Month: March 2015

Categories
мэдээ спорт

Монголын хоккейн шигшээ баг Тайванийг зорилоо

Монголын шигшээ баг Азийн “Challenge Cup” тэмцээнд явахаар Тайванийг зорилоо. Бүрэлдэхүүнд тамирчдаас гадна Монголын Хоккейн холбооны менежер А.Мэргэн, ахлах дасгалжуулагч А.Энхбат, туслах дасгалжуулагч Б.Зориг болон МҮОНРТ-ын спортын сэтгүүлч Д. Баярсайхан гэсэн 25 хүн багтжээ. Баг тамирчдын хувьд ОХУ-д 14 хоногийн бэлтгэлд гараад өчигдөр эх орондоо ирээд байгаа аж. Шигшээ багийн хувьд өмнө нь энэхүү тэмцээнд хошой хүрэл медалийг хүртэж байсан байна.

Багийн бүрэлдэхүүн өмнөхөө бодвол залуу тамирчидтай болсон мөн бэлтгэл маш сайн хангагдсан учир энэ удаа медалийнхаа өнгийг хувиргана гэдэгтээ итгэлтэй байгаа гэв. Тэмцээнд Макао, Араб, Тайвань, Тайландын багуудтай энэ сарын 14-17-ны өдрүүдэд тоглох юм байна.

Categories
мэдээ спорт

Монгол, Зүүн Тиморын тоглолтыг эндээс үзэцгээе

Хөлбөмбөгийн дэлхийн аварга шалгаруулах тэмцээн 2018 онд болно. Энэ тэмцээний урьдчилсан тоглолтын сугалаагаар манай улс Зүүн Тиморын багтай таарсан билээ. Хоёр багийн эхний тоглолт өнөөдөр Монголынхоор 15.00 цагт эхлэх юм. Эхний тоглолт Зүүн Тиморын талбай дээр болох бөгөөд манай улсын шигшээ багийнхан гурав хоногийн өмнө тус улсад очсон байгаа. Хэрэв манай хөлбөмбөгчид айлын багийг хоёр дараалан хожчихвол дараагийн шатанд тоглох эрхтэй болно. Энэ тоглолтыг та бүхэн http://www.sofascore.com/east-timor-mongolia/WujsXuj линкээр үзэж болох юм байна. Монголынхоо баг тамирчдыг дэмжиж, хамтдаа уухайлцгаая.

Categories
онцлох-нийтлэл туслах-ангилал

Жүдо бөхийн хөгжлийн төлөө 13 настай охин амиа алдлаа

М.БАЯНМӨНХ: ШАГНАЛ АВЧИХААД ИРЭХДЭЭ МАШ ИХ УРАМТАЙ, БАЯРЛАЖ ХӨӨРСӨН,

ДҮР ТӨРХИЙГ ОХИНЫХОО ХАРЦНААС ОЛЖ ХАРЖ БАЙСАН

Дундговь аймгийн Жүдо бөхийн өсвөрийн аварга шалгаруулах тэмцээнд оролцохоор бэлтгэл хийж байсан тамирчин охин амиа алдсан харамсалтай хэрэг гарсан билээ. Тэрбээр 28 кг-ын жинд барилдах гэж байсан байна. Дасгалжуулагч багш н.Мөнхбат нь талийгаач Ө.Гантуяаг удаан хугацаагаар гүйлгэж хөлөргөөд, матраасанд ороожээ. Матрааснаас 10 гаруй минутын дараа охиныг гаргахад шоконд орсон байдалтай байсан тул эмнэлгийн яаралтай тусламж үзүүлсэн гэнэ.Охин амьсгалын аппаратнытусламжтайгаар хоёр цаг гаруй болсон ч ухаан оролгүй байсаар амиа алджээ. Бэлтгэл хийлгэж, матраасанд ороосон нь охиныг үхэлд хүргэх гол шалтгаан болсон хэмээн дасгалжуулагч багш н.Мөнхбатад тус аймгийн цагдаагийнхан эрүүгийн хэрэг үүсгэж, цагдан хорьсон байна.Дасгалжуулагч багш нь цагдаагийнханд мэдүүлэг өгөхдөө “Тамирчин охин 28 кг-ын жинд барилдах ёстой байсан боловч 1.5 кг-аар илүү байсан. Тэмцээн болох гээд цаг бага байсан тул шахуу бэлтгэл хийж жин хасах арга хэмжээ авсан. Ирээдүйтэй тамирчинбайсан. Түүнийг амиа алдсанд маш их харамсаж байна. Ийм зүйл болно гэж санасангүй” хэмээжээ.Талийгаач охиныг өсгөсөн М.Баянмөнхтэй ярилцлаа.

-Та охиныг хэдийнээс өсгөж эхэлсэн бэ. Та ямар хамаатан нь вэ гэдгийг асууж болох уу?

-Охины ээж группт байдаг. Бие муутай хүн бий. Дундговь аймгийн Эрдэнэдалай сумынгуравдугаар багтнэг дүүгийнхээ хамт амьдардаг. Бие муутай тул охиноо өсгөх боломжгүй байсан юм. Тэгээд охиныг эхнэр бид хоёр өөрсөн дээрээ авч өсгөсөн. Манай эхнэр талийгаачийн ээжийнх нь дүү. Талийгаач дөрвөн настай байхаасаа бидний асрамжинд ирсэн.

-Харамсалтай зүйл бол­жээ. Гэвч талийгаачтай хол­боотой асуудлаар танаас дэлгэрэнгүй мэдээлэл авах гэсэн юм. Юунаас болоод 13 нас­тай охин амиа алдчихав аа?

-Үнэхээр харамсалтай зүйл боллоо. Эхнэр маань шокийн байдалтай байгаа болохоор энэ талаар ярьж чадахгүй байна. Дасгалжуулагч багш нь бидэн рүү утсаар яриад “Гантуяагийн бие муудлаа. Яаралтай ир” гэсэн. Бид сумандаа байсан тул ойр зуурын юмаа зэхээдаймгийн төв рүү явсан. Иртэл охин минь эмнэлгийн орон дээр хиймэл амьсгалынаппараттай ухаангүй байсан. Дасгалжуулагч багш Мөнхбат нь орных нь хажууд сууж байсан. Биднийг очсоноос 15 минутын дараа охин амьсгал хураасан. Гайгүй болчих байх гэж бодсон. Даанч санаснаар болсонгүй.

-Та нар талийгаачтайүг сольж амжсан уу?

-Үг сольж амжаагүй. Талий­гаач ухаан оролгүй байсаар амьсгал хураасан. Хэрэггүй лтэмцээн рүү явуулж дээ гэж бодогдсон. Хэн ийм зүйл болно гэж бодох вэ дээ. Өөрөө спортод их дуртай. Дугуйландаа явахын тулд гэр орноо цэвэрлээд, хоол хийх бүхзүйлийг бэлдээд бэлэн болгочихдог. Их ажилсаг охин байсан, хүмүүжилтэй.Хичээл номондоо ч сайн. Хүнд их тусархуу. Янз бүрийн ажилгарвал “Хичээл тарсан. Бидодообөхийн дугуйландааявлаа” гэх мэтээр байнга утсаар ярьж, хэлдэг. Өглөө 06.00 цагт босоод бэлтгэлдээ явдаг.Талийгаачдугуйландаа дуртай болохоор эхнэр бид хоёр чадахаараа дэмждэг байсан.

-Аймгийн төв рүү тэм­цээнд явахдаа та нарт юу гэж хэлсэн бэ?

-Хэдэн өдрийн өмнөөс сургууль дээрээ бэлтгэлээ хийж байсан. Бэлтгэлтэй байгаа, удахгүй тэмцээнд явна гэж ярьж байсан. Тэгээдаймаг руу явдаг өдрөө эгч рүүгээ утасдаад ”Бид явлаа. Сургууль дээр пүүгээ аваад ирээрэй” гэж хэлсэн. Эхнэр маань пүүгээг нь аваачиж өгөхөд “Баярлалаа эгчээ” гээд инээгээд үлдсэн гэсэн.Тийм сайхан сэтгэлтэй хүүхдэд ийм зүйл тохиолдох гэж.

-Энэ спортоор хэдэн жил хичээллэж байгаа юм бэ?

-Хоёр жил гаруй хичээл­лэсэн. Анх би Мөнхбат багшидэнэ хүүхдийг “Жүдо­гоор хичээллүүлбэл ямар вэ” гэж асуусан. Тэгээд яваад очсон. Мөнхбат багш “Дажгүй биетэй юм. Юу ч гэсэн дугуйланд явуул” гэсэн. Түүнээс хойшаймаг руу тэмцээн уралдаанд явах болсон. Шагналаваад ирэхдээ их баяртай ирнэ.

-Ямар ямар шагнал авч байсан юм бэ?

-2014 онд ангийнхаа спор­тын аварга сурагч,аймгийнаварга шалгаруулах тэмцээнийхүрэлмедальтай, 2015 онд алтан медаль мөн аймгийн “Алтан намар” наадмынөргөмжлөл гэх мэт шагналуудыг авч байсан.

-Жүдо бөхийн тэмцээнээс авсан шагналууд нь уу?

-Тийм, дасгалжуулагч багш нь чих ирээдүйтэй хүүхэд гээд их сайн байдаг байсан. Тэрнээс ч болсон уу охин дугуйландаа баяр хөөртэй явах болсон юм.

-Та хэдэн хүүхэдтэй вэ?

-Би гурван хүүхэдтэй. Хамгийн том нь 27 настай.

-Талийгаач охин эхээс хэдүүлээ вэ?

-Ганцаараа.

-Ээжид нь энэ тухай хэлсэн үү. Охин ээжтэйгээ хэр ойр байсан бэ?

-Амралтаараа очдог. Сүүл­дээ нэг их явъя гэхээ байсан. Бэлтгэлтэй гэх мэтээр дугуйландаа л явах сонирхолтой болсон санагддаг. Ээжид нь хэлсэн. Сумын төв дээр ирсэнбайгаа. Ганц охиноо алдсан хүн яаж олигтой байх вэ. Хүнтэй ч ярих тэнхэлгүй л хүн байна.Охин минь амьд байсан бол ээжийгээ, биднийг өргөх буянтай хүүхэд байсан юм.

-Дасгалжуулагч багшийг ньхэр сайн таних вэ?

-Бид нэг сумынх болохоор бие биенээ мэднэ. Биеийн тамирын дээд сургууль төгсөж ирээд сургуульд багшлах болсон. Ойролцоогоор таван жил ажиллаж байгаа байх. Мөнхбат гэж спортод элэгтэй залууг ирснээс хойш сургуулийн хүүхдүүд спортод ихсонирхолтой болсон. Дугуйлан ажиллуулж олон ч хүүхдүүдийг тэмцээн уралдаанд авч явдаг. Олон ч шавьтай болгосон. Жүдо бөхийн чиглэлээр багагүй хүүхэдтэй хичээллэсэн. Сая тэмцээнд есөн хүүхэдсумаас явсан юм билээ.

-Дасгалжуулагч багшидбуруу байхгүй, гомдолгүй гэсэн өргөдөлаймгийнхаа цагдаагийнгазарт өгсөн гэж дууллаа?

-Тэгсэн. Тэр багшид буруу юу байх вэ. Шавь багш хоёр хоёулаа л спортын төлөө явсан. Ийм зүйл болно гэж хэн санах вэ. Мөнхбат багшийг хорьсон. Тэр хүнийг одоо хориод ч яахюм билээ, үнэ­хээрхарамсалтай. Би ч тэгэх байсан ингэх байсан гэж хэлж чадахгүй байна. Тэгээд ч багшийг буруутгах эрх бидэнд алга.

-Энэ явдлын дараа Мөнх­бат багштай уулзсан уу?

-Эмнэлэгт уулзсан. Яагаад ийм зүйл болчихов гэж асуу­сан. Юм ярьж чадахгүй байна лээ. Тэр хүн чинь өөрөө гурван хүүх­дийн эцэг. Багшийг хорих шаардлага байгаа юм уу гэжцагдаагийнхнаас асуусан. Хууль дүрэм нь ийм юм. Хэр­гийг шалгаж дуустал бид ин­­гэх ёстой л гэж хариулж байна лээ.

-Багшийн ар гэрийн­хэн­тэй нь холбоотой байгааюу?

-Ирэхбаасан гаригт талийгаачийг хөдөөлүүлнэ. Багшийн ар гэрийнхэн наана цаана гээд явж л байна. Бид нэг нутаг усных болохоор холбоотой байхаас өөр яахбилээ.

-13 настай охин жүдо бөхийн хөгжлийн төлөө явж байгаад амиа алдлаа. Хичнээн багшид гомдолгүй ч хариуцаж явсан хүн. Нөгөө та­лаар охины амт насыг түүнээс нэхэх учиртай биш үү?

-Тэглээ гээд охин минь босоод ирэх биш. Тэр баг­шийн цаана гэр бүл үр хүү­хэд нь байна. Охиноо бод­вол харамсалтай байгаа ч гомдолтой гэж бас хэлж чадахгүй нь л дээ. Үнэхээр миний охин жүдо бөхийн төлөө энэ спортыг хөгжүүлэхээр яваадалтан амиа алдлаа.Хэрэв амиа алдаагүй бол охин минь улсын жүдо бөхийн аварга шалгаруулах тэмцээнд явах байсан юм. Түүндээ ч өөрөө итгэлтэй байсан.Шагнал авчихаад ирэхдээ маш их урамтай баярлаж хөөрсөн, дүр төрхийг охиныхоо харц­наас олж харж байлаа. Мө­рөөд­нө,би амжилтаа ахиулна. Дэлхийд алдартай тамирчин болно л гэж ярьдаг байсан.

Г.ЯЛГУУН

Categories
мэдээ нийгэм

Буддын соёлын музей байгуулах нь

Улаанбаатар хотын Ерөнхий архитектор бөгөөд Нийслэлийн ерөнхий төлөвлөгөөний газрын дарга Н.Нацагдорж өнөөдөр Азид ховорхон “Буддын соёлын музей”-тэй болох талаар мэдээлэл хийв. Тэрбээр хэлэхдээ “Ер нь бид хот байгуулалтын буюу барилга байгууламжийн талаар шийдвэр гаргахдаа мэргэжлийн бус шийдвэр гаргаж ирсэн. Энэ алдааг засч, мэргэжлийн хүмүүсийн дуу хоолойг гаргаж хийсэн төслөө танилцуулж байна. Монгол улс энэ жил Өндөр гэгээн Занабазарын 380 жилийн ойг тэмдэглэхээр шийдвэрлэсэн. Мөн В.И.Лениний музейн өмнө Ерөнхийлөгчийн санаачилгаар Богд хааны хөшөө барих шийдвэр батлагдсан байгаа. В.И.Лениний музей бол музейн зориулалтаар баригдсан барилгын хийцийн хувьд Азидаа нэлээн дээгүүр ордог. Монгол архитекторын ур ухаанаар баригдсан энэ барилга үндэсний болон Европын хэв маягийг тусгасан бүтээл байгаа юм.

Бид цаашид Буддын соёлын музей болгон өөрчлөх төслийг танилцуулж байна. Яагаад ийм төсөл хийхээр болсон бэ гэвэл манай улсад буддын соёл олон зуун жил дэлгэрсэн. Буддын соёлыг дагасан урлагийн бүтээл ч их байдаг. Асар их бүтээлүүдийн үнэ цэнийг нь мэдэхгүй, үзүүлэх газар байхгүй, сэргээн засварлах газар байхгүй. Тиймээс бид энэ барилгыг Буддын соёлын музей болгож, энэ урлагийн бүтээлүүдийг дэлгэн харуулж Азидаа томоохонд тооцогдох музей болгоё гэсэн төсөл юм.

Одоогоор уг барилгыг Үлэг гүрвэлийн музей болгоно гэсэн шийдвэр гарсан байгаа. Гэхдээ Үлэг гүрвэлийн музей нь энэ барилгад тохиромжгүй. Тийм учраас урлагийн музей байх ёстой гэж үзсэн. Нийт 4712 ам метр талбайтай, архитектурын хувьд өөрчлөлт орохгүй. Дотор нь Богд хааны хөшөөг тавиад, үзмэрүүдээр тохижуулаад гадна дотор загвар хийцийг нь шинэчилнэ, гэхдээ үндсэн хийцийг нь өөрчлөхгүй. Өмнөх талбайд нь хоёр давхар автомашины зогсоол, үйлчилгээний төв бүхий доорхи байгууламж хийнэ. Энэ талбайг хувийн хөрөнгө оруулалтаар хийх боломжтой. Хувийнхан энэ бизнесийн үйл ажиллагааг хийхийн тулд 10 орчим тэрбумын хөрөнгө оруулалт хийх юм. Харин музейн барилгын хувьд 3 орчим тэрбумын засвар үйлчилгээ хийгдэж, Азид байхгүй Буддын соёлын урлагийн музей болгоно. Манай буддын сүм хийдүүдэд болон хувь хүмүүст байгаа бүтээлийг тавьдаг болно.

Мөн Үлэг гүрвэлийн музейг хаана байрлуулах вэ гэдгийг давхар шийдлийг нь гаргасан. Бидний төлөвлөснөөр аялал жуулчлалын бүс болсон Тэрэлж хүрэх замд байдаг Мэлхий хадны хойно байгуулахаар төлөвлөсөн. Тэнд музей байгуулснаар жуулчдад үзэх юмтай болгох юм. Манай улс ойрын жилүүдэд жуулчдыг сая саяар нь ирдэг болгоно гэж олон шийдвэр гаргасан ч үзэх харах юм бага байдаг. Цаасан дээрх шийдвэрээр жуулчдыг татахгүй. Мөн тэндээ Палентологийн төвийг байрлуулж, судалгаа шинжилгээ хийж, сэргээн засварлаж, эргээд тэрийгээ үзүүлж, олсон орлогоороо судалгааны багаа санхүүжүүлдэг нөхцөлийг бүрдүүлэхийг зорьсон” хэмээж байв.

Categories
мэдээ нийгэм

Банк дээрэмдсэн залууг орон даяар эрэн сурвалжилж байна

-СЭЖИГТНИЙ ЗУРАГ “Sunday” ХУДАЛДААНЫ ТӨВИЙН ХЯНАЛТЫН КАМЕРТ ҮЛДЖЭЭ-

Баянзүрх дүүргийн 25 дугаар хорооны нутагт үйл ажиллагаа явуулдаг Капитрон банкны “Sunday” тооцооны төвд буутай этгээд орж дээрэм хийсэн билээ. Тодруулбал, “Мартын 8”-ны өмнөх орой 20.31 цагт Капитрон банкны тооцооны төвд орсон этгээд гэнэт буу гаргаж “Байгаа мөнгөө цүнхэнд хийгээд өг” гэж сүрдүүлсэн байдаг. Банкны ажилтан касснаасаа 20 сая төгрөг цүнхэнд хийж буутай этгээдэд өгсөн байна. Залуу мөнгө авсан даруйдаа гарч зугтахад араас нь банкны хамгаалагч, теллер хоёр гудамжаар хөөсөн аж. Сэжигтэн баригдах дөхөх үед цүнхтэй мөнгөө хаяад зугтсан талаар банкны ажилтан ярьсан. Банкнаас 100-аад метр яваад л цүнхтэй мөнгөө хаяад өөрөө зугтсан. Тухайн үед гудамжинд хүмүүс байсан ч хариу үйлдэл үзүүлээгүй гэдэг.

Цагдаагийн байгууллага өнгөрсөн гуравдугаар сарын 7-ноос хойш сэжигтэнг орон даяар эрэн сурвалжилж байна.

СЭЖИГТЭН БАГТАЙ БАЙСАН Ч БАНКНЫ ГЭРЧҮҮД АМ ЗУРГИЙГ НЬ ГАРГАЖ ӨГЧЭЭ

Гэрчүүд банк дээрэмдсэн этгээдийг 30 орчим насных гэж тодорхойлжээ. Мөн өндөр нуруутай, туранхай, нарийвтар сөөнгө хоолойтой аж. Хар савхин хүрэм, цэнхэр жийнсэн өмдтэй, саравчтай хар малгайтай байсан гэнэ. Банк хаах гэж байсан учраас үйлчлүүлэгч байгаагүй аж. Гэхдээ хамгаалагч хаалгаа бариагүй байжээ. Гэнэт өндөр залуу орж ирээд ийш тийшээ харснаа буу гаргаж, заналхийлсэн гэнэ. Тэр залуу өмнө нь орж ирсэн эсэхийг тэнд байсан хүмүүс анзаараагүй бололтой.

“Sunday” худалдааны төвд цаг гаруй эргэлджээ

Гэрчүүдийн гаргасан ам зургийн дагуу Баянзүрх дүүрэг дэх цагдаагийн 2 дугаар хэлтсээс ойр хавьд байдаг дэлгүүр, худалдааны төвүүдийн хяналтын камерыг шалгажээ. Тэгтэл сэжигтэй этгээдийн дүрс “Sunday” худалдааны төвийн хяналтын камерт үлдсэн байна. Мөн Капитрон банкны хяналтын камерийг шүүж үзжээ. Сэжигтэн багтай байсан учраас дүр төрхийг нь банкны хяналтын камерын дүрс бичлэгээр тодорхойлох боломжгүй байсан аж.

Банк дээрэмдсэн хэргийн сэжигтэн “Sunday” худалдааны төвийн урсдаг шатны хажууд хэд, хэдэн удаа зогссон нь дүрс бичлэгт үлджээ. Дүрс бичлэг үзсэн гэрчүүд “Банк дээрэмдсэн этгээд мөн” гэж мэдүүлсэн байна. Мөн худалдааны төвийн худалдагчид түүнийг анзаарсан тухайгаа ярьжээ. Сэжигтэн “Sunday” худалдааны төвд цаг гаруй эргэлдсэн гэнэ. Тэгэхдээ эмэгтэй хувцас зардаг лангуугаар яваад байжээ. Түүнийг эхнэр, эсвэл найз бүсгүйгээ баярлуулах гэж мөнгөгүй байсан учраас дээрэм хийсэн гэж таамаглах ч хүн байна. Ямартай ч тэрбээр эмэгтэй хувцастай лангуугаар эргэлдэж, хүн багатай газраар явж байжээ. Тэр өдөр “Sunday” худалдааны төв ачаалал ихтэй байсан бөгөөд худалдагчид нэг их анзаараагүй гэнэ. Таамаглаж байгаагаар тэрбээр 20.00 цаг өнгөртөл “Sunday” худалдааны төвд эргэлдэж, банк хаахыг хүлээж байсан бололтой. Тэндээс гараад арваад минутын дараа банкинд очсон байдаг. Тэгэхээр өмнө нь тооцоолчихсон байж байгаад банк хаах цагт шууд явж очсон бололтой юм.

Хяналтын камерын бичлэгт сэжигтний дүрс үлдсэнийг доор хүргэж байна. Дүрс бичлэгт байгаагаар сэжигтэн өндөр нуруутай, богино үстэй, далий хамартай харагдаж байна. Мөн хар савхин хүрэм дотор улаан өнгийн цамц өмссөн бололтой.

Сэжигтэнг Эрүүгийн хуулийн 147 дугаар зүйлийн 147.2-т зааснаар шалгах юм байна. Уг зүйл ангид “Энэ хэргийг давтан, бүлэглэж буюу урьдчилан үгсэж тохиролцсон бүлэг, урьд энэ гэмт хэрэгт болон булаах, далайлган сүрдүүлэх гэмт хэрэгт шийтгүүлсэн этгээд үйлдсэн, эсхүл зэвсэг, зэвсгийн чанартай бусад зүйл хэрэглэсэн, энэ хэргийн улмаас бусдад их хэмжээний хохирол учирсан бол эд хөрөнгийг хураах буюу хураахгүйгээр таваас дээш арван жил хүртэл хугацаагаар хорих ял шийтгэнэ” гэж заасан байдаг.

Ц.ӨРНӨХ

Categories
гадаад мэдээ

Цагаан ордны хашааг мөргөжээ

АНУ-ын Ерөнхийлөгчийн нууц албаны хоёр ажилтан согтуугаар машин барьж яваад Цагаан ордны хашааг мөргөсөн байна. Энэ хэрэг явдал өнгөрсөн долоо хоногт болжээ. Нууц албаны ажилтнууд эрүүл байсан эсэхийг тогтоохоор шалгаж байгаа гэнэ. Тэд Вашингтон хотноо болсон нэгэн баярт оролцчихоод шөнө нь ажиллах ёстой байсан тул ажилдаа иржээ.

Ю.Дэлгэр

Categories
мэдээ нийгэм

“Бөөр хамгаалах дэлхийн өдөр” өнөөдөр тохиож байна

“Бөөр хамгаалах дэлхийн өдөр” өнөөдөр тохиож байна. ДЭМБ-ын мэдээллээр дэлхий дээр халдварт бус өвчин нийт хүн амын өвчлөлийн 72 хувийг эзэлдэг ажээ.

Судлаачдын үзэж байгаагаар халдварт бус өвчин дотор тэргүүлэх байрыг чихрийн шижин, даралт ихсэх өвчин болон бөөрний архаг өвчин эзэлдэг байна. Нийтдээ 600 сая гаруй бөөрний архаг өвчтэй хүн амьдарч байна. Эдгээр хүмүүсийн эмчилгээнд олон улс орны эрүүл мэндийн салбарын нийт төсвийн 80 хүртлэх хувийг зарцуулдаг аж.

Манай орны хүн амын дунд бөөр шээсний замын өвчин их байгаа бөгөөд түүний эцсийн хүндрэл болох бөөрний архаг дутагдал ихсэж өвчтөний амь насанд аюул учирч олон тооны хүн гадаад дотоодод өндөр өртөг зардал бүхий эмчилгээ хийлгэдэг байна. Тодруулбал, манай улсад жил бүр дунджаар 150-200 хүн бөөрний архаг дутагдалд ордог ажээ.

Categories
мэдээ нийгэм

“Орчлон” спорт клубээр үйлчлүүлэхийг урьж байна

Орчлон спорт клуб нь 2004 оны есдүгээр сард байгуулагдан үйл ажиллагаагаа амжилттай явуулж Улаанбаатар хотын хэмжээнд хамгийн цэвэр, тав тухтай, өндөр зэрэглэлийн цогц үйлчилгээг үзүүлэн ажиллаж байна.

Манай спорт клуб нь биеийн тамирын заал, усан бассейн (хүүхдийн жижиг, том) бялдаржуулах танхим, энгийн болон усны аэробек, газрын теннис, иога, саунзэрэг үйлчилгээг нэг дороос хэрэглэчиддээ хүргэдгээрээ бусад ижил төстэй байгууллагуудаас ялгардаг. Цогцолбор нь гишүүдэдтодорхой урамшуулал болон хөнгөлөлттэй үйлчилгээ үзүүлэх, мэргэжлийн багш нарынзаавар, хөтөлбөрийн дагуу хичээллүүлэх, хэрэглэчдээ дээдлэн аюулгүй байдлыг ханган, хамгийн чөлөөтэй таатай орчинг бүрдүүлэхэд гол анхаарлаа хандуулдаг.

Манай клубын үйлчилгээний төрлүүд болон 1 сарын үнэ

Манай клубээр үйлчлүүлэхээр ирэхдээ :

1.Шинжилгээний бичиг

2.Бэлтгэлийн хувцас, пүүз, усны сав, хөлсний алчуур

3.Усны хувцас, усны малгай, усны шил

4.Биеийн алчуур, биеийн саван, шампунь, биеийн тос, бие угаагч зэрэг зүйлсийг бэлтгэн ирнэ.

Бассейнд явахдаа :

1.Цагаан хорхой

2.Арьс өнгө

3.Сүрьеэ

4.Мазок зэрэг шинжилгээнүүдийг Сайд нарынII эмнэлгийн баруун урд талд байрлах “Express Laboratory” оношлогооны төвд өгнө.

Хичээлүүдийн цагийн хуваарийн танилцуулга

Ажиллах цагийн хуваарь

Утас нь: 88111409

Хаяг : Улаанбаатар хот, Сүхбаатар дүүрэг, 7-р хороо, Сэлбэ хотхон

Утас : 11-354327

И-мэйл : erdenebat@orchlon.edu.mn, club@orchlon.edu.mn,

Facebook хуудас: Orchlon health club

Categories
гадаад мэдээ

Америк, Куба хоёр шууд утсан холбоотой боллоо

АНУ, Куба хоёр нь шууд утсан холбоотой боллоо. Хоёр улс энэ холбоогоо 15 жилийн өмнө тасалсан аж. Кубын улсын харилцаа холбооны компаниас мэдээлсэнээр зөвхөн суурин утсаар холбогдоно гэдгийг онцолсон байна. Харин Америкийн тал удалгүй интернэтийн сүлжээг ашилан илүү дэвшилтэт холбоо харилцааг нэвтрүүлнэ гэдэгт найдаж байгаа гэнэ. Саяхныг болтол Куба Америк руу утсаар ярихдаа гуравдах орноо дамажуулан холбоотой барьдаг байсан юм.

Categories
мэдээ улс-төр

МАН-аас хариу мэдээлэл хийнэ

Одоо 12:00 цагаас МАН-ын Ерөнхий нарийн бичгийн дарга Ж.Мөнхбат, ХЭЗАББГ-ын дарга Д.Мөрөн нар хэвлэлийн хурал хийнэ. МАН-ын байр болох “Тусгаар тогтнол”-ын ордныг барихад улсын төсвөөс гаргасан 11 тэрбум төгрөгийг эргэн төлүүлэх санаачилгыг Ардчилсан намын гишүүд, дэмжигчдийн холбооноос гаргаж, өчигдөр мэдээлэл хийсэн. Уг барилгыг 14.6 тэрбум төгрөгийн санхүүжилтээр барьсан ба үүний 11 тэрбумыг нь төсвөөс шийдвэрлэсэн байдаг аж. Өчигдрийн энэ мэдээлэлд хариу тайлбар хийхээр МАН-аас ийнхүү хэвлэлийн хурал зарласан бололтой. Мөн Засгийн газар, Хууль зүйн яам, Шүүхийн шийдвэр гүйцэтгэх алба хууль зөрчиж байгаа талаар мэдээлэл хийх юм байна.