“Шинэ үе” продакшны жүжигчин Д.Оюунтуул өнгөрсөн жил болсон дуулиант хэргээс үүдэн биеийн байдал нь сайнгүй байж, эмчилгээ хийлгэн нэлээд хугацаанд чимээгүй байсан билээ.
Тэгвэл тэрбээр дэлгэцийн шинэхэн уран бүтээл болох “Хуримын сюрприз” хэмээх кинонд жүжигчин Г.Золбоот, Э.Ууганбаяр, О.Золзаяа, Л.Сөрөлт нартай хамтран тоглож байгаа юм байна.
Гэхдээ тэрбээр “Шинэ үе” хамтлагаас өрх тусгаарласан бөгөөд чөлөөт уран бүтээлч болохоор шийдсэн гэнэ.
Тэрбээр өөрийн дотны найз нөхөддөө “Шинэ үе”-д эргэн орохгүй, ямар нүүрээрээ юу ч болоогүй юм шиг тайзан дээр тоглоод явж байх вэ дээ, телевизийн шоу, нэвтрүүлгийн ажил ч хийдэг юм бил үү” хэмээн ярьжээ.
УИХ-ын дарга З.Энхболдод өнөөдөр Монгол Улсын Засгийн газрын Хэрэг эрхлэх газрын дарга С.Баярцогт “Таван толгойн нүүрсний ордыг хөгжүүлэх талаар авах арга хэмжээний тухай” Улсын Их Хурлын тогтоолын төсөл өргөн барилаа. Улсын Их Хурлаас 2014 онд 34 дүгээр тогтоол баталж “Эдийн засгийн идэвхжлийг нэмэгдүүлэх арга хэмжээний чиглэл”-ийг Засгийн газарт өгсөн бөгөөд уг чиглэлийн 1.4-т “Төрөөс эрдэс баялгийн салбарт баримтлах бодлого, Тавантолгойн ордын талаар Улсын Их Хурлаас баталсан шийдвэрүүдийн хэрэгжилтийг хангах хүрээнд Тавантолгойн орд газраас олборлож байгаа бүтээгдэхүүний өрсөлдөх чадварыг сайжруулан, нэмүү өртөг шингээж, экспортын нэг цонхны бодлогын хүрээнд олон улсын зах зээлд борлуулах, уг зорилгоор орд газрыг иж бүрэн хөгжүүлэхэд шаардлагатай дэд бүтцийн асуудлыг эдийн засгийн үр ашигтай, улсын төсөвт нэмэлт ачаалал үүсгэхгүй байх хувилбараар гадаад, дотоодын хөрөнгө оруулагчдын оролцоог хангах зарчмаар цогцоор нь шийдвэрлэх”-ээр тусгажээ.Мөн чиглэлийн 1.6-д “Тавантолгой–Гашуунсухайтын төмөр зам болон тээврийн бусад дэд бүтцийг төр, хувийн хэвшлийн түншлэлийн зарчмаар барьж байгуулах”-аар, Улсын Их Хурлын 2014 оны 07 дугаар сарын 01-ны өдрийн 53 дугаар тогтоолоор баталсан Монгол Улсын эдийн засаг, нийгмийг 2015 онд хөгжүүлэх үндсэн чиглэлийн 8.1-д “Ухаа худаг-Гашуунсухайт” чиглэлийн төмөр замын суурь бүтцийг төсвийн бус эх үүсвэр, концессоор байгуулахаар тус тус заасан байна.
Баян-Өлгий аймгийн Сагсай сумын нутаг дахь Даян нуурт цутгадаг голын монгол хадран загас бөөнөер хорогдсон тухай хэвлэл мэдээллээр цацагдсан. Баян-Өлгий аймгийн Байгаль орчны газар, Мэргэжлийн хяналтын газрынхан энэ асуудлыг шинжилж, тогтоожээ. Даян нуур болон түүнд цутгадаг голын ус, эргэн тойрны хөрс, ургамлыг шинжлэхэд ямар нэгэн хортой зүйл олдоогүй байна. Тиймээс голын нэг хэсэг нь өвөл ёроолдоо хүртэл хөлдсөн, тэр үед тэнд байсан загас хүчилтөрөгчийн дутагдалд орж, хөлдөж үхжээ дүгнэхэд хүргэсэн байна.
Өнгөрсөн шөнө Европын хөлбөмбөгийн холбооны “Аваргуудын лиг” –ийн шөвгийн найман багийн тоглолт явагдаж дууслаа. Өчигдөр шөнө явагдсан тоглолтод Реал Мадрид өрсөлдөгч атлетико Мадридыг талбай дээрээ хүлээн авч, 1:0-ийн харьцаагаар хожиж хагас шигшээд шалгарлаа.
Их Британийн угсаа залгамжлах ханхүү Уильямын гэргий, гүнж Кейт Миддлтон энэ сарын сүүлээр амаржиж, хоёр дахь хүүхдээ өлгийдөн авах билээ. Тэгвэл гүнжтэн охин хүүхэд төрүүлэхээр болсон гэж “www.dailymail.co.uk” мэдээллээ. Гүнжийн ээж Кароле Миддлтон твиттертээ “Охин, охин” хэмээн жиргэж, даашинзтай охины зургийг байршуулсан байна. Түүний ийнхүү жиргэсэн шалтгааныг тодруулахад “Кейт охинтой болно. Гоо сайхны жинхэнэ төлөөлөл, үзэсгэлэнтэй гүнж болно гэдэгт итгэлтэй байна” гэж хэлжээ. Харин Кейтийн дүү Пиппа Миддлтон “Сайн мэдэхгүй байна. Эгч минь охинтой болохыг хүсч байгаа. Би ч гэсэн” гэсэн байна. 
Нийслэлийн мэргэжлийн хяналтын газраас нийслэлийн нутаг дэвсгэрт хууль бус ан агнууртай тэмцэх, урьдчилан сэргийлэх чиглэлээр хяналт шалгалт хийж байна. Уг хяналт шалгалттай холбогдуулан иргэд, аж ахуйн нэгж, байгууллагуудад сэрэмжлүүлэг хүргүүлжээ. 
Угааж үйлдвэрийн аргаар боловсруулсан ноосыг эрүүл, эко амьдралыг эрхэмлэгч улс орнууд барилгын дулаалгадаа ашигладаг болоод байгаа. Үүнээс гадна дуу чимээг тусгаарладаг, дотор агаарын чийгшил зохицуулдаг зэрэг олон давуу талтай ажээ. Тэгвэл манай улсад Европын холбооны санхүүжилтээр Чехийн “Пипл ин Нийд” байгууллага“Хонины ноосоор барилгын дулаалгын материал хийж ашиглах хангамжийн сүлжээг бэхжүүлэх” төслийг хэрэгжүүлж байгаа юм байна. Уг төслийн менежер А.Амгалантай ярилцлаа. 
-Хонины ноосоор хийсэн барилгын дулаалгын материал нь уламжлалт эсгийтэй төстэй юу. Ерөнхийдөө эсгийнээс шивтэр үнэртээд байдаг тал бий?
Йемений Ерөнхийлөгч Абулла аль Мансур Хадигийн хүсэлтийн дагуу Саудын Араб тэргүүтэй холбоотон орнууд тус улсад агаар болон хуурай замаар цохилт өгч, шийт шашны “Хоути” бүлэглэлийн гол гол хуаранг устгасан билээ. 28 хоногийн турш үргэлжилсэн цэргийн ажиллагааны улмаас нийтдээ 750 гаруй хүн амиа алдаж, 30 мянга гаруй хүн эх орноосоо дүрвэсэн гэдгийг НҮБ-ын Аюулгүй зөвлөлөөс мэдэгдэж, Саудын Арабыг агаараас цохилт өгөхөө зогсоохыг шаардсан юм. Йемений иргэд болон олон улсын шахалтын дагуу Саудын Араб агаарын цохилтоо зогсоож, энх тайвны аргаар тус улсад тусламж үзүүлэхээр болжээ. Тус улсын цэргийн эвслийн төлөөлөгч, бригадын генерал Ахмед аль Асири “2015 оны дөрөвдүгээр сарын 22-ны 00.00 цагаас эхлэн Йемен дэх цохилтоо зогсоож байна. Тун удахгүй тусламжийн цуваа Йеменийг чиглэх болно” гэж мэдэгджээ. 
Нэг сонгуулийн мөчлөг дуусаад “Дараагийн наадам хол байна даа, хол байна” гэж байдаг ч дараагийн дөрвөн жил нь нэг мэдэхэд ирчихдэг. Тэр л зарчмаар эдийн засгийн хямрал, тэр нам, энэ нам гэж ярьсаар байтал сонгууль хаяанд ирлээ. Улс төрийн намууд ч сонгуулийн ажлаа хэдийнэ эхэлчихжээ. Зарим нь бүр тойргуудаа эхний байдлаар хуваарилж аваад ажилдаа орсон гэх. Нөгөөдүүл нь ч мөлхөө аргаараа мөлхөөд эхэлнэ ээ гэсээр хөдөө орон нутагт хэдийнэ ажилдаа оржээ. Харин эрх баригч намын хувьд яах нь тодорхойгүй бүрхэг байгаа талаар дуулдах. Сонгуулийн буухиагаа эхлүүлж байгаа намуудын талаар, хэн аль тойрогт санаатай бэлдэж байгаа талаар эхний хувилбаруудыг хүргэж байна. Мэдээж сонгуулийн тухай хуулинд хэрхэн өөрчлөлт оруулах, тойргуудыг жижигсгэх эсэхээс шалтгаалаад өөрчлөлт орох ч УИХ-д нэр дэвшигчид тодрохоос жилийн өмнөх байдлаар дараахь нэрс сонстож байна. 
Нийслэлийн Баянзүрх дүүргийн наймдугаар хорооны нутаг дэвсгэрт байрлах 92 дугаар сургуулийн хашаанд өнгөрөгч шөнө чоно явж байсныг устгажээ. Энэ тухай дуудлагыг иргэн А өнгөрөгч шөнө 02:35 цагт цагдаагийн байгууллагад өгснөөр дүүргийн цагдаагийн хэлтсээс шалгалт явуулжээ. Сургуулийн хашаанд явж байсан чоныг хот тохижилтын анчнаар устгуулан, Онцгой байдлын хэлтэст хүргүүлжээ.