Турк улсад зохиогдож буй олимпийн эрхийн оноо олгох “Самсун Гранпри”-д эрэгтэйчүүдийн 66кг-д Д.Төмөрхүлэг мөнгөн медаль хүртлээ.
Хэдхэн хоногийн өмнө “Тбилис Гранпри”-д түрүүлсэн бол өчигдөр дахин финалдлаа.
Тэрээр эхний тойрогтоо гоц мөргөж хоёрдугаар тойрогт нутгийн бөхийг цэвэр ялж улмаар Казахстаны Елдос Зумакановыг юүко үнэлгээгээр ялсан. Хэсгийн аваргын төлөөх барилдаанд Израйлын Фликер Талыг юүко үнэлгээгээр ялсан.
Хагас шигшээд Европын нээлттэй тэмцээний аварга, Миамигийн Гранпригийн алтан медальт ОХУ-ын бөхийг торгуулиар ялж финалдсан.
Аваргын төлөө олимпийн хошой хүрэл, дэлхийн хошой аварга Узбекстаны алдарт бөх Собиров Ришодтой барилдсан.
Барилдааны эхнээс Д.Төмөрхүлэг идэвхтэй барилдаж Собиров шүүгчээс гурван ч удаа торгууль аваад хожигдож явсан. Барилдааны сүүлийн минутад Собиров вазари үнэлгээ салгаж чадсан бол үндсэн цаг дуусахаас 16 секундын өмнө манай бөхийг цэвэр яллаа.
Д.Төмөрхүлэг мөнгөн медаль хүртэж олимпийн эрхийн 180 оноо нэмснээр эрэгтэйчүүдийн 66кг-ын дэлхийн чансааг тэргүүлэх болзлоо хангалаа.
Гуравдугаар сарын 24-ны байдлаар 66кг-ын дэлхийн чансааг ОХУ-ын жүдоч Михаил Пуляев 1908 оноогоор тэргүүлж, Даваадоржийн Төмөрхүлэг 1900 оноогоор удаалж байгаа билээ.
“Алдар” спорт хорооны тамирчин, ОУХМ Б.Мөнхзаяа марафон гүйлтийн төрлөөр Монгол Улсын дээд амжилтыг дахин шинэчлэн тогтоов.
Вакум цонхны хуванцар бэлдэцийн үйлдвэр өчигдөр нээлтээ хийлээ.
ОУХМ Э.Халинболд “Loretta Lynn” олон улсын тэмцээнд оролцох юм байна.
Нэг хэсэг огцом өсч байсан ам.долларын ханшийг төрөөс 1800 төгрөгөөс доош барих бодлого баримталж байсан. Тэгвэл өнөөдрийн байдлаар ам.долларын ханш 1975 төгрөг хүрчээ. Вальютын арилжааны гол төв болох Найман шарга төвд ам.доллар харилцан адилгүй үнэтэй байгаа бөгөөд 1973-1976 төгрөгийн хооронд хэлбэлзэж байна.
Орон сууцны доод давхруудад хоолны газар болон үйлчилгээний төв үйл ажиллагаа явуулах нь элбэг. Тэгвэл орон сууцны хоёр давхраас дээш давхарт хийн баллон буюу газ ашиглахгүй болохыг холбоглох албаныхан анхааруулж байна. Учир нь хийн газ орон сууцанд дэлбэрсэн явдал хэд хэдэн удаа гарч байсантай холбоотой юм. Иргэдийн хувьд хийн газаа хэрхэн цэнэглэх, хадгалахаа мэдэхгүй, буруу ашигласнаас болж дэлбэрэлт үүсэх гол нөхцөл болдог байна.
“Mongolia open-2015” эхлээд удаагүй байна. Маргааш дуусах уг тэмцээний эрэгтэйчүүдийн 57 кг, 65 кг, 74 кг, 97 кг, эмэгтэйчүүдийн 48 кг, 55 кг, 60 кг, 69 кг-ын жингийн барилдаан өнөөдөр болж өндөрлөх юм. Одоогоор хэсгийн барилдаанууд явагдаж байгаа бөгөөд хараахан шагналт байрууд тодроогүй байна.Шигшээ барилдаан 17 цагаас эхлэх бөгөөд түүнчлэн шагнал гардуулах ёслол явагдах хуваарьтай аж. Харин маргааш эмэгтэй 53 кг, 58 кг, 63 кг, 75 кг, эрэгтэй 61 кг, 70 кг, 86 кг, 125 кг жингийн барилдаанууд болно.
Уур амьсгалын өөрчлөлтийн эсрэг хувь хүний ойлголтыг дээшлүүлж, оролцоог нэмэгдүүлэх зорилготой “Эх дэлхийн цаг 2015” өнөөдөр Үндэсний цэцэрлэгт хүрээлэнд болно.
Буянт-Ухаа спортын ордонд болж буй“Mongolia open-2015” тэмцээнд дэлхийн олон нэртэй тамирчид зодоглож байгаа аж. Тухайлбал, олимпийн мөнгө, хүрэл медальт Гюзель Манюрова, олимпийн хүрэл медальт, дэлхийн аварга Клариса Чун, олимпийн хүрэл медальт, дэлхийн аварга Елена Пирожкова, олимпийн хүрэл медальт , ДАШТ-ний хошой хүрэл медальт, Пан Америкийн аварга Алиса Лампе, ДАШТ-ний хошой мөнгөн медальт Л.Оржак, ДАШТ-ний мөнгө, хүрэл медальт, европийн аварга Ивона Матковска, ДАШТ-ний хүрэл медальт Анастасия Гучок, Екатерина Ларионова, европийн хошой аварга Моника Михалек, Европын аварга Роксана Засина, Азийн аварга Татьяна Аманзол зэрэг бөхчүүд байна.