Гацууртын ордыг стратегийн ач холбогдол бүхий орд газарт хамруулж ашиглах асуудал хэлэлцэж эхэлсэнээс хойш уг төслийн талаар болон Бороогийн алтны ордын ашиглалтын талаар “Хүннүгийн булшийг ухаж сүйтгэх гэж байна”, “Бороогийн алтны ордыг ашиглаад 60 тонн алтыг татваргүй гаргасан” гэх зэрэг худал ташаа мэдээллийг тодорхой зорилго, ашиг сонирхол бүхий иргэний нийгмийн байгууллага, хувь хүмүүс олон нийтэд тараасаар ирлээ. Тэр бүү хэл мэдээлэл олж авах эрх бүхий УИХ-ын зарим гишүүд дээрх мэдээллийг үнэн мэт ярьж энэ асуудлаар популизм хийж буйд харамсаж байна.
Бодит байдал гэвэл Бороо Гоулд компани нь 2004-2014 оны хооронд Бороогийн орд газрыг ашиглах явцад аж ахуйн нэгж байгууллагын орлогын татвар, суутган тооцсон татвар, ашигт малтмалын нөөц ашигласны төлбөр, зарим бүтээгдэхүүний үнийн өсөлтийн албан татвар, НӨАТ болон бусад татвар хэлбэрээр Монгол улсын болон орон нутгийн төсөвт нийт 321 гаруй тэрбум төгрөг төлсөн байна. Улс, орон нутгийн төсөвт төлсөн татварын орлого болон татварын хууль тогтоомжийг сахин биелүүлсэн байдлаараа улсын хэмжээнд Шилдэг татвар төлөгчөөр тогтмол шалгарч байсан байгууллага юм. Тухайлбал 2007 онд 2-р, 2008 онд 3-р, 2009 онд 1-р, 2010 онд 5-р, 2011 онд 17-р, 2012 онд 2-р, 2013 онд 3-р байрт шалгарсан байгааг МТА-наас мэдээлсэн байна. (http://mta.mn/pages/137 хуудсаас харна уу). 2011 оны нийслэлийн Шилдэг татвар төлөгч, Шилдэг хөрөнгө оруулагч аж ахуйн нэгж байгууллага шагналыг 1-р төрөх эмнэлгийн өргөтгөлийн барилгын ажлаар хүртжээ.
Мөн төслийн хөрөнгө оруулалт, орон нутгийн хөгжил, дотоодын бараа үйлчилгээ, ажилчин албан хаагчдын цалин хөлсөнд нийт 727 тэрбум төгрөгийг зарцуулан Монгол улсын эдийн засагт тодорхой хувь нэмэр оруулсан байна.
Бороо Гоулд ХХК-д ажиллаж бэлтгэгдсэн мэргэжилтнүүд одоо Монголын томоохон уурхайнуудад өөрсдийн ур чадвараар тэргүүлж байгаагийн зэрэгцээ, тус компанийн хөдөлмөрийн аюулгүй ажиллагаа, техникийн болон биологийн нөхөн сэргээлтийн дэвшилтэт арга технологи нь Монгол улсад шинэ стандарт соёлыг буй болгоод байна.
Ашиглахаар яригдаж буй Гацууртын ордны геологийн нөөц нь 76 орчим тонн, ТЭЗҮ-ээр тогтоосон эдийн засгийн үр ашигтай нөөц нь 50 тонн, төслийн хугацаанд 1.7 тэрбум ам.долларын (3 орчим их наяд) борлуулалт хийж, 654 сая ам.долларын татвар тооцохоос өмнөх цэвэр мөнгөн урсгалтай ажиллана. Үүнээс улсын төсөвт нийт 386 сая ам.долларын (660 тэрбум төгрөг) татвар, хураамж төлнө.
Гацууртын ордыг ашиглахад 1000 орчим ажлын байр буй болж, 730 орчим сая ам.доллартай тэнцэх хэмжээний бараа, ажил үйлчилгээг дотоодын аж ахуйн нэгжүүдээс худалдан авах зэргээр улсын эдийн засаг, уул уурхайн салбарын цаашдын хөгжилд түлхэц болохуйц төсөл болохыг мэргэжлийн байгууллагын хүмүүс тооцон гаргасан байна.
Түүнээс гадна Гацууртын ордын ашиглалтын талбайд Хүннүгийн үеийн булш тогтоогдоогүй, Ноён уул нь ашиглалтын талбайгаас зайтай оршдог гэдгийг мэргэжлийн байгууллага, эрдэмтэн судлаачид тогтоогоод байна. Иймээс Гацууртын алтны төслийг улс төржүүлж, хийрхэлгүйгээр эдийн засгийн эргэлтэнд оруулах нь зүйтэй гэдгийг сонордуулж байна.
Монголын Уул Уурхайн Үндэсний Ассоциациас
Өнгөрсөн жилээс эхлэн Их, дээд сургууль, коллежид элсэн суралцахаар ЭЕШ-д бүртгүүлсэн шалгуулагч Монгол хэл бичгийн шалгалтыг заавал өгөх болсон. Ингэснээр эх хэлний боловсролын чанар, хэрэглээ, иргэдийн харилцааны соёл, эх хэлний дархлааны түвшинг тогтоох, сайжруулах зорилготой юм. Уг шалгалтад хэмжээст оноогоор 400 ба түүнээс өндөр оноо авч байж ЭЕШ-нд орох эрх нь нээгдэх бөгөөд өмнөх онд төгссөн бүртгүүлэгчид www.eec.mn хаягаар орж Монгол хэл бичгийн шалгалтдаа энэ сарын 9-өөс өмнө, ЭЕШ-даа 4 сарын 20-оос өмнө амжиж бүртгүүлэхийг анхааруулж байна. Бүртгэлийн хугацааг сунгахгүй, дахин бүртгэл явуулахгүй юм байна. Мөн бүртгэлийн хуудсаа хэвлэж аван Боловсролын үнэлгээний төв дээр ирж гарын үсэг зуруулж баталгаажуулалт хийлгэхийг санууллаа.
Дэлхийн зэрлэг байгалийг хамгаалах өдөр тохиож буйтай холбогдуулан Кенийн Засгийн газар зааны 15 тонн соёо шатаажээ. Энэхүү санаачлагыг тус улсын Ерөнхийлөгч гаргасан бөгөөд зааны соёог худалдаж их мөнгө олохын тулд тэднийг олноор хөнөөж буй хулгайчидтай тэмцэж буй хэрэг хэмээн үзэж байна.
Сүхбаатар дүүргийн цагдаагийн нэгдүгээр хэлтсийн эмэгтэй алба хаагчид Олон улсын эмэгтэйчүүдийн эрхийг хамгаалах өдрийг тохиолдуулан Шүүхийн Шийдвэр гүйцэтгэх Ерөнхий газрын харьяа хорих 407 дугаар ангитай хамтран “Гэгээн өдөр” өдөрлөг зохион байгуулжээ.
Сүүлийн жилүүдэд барилгын компаниуд орон сууцны м2-ыг дутааж иргэдийг шулах явдал эрс ихэссэн. Шинээр ашиглалтад орж буй бүх барилгууд иргэдийг их бага хэмжээгээр хохироодог болсон юм.
ХБНГУ-ын Берлин хотоос манай тусгай сурвалжлагч М.Мөнхцэцэг мэдээлж байна
Нийслэлийн Засаг дарга бөгөөд Улаанбаатар хотын Захирагч Э.Бат-Үүл Итали Улсын Милан хотноо албан ёсны айлчлал хийж байна. Айлчлалын хүрээнд02 дугаар сарын 28-ны өдөр Милан хотын дарга ноён Жуилиано Писапио-той уулзлаа. Уулзалтад Монгол Улсаас Итали Улсад суугаа Онц бөгөөд Бүрэн эрхт Элчин сайд Ш.Одонбаатар, Милан хотод суугаа Өргөмжит Консул Гантуяа, Нийслэлийн Эдийн засгийн хөгжлийн газрын дарга Э.Тэмүүлин нар оролцлоо.
НҮБ-ын хүний эрх хариуцсан Ерөнхий комиссарын удирдах газраас гаргасан мэдээнд Украйны зүүн нутагт болж байгаа зэвсэгт мөргөлдөөний улмаас өнгөрсөн оны дөрөвдүгээр сараас хойш 6000 гаруй хүн амь үрэгдэж, 14 700 хүн шархадсан байна. Сүүлийн хэдэн долоо хоногийн турш Донецкийн нисэх буудал, Дебальцевогийн орчим байлдаан төвлөж онцгой ширүүн явагдсаны улмаас цэргийнхэн төдийгүй олон зуун энгийн иргэд алагджээ.
Засгийн газрын тогтоолын дагуу эх хэлний боловсролын чанар, хэрэглээ, иргэдийн харилцааны соёл, эх хэлний дархлааны түвшинг тогтоох, сайжруулах зорилгын хүрээнд өнгөрсөн жилээс эхлэн Их, дээд сургууль, коллежид элсэн суралцахаар ЭЕШ-д бүртгүүлсэн шалгуулагч Монгол хэл бичгийн шалгалтыг заавал өгөх болсон.
Монгол Улсын Ерөнхийлөгч Ц.Элбэгдорж ХБНГУ-д ажлын айлчлал хийж байна. Богино хугацаанд шахуу хөтөлбөртэй уг айлчлалаар Ерөнхийлөгч өчигдөр ХБНГУ-ын Холбооны Канцлер Ангела Меркел, Ерөнхийлөгч Иохим Гаук нартай уулзсан юм. Төрийн тэргүүн эхлээд Канцлер Ангела Меркелтай уулзаж үдийн зоог барив. Дараагаар н тэд хэвлэлийнхэнд мэдээлэл өгсөн юм.