“Өдрийн сонин”-ы бямба гаригийн дугаар 12 нүүрээр хэвлэгдэн уншигчдынхаа гарт хүрлээ. Энэ өдрийн дугаарт гарсан нийтлэл, сурвалжлага, ярилцлагаас онцолж, тоймлон хүргэе.
УИХ-аар Казиногийн тухай хуулийг батлахаар хэлэлцэж байгаа яг энэ үед нэгэн сонирхолтой материал “Өдрийн сонин”-д гарлаа. Энэ бол Монголын анхны казиногийн ангийнхны тухай юм. Бямба гариг бүр хүргэдэг “Нэг ангийнхан” буланд маань 19 жилийн өмнө казиногийн анги төгсч байсан мэргэжлийн диллерүүд, казиногийн мэргэжилтнүүдийн тухай юм. Сонины нэг болон зургадугаар нүүрээс тэдний тухай дэлгэрэнгүй уншина уу.
Мөн УИХ-ын гишүүн Л.Эрдэнэчимэг “Монос”-ын эзний хувиар эмэнд хордсон хүүхдүүдийн ар гэрийнхэнтэй өчигдөр уулзсан юм. Ар гэрийнхэнтэй уулзах үеэр Л.Эрдэнэчимэг гишүүн “Сурвалжлагч асуухаар нь балмагдсандаа худлаа хэлчихсэн” гэжээ. Хүүхдүүдийн ар гэрийнхний төлөөлөл болсон аав ээжүүд, өмгөөлөгчид хүүхдүүд эмэнд хордсон энэ хэргийн тухай юу гэж ярьсныг нэг, долдугаар нүүрт нийтэллээ.
Түүнчлэн “Хан Ресурс”-ын гүйцэтгэх захирал өвчний улмаас Монголд нас барсан талаар цагдаагийн газраас өгсөн мэдээллийг нэгдүгээрт нүүрт хэвлэсэн бөгөөд өнгөрч буй энэ долоо хоногт гарсан гэмт хэргийн тойм мэдээллийг ч энэ өдрийн дугаарт гаргалаа.
“Өдрийн сонин”-ы нийтлэлийн бодлогыг тодорхойлж байдаг гуравдугаар нүүрт “Өдрийн сонинд цонхоо нээх заяа байна уу” хэмээх гарчигтай нийтлэл хэвлэгдэв. Манай сонины сэтгүүлч, сурвалжлагч, ажилчдын эрүүл аюулгүй орчинд ажиллах эрх зөрчигдөөд удаж байна. Учир нь сонины байрнаас ердөө наймхан метрийн зайд “Астра буйлдинг” гэх 17 давхар барилга баригдсанаас болж, байгалийн гэрэл харах, нар үзэх эрхгүй болсон юм. Энэ асуудлыг НМХГ-т шийдэж өгөхийг хүсч маш олон удаа хандсан боловч өдий болтол ямар ч шийдвэр гаргаагүй байна. Сэтгүүлч бидний эрхийг зөрчсөн уг асуудлыг гуравдугаарт нүүртээ онцолж байна.
Харин улс төрийн мэдээллийн нүүрт өчигдөр үдээс өмнө болсон УИХ-ын чуулганы сурвалжлага, бусад үйл явдлын мэдээлэл гарлаа. Мөн “Өдрийн зочин” буландаа баялаг бүтээгчдийн нэг Ж.Батмөнх эрхмийг урьж оролцуулав. Эдгээр болон өчигдөр болсон үйл явдлын мэдээлэл, “Өд, бэх”, гадаад мэдээ, цаг агаар, зурхай, “Ном ярьж өгье”, “Таны гал тогоонд”, “Амрах агшин” зэрэг тогтмол булангуудаа хүлээн авна уу.
Дашрамд дуулгахад “Өдрийн сонин”-ы хоёрдугаар улирлын нэмэлт захиалга явагдаж байна. Манай сониныг захиалахыг хүсвэл 9911-2954, 8811-1375 дугаарт холбогдож захиалгаа өгөөрэй. Мөн цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
Эрхэм уншигч та, манай сонинг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлана уу.
“Өдрийн сонин” өглөө бүрийн ургах нарнаар тантай хамт.
Швейцарийн Ньон хотод зохиогдсон Аваргуудын лигийн хагас шигшээгийн сугалаа хөлбөмбөгийн балиашигуудад асар их сонирхол татахуйц хоёр хос тоглолтыг “бэлэглэлээ”.
Иргэд, аж ахуйн нэгжүүд эзэмшил газартаа дур мэдэн гүний худаг гаргахгүй байхыг анхааруулж байна
Өнөөдрийн байдлаар улсын хэмжээнд мал төллөлт 61.5 хувьтай явна. Нийт 13 сая 212 мянган мал төллөж, 12 сая 988 мянган төл буюу 27.6 мянган ботго, 141 мянган унага, 393 мянга орчим тугал, 6 сая 700 мянган хурга, 5 сая 800 мянга орчим ишиг хүлээн аваад байна. Мал төллөлт өмнөх долоон хоногоос 1.6 саяар нэмэгдэж, төл бойжилт 98.5 хувьтай байгаа юм.
УИХ-ын үдээс өмнөх чуулганаар Тэтгэврийн даатгалын шимтгэлийн нэрийн дансны тухай хуульд нэмэлт оруулах тухай хуулийн төслийн хэлэлцэх нь зүйтэй гэж үзлээ. Энэ талаарх хууль санаачлагчийн илтгэлийг Хүн амын хөгжил, нийгмийн хамгааллын сайд С.Эрдэнэ, Нийгмийн бодлого, боловсрол, соёл, шинжлэх ухааны байнгын хорооны санал, дүгнэлтийг Улсын Их Хурлын гишүүн Д.Хаянхярваа нар танилцуулсан юм.
НИТХ-ын Тэргүүлэгчдийн ээлжит хуралдаан болж, “Орон сууцны урьдчилгаа төлбөрийн дэмжлэг авах төрийн албан хаагчийг сонгон шалгаруулахад баримтлах нийтлэг журам”, Гэр хорооллын газрыг шинэчлэн зохион байгуулах үйл ажиллагааны Төслийн удирдах хорооны бүрэлдэхүүн, дүрэм, Богдхан уулын дархан цаазат газрын Чандманийн аманд “Цэцгэн эрхэт Ловон бурханы цогцолбор хөшөө” байгуулах тухай асуудлыг хэлэлцэн баталлаа.
Их тэнгэрийн амны ойролцоо байрлах бөөгийн отог бүхий тахилгатай газар бөө нар ихээр очиж бөөлдөг байна. Өнөөдөр 15 цагийн орчимд тус газар бөө бөөлөхөөр түүдэг асаасан байсан нь гал алджээ. Азаар Онцгой байдлынхан ойрхон байсан учир галыг газар авахаас нь өмнө унтраасан байна. Ард иргэдийг хуурайшилттай энэ үед гал түймрийн аюулаас сэргийлж түүдэг гал асаахгүй байх, тамхи, шүдэнзнийхээ галыг ил хаяхгүй байхыг албаныхан сануулжээ.
Аугаа их Эх орны ялалтын 70 жилийн ойг тохиолдуулан монгол цэргүүд ОХУ-ын Москва хотын Улаан талбайд, монгол хүүхдүүд ОХУ-ын Ангарск хотод ялалтын парад алхах гэж байна.
Монгол Улсын Хууль зүйн яамны харьяа агентлаг болох Цагдаа, Хил хамгаалах, Шүүхийн шийдвэр гүйцэтгэл, Шүүх шинжилгээний үндэсний хүрээлэн болон Онцгой байдлын байгууллагын албан хаагчдыг бэлтгэдэг Хууль сахиулахын их сургуулийн 2014-2015 оны төгсөгчдийн “Мөнгөн хонхны” баяр өнөөдөр ёслол төгөлдөр боллоо.
“Эрдэнэс тавантолгой” ХК-ний захирал асан Я.Батсуурь батлан даалтад гарсан. Тэрбээр Цагдан хорих 461-р ангийн хорих эмнэлэгт хэвтэн эмчлүүлж байсан юм. Өмгөөлөгч нь ярихдаа “Түүний нойр булчирхайн архаг үрэвсэл, зүрх судас, артерийн даралт ихсэх зэрэг өвчин нь хүндэрсэн. Цаашид төрөлжсөн нарийн мэргэжлийн эмнэлэгт хандах зайлшгүй шаардлагатай байгаа учир эмнэлэгт хэвтэн эмчилгээгээ үргэлжлүүлэх төлөвлөгөөтэй байна” гэж мэдээлсэн билээ.