МАН-ын дарга М.Энхболд “Өдрийн сонин”-д өгсөн ярилцлагадаа “…Бид жилийн 1.5 тэрбум төгрөгөөс доош орлоготой аж ахуйн нэгжийн орлогын албан татварыг нэг хувь болгоё гээд хуулийн төсөл өргөн барьсан. Үүнийг хэлэлцээгүй. Уг нь шийдээд явчих боломж бий. Улсын төсөвт их дарамт болж ирэхгүй. 10 хувийн татварыг нэг хувь болгоно гэдэг маань жижиг, дунд бизнес эрхлэгчдэд ямар их хөнгөлөлт, урам болно гээч. Энэ чинь л өөрөө эдийн засгийн хүндрэлээс гарах том боломж болно. Ийм зүйлүүдээ бодож, боловсруулж, дахин хэлэлцэхэд Засгийн газар илүү шуурхай ажиллах хэрэгтэй байна” гэсэн юм.
Оны өмнө МАН, АН хоёр хоёулаа жилийн борлуулалтын орлого нь 1.5 тэрбум төгрөгөөс илүүгүй аж ахуйн нэгжүүдийн орлогын албан татварыг бууруулах дээр санал нэгдсэн. Гэтэл татварынх нь хувь хэмжээг яаж буулгах вэ гэдэг дээр санал зөрж, УИХ-ын чуулганаар хэлэлцэлгүй унагасан юм.
АН-ынхан Аж ахуйн орлогын албан татварын хуульд нэмэлт өөрчлөлт оруулж, жилийн борлуулалтын орлого нь 1.5 тэрбум төгрөгөөс доош орлоготой компаниудад, аж ахуйн нэгжийн орлогын 90 хувийг буцааж өгөх бодлогыг дэвшүүлсэн. Арван хувийн татварын есийг нь дараа жилийн эхний улиралд буцаан олгохдоо татвараа үнэн зөв мэдүүлсэн, хугацаанд нь төлсөн байх гэх мэт олон шалгуур, болзлыг харгалзана гэсэн.
Харин МАН-ынхан 1.5 тэрбум төгрөгөөс доош орлоготой аж ахуйн нэгжийн орлогын албан татварыг шууд нэг хувь болгох хуулийн төсөл санаачилсан. Өөрөөр хэлбэл, арван хувийн татвар төлөөд дахиад баахан бичиг баримт бүрдүүлж байж есөн хувийг нь буцааж авдаг биш анхнаасаа нэг хувийн татвар төлдөг байх санаачилга гаргасан. Үүнийгээ аж ахуйн нэгжүүдэд чирэгдэл учруулахгүй, ямар нэгэн байдлаар ялгахгүй, шударга зарчим үйлчилсэн, аж ахуйн нэгж, бизнесийн байгууллагын ил тод байдал хангагдах, татварын байгууллагын ачаалал, захиргааны зардал буурах, төр бизнесийн байгууллагын харилцан итгэлцлийг бүрдүүлэх, татвараа шударгаар төлөх сонирхол ихсэх ач холбогдолтой гэж тайлбарлаж байсан билээ.
Нэг гаргалгаатай хоёр хуулийн төслөөс бизнес эрхлэгчид МАН-ын өргөн барьсан хуулийн төсөл илүү амьдралд ойр гэдгийг ярьж байгаа. Төлсөн татварынхаа 90 хувийг буцааж авах гэж бизнес эрхлэгчид татварын байцаагчдаас эхлээд төрийн хүнд суртал, шат дамжлага бүрийг давах гэж цаг хугацаа, хөрөнгө мөнгөө алдана. Хугацаандаа татвараа төлөөгүй, бичиг баримт дутуу гээд татварынхан ямар нэгэн шалтаг гаргаж ирээд төлсөн татварыг нь буцааж олгохгүй. Харин анхнаасаа нэг хувийн татвар төлөөд явчихвал ямар ч чирэгдэлгүй, эдийн засаг хүндэрсэн энэ үед аж ахуйн нэгжүүдийг дэмжсэн бодлого болно гэдгийг бизнес эрхлэгчид ярьж байна. Нэг хувийн татвар төлөөд явчихвал орлогоо нуух шаардлагагүй, танил тал хайхгүй, татварын байцаагчийн хурууны үзүүрээр эрэмблэгдэхгүй, бүх аж ахуйн нэгж ижил хөнгөлөлт эдэлнэ гэдгийг тэд хэлж байгаа.
1.5 тэрбумтөгрөгөөс доош орлоготой аж ахуйн нэгж улсад татвар төлж байгаа бүх аж ахуйн нэгжүүдийн 13 хувийг л эзэлдэг гэсэн судалгаа бий. Тэдгээр аж ахуйн нэгжүүд энэ онд улсад 70 орчим тэрбум төгрөг төлнө гэж төлөвлөжээ. Энэ мөнгийг өөр замаар нөхөх бүрэн боломж байгааг эдийн засагчид ярьдаг. Үр дүнд нь татвараас хөнгөлөгдсөн аж ахуйн нэгжүүд хөл дээрээ босч, хүндэрсэн эдийн засгийг өндийлгөхөд нэмэр болно. Тиймээс МАН-ын яриад байгаа татварыг нэг хувь болгох хуулийн төслийг хаврын чуулганаар яаралтай хэлэлцэж, баталмаар байна.
Ц.ӨРНӨХ
2000-аад он гарсаар Монголд уул уурхайн салбарын хөрөнгө оруулалт ихээр нэмэгдэж, эрчимжсэн. Салбарын идэвхижлийг даган гадаадын хөрөнгө оруулагчид Монголыг сонирхож, дэлхийд нэр алдар нь цуурайтсан уул уурхайн олон ч компани манай улстай нэр холбогдож үзлээ. Тэдний дайнд дүйхгүй ч гэлээ Монголдоо томхонд тооцогдох компаниуд ч бас уул уурхайд хөл тавьж, нэг үеэ бодвол дотоодын уул уурхайн компаниуд хэдэн зуугаар тоологдох болж. Сайн, муу хэлүүлдэг ч гэлээ уул уурхайн салбар өнөөдөр улсын экспортын орлогын 90 орчим хувийг бүрдүүлж, татварын орлогоор та биднийг “тэжээж” байгаа нь нууц биш. 
“Хүннү молл энтертэйнмент” энэ сарын 20 буюу өнгөрсөн тав дахь өдөр нээлтээ хийсэн билээ. Нээлтээ хийгээд гурав хонож байгаа ч олны хөл тасрахгүй байна. 
Хүннү моллын энтертэйнмент хэсэгт Хүннү Молл кино театр нь хамгийн сүүлийн үеийн 3D, Долби Сурраунд 7.1 системээр тоноглогдсон дөрвөн танхим бүхий нийт мянган хүний суудалтай юм байна. Кино театрын дуу дүрсний суурилуулалт, тохиргоог Герман инженерүүд гүйцэтгэж байгаа ба Моллын нэгдсэн агааржуулалт, агаар халаагч системээр тоноглогдож галын болон камерын хяналтын системийн цогц шийдэлтэй. Мөн попкорн, амттан ундааны, автомат тоглоомын болон хүлээлгийн хэсгүүдээс бүрдэнэ. Түүнчлэн үзэгчдэдээ хамгийн сүүлийн үеийн Холливудын болон Монгол кинонуудыг толилуулахаас гадна арга хэмжээ, хурал зөвлөгөөн гэх мэт олон төрлийн үйл ажиллагаа зохион байгуулах боломжтой кино театр болж байгаа гэнэ. Хүннү молл кино театрт том хүн 2D кино үзэхэд 7000,3D кино 8000, хүүхэд 2D кино 4000, 3D кино 5000 төгрөгийн үнэтэй байна. Ажлын таван өдөр таван цагаас өмнөх үзвэрүүд хямдралтай байх гэнэ. Одоогоор “Аав”, “Аюултай харилцаа”, “247 градус”, “Содура”, “Ciderella” зэрэг кино тус театрт гарч байгаа юм байна. 
2000 м2 талбай бүхий нийт 120 хүүхэд тоглох багтаамжтай олон төрлийн тоглоомуудтай орчин үеийн шинэлэг тоглоомын төв байна. Үүнд 3-12 насны 12 хүүхэд зэрэг тоглох боломжтой морин тойруулга, 12-оос дээш насны хүүхдүүд тоглох боломжтой Go-Kart уралдааны таван машин, 2-12 насны 100 хүүхэд зэрэг тоглох боломжтой зөөлөн тоглоомын талбай гэсэн хэсгүүдтэй аж. Түүнчлэн 10-25 хүүхдийн багтаамжтай хүүхдийн төрсөн өдрийн өрөөтэй гэнэ. Тус тоглоомын төвд 1-3 цаг 10000 төгрөг байх аж. 
Өнөөдөр сүрьеэ өвчинтэй тэмцэх өдөр. Манай улс энэ жил “СҮРЬЕЭГ ИЛРҮҮЛЬЕ, ЭМЧЛЭЕ, ЭДГЭРҮҮЛЬЕ” уриан дор тэмдэглэн өнгөрүүлж байна. Дэлхий нийтэд сүрьеэ өвчин нь нийгмийн эрүүл мэндийн тулгамдсан асуудал хэвээр байна. 2013 оны ДЭМБ-ын тайланд дурдсанаар 9.0 сая хүн сүрьеэгээр өвчилж, 1.5 сая хүн сүрьеэгийн улмаас нас барсан байна. Мянганы хөгжлийн зорилт-д 2015 онд сүрьеэ өвчний тархалт, нас баралтыг 1990 оны түвшингээс 50 хувиар бууруулах зорилго дэвшүүлсэн ба энэ зорилтыг биелүүлэх Монгол улсын Үндэсний хөгжлийн цогц бодлогын хүрээнд сүрьеэтэй тэмцэх ажилд багагүй амжилт олсон байна. Дэлхий дахинд халдварт өвчний улмаас нас барах тохиолдлын нэгдүгээр ХДХВ, ДОХ дараа нь сүрьеэ орж байна. 2012 оны байдлаар 450 мянган хүн Олон эмэнд тэсвэртэй сүрьеэгээр өвчилсөн ба 92 оронд Маш олон эмэнд дасалтай сүрьеэгийн тохиолдол бүртгэгдсэн байна.
ОХУ руу визгүй зорчиж эхэлснээс хойш хилээр нэвтрэх иргэдийн тоо эрс өсч үүнтэй холбогдуулан хилээр нэвтрэх тээврийн хэрэгслийн зөвшөөрлийн бичгийн нөөц дуусч байгаа ажээ.
“Цагдаагийн албаны тухай хууль”-ийг батлан өнгөрсөн нэгдүгээр сараас эхлэн дагаж мөрдсөн билээ. Үүнтэй холбоотойгоор цагдаагийн цол олгох журамд өөрчлөлт оруулж, албан тушаалын цол болгон өөрчилсөн юм. Үүнээс болж 400 гаруй хүн цолоо хураалгаж, тушаал буураад байсан юм. 
Монгол улс ДЭМБ-ын Номхон далайн баруун эргийн бүсийн 37 орноос сүрьеэгийн тархалт, нас баралт ихтэй долоон орны тоонд багтдаг болохыг Эрүүл мэндийн яамнаас мэдээллээ. Сүрьеэ нь хүн амын нас баралтын шалтгааны зургаадугаарт, халдварт өвчний шалтгаантай нас баралтын нэгдүгээрт орж байна. Хүн амын дундах сүрьеэ өвчний тархалтыг тогтоож, сүрьеэтэй тэмцэх, сэргийлэх стратегийн хэрэгжилтийг сайжруулах арга замыг тодорхойлох хэрэгцээ, шаардлага байгааг харгалзан Монгол Улсын Засгийн Газар болон Глобаль сангийн дэмжлэгтэй сүрьеэгийн нэгтгэсэн төслийн хүрээнд “Монгол улсын хүн амын дундах сүрьеэгийн тархалтын түвшинг тогтоох судалгаа”-г 2012 оноос эхлэн хэрэгжүүлж байна. Судалгаа нь 2016 оныг дуустал үргэлжлэх бөгөөд Монгол орны газарзүйн бүсчлэлийн дагуу Баруун бүсээс Баян-Өлгий, Ховд, Завхан аймгууд, Хангайн бүсээс Баянхонгор, Булган, Өвөрхангай аймгууд, Төвийн бүсээс Дорноговь, Сэлэнгэ, Төв аймгууд, Зүүн бүсээс Дорнод, Сүхбаатар аймгууд, төвийн бүсээс Улаанбаатар хот, Дархан уул, Орхон аймгуудийн 15-аас дээш насны хүн амыг санамсаргүй түүврийн аргаар сонгон хамруулж байна. Судалгаанд шаардлагатай түүврийн хэмжээг 2011 онд ДЭМБ-аас гаргасан “Сүрьеэгийн тархалтын судалгааны удирдамжинд заагдсан параметрүүд болон томъёог ашиглан 46 мянган хүнийг хамруулахаар тооцооолон үргэлжлэж байна.
“Өдрийн сонин”-ы өнгөрөгч долоо хоногийн мягмар гаригийн дугаарт доктор Г.Өнөрбаяр чөлөөт хэвлэлд маш харгисаар нөлөөлж, хэвлэл мэдээллийн байгууллага, сэтгүүлчдийн эрхэнд ноцтойгоор халдсан Эрүүгийн болон Зөрчлийн тухай хуулийн тодорхой заалтуудын талаар яриа дэлгэсэн. Эрүүгийн болон Зөрчлийн тухайн хуулиуд энэ хаврын чуулганаар хэлэлцэгдэхээр хүлээгдэж байгаа. Уг хоёр хуулинд чөлөөт хэвлэлийг тас багалзуурдсан, сэтгүүлчдийг боомилсон, хэвлэл мэдээллийн хэрэгслийг ор үндсээр нь, сууриар нь байхгүй болгох гэсэн харгис заалтууд тусгагдсан юм. Тодруулбал, Зөрчлийн тухай хуулийнтөслийн 10.4.3-т “Мэдээлэх хэрэгсэл ашиглан сурвалжлага, мэдээ, тоймчийн нийтлэл болон зар сурталчилгааны бус хэлбэрээр зар сурталчилгаа байрлуулсан, түгээсний төлөө төлбөр авсан бол хувь хүнийг 250 тооцооны нэгжтэй тэнцэх хэмжээний төгрөгөөр, хуулийн этгээдийг 2500 тооцооны нэгжтэй тэнцэх хэмжээний төгрөгөөр торгох ял шийтгэнэ” гэж заажээ. 
Аргадаж ханилдаг эхнэр, айж унадаг морь шиг хэрэггүй юм байхгүй гэж амьдрал таньсан хүмүүс ярьдаг. Гэхдээ энд эхнэр хүүхдийн асуудал ярих гэсэнгүй. Зүгээр л жишээлж байгаа хэрэг. Ухаандаа ажлын талбар дээр, хамтран ажиллаж байгаа хүмүүсийн дунд тийм нэг арга эв нь олддоггүй, өөрийнхөөрөө муйхарласан, ер ганцаараа ажиллаж амьдарч байгаа мэт ааш авир гаргадаг хүмүүс байдаг. Таны зан араншин бол таны хувь тавилан юм гэдгийг огт мэдэрдэггүй хүмүүс. Таны хэр амьдарч байгаа чинь таны зан араншингаас үүдэлтэй гэдгийг ойлгох ёстой. Тэдэнд л зориулсан үг юм. Амьдрал дээр ч тэр эхнэрээ үргэлж аргадсан, ар өвөрт нь гүйж, яахав ийхэв, хайраа ханиа, энхрийнхэн минь… юу юу ч гэнэ вээ, ертөнцөд олдошгүй амьтныг олоод авсан юм шиг эхнэрийнхээ өмнө бөхөлзөх нь эр хүний үнэ цэнээ алдаж буй хэрэг. “Эрчүүд хайртай бүсгүйгээ хэт их хайрлахын хэрээр тэдний дургүйг нь хүргэж байдаг” гэсэн суутны үг бий.Яг энэ агаар лугаа адилаар Монголд аливаа байгууллагын удирдлагын зүгээс сайн ажилтнаа хэт туйлшран магтахын хэрээр нөгөөдөхөөс нь “Надаас өөр хүн энд алга” гэсэн биеэ тоосон шинж чанар илэрдэг. Аливаад халихгүй, жижгэрэхгүй байх сайхан. Амьдралаас олсон бүхэндээ сэтгэл хангалуун байж, даруухнаар дээшээ өгсөж дэвжиж байгаа хүмүүс олон байна шүү дээ.