Аргын тооллын зургадугаар сарын 24. Буд гариг, Билгийн тооллын 8. Харцага одтой, цагаагчин хонь өдөр. Өдрийн наран 05.04 цагт мандан, 20.57 цагт жаргана. Тухайн өдөр гахай, туулай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтөй тул элдэв үйлд хянамгай ханд. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба хишиг даллага дуудах, мал худалдан авах, сахил санваар авах, хануур, төөнүүр хийлгэх, хийморийн дарцаг хатгахад сайн. Эрдэнийг гадагш өгөх, уул овоо тахихад муу.
Өдрийн сайн цаг нь бар, туулай, могой, бич, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулбал нас уртасна.
“Өдрийн сонин”-ы лхагва гаригийн дугаар хэвлэгдэн, захиалагчдадаа хүрлээ. Энэ дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.
Сүхбаатар дүүргийн наймдугаар хорооны нутаг дэвсгэрт байрлах хуучин бөмбөгөр ногоон театр 22.00 цагийн үед шатаж эхэлжээ. Гал унтраах гурван анги ирж газар дээр нь ажиллаж байгаа ч 22.50 цагийн үед бүрэн унтраагүй байв. Эргэн тойронд цагдаагийн хамгаалалт гарч, ойр орчимд байгаа иргэдийг галын утаанаас хол байхыг сануулж байв. Одоогоор галын дүгнэлт гараагүй байна. 
Өнөөдрийн Улсын Их Хурлын Байгаль орчин,
Ховд, Говь-Алтай, Баянхонгор аймгуудад хүчтэй үер буужээ. Үерийн улмаас баруун аймгууд руу зорчдог Ховд аймгийн Дарви суман дахь Эвийн гүүр нурсан байна. Мөн Баянхонгор аймгийн Баянговь суманд өнгөрсөн 21-ний өдөр хүчтэй аянга бууж 600 гаруй бог, 30 гаруй бод мал хорогджээ. Аймгийн онцгой комиссоос ажлын хэсэг гарч, үхсэн малын сэг зэмийг устгахаар ажиллаж байгаа гэнэ. 
Санхүүгийн боловсролыг дэмжигч Голомт банкны хамт олон иргэд харилцагчдынхаа санхүүгийн мэдлэгийг дээшлүүлэх зорилгоор 
