Жил бүрийн Дэлхийн давсны 7 хоногийн үйл ажиллагааны чиглэл нь хүн амын дундах давсны хор нөлөөний талаарх ойлголтыг нэмэгдүүлэх зорилготой зохион байгуулагддаг билээ. Энэ жилийн давсны 7 хоногийн уриа нь “Давс ба хүүхэд” юм. Насанд хүрэгчдийн нэгэн адил хүүхэд давсыг их хэрэглэх хандлагатай байна. Давсны их хэрэглээ нь хүний хөгжилд нөлөөлж цусны даралт ихсэх, яс сийрэгжих, гуурсан хоолойн багтраа, ходоодны хавдар, хэт таргалалт, амьсгалын замын өвчин зэрэг хэд хэдэн өвчний урьтал болох эрсдэлийг бий болгодог. Иймээс эцэг эх, асран хамгаалагч та хүүхдийнхээ давсны хэрэглээг бууруулах хэрэгтэй. Хүүхдийн давсны хэрэглээг бууруулах хамгийн энгийн арга бол бага наснаас нь давсгүй хоол идүүлэх, давсгүй цай уулгах зэрэгт хэвшүүлэхээс гадна хүүхдийн хоолыг бэлтгэхдээ давсны хэмжээг өдөр өдрөөр багасгах нь хамгийн зөв юм.
Австрали улсын Анагаах ухаан, эрүүл мэнд судлалын үндэсний зөвлөл (NHMRC) -өөс давсны хэрэглээний дээд хязгаарыг насны бүлэгт тохируулан хэрэглэх зөвлөмжийг гаргасан байдаг
.Хүүхдийн давсны хоногийн хэрэглээний дээд хязгаар (насны бүлгээр)
2013 онд Дэлхийн эрүүл мэндийн байгууллагын гишүүн орон болох Австрали улс нь хүн амын давсны хэрэглээг 30%-иар, зүрх судасны өвчин, хорт хавдар, чихрийн шижин, амьсгалын замын архаг өвчний шалтгаан нас баралтыг 25%-иар бууруулах зорилт тавиж ажилласан нь үр дүнгээ өгч эхэлсэн байна.
Говь-Алтай аймгийн МАН-ын дарга В.Ринчендорж, тус намын дэд дарга В.Сүррагчаа нар өнгөрсөн оны зургадугаар сард бүлэглэн танхайрч гэмт хэрэг үйлджээ. Тэд аймгийн МАН-ын хорооны Тэргүүлэгчдийн хурлын үеэр хуучин удирдлагуудаа зодож, нэгнийх нь гарыг хугалан хүнд гэмтэл учруулсан аж. Шүүх хурал нь гурав хоногийн өмнө болжВ.Ринчендорж, В.Сүррагчаа нарт хоёр жилийн тэнсэн харгалзах ял оноосон байна.Аймгийн МАН-ын удирдлагуудыг бүлэглэн танхайрч хүний биед хүндэвтэр гэмтэл учруулсан хэмээн үзэж Эрүүгийн хуулийн 181.1.2, 181.1.5-аар хэрэг үүсгэж шалгаж байсан юм. Хуулийн дагуу бол ийм хэрэг үйлдсэн хэрэгтэнд 3-5 жилийн ял өгдөг юм байна. Хохирогч талын зүгээс эрх мэдэлтнүүдэд хуулийн хүрээнд ял оногдуулсангүй гэжаймгийн шүүхийг буруутгаж байгаа аж. 
Украинд хүн амын төвлөрсөн хангамжийн халуун усны үнийг дөрөвдүгээр сарын 1-нээс 55-57 хувиар, халаалтын үнийг 73 хувиар нэмэгдүүлж байгааг Украины Бүс нутгийн яамны “Амьдралын хангамж”-ийн газрын газрын дарга Наталья Хоцяновская мэдэгдсэн байна.
Аж үйлдвэрийн яамнаас өнөөдөр Эдийн засгийн түншлэлийн тухай Монгол Улс, Япон улс хоорондын хэлэлцээрийн танилцуулгыг хийлээ. Хэлэлцээр танилцуулах үйл ажиллагаанд Аж үйлдвэрийн яамны Худалдааны бодлого зохицуулалтын газрын дарга Б.Золтуяа, ахлах мэргэжилтэн Д.Эрдэнэ-Очир, мэргэжилтэн Д.Сувдаа, Г.Туяа нар болон үйлдвэрлэгчид, мэргэжлийн холбоод, хувийн хэвшлийнхний төлөөлөл оролцож санал, бодлоо солилцсон юм.
Өнөөдрийн байдлаар Дэлхийн худалдааны байгууллага (ДХБ)-ын гишүүн орнууд 580 гаруй бүс нутгийн болон чөлөөт худалдааны хэлэлцээр байгуулаад байна. Улмаар ДХБ-ын 160 гишүүн орон бүгд аливаа нэгэн бүс нутгийн болон чөлөөт худалдааны хэлэлцээрт нэгджээ. Иймд өнөөгийн даяаршсан нийгэмд Монгол Улс “Эдийн засгийн түншлэлийн тухай” хэлэлцээрийг (ЭЗТХ) Япон улстай байгуулснаар манай улс бүс нутгийн эдийн засгийн интеграцид нэгдэн орох үүдийг нээсэн байна.
Монгол Улсын Ерөнхийлөгчийн Тамгын газрын дарга П.Цагаан, Ерөнхийлөгчийн зөвлөх Л.Дашдорж, Ч.Өнөрбаяр, Тамгын газрын дэд дарга Б.Тогтохбуян, Хэвлэл, мэдээллийн албаны дарга П.Сайнбилэг нар Монгол Улсад айлчилж байгаа Мьянмарын Холбооны Бүгд Найрамдах улсын Ерөнхийлөгчийн Зөвлөхүүдийн албаны төлөөлөгчдийг өнөөдөр хүлээн авч уулзав.
Аж үйлдвэрийн сайдын тушаалаар өчигдөр “Замын-Үүд” чөлөөт бүсийн захирагч Д.Батсайхан, “Алтанбулаг” чөлөөт бүсийн захирагчийн үүргийг түр орлон гүйцэтгэгч Ч.Чимэдсүрэн нарыг үүрэгт ажлаас нь чөлөөлж, шинэ хүмүүсийг томилжээ. Тодруулбал, П.Тогтохбаярыг “Алтанбулаг” чөлөөт бүсийн захирагчийн үүргийг түр орлон гүйцэтгэгчээр, Д.Баасандоржийг “Замын-Үүд” чөлөөт бүсийн захирагчийн үүргийг түр орлон гүйцэтгэгчээр тус тус томилсон байна. УИХ-аас өнгөрсөн нэгдүгээр сард Чөлөөт бүсийн тухай хуулийг шинэчлэн баталсан байдаг. Уг хуулиар Чөлөөт бүсийн асуудал Аж үйлдвэрийн сайдын эрхлэх асуудлын хүрээнд харьяалагдаж, зохицуулагдахаар зааж өгсөн юм.
Холливудын нэрт найруулагч, жүжигчин Брюс Уиллисөнөөдөр 60 нас хүрлээ. “Хатуу самар”, “Найзууд” , “Зургаа дахь мэдрэхүй” зэрэгбүтээлүүдээрээ тэрээр Америкт төдийгүй дэлхий дахинаа танил болсон. Түүний амжилтанд хүрсэн замнал нь маш сонин.