Монгол –Хятадын Мах махан бүтээгдэхүүн үйлдвэрлэгч, борлуулагч аж ахуйн нэгжүүдийн уулзалт, үзэсгэлэн БНХАУ-ын Бээжин дахь Монгол Улсын Элчин сайдын яамны байранд болж байгаа аж.
Тус уулзалтад Монгол Улсаас БНХАУ-д суугаа Элчин сайд Ц.Сүхбаатар, ХХАА-н Дэд сайд Б.Батзориг, БНХАУ-ын ХААЯ-ны төлөөлөгчид, Монголын махны холбоо, Монголоос Хятад руу мах нийлүүлэх аж ахуйн нэгжээр шалгарсан компаниудын төлөөлөл болох “Монгол Эко Мах” ХХК тус тус оролцож байна. Энэ үеэр мах махан бүтээгдэхүүний амталгаат үзэсгэлэн, хоёр удсын аж ахуйн нэгжүүдийн бизнес уулзалтууд болох юм байна.
40 гаруй сая малтай манай улс мах, махан бүтээгдэхүүндээ нэмүү өртэг шингээн экспортод гаргахын тулд хоёр хөрш болоод Япон улсад хүсэлтээ удаа дараа илэрхийлж байсан аж. Манай улс өнгөрсөн онд БНХАУ-д дулааны аргаар боловсруулсан үхэр, хонь, ямааны мах, махан бүтээгдэхүүн экспортлох хүсэлтээ илэрхийлсэн байна.
БНХАУ-ын махны хэрэглээ жилээс жилд өсөн нэмэгдэж байгаа бөгөөд Хятадын Үндэсний хөгжил шинэтгэлийн хорооноос гаргасан тайлангаас үзвэл, хонины махны хэрэглээний нэг хүнд ноогдох хэмжээ нь 2002 онд 2,47 кг, 2010 онд 3,01 кг, 2015 онд 3,23 кг болсон байна. Хонины махны импорт нь 2011 онд 82,7 мян.тн, 2012 онд 123,7 мян.тн, 2013 онд 254,0 мян.тн болж өсч байгаа аж.
Тиймээс манай улсаас илгээсэн хүсэлтийн дагуу 2014 онд БНХАУ-ын Чанарын хяналт шалгалт, хорио цээрийн ерөнхий газрын Гэрчилгээ, бүртгэлжүүлэлтийн газраас мэргэжилтнүүд ирж мах нядалгааны болон боловсруулах үйлдвэрүүдэд тандалт судалгаа, эрсдлийн үнэлгээ хийсэн юм.
Тухайн үед эрсдлийн үнэлгээгээр тэнцсэн боловч зарим нэг шаардлагыг хангаагүй үйлдвэрүүдийн дутагдлыг МХЕГ-ын хяналтан дор засаж залруулан, өнгөрсөн сард Хятадын талд аж ахуй нэгжүүдийнхээ мэдээллийг хүргүүлсэн. Үүний дагуу Хятадын Гэрчилгээ бүртгэлжүүлэлтийн газраас доорх аж ахуйн нэгжүүдэд мах экспортлох зөвшөөрөл олгосон байна. Тодруулбал,
- Дулааны аргаар боловсруулсан 20 орчим төрлийн үхэр хонины мах, махан бүтээгдэхүүнийг БНХАУ-д экспортлох зөвшөөрлийг “Мах маркет”, “Монгол эко мах” ХХК-ууд,
- Үхэр, хонины махны нядалгааны үйлдвэрийн зөвшөөрлийг “Мах маркет”, “Грийн грэйс лэнд”, “Монгол эко мах”, “Дархан меат фүүд” гэсэн дөрвөн компанид олгосон ба эдгээр аж ахуйн нэгжүүд нь дулааны аргаар боловсруулах үйлдвэрүүдийг түүхий эдээр хангах
- Адууны махны боловсруулах үйлдвэрийн хувьд “Хаан хүнс” ХХК-ийн адууны махан хөлдөөсөн бууз, банш экспортлох,
- Адууны махны нядалгааны үйлдвэрийн хувьд “Монгол эко мах”, “Дархан меат фүүд” ХХК-ууд адууны хөлдүү гулууз махыг экспортлох зөвшөөрлийг тус тус авсан юм байна.
Баруун Африк болон Европын хэд хэдэн улсад бүртгэгдсэн Эбола вирусээр нийтдээ 10.602 хүн амиа алдаж, 25.556 хүн халдвар аваад байна. Тус вирусын тархалтыг зогсоох үүднээс Их Британи, АНУ-ын эмч нар өнгөрсөн оноос эхлэн “TKM-Ebola” бэлдмэлийг гаргаж авахаар ажилласан юм. Энэхүү бэлдмэлийг эболагийн халдвар авсан сармагчинд 28 хоногийн туршихад бүрэн эдгэрсэн тухай ДЭМБ-ын ерөнхий захирал Маргерат Чан мэдээллээ. 
Монгол Улсын Ерөнхийлөгч Ц.Элбэгдорж Дорнод, Хэнтий, Сүхбаатар аймагт ажиллахаар өнөө өглөө мордлоо. Тэрбээр энэ долоо хоногийг дуустал зүүн гурван аймагт ажиллах юм.
ЮНЕСКО-гоос энэ өдрийг зохиолч, хэвлэн нийтлэгчдэд хүндэтгэл үзүүлэх, нийт хүмүүс, ялангуяа залуучуудын дунд ном уншихыг сурталчлах, нийтийн уншлагыг дэмжих өдөр болгон тэмдэглэдэг юм байна.
Баянгол дүүргийн 15 дугаар хорооны нутаг дэвсгэрт буюу III хорооллын “Ачлал” их дэлгүүрийн ард байрлах 16 дугаар байранд цууралт өгч, байшин нурах магадлалтай болоод байна. Тиймээс өчигдөр оройноос эхлэн цагдаагийн байгууллага, онцгой байдлын алба тус байрыг хамгаалалтад авч, оршин суугчдыг нүүлгэн шилжүүллээ. Тус байртай хэт ойрхон зайтай барилга барихаар нүх ухсанаас үүдэн ийнхүү орон сууцны барилгад цууралт өгч, хөрс суларсан байх магадлалтай гэж урьдчилсан байдлаар дүгнээд буй юм байна. Тус орон сууцанд 200 гаруй айл өрх оршин суудаг бөгөөд айлуудыг өчигдөр орой гэхэд бүрэн нүүлгэн шилжүүлж, “Эрхэс”, “247” болон бусад зочид буудалд байрлуулжээ. 
Ирэх таван жилд 1000 оюутныг БНХАУ-ын их дээд сургуулийн бакалавр, магистр, докторын хөтөлбөрүүдэдтусгай тэтгэлгээр суралцуулахаар боллоо. Монгол Улсын БСШУЯ болонБНХАУ-ынБоловсролын яам хооронд байгуулах “Монгол, Хятадын Солилцооны тусгай тэтгэлэгт хөтөлбөр хэрэгжүүлэхэд хамтарч ажиллахтухайсанамж бичигт өчигдөр гарын үсэг зурлаа. БНХАУ-ын Боловсролын яамыг төлөөлж, БНХАУ-аасМонгол Улсад суугаа Онц бөгөөд бүрэн эрхт Элчин сайд Ван Шаолун гарын үсэг зурсан юм. Тэрбээр ярихдаа “Тусгай тэтгэлэгт жил бүр 140 магистр, 40 доктор, 20 бакалавр хамрагдана. Мэргэжлийн хувьд Монгол Улсын нийгэм, эдийн засгийн хөгжилд чухал хэрэгцээтэй хөдөө аж ахуй, мал аж ахуй, геологи, боловсрол, соёл урлаг гэх зэрэг арван чиглэл багтаж байна. Мэргэжлийнчиглэлийг Монголын талын хүсэлтээр харилцан ярилцаж өөрчилж болно” гэв.
УИХ дахь АН-ын бүлгийн хуралдааны үеэр“Л.Гансүхийг хуруугаа тайруулчихаад Я.Батсуурийг шоронд орчихоод байхадбид юу ч дуугарахгүй байна” гэсэн утгатай яриа өрнөжээ. Л.Гансүх шоронд байхдаа гадагшаа шинжилгээ өгөхийн тулд аргагүйн эрхэнд хөлийнхөө хурууг тайруулж явуулсан нь ердөө саяхны явдал. АТГ-ын шийдвэрээр шоронд хоригдож буй Я.Батсуурийн бие тааруу сураг дуулдажбайгаа. АН гэсэн нэг нэрийн дор нэгдэж, намаа сонгуульд ялахад нь хөлс, хүчээ зориулж зүтгэсэн хоёр гишүүнээ нам нь өмөөрч дуугарсан анхны тохиолдол энэ болж байна. Гэхдээ энэ удаагийн явдлыг АН-ын зүгээсгишүүддээ анхаарал хандууллаа гэж шууд дүгнэхаргагүй. Нэг өрөвч нөхөр л бусдадаа учирласан хэрэг. Нэг нь хуруугаа тайруулж, нөгөө нь эмнэлгийн орон дээр хэвтэж байгаа учраас өрөвдөө биз. Хэвлэл мэдээллээр бол аль дээрээс шуугисан сэдэв л дээ. АН гишүүддээ жудаггүй, хөндий, байж боломгүйгээрхандаж байна гэж өчнөөн л шүүмжилсэн.