Боловсрол,Соёл, Шинжлэх Ухааны Яамнаас “Авъяас” хөтөлбөрийг хэрэгжүүлж байгаа.
Хөтөлбөрийг 2012-2016 онд хэрэгжүүлэх бөгөөд хүүхдүүдийн авьяасыг хөгжүүлэхээс гадна эцэг эх, багшийн олж хараагүй зүйлийг нь нээн хөгжүүлж амжилтад хүргэх зорилготой. “Авьяас” хөтөлбөрийн хэрэгжилт явц орон нутагт хэрхэн явж буйг салбарын сайд Л.Гантөмөр газар дээр нь очиж танилцахаар 7-8 аймаг руу хөлгийн жолоо залжээ.
Сайдыг дагалдан УИХ-ын гишүүн С.Одонтуяа, БСШУЯ-ны СБТГ-ын дарга Б.Насанбаяр, БМДИ- захирал Г.Сүглэгмаа, СУИС-ийн дэд захирал Ч.Бат-Эрдэнэ, МУБИС-ийн захирал Д.Мөнхжаргал, ШУТИС-ийн тэргүүн дэд захирал Д.Батчулуун, ХААИС-ийн захирал Т.Хэрүүга гэх мэт албаны бусад хүмүүс явж байна.
Тэд өнөөдөр Баянхонгор аймагт ажиллаж байгаа бөгөөд тус аймгийн Сургуулийн өмнөх боловсролын шинэчилсэн хөтөлбөрийн явцтай танилцаж Баянхонгор сумын 9, 4-р цэцэрлэгүүдэд ажиллажээ.
“Хурд” хамтлаг 20 жилийн ойн баяр болон эмэгтэйчүүдийн баярт зориулан VIP unplugged тоглолтоо хийсэн билээ. Тэгвэл тоглолтынхоо үеэр хамтлагийнх нь үнэнч шүтэн бишрэгчид 12 CD-ний цуглуулгаа бэлэглэсэн байна. Мөн “Хурд” хамтлаг 20 жилийн ойдоо зориулан 20-хон ширхэг хийлгэсэн гитараасаа нэгийг нь дуудлага худалдаагаар заржээ. Гитарын анхны үнэ 99 мянгаас эхэлж, тоглолтыг үзсэн нэгэн залуу гитарыг 2.2 сая төгрөгөөр худалдан авсан байна.
Монгол Улсын гурван сая дахь иргэн болсон Х.Монголжин охин сар шинийн өмнө шинэ байрандаа оржээ. Тэрхүү байрыг нь Өмнөговь аймгийн Засаг даргын Тамгын газраас өгсөн бөгөөд нялх гүнж аав ээжийн хамт шинэхэн байрандаа тухалсан байна. Түүнчлэн Засгийн газраас амласан 70 сая төгрөгийг Ерөнхий сайд Ч.Сайханбилэг Өмнөговь аймагт очиж гардуулан өгсөн юм. Тэрхүү мөнгөнөөс хамгийн түрүүн гэргийдээ машин авч өгнө гэж Монголжингийн аав Х.Хатанболд өгүүлжээ. Х.Монголжин охины төрсний бүртгэлийн дугаарын сүүлийн хоёр орон 44, регистрийн дугаарын сүүлийн гурван орон 444, төрсний гэрчилгээний сүүлийн хоёр орон 44 дугаар таарсан нь Монгол Улсын дөрвөн сая дахь иргэнийг дагуулахын бэлгэдэл гэж Өмнөговь аймгийн иргэний бүртгэлийнхэн мэдээлж байсан юм.
УИХ-ын гишүүн Н.Номтойбаяр Ерөнхий сайд Ч.Сайханбилэгт хандан Хүнс, хөдөө аж ахуйн сайд Р.Бурмаад арга хэмжээ авахыг хүссэн албан бичиг илгээлээ.
Монгол Улсын Засгийн газар, Азийн Залуучуудын Зөвлөл, Монголын Залуучуудын Холбоо хамтран Азийн Залуучуудын Зөвлөлийн XIII Ерөнхий чуулганыг тавдугаар сарын 18-21-ний өдрүүдэд Улаанбаатарт зохион байгуулна. “Нэг Ази 2015: Тогтвортой хөгжлийн зорилтод залуучуудын оролцоо” гэсэн сэдвийн дор явагдах чуулганд дотоод, гадаадын 600 орчим зочид төлөөлөгчид оролцох юм. 
Засгийн газар өчигдөр хуралдсан. Хуралдаанаар хэлэлцсэн асуудлын хүрээнд Ерөнхий сайдын зөвлөх Ц.Мөнхтөр өнөөдөр мэдээлэл хийлээ. Хуралдаанаас дэд бүтэцтэй холбоотой хэд хэдэн чухал шийдвэр гаргасан байна. Тухайлбал
Өнөөдрийн байдлаар валютын ханш Монголбанк, арилжааны банкуудад ямар байгааг хүргэе…
Ирэх долоо хоногийн баасан гаригт буюу энэ сарын 20-нд нар бүтэн хиртэх юм байна. Дэлхийн бөмбөрцгийн умард хагаст бүрэн ажиглагдах энэхүү хиртэлт Монгол, Дорнод Сибирь, Оросын зүүн нутагт тод харагдах аж. 
УИХ-ын дарга З.Энхболд Дундговь аймгийн иргэдтэй уулзах үеэр аймгийн Эрүүл мэндийн газрын дарга Ц.Энхсайхан багийн эмч нарт унаа дутагдалтай, аймгийн нэгдсэн эмнэлэгт алсын дуудлагын машины парк шинэчлэл хэрэгтэй байгааг дуулгасан юм. Харин үүнд тус аймгаас сонгогдсон УИХ-ын гишүүн Б.Наранхүү “Улс орны эдийн засаг хүндрэлтэй, тэр болгон нэхсэн болгоныг улсын төсвөөс гаргаж өгөх боломжгүй байгааг харгалзан нэгдсэн эмнэлгийн түргэн тусламжийн алсын дуудлагад зориулсан фургон машин болоод багийн эмч нарт зориулан унааны асуудлыг шийдвэрлэхээр болсон. Нэг суманд хоёр, нийт 30 мотоциклийг өгнө” гэжээ.
Өчигдөр буюу 2015 оны гуравдугаар сарын 9-ний өдөр Сонгинохайрхан дүүргийн 29 дүгээр хороо, Москва хорооллын 131-ийн нэгдүгээр байрны дэргэд 49 настай иргэн О гэгч эрэгтэй халтарч унан, дулааны ил шугамын хоолой, газар хооронд биеийн цээжин хэсэг хүртэл хавчуулагдсан байсныг Нийслэлийн аврах ангийн албан хаагчид гарган авчээ.