Шинэчлэлийн Засгийн газрын Хэрэг эрхлэх газрын тэргүүн дэд даргаар ажиллаж байсан Г.Дэнзэнг хил даван зугтсан тухай мэдээлэл цацагдаад байсан. Тэгвэл түүний хамаатан манай редакцид хандаж, уг захидлыг ирүүлсэн юм. Бид Г.Дэнзэнгийн ил захидлыг бүрэн эхээр нь хүргэж байна.
Монгол Улсын иргэн Г.Дэнзэн миний биеийг хил даван оргон зайлсан гэх огт үндэслэлгүй, ээлжит гүтгэлгийг хэвлэл мэдээллийн хэрэгсэл ашиглан зориудаар нийтэд түгээж буйг залруулахын тулд уг ил захидлыг бичиж байгааг минь ойлгон хүлээн авна уу.
Намайг чиглэсэн олон удаагийн гүтгэлэг нь эхэндээ улс төрийн зорилготой байсан бол одоо хэрээс хэтэрч эдийн засгийн бүлэглэлүүдийн хуйвалдаанаа далдлах явцуу эрх ашгийн зорилготой болж өөрчлөгдсөнийг залуу хүний хувьд зүгээр хараад сууж тэвчсэнгүй. Надад хийсэн гэм байхгүй учир би буруугүй хэмээн тайлбарлаж, олон зүйл тоочих шаардлагагүй гэж бодож байна. Хоёр жил гаруй үргэлжилж буй энэ гүтгэлэгтэй холбогдуулан өнөөдрийг хүртэл намайг хуулийн байгууллагаас зарлан дуудаж, шалгасан нэг ч тохиолдол байхгүйг энд зориуд хэлэх нь зүйтэй байх. Хэн нэгний гэм буруутай эсэхийг гүтгэлэг доромжлолоор бус Монгол Улсын шүүх шийддэг гэж бодож байна. Харин үнэн зүйлийг хэлж ярьсан нь хэлмэгддэг болсон энэ нийгэмд цаашид хэрхэхийг би мэдэхгүй.
Дахин хэлэхэд миний бие ямар нэгэн хэргээс зугтан эх орноосоо дүрвэж, оргон зайлсан зүйл огт байхгүй болно. Одоогоор ХБНГУ-д сургалтанд сууж байгаа бөгөөд ирэх 4 дүгээр сарын 02-нд хичээлээ дуусгаад эх нутагтаа очно. Эх орондоо байхгүй байгааг минь ашиглан гүтгэлгийн шинжтэй мэдээ мэдээллийг зориудаар тараахгүй байхыг хичээнгүйлэн хүсье.
Та бүхнийг хүндэтгэсэн Монгол Улсын иргэн Г.Дэнзэн
Өнөөдөр болсон гадаад валютын дуудлага худалдаагаар арилжааны банкуудаас ирүүлсэн 1986.45-1990.50 төгрөгийн ханшаар 20.5 сая ам.доллар, 316.81-317.80 төгрөгийн ханшаар 86.0 сая юань худалдан авах саналуудыг үндэслэн, Монголбанк ам.доллар худалдан авах саналыг 100 хувь биелүүлэн, 1986.45 төгрөгийн хаалтын ханшаар 20.5 сая ам.доллар, мөн 317.26 төгрөгийн хаалтын ханшаар 47.0 сая юань тус тус худалдлаа.
Иргэний Зориг Ногоон Нам байгуулагдсаны 15 жилийн ой энэ өдрүүдэд тохиож байгаа. Ойн хүрээнд өчигдөр намын IX хурлаа хийсэн бөгөөд энэ үеэр намын дүрэмд өөрчлөлт оруулах талаар ярилцаж намын даргын бүрэн эрхийн хугацаанд хийж гүйцэтгэсэн ажлын тайлан, илтгэлүүдийг сонсож намын хяналтын зөвлөлийн тайлантай танилцсанаас гадна намын даргаа сонгосон юм.
Монгол Улсын Засгийн газрын 2015 оны гуравдугаар сарын 9-ний өдрийн хуралдаанаар “Гамшгаас хамгаалах тухай хуулийг хэрэгжүүлэх зарим арга хэмжээний тухай” Засгийн газрын 2004 оны 51 дүгээр тогтоолд нэмэлт, өөрчлөлт оруулах тухай тогтоолын төслийг Монгол Улсын Засгийн газрын 2015 оны гуравдугаар сарын 9-ний өдрийн хуралдаанаар хэлэлцүүлж дэмжүүллээ.
Сонгинохайрхан дүүргийн 19 дүгээр хорооны нутаг дэвсгэрт байрлах “21” худалдааны төвд гарсан галыг унтраажээ. Одоогоор галын шалтгаан тодорхойгүй байна. Эх сурвалжийн хэлж байгаагаар худалдааны төвийн дотор тал багагүй шатсан байдалтай байгаа аж. Тус худалдааны төвд 100 гаруй түрээслэгч үйл ажиллагаа явуулдаг юм байна.
БЗД-ийн есдүгээр хорооны нутаг дэвсгэр Шар хадны эцэст орших “Хар хошуу” гэх уулын орой дээр хоёр эмэгтэйн амь насыг онц хэрцгийгээр хөнөөсөн хэрэг өнгөрсөн 2014 оны тавдугаар сарын 6-7-нд шилжих шөнө гарсан. Уг хэргийн шүүх хурал өчигдөр Дүүргийн эрүүгийн хэргийн анхан шатны нэгдүгээр шүүхэд болох байсан ч өмгөөлөгчийн хүсэлтээр энэ сарын 27-ныг хүртэл хойшилжээ. 
Тагнуулын ерөнхий газрын Сөрөх тагнуулын газрын даргаар ажиллаж байсан, хурандаа В.Нямханд цагдан хоригдсон хоног, сэтгэл санааны хохиролын мөнгө гэж Төрөөс 200 сая төгрөг нэхэмжилсэн талаар бид өмнө нь мэдээлж байсан. Тэгвэл тус нэхэмжлэлийг Дүүргийн Иргэний хэргийн анхан шатны II шүүх хянаж үзээд, нэхэмжлэлийн зарим хэсгийг хүчингүй болгосон байна. 
Өнөөдөр Тусгаар тогтнолын ордонд 12.00 цагт МАН-ынхан мэдээлэл хийх байсан. Тэгвэл уг хэвлэлийн хурлаа цуцалсан талаар албаны эх сурвалж мэдээллээ. Уг хурлаар тус намынхан Засгийн газар, Хууль зүйн яам болон Шүүхийн шийдвэр биелүүлэх ерөнхий газар хууль зөрчиж байгааг баримтаар дэлгэх гэж байсан юм.