон тэргүүтэй 23 улсын 1200 цэрэг хээрийн
сургуулилтад оролцож байгаа юм. Монгол Улсад суугаа БНХАУ-ын Элчин
сайдын яамны Цэргийн атташегийн мэдээлснээр 2003 оноос хойш зохион
байгуулагдаж буй “Khaan Quest” цэргийн сургуулилтад Хятад улс анх удаа
цэргүүдээ илгээсэн нь энэ аж. Монгол болон АНУ-ын холбогдох албаныхан
БНХАУ-ыг цэргийн сургуулилтад анх удаа оролцож байгааг цохон
тэмдэглэжээ.

Олон улсын энхийг сахиулах, дэмжих зорилготой тус сургуулилт ирэх сарын
1-нд өндөрлөнө.

Ирэх баасан гаригт буюу зургадугаар сарын 26-д 18.00 цагт Үндэсний соёл
амралтын хүрээлэнд “Sunset” партиг зохион байгуулах гэж байна. Энэ жил
11 дэх жилдээ болох гэж буй уг наадам Монгол улсад “EDM” буюу элекроник
бүжгийн хөгжим үүсч хөгжсөний 15 жилийн тэмдэглэлт ойг тохиолдуулан
болж байна.

Энэ удаагийн үдэшлэгийг Нийслэлийн соёл урлагын газар, “Summer events”, “EMDC” хамтран зохион байгуулах юм.

“SUNSET 2015” парти нь Монголд электроник хөгжим, клуб соёл хөгжихөд
үнэлж баршгүй хувь нэмэр оруулсан болон оруулж буй шилдэг продюсэр DJ
нарын уран бүтээл, сетүүдээрээ залуусыг доргион “Emdc” нь “Creative”
тайз технологуудыг нэвтрүүлэн оролцох нь ээ.

Дөнгөж саяхан буюу 12.30 цагийн орчимд Сонгино хайрхан дүүрэг, Драгон төвийн ард баригдаж байгаа барилгын хажуу талын зам цөмөрч, буудай тээвэрлэн явсан ачааны машин унаж, осолджээ. Одоогоор Сонгино хайрхан дүүргийн замын цагдаа нар ослын газарт ажиллаж байна. Бид ослын шалтгааныг тодруулахаар ажиллаж байгаа тухай Улаанбаатар хотын Замын цагдаагийн газрын урьдчилан сэргийлэх хэлтсийн ахлах мэргэжилтэн Х.Одбаяр мэдээллээ.

Төв шуудангаас Баруун дөрвөн зам хүртэлх
замд инженерийн дэд бүтцийн шинэчлэл хийж байгаатай холбоотойгоор Цэцэг
төвийн уулзвараас Улсын их дэлгүүр хүртэл замыг энэ сарын 21-нээс эхлэн
хаасан.

Энэхүү замыг ирэх долдугаар сарын 05-ны өдрийг хүртэл хааж засварын ажлыг хийнэ.

Энэ хугацаанд 19 чиглэлийн 255 тээврийн
хэрэгслийн хөдөлгөөнд өөрчлөлт орж троллейбусны гурван чиглэлийн 27
тээврийн хэрэгслийн үйлчилгээ түр зогсоно.

Мөн Энхтайваны өргөн чөлөөний хөдөлгөөн
хязгаарлагдах үед чиглэлүүд Баруун сэлбийн гудамж, Цэрэндоржийн гудамж,
Жуулчны гудамж, Самбуугийн гудамж, Сөүлийн гудамжаар үйлчилгээ үзүүлэх
юм байна.

Зам хаалттай байх хугацаанд:Энхтайваны
өргөн чөлөөнөөс Их дэлгүүрийн баруун хэсгээр зүүн гар тийш эргэх
хөдөлгөөнийг нэг урсгалтай болгоно. Нэгдүгээр сургуулийн зүүн талын
замыг урдаас хойд чиглэлд нэг урсгалтай болгон зохион байгуулна.

Улиастайгаас Гачуурт чиглэлийн 11 км авто
замыг өргөтгөж, шинэчилэхээр болсон. Мөн нэг метрийн диаметртэй төмөр
бетон дугуй хоолойг солино. Зургадугаар сарын 13-ны 08 цагаас
зургадугаар сарын 29-ны 07 цаг хүртэл энэ чиглэлийн замыг хэсэгчлэн
хааж байгаа. Авто заам хаасан үед тээврийн хэрэгслийг түр замаар
хөдөлгөөнд оролцуулж байна.

Дамбадаржаагийн уулзвараас Шаргаморьт,
Хандгайт чиглэлийн авто замын өргөтгөл шинэчлэлтийн ажлын хүрээнд 06
дугаар сарын 10-наас 07 дугаар сарын 08-нийг хүртэл Дамбадаржаагийн
уулзвараас Шадивлангийн шинэ уулзвар хүртэлх хэсэгт авто замын
хөдөлгөөнийг хааж хиймэл байгууламжийн ажил хийгдэж байна.

Иймд хотын төвөөс хойд чиглэлийн зуслан,
зуслангаас хотын төв чиглэлд зорчих иргэд Сэлбэ голын зүүн эрэг дагуух
Шадивлангийн авто замыг сонгож зорчих боломжтой.