ОХУ-ын Ерөнхийөгч В.Путиндэлхийн II дайн болон чөлөөлөх дайнд оролцсон Монголын 300 ахмад дайчдыг “Эх орны дайны 70 жилийн ой” медалиар шагнах зарлиг гаргажээ. ШагналыгОХУ-аас Монгол Улсад суугаад Онц бөгөөд Бүрэн эрхт Элчин сайд И.К.Азизов өчигдөр гардуулан өглөө. Тэрээр ёслолын ажиллагааг нээж үг хэлэхдээ жил ирэх тусам ахмад дайчид маань цөөрсөр байгаа хэдий ч тэдний байгуулсан гавьяа хэзээ ч мартагдахгүй хэмээн онцлов. Эхний ээлжинд Монгол улсын баатар П.Шагдарсүрэн, ахмад дайчин Ц.Алтангэрэл, Д.Сандагдорж, Д.Чүлтэм,Н.Мияажав зэрэг 58ахмад дайчдад шагналыг гардуулсан юм. Харамсалтай нь тэднээс дөрөв нь шагналаа гардан авч чадалгүй хорвоогийн мөнх бусыг үзүүлсэн байна.
Ю.Дэлгэр
Уралдаант шалгаруулалтын нэр: “Багануур дүүргийн 2, 4, 5 дугаар хорооны нутаг дэвсгэрт 6,44 км авто зам барих” төсөл 
“Найрсаг Улаанбаатар” хөтөлбөрийн хүрээнд нийслэлийн Аялал жуулчлалын газраас үйлчилгээний ажилтнуудын чадварыг сайжруулж, найрсаг харилцааг төлөвшүүлэх сургалтуудыг цувралаар явуулж байна. Гуравдугаар сард Монголын ресторан зоогийн газруудын холбоотой хамтран “Рестораны менежерийн мэдлэг ур чадварыг хөгжүүлэх” сургалт, Гайд сургалтын төвтэй хамтран “Аяллын хөтөч, менежерийн сургалт”-ыг зохион байгуулсан бол 4-р сард ресторан, зоогийн газруудын зөөгч нарын сургалт, хотын аяллын хөтөч-тайлбарлагчийн сургалтыг явуулахаар бэлтгэж байна. Мөн тус газраас Монголын ресторан зоогийн газруудын холбоо, Зочид буудлуудын холбоотой хамтран 4 дүгээр сарын 03, 04-ний өдрүүдэд Дэлхийн аялал жуулчлалын байгууллагын дээд шагнал болох “Улиссийн шагнал”-т судлаач, Хонконгийн Политехникийн их сургуулийн Зочид буудал, аялал жуулчлалын тэнхимийн эрхлэгч, профессор Кайе Чоны төрийн болон нийтийн үйлчилгээний соёл, аялал жуулчлал, зочлох үйлчилгээний менежментийн сургалтыг Улаанбаатар хотод явуулахаар төлөвлөж байна. гэж нийслэлийн Аялал жуулчлалын газраас мэдээллээ. 
Ерөнхий сайдын Японд хийсэн айлчлалын үеэр Монгол-Японы Стратегийн түншлэлийн дунд хугацааны хөтөлбөрт гарын үсэг зурсанаар Хоккайдо мужтай хамтран ажиллах суурийг нь тавьсан. Энэ хүрээнд Хүнс, хөдөө аж ахуйн яам Япон улсын Хоккайдо муж хооронд хүнс, хөдөө аж ахуйн салбарт хамтран ажиллах тухай харилцан ойлголцлын “Санамж бичиг”-т талууд өнөөдөр гарын үсэг зурлаа. “Санамж бичиг”-ийг байгуулсанаар Монгол Улстай цаг агаарын нөхцөл нь төстэй Хоккайдо мужийн хөдөө аж ахуйн өнөөгийн байдал, хүйтэн бүст тохирсон технологийг нь судлан туршлага солилцож, тус мужийн хувийн хэвшлийнхэнтэй техникийн хамтын ажиллагаагаа хөгжүүлэх зэрэг өргөн боломж нээгдэж байна. 
Япон улсад болж буй НҮБ-ын Гамшгийн аюулыг бууруулах газраас “Гамшгийн эрсдэлийг бууруулах дэлхийн гуравдугаар бага хурал”-д Шадар сайд У.Хүрэлсүх тэргүүтэй төлөөлөгчид оролцож байна.
Эдийн засаг хямралтай байгаа нь бүхий л салбарт нөлөөлж, худалдан авалт мууджээ. Томоохон брэндийн дэлгүүрүүд бараа бүтээгдэхүүнийхээ үнийг огцом хямдруулж байна. Тэгвэл автомашины үнэ ч буурсан аж. Техникийн зах дээр худалдаалж байгаа автомашинууд сарын өмнөхөөс даруй 2-3 сая төгрөгөөр хямдарсан байна. Ченжүүд өөрсдийн тогтоосон үнээсээ маш сайн хямдруулж байсан шүү. Мэдээж, автомашинууд үйлдвэрлэсэн он, Монголд орж ирсэн хугацаа, эдэлгээ зэргээс хамаарч харилцан адилгүй үнэтэй. 
Монгол Улс гурван сая дахь иргэндээ зориулж 500 болон 5000 тэмдэгтийн зоосон мөнгө гаргасан билээ. Тэгвэл одоогоор 7500 ширхэг зэсээр бүрж хийсэн зоосон мөнгийг худалдаан гаргасан байна.
“Босоо хөх Монгол” ТББ-ын гишүүн танхайрч, бусдын биед халдсан гэх хэргийг Чингэлтэй дүүргийн цагдаагийн I хэлтэс шалгаж эхэлсэн байна. Цагдаагийн байгууллагын эх сурвалжийн мэдээлснээр Ө.Өнөржаргал нь “Хэлмэгдэгсэд”-ийн хөшөөний орчимд “Ногоон хас” ТББ-ын тэргүүн М.Бямбадоржийг зодож танхайрсан гэнэ.
Улаанбаатар хотын Захирагчийн ажлын алба, дүүргийн гэрэлтүүлэг хариуцсан мэргэжилтнүүд, Нийтийн үйлчилгээний “Улаанбаатар нэгтгэл” ОНӨААТҮГ-ын инженерүүд хамтран нийслэлийн төвийн 6 дүүргийн гэрэлтүүлэгт үзлэг шалгалт хийсэн байна.
Архангай аймагт “Дашваанжил” компанийн шингэрүүлсэн шатдаг хийгээр цэнэглэх станц ашиглалтанд орж буйтай холбогдуулан МХЕГ, аймгийн МХГ, ОБХ хамтран “Шингэрүүлсэн шатдаг хийн тоног төхөөрөмжийн техник ашиглалт, аюулгүй ажиллагаа, тээвэрлэлтийн болон техникийн аюулгүй байдлыг хангах” салбарын сургалтыг зохион байгуулжээ.