Month: March 2015

Categories
мэдээ нийгэм

Оношлогооны цэгүүдийн зарим байршил, цагийн хуваарьт өөрчлөлт оруулжээ

Монгол Улсын “Авто тээврийн өөрөө явагч хэрэгслийн албан татварын тухай хууль, Агаарын бохирдлын төлбөрийн тухай хууль”-ийн дагуу авто тээврийн болон өөрөө явагч хэрэгслийг эзэмшиж байгаа хувь хүн, хуулийн этгээд жил бүр албан татвар төлдөг. Хуулиар хувь хүн авто тээврийн болон өөрөө явагч хэрэгслийн албан татварыг жилд нэг удаа тухайн жилийн зургадугаар сарын 01-ний дотор төлөх үүрэгтэй бол албан байгууллага, аж ахуйн нэгж эхний хагас жилээр албан татварыг төлөх ба жилийн албан татварыг урьдчилан төлөх боломжтой гэж заасан байдаг.

Уг хуулийг хэрэгжүүлэх зорилгоор Нийслэлийн Иргэдийн Төлөөлөгчдийн Хурлын Тэргүүлэгчдийн 2015 оны 01-р сарын 26-ны өдрийн 28 дугаар тогтоолоор “Нийслэлд авто тээврийн хэрэгслийн бүртгэл, төлбөрийн тогтолцоог шинэчлэн нэвтрүүлэх журам”-ыг баталсан. Шинэчлэсэн журмын дагуу Авто тээврийн хэрэгслийн албан татвар, төлбөр хураах ажлыг улсын дугаарын сүүлийн тооноос хамаарч төлөхөөр зохицуулалт хийсэн.
Тодруулбал, жолооч таны автомашины улсын дугаар :
  • 1, 6 тоогоор төгссөн бол нэгдүгээр сард
  • 2, 7 тоогоор төгссөн бол хоёр дугаар сард
  • 3, 8 тоогоор төгсссөн бол гуравдугаар сард
  • 4, 9 тоогоор төгссөн бол дөрөвдүгээр сард
  • 5,0 тоогоор төгссөн бол тав дугаар сард албан татвар, төлбөр хураамжаа төлнө
Энэхүү зохицуулалтын дагуу автомашины улсын дугаар нь 3,8-аар төгссөн бол энэ сард албан татвар, төлбөр хураамжаа төлнө. Энэ жилийн хувьд нэг, хоёр дугаар сард төлөх жолооч нарын төлөлтийн хуваарь өнгөрсөн ч зургаадугаар сарын 1-нээс өмнө нөхөж төлөх боломжтой бөгөөд та энэ жилдээ торгууль шимтгэл төлөхгүй. Мөн та автомашиныхаа улсын дугаараас хамааран 4,5 сард төлөх хуваарьтай бол өмнө нь буюу урьдчилж энэ сард ч татвараа төлөх боломжтой. Эхний улиралд албан татвар, төлбөрийн төлөвлөгөөний гүйцэтгэл 88-97 хувьтай байна. Улирал дуусахад төлөвлөгөө бүрэн биелэх боломжтой гэж албаныхан үзэж байна. Авто тээвэр болон өөрөө явагч хэрэгслийн албан татвар, төлбөр хураамжаа төлөх нэг цэгийн үйлчилгээний зарим байршил, цагийн хуваарьт өөрчлөлт орууллаа. “Ухаалаг Улаанбаатар” хөтөлбөрийн хүрээнд “Smartcar.mn” мэдээллийн системийн хэрэглээг өргөжүүлж, нийслэлд бүртгэлтэй, идэвхтэй тээврийн хэрэгслийн нэгдсэн санг үндэслэн нийслэлийн Мэдээллийн технологийн газар, Татварын алба авто тээврийн хэрэгслийн албан татвар, төлбөрийг онлайн, интернэт, мобайл банкаар шууд төлдөг тогтолцоонд шилжүүлэхээр арилжааны банкуудтай хамтран төлөвлөгөө гарган ажиллаж байна. Одоогоор Улаанбаатар банк оношлогооны цэгүүд дээр байршин үйл ажиллагаа явуулж байна. Хэрэв хуульд заасан хугацаанд татвараа төлөөгүй тохиолдолд Замын цагдаагийн алба нь өөрийн эрх хэмжээ, хуулийн хүрээнд авто тээврийн эзэмшигчдэд хариуцлага тооцож, замын хөдөлгөөнд оролцуулахгүй байх хүртэл холбогдох хуулийн дагуу арга хэмжээ авна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

АТБӨЯХ-ИЙН АЛБАН ТАТВАР, АГААРЫН БОХИРДЛЫН
ТӨЛБӨР, АВТОЗАМ АШИГЛАСНЫ ТӨЛБӨР ХУРААХ
НЭГ ЦЭГИЙН ҮЙЛЧИЛГЭЭНИЙ БАЙРШИЛ

Д/д Дүүргүүд Байршил Хугацаа Цагийн хуваарь
1 Автотээврийн үндэсний төвийн бүртгэлийн газар Баянзүрх дүүргийн авто вокзалын ард Таван ган трейд ХХК-ийн байранд 2015.01.01-12.31 Ажлын өдрүүдэд 08.30-17.30
2 БГД-ийн хяналтын үзлэг оношлогооны байр БГД-ийн 20 дугаар хороо Хөсөг трейд ХХК-ийн хашаанд 2015.01.01-12.31 Ажлын өдрүүдэд 08.30-20.30 Амралтын өдрүүдэд 09.00-19.00
3 БЗД-ийн хяналтын үзлэг оношлогооны байр БЗД-ийн 8 дугаар хороо Чулуун овоо Авто вокзалийн байранд 2015.01.01-12.31 Ажлын өдрүүдэд 08.30-17.30
4 СХД-ийн хяналтын үзлэг оношлогооны байр СХД-ийн 20 дугаар хороо Автобус-2 ХК-ий хойд талд 2015.01.01-12.31 Ажлын өдрүүдэд 08.30-20.30 Амралтын өдрүүдэд 09.00-19.00
5 Авто тээврийн үндэсний төвийн тээврийн хэрэгслийн бүртгэлийн хэлтэс СБД-н 2 хороо АСА циркийн өргөтгөлийн байранд 2015.01.01-12.31 Ажлын өдрүүдэд 08.30-17.30
6 Хан-Уул дүүргийн татварын хэлтэс ХУД-ийн 3-р хороо ЗДТГ-ын хажууд Татварын хэлтсийн байр 2015.01.01-12.31 Ажлын өдрүүдэд 08.30-17.30
7 Баянгол дүүргийн татварын хэлтэс БГД-ийн 1-р дүгээр хороо, Татварын хэлтсийн байр /Хуучнаар хотын гаалийн байр/ 2015.01.01-12.31 Ажлын өдрүүдэд 08.30-17.30
8 Баянзүрх дүүргийн татварын хэлтэс /Иргэд/ БЗД-ийн 26-р хороо ДҮНЖИНГАРАВ худалдааны төв 2015.03.17-05.31 Ажлын өдрүүдэд 09.00-18.00 Амралтын өдрүүдэд 10.00-17.00
9 Баянзүрх дүүргийн татварын хэлтэс /ААНБ, хуулийн этгээд/ БЗД-ийн 13 дугаар хороо, Татварын хэлтсийн байранд 2015.01.01-12.31 Ажлын өдрүүдэд 08.30-17.30
10 Сонгинохайрхан дүүргийн татварын хэлтэс СХД-ийн 18 дүгээр хороо Геологийн төв лабораторийн ард Татварын хэлтсийн байранд 2015.01.01-12.31 Ажлын өдрүүдэд 08.30-17.30
11 Чингэлтэй дүүргийн татварын хэлтэс ЧД-ийн 4 дүгээр хороо Ж.Самбуугийн гудамж ЗДТГ-ын байр “Нэг цонхны үйлчилгээний танхим” 2015.01.01-12.31 Ажлын өдрүүдэд 08.30-17.30
12 Сүхбаатар дүүргийн татварын хэлтэс ЧД-ийн 4-р хороо, Сангийн Яамны баруун талд Тод таур цамхагийн байранд 2015.01.01-12.31 Ажлын өдрүүдэд 08.30-17.30
13 Налайх дүүргийн татварын хэлтэс Налайх дүүргийн Татварын хэлтсийн нэг цэгийн үйлчилгээний байранд 2015.01.01-12.31 Ажлын өдрүүдэд 08.30-17.30
14 Багануур дүүргийн татварын хэлтэс Багануур дүүргийн Татварын хэлтсийн нэг цэгийн үйлчилгээний байранд 2015.01.01-12.31 Ажлын өдрүүдэд 08.30-17.30
15 Багахангай дүүргийн татварын хэлтэс Багахангай дүүргийн Засаг даргын Тамгын газрын байранд 2015.01.01-12.31 Ажлын өдрүүдэд 08.30-17.30
Categories
мэдээ улс-төр

Улаанбаатар хотын хог хаягдлын менежментийг боловсронгуй болгоно

Улаанбаатар хотын Захирагчийн ажлын албанаас нийслэлийн хог хаягдлын менежментийг боловсронгуй болгох ажлын удирдамжийг Нийслэлийн удирдлагын зөвлөлийн хурлаар хэлэлцүүллээ.

Энэхүү ажлын хүрээнд нэн тэргүүнд хог тээвэрлэгч байгууллагуудын хүчин чадлын үнэлгээг хийж, хүрч үйлчилж чадахгүй байгаа хороо, бүсүүдийг тодорхойлох юм.Тэдгээр хэсэгт хог цуглуулж, тээвэрлэх үйлчилгээг жигд хүргэх арга хэмжээг тухайн бүсийн хог тээвэрлэгчтэй хамтран хорооны иргэдийн оролцоотойгоор хэрэгжүүлнэ. Тохижилт, хог хаягдлын чиглэлээр хяналт шалгалтыг сайжруулах зорилгоор хог тээвэрлэгч байгууллага болон ТББ, хорооны иргэдээс олон нийтийн байцаагчийг дүүргийн Засаг даргын захирамжаар томилон ажиллуулах юм. Эдгээр олон нийтийн байцаагч нь хороод дээр тогтмол ажиллаж хог хаягдал, тохижилттой холбоотой зөрчлийг баримтжуулж, зөрчлийн тэмдэглэлийг үйлдэж хорооны Засаг дарга болон мэргэжлийн хяналтын улсын байцаагчид зөрчлийн тэмдэглэлийг шилжүүлж, зөрчил гаргасан этгээдэд холбогдох хууль, журмын дагуу торгууль, шийтгэвэр ногдуулна.

Мөн хог хаягдлын үйлчилгээний хураамж нь татварын нэг төрөл болсонтой холбоотойгоор хогны төлбөрийн орлогыг нэмэгдүүлэх арга хэмжээний хүрээнд цахилгааны тоолуурт холбогдоогүй айл өрхүүдээс хогны төлбөрийг цуглуулах ажлыг зохион байгуулна. Энэ нь хог тээврийн бүс болгонд татварын байцаагчийг томилон ажиллуулж, тухайн татварын байцаагч нь айл өрхөөс хогны төлбөрийг цуглуулах орон тооны бус ажилтныг өөрийн удирдлаган доор ажиллуулах юм. Төлбөр цуглуулагчаар ажиллах иргэнийг тус хорооны айл өрхүүдээс эсвэл тухайн хороон дээр байгуулагдсан хадгаламж зээлийн хоршооноос сонгон ажиллуулна. Төлбөр цуглуулсан иргэдийн бүлэг, татварын байцаагч нь энэ талаарх мэдээллийг хороонд заавал мэдэгдэж, бүртгэлжүүлж зохион байгуулалтаар ажилласан иргэдийн бүлгийг цуглуулсан хогны төлбөрийн хэмжээнээс хамааруулан урамшуулах юм.

Хогны менежментийг сайжруулахаар хийж байгаа гол ажлын нэг бол хог тээвэрлэгч байгууллагуудад хогийн түр цэг, бункер, хогийн сав, ангилан ялгалт, хог ачих хуваарийг иргэд аж ахуйн нэгжүүдэд тараах, сурталчилах, гудамж талбайд цэвэрлэгээ хийх, хороо, СӨХ, иргэдтэй хамтран ажиллах асуудлыг бүхэлд нь хариуцуулахаар төлөвлөж байгаа бөгөөд үүнтэй холбоотойгоор хог тээвэрлэгч байгууллагын дунд хог хаягдлын шинэлэг менежентийн төслийн уралдааныг зарлахаар бэлтгэж байна.
Энэхүү хог цуглуулалт тээвэрлэлт, төлбөр цуглуулалт, санхүүжилт, хяналтын нэгтгэсэн системтийг хэрэгжүүлснээр ил задгай хог хаягдал багагсч, иргэдийн оролцоо нэмэгдэж,эрүүл орчинд амьдрах нөхцөл бүрдэнэ гэж үзэж Нийслэлийн удирдлагын зөвлөлийн гишүүд дэмжлээ гэж Улаанбаатар хотын Захирагчийн ажлын албанаас мэдээллээ.

Categories
мэдээ нийгэм

3 дугаар сарын 26-ны өдөр зөрчил гаргасан жолооч нарын мэдээлэл

Улаанбаатар хотын Замын хөдөлгөөний удирдлагын төв, Нийслэлийн Замын цагдаагийн газартай хамтран зөрчил илрүүлэгч хяналтын камерын тусламжтайгаар замын хөдөлгөөний дүрэм зөрчсөн жолооч нарт хариуцлага тооцон ажиллаж байна. 2015 оны 03-р сарын 26-ны өдөр 407 зөрчил гарсан байна. Үүнээс улаан гэрлэн дохионы 157 зөрчил бүртгэгдсэн бол хурд хэтрүүлсэн 250 зөрчил бүртгэгджээ. “Замын хөдөлгөөний хяналтын камераар илрүүлсэн зөрчилд хариуцлага тооцох журам”-ыг мөрдөж эхэлснээс хойш гарч болзошгүй зам тээврийн ослоос урьдчилан сэргийлж, замын хөдөлгөөний зөрчил буурч байна гэж Улаанбаатар хотын Замын хөдөлгөөний удирдлагын төвөөс мэдээллээ.

№ PassDate PlateNumber Violation Info ReasonCode
1 2015/03/26 00:10:16 0010УНЦ 72km/h SPEED
2 2015/03/26 13:04:17 0040УНУ 73km/h SPEED
3 2015/03/26 06:05:37 0049ДАХ 67km/h SPEED
4 2015/03/26 06:16:10 0051УНМ 84km/h SPEED
5 2015/03/26 05:08:34 0087УБУ 71km/h SPEED
6 2015/03/26 05:13:36 0165УНЛ 74km/h SPEED
7 2015/03/26 19:08:19 0171УБҮ 92km/h SPEED
8 2015/03/26 00:34:26 0178УНК 71km/h SPEED
9 2015/03/26 07:09:04 0203УНЯ 85km/h SPEED
10 2015/03/26 11:55:41 0208УБН 74km/h SPEED
11 2015/03/26 01:10:41 0272УБЧ 71km/h SPEED
12 2015/03/26 00:36:52 0307УНМ 75km/h SPEED
13 2015/03/26 00:35:10 0316УБҮ 71km/h SPEED
14 2015/03/26 00:05:41 0335УБҮ 79km/h SPEED
15 2015/03/26 05:35:28 0341УНЭ 68km/h SPEED
16 2015/03/26 01:22:07 0354УНЯ 67km/h SPEED
17 2015/03/26 06:14:00 0387УНИ 74km/h SPEED
18 2015/03/26 23:35:49 0404УБН 70km/h SPEED
19 2015/03/26 02:52:56 0468УНП 74km/h SPEED
20 2015/03/26 04:14:06 0522УБҮ 79km/h SPEED
21 2015/03/26 14:30:19 0552УНД 71km/h SPEED
22 2015/03/26 00:58:16 0630УБӨ 80km/h SPEED
23 2015/03/26 21:20:52 0669УНҮ 67km/h SPEED
24 2015/03/26 04:55:38 0678УБТ 75km/h SPEED
25 2015/03/26 14:34:11 0691УБҮ 78km/h SPEED
26 2015/03/26 03:10:59 0696УБВ 67km/h SPEED
27 2015/03/26 05:17:13 0780УНЧ 70km/h SPEED
28 2015/03/26 21:04:56 0794УНЕ 76km/h SPEED
29 2015/03/26 17:33:49 0795УБО 73km/h SPEED
30 2015/03/26 23:42:51 0855УБД 68km/h SPEED
31 2015/03/26 05:51:09 0859УНВ 70km/h SPEED
32 2015/03/26 02:08:12 0862УНК 73km/h SPEED
33 2015/03/26 03:08:13 0902ДАР 74km/h SPEED
34 2015/03/26 03:51:47 0905УБА 83km/h SPEED
35 2015/03/26 23:04:25 0928УНВ 71km/h SPEED
36 2015/03/26 22:45:13 0952УНЯ 67km/h SPEED
37 2015/03/26 01:15:11 0980УБЧ 82km/h SPEED
38 2015/03/26 06:43:20 0990ОРО 77km/h SPEED
39 2015/03/26 06:36:08 1010УБР 76km/h SPEED
40 2015/03/26 04:44:56 1057УБҮ 68km/h SPEED
41 2015/03/26 04:27:09 1081УБА 71km/h SPEED
42 2015/03/26 18:03:50 1111УБП 78km/h SPEED
43 2015/03/26 06:17:07 1173УБА 67km/h SPEED
44 2015/03/26 01:20:58 1198УНЧ 80km/h SPEED
45 2015/03/26 01:54:15 1239АРХ 84km/h SPEED
46 2015/03/26 05:30:44 1291УНК 70km/h SPEED
47 2015/03/26 03:52:59 1318УНМ 75km/h SPEED
48 2015/03/26 03:40:12 1331УНЗ 70km/h SPEED
49 2015/03/26 02:13:29 1358УБХ 79km/h SPEED
50 2015/03/26 08:55:29 1408УБЯ 72km/h SPEED
51 2015/03/26 03:12:54 1410УБГ 76km/h SPEED
52 2015/03/26 04:42:33 1410УБГ 76km/h SPEED
53 2015/03/26 05:31:47 1410УБГ 74km/h SPEED
54 2015/03/26 13:18:17 1443УНО 75km/h SPEED
55 2015/03/26 06:31:18 1583УНУ 78km/h SPEED
56 2015/03/26 07:05:17 1692УНЕ 72km/h SPEED
57 2015/03/26 03:51:05 1699БНХ 73km/h SPEED
58 2015/03/26 05:59:50 1755УНД 70km/h SPEED
59 2015/03/26 04:26:08 1763УНЭ 70km/h SPEED
60 2015/03/26 00:05:48 1870УНК 71km/h SPEED
61 2015/03/26 23:15:31 1924УБЗ 74km/h SPEED
62 2015/03/26 06:35:24 1947УНА 72km/h SPEED
63 2015/03/26 15:12:22 1976УНХ 70km/h SPEED
64 2015/03/26 23:42:46 2048УНУ 72km/h SPEED
65 2015/03/26 03:20:18 2090УНЕ 73km/h SPEED
66 2015/03/26 06:07:43 2114УНЭ 84km/h SPEED
67 2015/03/26 20:13:32 2146УНН 69km/h SPEED
68 2015/03/26 06:17:47 2212УБВ 73km/h SPEED
69 2015/03/26 21:45:19 2222УНО 88km/h SPEED
70 2015/03/26 13:48:55 2286УНЯ 71km/h SPEED
71 2015/03/26 03:44:41 2316УБТ 71km/h SPEED
72 2015/03/26 03:56:41 2347УНХ 74km/h SPEED
73 2015/03/26 02:10:17 2399УНХ 79km/h SPEED
74 2015/03/26 01:19:39 2502ХӨВ 70km/h SPEED
75 2015/03/26 13:28:43 2525ОРХ 73km/h SPEED
76 2015/03/26 06:43:17 2575УНҮ 76km/h SPEED
77 2015/03/26 16:41:50 2592УБҮ 68km/h SPEED
78 2015/03/26 01:10:46 2624УНК 72km/h SPEED
79 2015/03/26 04:26:54 2641УНҮ 67km/h SPEED
80 2015/03/26 02:25:12 2659УБВ 77km/h SPEED
81 2015/03/26 12:24:23 2700УНА 86km/h SPEED
82 2015/03/26 11:20:07 2711УНХ 73km/h SPEED
83 2015/03/26 21:17:29 2738УНЛ 74km/h SPEED
84 2015/03/26 04:38:29 2763УНА 71km/h SPEED
85 2015/03/26 16:08:54 2800УБУ 73km/h SPEED
86 2015/03/26 13:10:38 2857УНӨ 71km/h SPEED
87 2015/03/26 21:02:56 2887УНҮ 76km/h SPEED
88 2015/03/26 23:55:55 2931УБҮ 70km/h SPEED
89 2015/03/26 02:17:08 3052УБГ 71km/h SPEED
90 2015/03/26 23:17:34 3093УНҮ 70km/h SPEED
91 2015/03/26 06:28:16 3097УНҮ 68km/h SPEED
92 2015/03/26 13:17:12 3107УНС 66km/h SPEED
93 2015/03/26 05:04:33 3130УНЧ 72km/h SPEED
94 2015/03/26 00:15:04 3308УНЛ 68km/h SPEED
95 2015/03/26 04:32:29 3325УНД 93km/h SPEED
96 2015/03/26 02:31:11 3494ХӨВ 75km/h SPEED
97 2015/03/26 03:36:59 3503УНР 70km/h SPEED
98 2015/03/26 06:37:44 3543УБҮ 71km/h SPEED
99 2015/03/26 21:35:22 3551УНА 72km/h SPEED
100 2015/03/26 00:41:16 3558УБҮ 66km/h SPEED
101 2015/03/26 22:18:56 3668УБЕ 69km/h SPEED
102 2015/03/26 15:47:18 3734УБҮ 76km/h SPEED
103 2015/03/26 14:30:37 3767УБЕ 67km/h SPEED
104 2015/03/26 04:13:18 3775УНР 72km/h SPEED
105 2015/03/26 03:31:35 3820УНН 73km/h SPEED
106 2015/03/26 15:11:03 3830УНЛ 72km/h SPEED
107 2015/03/26 14:46:09 3878УНҮ 67km/h SPEED
108 2015/03/26 00:37:38 3882УНС 74km/h SPEED
109 2015/03/26 07:58:00 3891ТӨА 78km/h SPEED
110 2015/03/26 03:15:20 3894УБВ 69km/h SPEED
111 2015/03/26 11:38:18 3951УНН 70km/h SPEED
112 2015/03/26 14:38:20 4058УНӨ 68km/h SPEED
113 2015/03/26 16:02:19 4093УНВ 71km/h SPEED
114 2015/03/26 05:33:07 4107УБҮ 70km/h SPEED
115 2015/03/26 00:01:43 4107УНЭ 70km/h SPEED
116 2015/03/26 10:03:28 4185УБҮ 75km/h SPEED
117 2015/03/26 05:17:29 4196УНГ 68km/h SPEED
118 2015/03/26 02:35:23 4199УНӨ 83km/h SPEED
119 2015/03/26 01:44:04 4239УНХ 76km/h SPEED
120 2015/03/26 06:14:05 4326УБК 73km/h SPEED
121 2015/03/26 06:57:31 4367УНК 70km/h SPEED
122 2015/03/26 03:02:01 4369УБА 72km/h SPEED
123 2015/03/26 00:50:15 4369УНЯ 69km/h SPEED
124 2015/03/26 02:07:00 4386УНЦ 78km/h SPEED
125 2015/03/26 01:10:05 4410УНО 69km/h SPEED
126 2015/03/26 21:38:09 4420НАА 66km/h SPEED
127 2015/03/26 09:42:56 4446УНУ 66km/h SPEED
128 2015/03/26 11:38:09 4456УНТ 80km/h SPEED
129 2015/03/26 21:42:23 4484УНБ 82km/h SPEED
130 2015/03/26 00:04:55 4507УБГ 77km/h SPEED
131 2015/03/26 00:10:18 4507УБГ 76km/h SPEED
132 2015/03/26 02:03:35 4565УНБ 88km/h SPEED
133 2015/03/26 03:32:03 4565УНБ 72km/h SPEED
134 2015/03/26 05:19:18 4768УБӨ 70km/h SPEED
135 2015/03/26 03:38:41 4769УНЦ 72km/h SPEED
136 2015/03/26 13:57:58 4811УНО 71km/h SPEED
137 2015/03/26 08:56:49 4827УНП 74km/h SPEED
138 2015/03/26 21:56:46 4830УНВ 68km/h SPEED
139 2015/03/26 23:54:22 4851УНЗ 77km/h SPEED
140 2015/03/26 10:15:16 4866УБҮ 72km/h SPEED
141 2015/03/26 15:14:33 4917УБВ 82km/h SPEED
142 2015/03/26 05:23:30 4991УНЦ 75km/h SPEED
143 2015/03/26 05:20:17 5005УНЕ 75km/h SPEED
144 2015/03/26 02:52:14 5019УНҮ 76km/h SPEED
145 2015/03/26 22:38:20 5151СҮА 80km/h SPEED
146 2015/03/26 01:54:09 5173УНВ 78km/h SPEED
147 2015/03/26 21:58:33 5199УНЦ 71km/h SPEED
148 2015/03/26 14:10:48 5217УНЛ 69km/h SPEED
149 2015/03/26 21:17:18 5273УНА 68km/h SPEED
150 2015/03/26 02:21:09 5312УНА 77km/h SPEED
151 2015/03/26 04:23:37 5358УБА 79km/h SPEED
152 2015/03/26 06:34:40 5381ГСА 71km/h SPEED
153 2015/03/26 04:09:18 5386БРА 80km/h SPEED
154 2015/03/26 21:23:46 5386УБГ 68km/h SPEED
155 2015/03/26 04:23:11 5406УБВ 80km/h SPEED
156 2015/03/26 03:27:05 5447УНС 74km/h SPEED
157 2015/03/26 22:51:42 5448УНП 74km/h SPEED
158 2015/03/26 23:53:58 5484УБА 76km/h SPEED
159 2015/03/26 22:01:59 5506УНЗ 72km/h SPEED
160 2015/03/26 23:09:00 5560УНР 82km/h SPEED
161 2015/03/26 23:39:09 5580УНУ 94km/h SPEED
162 2015/03/26 12:58:21 5750УБЛ 77km/h SPEED
163 2015/03/26 01:37:01 5779УНЦ 80km/h SPEED
164 2015/03/26 22:30:13 5813УБВ 73km/h SPEED
165 2015/03/26 02:07:47 5824УБА 84km/h SPEED
166 2015/03/26 00:34:08 5836УНЦ 67km/h SPEED
167 2015/03/26 01:26:06 5911УНЛ 71km/h SPEED
168 2015/03/26 05:00:41 5937УБС 83km/h SPEED
169 2015/03/26 04:02:50 5952УНИ 69km/h SPEED
170 2015/03/26 01:20:32 6013УНВ 78km/h SPEED
171 2015/03/26 01:08:55 6075УВХ 73km/h SPEED
172 2015/03/26 07:13:24 6098УНД 74km/h SPEED
173 2015/03/26 12:18:04 6117УНГ 70km/h SPEED
174 2015/03/26 07:48:14 6140УНЯ 70km/h SPEED
175 2015/03/26 04:25:30 6249УБА 69km/h SPEED
176 2015/03/26 22:32:40 6261УНТ 75km/h SPEED
177 2015/03/26 23:54:14 6290УНС 74km/h SPEED
178 2015/03/26 00:26:54 6320УБҮ 72km/h SPEED
179 2015/03/26 06:57:42 6368УНО 81km/h SPEED
180 2015/03/26 00:17:39 6408УБП 72km/h SPEED
181 2015/03/26 11:38:20 6442УНӨ 73km/h SPEED
182 2015/03/26 00:55:58 6479УНО 81km/h SPEED
183 2015/03/26 07:09:05 6496УНА 77km/h SPEED
184 2015/03/26 05:24:33 6527УНЕ 71km/h SPEED
185 2015/03/26 22:09:12 6622УБӨ 70km/h SPEED
186 2015/03/26 14:30:44 6636УНЕ 68km/h SPEED
187 2015/03/26 21:53:31 6650УНЕ 69km/h SPEED
188 2015/03/26 20:19:26 6671УНХ 83km/h SPEED
189 2015/03/26 03:52:03 6820УНО 72km/h SPEED
190 2015/03/26 04:46:17 6882УНД 73km/h SPEED
191 2015/03/26 22:53:23 6902УНГ 73km/h SPEED
192 2015/03/26 07:08:36 6925УНХ 71km/h SPEED
193 2015/03/26 21:50:00 6930УБВ 70km/h SPEED
194 2015/03/26 07:03:06 6932УНӨ 72km/h SPEED
195 2015/03/26 06:36:25 7003УНИ 72km/h SPEED
196 2015/03/26 09:59:17 7006УНВ 69km/h SPEED
197 2015/03/26 01:31:31 7008УНИ 71km/h SPEED
198 2015/03/26 23:29:59 7018УБА 73km/h SPEED
199 2015/03/26 21:08:10 7037УНП 73km/h SPEED
200 2015/03/26 22:25:13 7109УБЦ 67km/h SPEED
201 2015/03/26 07:52:28 7179УНЗ 66km/h SPEED
202 2015/03/26 23:17:50 7188УНО 69km/h SPEED
203 2015/03/26 06:56:30 7242УНД 78km/h SPEED
204 2015/03/26 01:52:38 7301УНА 72km/h SPEED
205 2015/03/26 09:48:32 7318УНК 77km/h SPEED
206 2015/03/26 14:31:40 7318УНК 88km/h SPEED
207 2015/03/26 04:13:50 7336УНГ 70km/h SPEED
208 2015/03/26 02:51:10 7515УНР 75km/h SPEED
209 2015/03/26 13:14:20 7618УНХ 68km/h SPEED
210 2015/03/26 04:03:10 7632УНР 68km/h SPEED
211 2015/03/26 08:07:54 7768УБВ 76km/h SPEED
212 2015/03/26 17:27:00 7778УНЯ 76km/h SPEED
213 2015/03/26 06:23:04 7845УНМ 76km/h SPEED
214 2015/03/26 06:53:00 7850УНА 75km/h SPEED
215 2015/03/26 05:16:32 7906УНА 87km/h SPEED
216 2015/03/26 13:08:12 7939УБҮ 74km/h SPEED
217 2015/03/26 03:36:09 7974УНХ 73km/h SPEED
218 2015/03/26 02:16:31 8029УБҮ 91km/h SPEED
219 2015/03/26 06:58:17 8063УНМ 71km/h SPEED
220 2015/03/26 00:34:56 8076УНА 74km/h SPEED
221 2015/03/26 05:34:25 8078УНЗ 67km/h SPEED
222 2015/03/26 01:38:14 8182УНҮ 82km/h SPEED
223 2015/03/26 23:00:24 8277УБҮ 78km/h SPEED
224 2015/03/26 23:31:11 8305УНК 73km/h SPEED
225 2015/03/26 02:01:56 8374УНН 73km/h SPEED
226 2015/03/26 03:25:14 8380УБЕ 73km/h SPEED
227 2015/03/26 00:32:30 8389УНО 74km/h SPEED
228 2015/03/26 03:11:30 8394УБА 70km/h SPEED
229 2015/03/26 03:05:51 8419УНЭ 74km/h SPEED
230 2015/03/26 21:11:28 8490УНБ 79km/h SPEED
231 2015/03/26 22:19:48 8554УНМ 70km/h SPEED
232 2015/03/26 23:53:54 8562УНИ 74km/h SPEED
233 2015/03/26 01:15:05 8585УБС 80km/h SPEED
234 2015/03/26 04:37:58 8616УНП 76km/h SPEED
235 2015/03/26 02:09:56 8692УНЯ 70km/h SPEED
236 2015/03/26 02:20:46 8699УНБ 86km/h SPEED
237 2015/03/26 00:01:41 8783УНГ 72km/h SPEED
238 2015/03/26 00:50:43 8788УНГ 78km/h SPEED
239 2015/03/26 02:59:45 8791УНГ 81km/h SPEED
240 2015/03/26 06:45:06 8805УНС 72km/h SPEED
241 2015/03/26 00:15:33 8877УНХ 69km/h SPEED
242 2015/03/26 22:58:05 8883УНА 69km/h SPEED
243 2015/03/26 06:58:32 8916УНВ 76km/h SPEED
244 2015/03/26 01:28:36 8924УНТ 78km/h SPEED
245 2015/03/26 23:39:05 8989УНХ 72km/h SPEED
246 2015/03/26 22:42:49 9011УНГ 70km/h SPEED
247 2015/03/26 18:26:47 9113УНЕ 66km/h SPEED
248 2015/03/26 06:11:19 9115УБҮ 76km/h SPEED
249 2015/03/26 00:51:39 9159УНП 70km/h SPEED
250 2015/03/26 06:09:31 9185УБЯ 73km/h SPEED
Categories
мэдээ нийгэм

ЖДҮ-ийг дэмжих зээлд хамрагдах төслийг хүлээн авч эхэллээ

Жижиг, дунд үйлдвэрийг хөгжүүлэх сангийн эх үүсвэрт 70 тэрбум төгрөгийг хуваарилсан билээ. Энэ дагуу Аж үйлдвэрийн яамны Жижиг, дунд үйлдвэрийг хөгжүүлэх сан хөнгөлөлттэй зээлд хамрагдах иргэд, аж ахуй нэгжүүдийн төсөл, материалыг Засгийн газрын II байр, Жижиг, дунд үйлдвэрийг хөгжүүүлэх сангийн 108 тоотод ажлын өдрүүдэд хүлээн авч байна. Ингэхдээ иргэд, аж ахуй нэгжүүдийн төслийг 2015 оны гуравдугаар сарын 27-ны өдрөөс дөрөвдүгээр сарын 17-ны өдрийн 17.30 цаг хүртэл ажлын өдрүүдэд хүлээн авна. Дэлгэрэнгүй мэдээллийг www.smefund.gov.mn цахим хаягаар болон 51-267887, 62-263028 дугаарын утаснаас авах боломжтой.

Categories
мэдээ нийгэм

Халтиргаа гулгаанаас болгоомжлохыг анхааруулав

Өчигдөр өглөө энэ жилийн анхны бороо Улаанбаатарт хотод орсон. Орон нутагт энэ долоо хоногийн эхээр бороо орсон гэх мэдээллийг цаг уурчид өгч байгаа. Ямартай ч өчигдрийн орсон борооны дараа нойтон цас орсон нь өнөөдөр хайлж нэлээдгүй шавхай үүсээд байна. Ялангуяа хөдөө орон нутгийн зарим зам даваад халтиргаа үүссэн байна. Тиймээс жолооч нарыг нийслэлийн болоод орон нутгийн замд болгоомжтой зорчихыг албаныхан анхааруулж байна.

Categories
мэдээ нийгэм

Ноолуур кг нь 62 мянган төгрөгийн үнэтэй байна

Яг өдийд малчдын чих тавин чагнадаг ганц зүйл бол нуулуур кг нь хэдэн төгрөгийн үнэ хүрэх вэ. Тэгвэл одоогийн байдлаар түүхий эдийн томоохон зах болох Эмээлтэд ноолуур кг нь 60-65 мянган төгрөгийн үнэтэй байна. Цаашдаа ноолуурын үнэ нэмэгдэхгүй гэж ченжүүд ярьж байгаа аж. Харин малчдын хувьд одоо л ямаагаа самнаж эхэлж байгаа сурагтай.ялангуяа зүүн бүсийн аймгуудаас ноолуур ороод эхэлсэн гэнэ.

Categories
мэдээ нийгэм

ШӨХТГ маргааш СӨХ-ын асуудлаар иргэдтэй уулзана

ШӨХТГ-аас СӨХ-үүдтэй холбоотой хяналт шалгалтыг хийж байгаатай холбогдуулан маргааш буюу 29-ний 15 цагт Бөмбөгөрийн урд талын 24 дүгээр сургууль дээр иргэдтэй уулзах байна. Энэ үеэр СӨХ-үүдийн үйл ажиллагааны тухай, иргэдийн гомдлыг сонсох юм байна.

Categories
мэдээ нийгэм

Орон даяар зуны цагийн хуваарьт шилжлээ

Өнгөрсөн шөнө 02.00 цагаас эхлэн Монгол улс зуны цагт шилжлээ. Нэг цагаар урагшилж 02.00 цагийг автоматаар 03.00 цаг болгосон. Тэгэхээр өнөөдрөөс эхлэн нэг цагийн өмнө босч, цагийн өмнө ажилдаа явж байна гэж хэлж болно. Гэхдээ цагийн хооронд ямар ч ялгаагүй юм. Манай улс 1983 онд цагийг зуны цагийн тоололд шилжүүлэн, 1999 оныг хүртэл 14 жил хэрэгжиж, 1999 онд хүчингүй болгосон байдаг билээ.

Харин Засгийн газрын 2001 тогтоолоор дахин зуны цаг тооллыг мөрдөж эхэлсэн бөгөөд 2005 онд уг тогтоолыг хүчингүй болгож байсан ч 10 жилийн дараагаар буюу энэ жилээс эхлэн дахин зуны цагийн тоололд шилжих шийдвэрийг ийн гаргасан.Цагийн тооллыг урагшлуулснаар байгалийн эрчим хүчийг ашиглах нь эрчим хүч хэмнэх, тариа ногоо тарих болон хувийн аж ахуй эрхлэх, үйлчилгээний байгууллагад үйлчлүүлэгчдийн тоо өсөх зэрэг эерэг боломжийг олгодог тул жил бүрийн гуравдугаар сарын сүүлчийн долоо хоногийн Баасан гаригаас Бямба гаригт шилжих шөнийн 02:00 цагаас эхлэн есдүгээр сарын сүүлчийн долоо хоногийн Баасан гаригаас Бямба гаригт шилжих шөнийн 00:00 цаг хүртэлх хугацаанд Монгол Улсын нутаг дэвсгэрт цагийн тооллыг нэг цагаар урагшлуулан ажил, үйлчилгээний эхлэх цагийн хуваарийг хэвээр мөрдөж байхаар тогтлоо.

Categories
мэдээ цаг-үе

62-ын хэрэг буюу монгол “Боко Харам”

Сонгинохайрхан дүүргийн 62 дугаар сургуулийн багш, сурагчид хоёр хуваагдчихжээ. Ажлаа хаясан багш нар нь ажлаа хийж байгаа хэдийгээ “Та нар ажил хаяхгүй бол дараа нь амаа барина даа. Захирал болж ирчихээд байгаа Ш.Сарантуяа чинь удахгүй яваад өгнө. Тэр явчих юм бол та нар ажилгүй болно” гэж байгаа гэх. Харин ажил хаяагүй багш нар нь “Хэн ч захирал болсон яадаг юм. Ажлаа хийж, сурагчдадаа хичээлээ ороод, цалингаа авч байвал болох нь тэр. Харин та нар ажил хаяж байгаад дараа нь хэцүү байдалд орно доо. Боловсролын яамнаас дарга нар ирээд хууль бусаар ажил хаясан гээд халчих вий дээ” гэх мэтээр маргалдаж, тэмцэлдэж эхэлжээ. Багш нар тэмцэлдээ сурагчид болоод эцэг, эхчүүдээ хүртэл татан оролцуулах болжээ.

Мөн сурагчид нь ч багш нараа өмөөрөөд хоёр хуваагдчихсан байна. Томилогдож ирсэн, ажлаа өгсөн хоёр захирал болоод хоёр хуваагдаад байгаа багш нарынхаа төлөө сурагчид маргалдаж, зодоон цохион хийх дээрээ тулсан асуудал ч гарсан байна. Багш нар нь ангийнхандаа “Хичээлээс илүү чухал асуудал болоод байна. Та нар Ш.Сарантуяа дээр бөөнөөрөө очоод “Та ажлаа өг. Та багш нараа дарамталж дээрэлхдэг, их муу хүн гэсэн гэж хэл” гэж хэлдэг болсон тухай эх сурвалжууд дурдаж байна.

Мөн ингэж ятгахдаа “Багш нь дараа дүнг чинь сайн гаргахыг бодно” гэх утгатай зүйлс хэлдэг гэх. Сурагчид нь багшийнхаа хэлснээр “Багш зөв ярьж байна. Тэртэй тэргүй сургуулиа төгсөх юм чинь хичээл ороод яах юм. Тэгснээс сургуулиа аврахгүй бол манай сургууль хаагдах юм байна” гээд ажил хаяхгүй байгаа багш нар болоод шүүхийн шийдвэрээр томилогдож ирсэн захирлыг хэл амаар доромжилж, мессэж хүртэл бичдэг болжээ. Харин ажил хаяагүй багш нарын ангийнхан “Хичээл орохгүй байгаа багш нар болоод сургуулийн удирдлагууд биднээс хураасан мөнгөнөөсөө болоод ингэж байгаа гэсэн. Угаасаа байнга мөнгө хураадаг байсан. Энэ байдлаараа удвал бид бусад сургуулийн хүүхдүүдээс сурлагаараа хоцорно” гэх болжээ. Сурагчид багш нар нь юу гэнэ тэр үгээр байдаг болсон байна. Эцэг, эхчүүд ч “Багшийнх нь үгнээс гарвал хүүхдийг минь шахаж хавчиж, дүнгээр нь боох байх” гээд хэлсэн үгээр нь байдаг болжээ.

62 дугаар сургуулийн сурагч нарт багш нарын хэрүүл тэмцлээс үүдэн хичээл орохгүй байгаа нь огт хамаагүй болжээ. Хүүхэд болгонд “Мэдлэг боловсрол чухал биш болжээ. Сургуулийн хувь заяаг бид шийдэх юм байна. Багш нарынхаа зааснаар л бүх зүйлсийг нь хийе. Захирал нараа эсэргүүц гэвэл жагсаал хүртэл хийе” гэсэн бодол оюун ухаанд нь бат нот суучихжээ. Яг л Нигерид суурьшилтай исламын хэт даврагч “Боко Харам” бүлэглэлийнхэнтэй адилхан болсон байна. Дэлхий нийтийг цочирдуулаад байгаа “Боко Харам” бүлэглэл 500 гаруй бага насны хүүхэд, эмэгтэйчүүдийг барьцаалсан. Бүлэглэлийнхэн барьцаалсан хүүхдүүдийн оюун ухааныг өөрчилж, бусадтай харилцдаггүй, ярьдаггүй болгож, зөвхөн өөрсдийнхөө бүлэглэлтэй ярилцаж, юу хий гэсэн болгоныг хийдэг робот шиг л болгочихсон нь тогтоогдоод байгаа. “Боко Харам” бүлэглэлд барьцаалагдсан 80 гаруй хүүхдийг барьцаанаас суллахад нэрээ хүртэл мартсан байсан талаарх мэдээлэл дэлхий нийтийг шуугиулсан. 62 дугаар сургуулийн багш нар сурагчдаа яг л “Боко Харам” бүлэглэлийн барьцаалагдсан хүүхдүүд шиг хэн ч биш болгож өөрсдийнхөө “амьгүй албат” болгож байгаа нь биднийг сурвалжлага хийх үед мэдрэгдэж байв.

ШҮҮХИЙН ШИЙДВЭРИЙГ ЭСЭРГҮҮЦЭЖ 84 БАГШ АЖИЛ ХАЯЖЭЭ

Сонгинохайрхан дүүргийн хамгийн шилдэг гэгдэх 62 дугаар сургууль дээр юунаас болж ийм асуудал үүсэх болсон талаар сурвалжиллаа. Тус сургуулийн 84 багш энэ сарын 19-нөөс эхлэн ажил хаялт зарлаад байгаа. Тэд долоо хоногийн турш ажил хаяад байгаа шалтгаан нь шүүхийн шийдвэрийн дагуу сургуулийн захирлаар томилогдож ирээд байгаа Ш.Сарантуяаг эсэргүүцэж байгаа юм. Багш нарын ажилт хаялтаас үүдэн хоёр мянга гаруй хүүхэд хичээлдээ явахгүй байгаа аж. Сурагчид “Багш хичээл орох болохоор утсаар холбогдож хэлнэ. Тэр болтол хичээлдээ битгий ирээрэй” гэж хэлсэн гэнэ. Ажилт хаялт зарлаад байгаа багш нарын төлөөлөл өчигдөр МҮОНРТ-ийн байранд сэтгүүлчдэд мэдээлэл хийсэн. Багш нар ажил хаяад байгаа шалтгаанаа “Шүүхийн шийдвэрийн дагуу захирал болж ирсэн Ш.Сарантуяаг иргэний зориг гаргаж захирлын албан тушаалаа өөрийн хүсэлтээр өг. Хэрэв тэгэхгүй гэвэл бид ажил хаяна гэж хэлсэн. Ш.Сарантуяа нь энэ сургуульд өмнө нь гурван жил захирал хийгээд сонгон шалгаруулалтад тэнцээгүй юм. Ингээд ажлаа өгч байсан. Ш.Сарантуяа удирдах ажилтны ёс зүйгүй, хамт олныг хагалган бутаргасан үйлдлийг удаа дараа хийсэн, үндэслэлгүйгээр багш ажилчдадаа хариуцлага тооцдог, бусдыг байнга дарамталдаг байсан. Иймд түүнийг ажлаас чөлөөлтөл ажил хаялтаа үргэлжлүүлнэ” гэж мэдэгдэв.

БАГШ НАР НИЙСЛЭЛИЙН БОЛОВСРОЛЫН ГАЗРЫН ДАРГА НАРЫН НҮДЭН ДЭЭР ГАР ГАРААСАА БАРИАД Ш.САРАНТУЯАГ СУРГУУЛЬ РУУ ОРУУЛААГҮЙ ГЭНЭ

62 дугаар сургуулийн гадуур цөөн тооны сурагчид гүйлдэж, тоглож байв. Ихэнх ангид хичээл ороогүй гэнэ. Харин 75 багш ажлаа хаяагүй болохоор 21 бүлгийн 800 гаруй сурагчийн хичээл хэвийн үргэлжилж байлаа. Багш нар ажил хаях болсон талаар сурагчид болон сургуулийн зарим ажилчин бидэнд мэдээлэл өгсөн юм.

Захирлаар томилогдож ирсэн Ш.Сарантуяа нь 2010-2013 оны хооронд уг сургуулийг удирдаж байсан гэнэ. 2014 оны гуравдугаар сард захирлын сонгон шалгаруулалтад орж, шалгаруулалтын хоёрдугаар байранд оржээ. Ингээд 62 дугаар сургуулийн захирлын сонгон шалгаруулалтад нэгдүгээр байр эзэлсэн Н.Батжаргал томилогдож ирсэн байна. Тэрбээр ажлаа аваад жил орчим болж байгаа аж. Гэтэл сонгон шалгаруулалтад тэнцээгүй нөөцөд шалгарсан Ш.Сарантуяа “Намайг үндэслэлгүйгээр ажлаас халсанд гомдолтой байна” гээд шүүхийн байгууллагад хандчихсан байна. Бүр гурван шатны шүүхээр “Ш.Сарантуяаг үндэслэлгүйгээр ажлаас нь халсан байна. Эргүүлэн ажилд нь томил. Шүүхийн шийдвэрийн биелэлтийг Нийслэлийн шүүхийн шийдвэр гүйцэтгэх газарт даалга” гэж шийдвэр гаргажээ. Улсын дээд шүүхийн шийдвэр өнгөрсөн сарын 24-нд гарсан байна. Ингээд гурван шатны шүүхээр хууль бусаар халагдсан гэдэг нь тогтоогдсон Ш.Сарантуяа шүүхийн шийдвэрийн дагуу ажлаа хүлээн авахаар сургууль дээрээ ирсэн гэнэ. Тэгсэн 62 дугаар сургуулийн 20 гаруй багш сургуулийнхаа үүдэнд гар гараасаа бариад зогсчихсон байжээ. Багш нар Ш.Сарантуяад хандан “Чамайг энэ сургуулийн босгоор оруулахгүй. Чи энэ сургууль руу орох эрхгүй хүн. Орох гээд байгаа юм бол гар гинжийг таслаад ор” гэжээ. Энэ бүгдийг сургуулийн захирал Н.Батжаргал цонхоороо хараад зогсож байсан гэнэ. Мөн Нийслэлийн боловсролын хэлтсийн томоохон албан тушаалтнууд ч сургууль дотроос хараад зогсож байжээ. Боловсролын салбарыг удирдаж яваа тэд багш нарын энэхүү үйлдэлд юу ч хэлээгүй байна. Харин багш нарынхаа “Гагнасан гинжийг таслахтун” гэх тоглоомоор “тоглож” байгааг харсан сурагчид Ш.Сарантуяаг сургууль руу орохыг эсэргүүцэж тэр хавьдаа тэмцлээ илэрхийлж, ширээ сандлаа тачигнуулж эхэлсэн байна. Үл ойлголцох байдал эндээс эхэлжээ. 62 дугаар сургуулийн зарим багшид Ш.Сарантуяаг сургуулийн босгоор алхуулахгүй байх том шалтгаан байсан бололтой.

62 дугаар сургуулийн үүдэнд ахлах ангийн бололтой сурагчид коридорт зогсож байв. Тэд “Ш.Сарантуяа захирал угаасаа муу хүн. Манай сургуулийн олон багшийг сургуулиас нь халсан. Нэг багшийг сургууль дээр архи ууж ирлээ гээд шууд халчихсан. Сурагчдыг үймүүллээ, харин хичээл орж байгаа багш нарыг хичээлээ муу заадаг гээд л загнана. Их дээрэнгүй зан ааштай хүн. Ажил хаясан багш нар бидэнд хичээлээ нөхөөд заана гэж ярьж байна лээ. Бид гэртээ хийх ажилгүй болохоор сургууль дээрээ ирчихсэн байна” гэв. Харин сургуулийн ажилтан “Ш.Сарантуяа багш нарт ажлын шаардлагыг арай хэтэрхий чанга тавиад байдаг юм. Үүнээс болоод л багш нар дургүй байдаг. Хэнхэг гэж ярьдаг” хэмээн ярив. Ажил хаялт зарлаагүй багш нар “Н.Батжаргал сургуулийн захирлаар томилогдож ирээд л багш нарыг ялгаж салгаж харилцдаг болсон. Өөрт нь саймширч харьцаагүй багш нарыг шахаж хавчдаг болсон. Харин өөрийнхөө хүрээлэлд байдаг багш нарт цалингийн нэмэгдэл, мэргэжил дээшлүүлж сургуульд сурч байгаа урамшуулал гэх зэргээр байнга мөнгө өгнө. Ажил хаялт зохион байгуулж байгаа хүмүүс цалингүй ажил хаялт хийж байгаа. Тэгсэн тэдний цалинг зохион байгуулж байгаа хүмүүс өгнө гэж байна лээ. Адилхан цалинтай багш бусдынхаа цалинг өгнө гэж яриад байгаа. Мөн ажил хаяж байгаа багш нарт өдөр болгон цаанаас нь хоол, цэвэр ус өгөөд байгаа. Тэд сургуулийн хажууд амьдардаг айлд орж орой болгон л хурал хийж ажил хаяагүй багш нарыг өөрсдийнхөө талд оруулах гэж утасдаж дуудаж байгаа. Хэн ч захирал болсон яах вэ. Гол нь сурагчдын эрх ашиг хохирч байна. Улирлын амралт эхлэх гэж байхад манай сургууль амрахгүй гэж байна” гэж учирлаж байв.

“БОЛОВСРОЛЫН САЛБАРТ 25 ЖИЛ АЖИЛЛАСАН ХҮНИЙ ХУВЬД ИЙМ БАЙДЛААР АЖЛАА ӨГӨХГҮЙ”

Ингээд тус сургуулийн захирал Ш.Сарантуяатай уулзаж цөөн асуултад хариулт авлаа.

-Халагдсан, томилогдож ирсэн хоёр захирлаас болж гурван мянган хүүхдийн эрх зөрчигдөөд байна. Багш нар таныг дарамталдаг гээд эсэргүүцлээ илэрхийлж байна. Энэ талаар тодруулахгүй юу?

-Ийм нөхцөл байдал үүсээд байгаад үнэхээр их харамсч байна. Миний бие боловсролын салбарт 25 дахь жилдээ ажиллаж байна. Энэ салбарт ажиллах хугацаанд Улаанбаатар хотын аварга багшаар хоёр удаа, улсын тэргүүний багшаар мөн л хоёр удаа шалгарч байсан. Төр засаг ч миний хүч хөдөлмөрийг үнэлж одон тэмдгээ харамгүй өгч байлаа. Энэ салбарт хийсэн ажилтай, хэлэх үгтэй хүн гэж өөрийгөө бодож явдаг. Одоо болж байгаа зүйлсийг нууж хаах зүйлгүй үнэн зөвөөр яримаар байна. 62 дугаар сургуульд гурван жил захирал хийж байгаад өнгөрсөн жилийн өдийд сонгон шалгаруулалтаар захирлын ажлаа өгсөн юм. Сонгон шалгаруулалтад тэргүүлсэн хүн надаас 0.8 оноо илүү авсан байсан. Миний бие хоёрдугаар байр буюу нөөцөд шалгарсан. Ингээд энэ ажлыг авч болсон юм чинь өгсөн шиг өгье гэж бодоод ёс уламжлалын дагуу ажлаа албан ёсоор өгсөн. Хэсэг хугацаанд гэртээ суулаа. Тэгээд Нийслэлийн боловсролын газарт очоод би нөөцөөр шалгарсан. Надад ажил байна уу. Байхгүй гэвэл аль нэг сургуульд багшаар ажилламаар байна гэсэн.Тэгсэн “Та багшаар ажиллаж чадахгүй байх. Нөөцөд үлдсэн хүн хоёр жил хүлээх ёстой” гэсэн. Юу гэсэн үг вэ 13 жил олны хүүхдэд багшилж, АНУ-д мэргэжил дээшлүүлсэн хүн шүү дээ. Миний олон шавь нар салбар бүртээ амжилттай явж байна. Ингээд хэсэг хугацааны дараа шүүхэд гомдол гаргасан. Эхлээд энэ салбарт өдий болтол ажиллаад шүүх энэ тэр гээд яах вэ гэж бодож байсан. Ингээд шүүхээс хууль бусаар халсан байна гээд ажилд нь эргүүлэн томилох шийдвэр гарсан. Харин ажилдаа жил гаруй хугацааны дараа иртэл ийм байдал угтлаа. Миний бие багш, ажилтнуудаа дарамталж шахсан зүйл огт байхгүй. Бүх хүнтэй ижил тэгш харилцдаг байсан. Нэг хамт олон болохоор жаргал зовлонг нь хуваалцаад л ирсэн юм.

-Юунаас болоод багш нар таныг эсэргүүцээд байгаа юм бол?

-Тэрийг хэлж мэдэхгүй байна. Муухай харилцаа үүсгэж гомдоож байсан зүйл огт байхгүй гэдгийг хэлсэн. Багш нар ажил хаях болсон шалтгаан нь учир битүүлэг байгаа. Цаанаа том эрх ашиг байх шиг байна. Багш нарыг ашиглаж өөр хүмүүс удирдаад байна гэж хараад байгаа. Шүүхийн шийдвэр гарсны дараа Боловсролын хэлтсийн дарга дуудсан. Тэр хүн хоёр цаг өмнөө суулгаад юу ч хэлэхгүй байсан. Яагаад тэгснийг мэдэхгүй байна. Үүний дараа Нийслэлийн боловсролын газарт дуудаад “Чи салбараа шүүхэд өгч, хэвлэл мэдээллийн хэрэгслээр гүтгэж доромжилсон гэж хэлсэн. Би ч Үндсэн хуулинд заасан эрхээ эдэлж үзэл бодлоо илэрхийлсэн гэж хэлсэн. Үүний дараа сургуулийн үүдэнд багш нар оруулахгүй зогсоосон. Дөрвөн удаа ажлаа авах гээд очтол Нийслэлийн боловсролын газраас хүн ирээгүй. Би дарга руу нь залгаж та нарыг иртэл энд сууна гэж байж арай гэж ирсэн. Тэгээд ажлаа хүлээж авах болтол сургуулийн багш нар хамт ороод ирсэн. Багш нар бүх ажлыг хянаад ажил хүлээн авахад байлцсан гэсэн акт дээр гарын үсэг хүртэл зурсан. Би энэ салбарт ажиллаж дөрвөн ч удаа удирдах албан тушаалтан болж ирэхдээ анх удаа ингэж ажил авч байгаа юм. Ажил хүлээж аваад дуустал Нийслэлийн боловсролын дэд дарга “Үйлдвэрчний эвлэлийн даргаа нөгөө юмаа гардуулж өг” гэсэн. Тэгсэн сургуулийн үйлдвэрчний эвлэлийн дарга “Та иргэний зориг гарган ажлаа эргүүлээд өг. Бид ажлаа өгөхгүй гэвэл ажил хаялт хийнэ” гээд шаардах хуудас өгсөн. Яагаад ингэж байгааг асуухад юу ч хэлээгүй. Ингээд л багш нар ажил хаяад сурагчид хохироод сууж байна даа.

-Таныг захирал хийх гээд хэт улайраад байна гэж ярих хүн олон байна?

-Зарим хүнд тэгж харагдаж байгаа байх. Боловсролын салбарт гэр бүлээрээ хоёргүй сэтгэлээр ажиллалаа. Би захирал болох гэж зүтгээд байгаа юм биш. Багшийн ажлаа хийе гэсэн ажил байхгүй гэсэн. Аргаа бараад л шүүхэд хандсан. Энэ сургуулийг дүүргийн тэргүүний сургууль, улсын тэргүүний хүүхдэд ээлтэй загвар сургууль хүртэл тордож, додомдсон. Энэ амжилтад миний болон хамт олны хүч хөдөлмөр орсон шүү дээ. Энэ салбараас би ийм байдалтай гарахгүй. Яагаад гэвэл олон жилийн хүч хөдөлмөр, залуу насаа энэ салбарын сайн сайхны төлөө зориулсан. Гэхдээ цагийн юм цагтаа гэж үг байдаг байх аа гэв.

АЖИЛДАА ОРОХГҮЙ БОЛ ШҮҮХЭД ХАНДАНА ГЭВ

Бид 62 дугаар сургуулиас гарч явахад нэгэн сурагчийн ээж таарав. Тэрбээр багш нар ажил хаяад байгаа шалтгаан нь сургуулийн 40 жилийн ой болох гээд ирэх сарын 11-нд “Улаанбаатар палас”–т сурагчдын нэгдсэн тоглолт болох юм. Тоглолтын тасалбар 20 мянган төгрөг. Сургуулийн хүүхдүүдээс мөнгө хураасан. Тэр мөнгөө эргүүлээд өгч чадахгүй болчихоод ийм асуудал үүсээд байгаа. Сурагчдаас хураасан мөнгө нь хэдэн арван саяар хэмжигдэж байгаа” гэдгийг онцолж байлаа.

62 дугаар сургуулийн багш нар Ш.Сарантуяаг Улсын дээд шүүхийн бичиг баримтыг хуурамчаар үйлдэн бүрдүүлсэн гэж шүүхэд гомдол гаргасан байна. Уг гомдлыг шүүх хэлэлцээд Ш.Сарантуяаг хуурамчаар бичиг баримт бүрдүүлээгүй гэх шийдвэрийг ч мөн гаргажээ. 62 дугаар сургууль дээр болоод байгаа үйл явдлын талаар Нийслэлийн боловсролын газрын орлогч дарга Р.Түвшинбатаас тодруулахад “Бид ажил хаясан багш нартай хэд хэдэн удаа уулзсан. Уулзалтаар тэдэнд хууль бусаар ажил хаяад байгаа шүү гэдгийг сануулсан. Маргааш мөн л очиж уулзана. Хэрэв уулзаад ажилд орохгүй бол шүүхийн байгууллагад хандана. Хууль хяналтын байгууллага шийдвэр гаргасны дараа арга хэмжээ авах асуудал яригдана” гэв.

Нийслэлийн боловсролын газрын орлогч дарга Р.Түвшинбатын хэлж буйгаар багш нар ажил хаялтаа зогсоохгүй бол шүүхэд хандах гэж байгаа юм байна. Харин шүүх аливаа гомдлыг 30 хоногийн дотор шийдвэрлэдэг. Мөн тодорхой шалтгаан гарвал шүүх хурал хэдэн ч удаа хойшилж болдог. Тэгэхээр багш нар ажил хаялтаа зогсоохгүй гэвэл 62 дугаар сургуулийн хоёр мянга гаруй сурагчдад энэ хавар хичээл заах багш олдохгүй бололтой.

Э.ХҮРЭЛБААТАР

Categories
мэдээ цаг-үе

Өөрийгөө хурцалж зоригжуулж байгаа нь аархуу харагдуулдаг биз ээ

Саяхан Мэргэжлийн сумогийн хаврын башё Осака хотноо болж, шинэхэн сэкивакэ Тэрүнофүжи Гантулгын Ган-Эрдэнэ их аварга Хакухог давж, барилдааны сүүлийн өдрийг хүртэл сонирхолтой болгож олныг хөгжөөж чадсан билээ. Тэмцээнийг 13 даваа, хоёр унаатай дуусган, дайчин барилдаан, гарамгай барилдааны хоёр тусгай шагналыг хүртэж жинхэнэ шуугиан тарьсан. Тэрбээр 1992 оны гуравдугаар сарын 29-нд Улаанбаатарт төрж, 16 настайдаа монгол үндэсний бөхийн хүүхдийн тэмцээнд түрүүлж, 17 настайгаасаа жүдогоор хичээллэж эхэлсэн нэгэн. Анх 18 настайдаа Тоттори аймгийн Сумогийн гүнзгийрүүлсэн сургалттай Жёохокү ахлах сургуульд элсчээ. 2011 онд Исэгэхама дэвжээнд орж, 2013 онд Жюүрёод түрүүлэн 2014 оны гуравдугаар сард Макүүчи тойрогт чансаа ахисан байдаг. Түүнтэй манай сонины Япон дахь тусгай сурвалжлагч Ц.Эрдэнэцэцэг Осакад байдаг дэвжээнд нь очиж ярилцсаныг хүргэж байна.

-Одоогоос яг жилийн өмнө Осакагийн Хару башёд анх макүүчи зиндаанд барилдаж эхэлсэн байх аа. Осакагийн дэвжээ ээлтэй байна шүү?

-Тийм ээ. Одоогоос жилийн өмнө Осакагийн башёд дээд зиндаанд орж барилдаж байлаа.

-Энэ удаагийн башёд үнэхээр сайхан барилдаж, сүүлийн өдөр ч гэсэн үзэгч олныг баясгаж чадсан. Ер нь хэр барилдана гэж бодож байсан бэ?

-Ямар ч байсан арваас дээш давъя гэсэн бодолтой байсан. Түүнээс биш түрүүлэхийн төлөө сүүлийн өдөр хүртэл явчихна гэж огт бодоогүй. Баяртай сайхан л байна.

-Аваргыг давж аварга болно гэдэг. Башё эхлэхээс өмнө мэдэгдэж байснаараа Хакухо аваргыг давна гэсэн амлалтандаа хүрлээ. Ер нь башё болгоны өмнө нэг бөхийг онилж, ялна гэж өөртөө зорилго тавьдаг гэсэн. Үнэн үү?

-Түрүү жилийн нэг сарын барилдаанд жүрёод байсан. Тэр үедээ энэ жилдээ багтаад санякү цолонд хүрнэ гэсэн зорилт тавиад бэлтгэл хийж эхэлсэн боловч чадаагүй. Жаахан хожуу сая хүрлээ. Саяын нэгдүгээр сарын башёд ч энэ жилдээ багтаж озэки цолонд хүрнэ гэсэн зорилт тавьсан. Ер нь дээд зиндаанд барилдаж эхлэхэд Эндо, Оосунараши хоёр бөхийн нэр их гарч, түмэнд танигдаж эхэлсэн. Ичиножо хараахан гарч ирээгүй байсан. Тэгээд тэр үед би 13 унаатай ч байсан хамаагүй энэ хоёр бөхийг л давна гэж хэлж байгаад давсан юм. Тэрнээс болоод ийм яриа гарсан байх. Энэ сард ч гэсэн 14 унаатай ч байсан хамаагүй, зөвхөн Хакухо аваргыг л давна гэж хэлсэн юм. Аваргыг унагаж байна аа гэдэг бусдыг нь ч давна л гэсэн үг шүү дээ. Яахав ингэж өөрийгөө хурцалдаг гэх үү дээ.

-Такануива А.Баасандорж, Ичиножо А.Ичинноров та нарыг Жёохокү ахлах сургуулийн хүчтэнүүд гэдэг. Анх 18 настайдаа Японд ирж байсан хүүхдүүд хэл ус ч мэдэхгүй, гэр орноо санаад их хэцүү байдаг гэсэн. Үүнийг яаж даван туулсан бэ?

-Бид дөрвүүлээ анх ирж байлаа. Нэг нь одоо Их сургуулийн сумод тун сайн барилдаж байгаа. Нэг нь Монгол буцсан. Тэгээд Ичиножо бид хоёр энд барилдаж байна. Анх 2010 оны гуравдугаар сарын 27-нд ирж байсан юм. Одоо яг таван жил боллоо. Дөрвүүлээ хэл мэдэхгүй. Ер нь анх бүгдээрээ тийм байдаг л даа. Хоорондоо бас монголоороо ярьж болохгүй. Хориглочихдог. Дотуур байранд амьдардаг. Хичнээн утас байсан ч ярьж болохгүй. Гар утас бариулдаггүй. Манай сургууль тун хатуу дүрэмтэй. Сардаа нэг л удаа утсаар ярихыг зөвшөөрнө. Багшийнхаа өрөөнд 10 минут ярих боломжтой. Сайн уу, баяртай гээд л дуусчихдаг байсан сан. Хулгайгаар интернэтэд их ордог байсан. Нууцаар дэвжээний утсаар ярьсан нь баригдаад бөөн юм болж байлаа. Манайх бэлтгэл сургуулилтын хувьд тэргүүний сургууль гэдгээрээ орон даяар алдартай. Бэлтгэлийн үеэр бол хүнээс ямар хүч гардаг тэр хүчээ шавхан дайчилж, бэлтгэл хийдэг байсан. Өглөө хичээлдээ яваад л өдөр дөрвөн цагаас орой есөн цаг хүртэл тасралтгүй бэлтгэл хийдэг байсан. Бид дөрөв хоорондоо их ярьдаг байсан л даа. Би тэднээс биеэрээ хамгийн том. Ичиножо бас том. Нөгөө их сургуульд барилдаж байгаа найз бас адилхан. Манай дэвжээний ахлагч залуу бие нь жижигхэн хэрнээ бидэнд дийлддэггүй. Бид нэг мөргүүлээд л гараад байдаг. Ийм жижиг биетэй хүн барилдаад байхад бид чадах юм байна. Бууж өгч болохгүй шүү гэж их ярьдаг байсан. Би ер нь ялагдах их дургүй. Манай ахлах сургуулийн Ишиура багш бидний хор шарыг их малтдаг. Маш их загнуулна, доромжлуулна. Намайг “Их муу байна. Чам шиг хэрэггүй хүн алга. Нутаг руугаа харь” гэж ирээд загнаж өгнө. Одоо эргээд бодоход бидний бэлтгэлийг илүү сайн хийлгүүлэх гэж л ингэж хэлдэг байж. Ингэх тусам нь л улам хүчтэй болж, хэн болохоо харуулъя гэж зүтгэдэг байсан болохоор л тэр бэрхшээлүүдийг давсан болов уу.

-Ер нь таныг их аархуу байна гэж хүмүүс яриад байгаа. Та өөрөө юу гэж хэлэх вэ?

-Хэдхэн хормын дотор бүх зүйл шийдэгддэг спорт шүү дээ. Давах, унахаас гадна цаана нь бидний амьдрал явж байдаг юм. Өрсөлдөгчөө давж л байж амьдралаа дээшлүүлж чадна. Өөрөөр хэлбэл, унаад байвал тэр хүнд өөрийнхөө амьдралыг булаалгаад байна гэсэн үг. Сайхан амьдрах эсвэл энгийн амьдрах уу гэсэн хоёр юмны зааг дээр байдаг гэж боддог. Хэн ч гэсэн сайхан амьдрахыг л бодно. Тиймээс л барилдахаасаа өмнө өрсөлдөгчөө давахгүй бол болохгүй гэж сэтгэлээ хурцалдаг. Өөрийгөө зоригжуулж хурцалж байгаа нь аархаж харагддаг биз ээ. Дэвжээн дээрээ гарчихаад сулбайгаад байж болохгүй биз дээ. Тэгвэл ялах ч үгүй.

-2011 онд “Магаки” дэвжээнд анх хөл тавьж байжээ. Яагаад “Исэгахама” дэвжээ рүү шилжсэн юм бэ?

-“Магаки” дэвжээ их цөөхөн бөхтэй. Ояагата нь болих гэж байсан юм. Тэгээд энэ дэвжээтэй нэгдсэн. Анх Вакамишёо гэдэг нэртэй байсан. Жүрёод гарч ирснээс хойш Тэрүнофүжи нэртэй болсон. Хоёр аваргын нэрийг нийлүүлсэн юм. Тэрүкүни аваргын Тэру, манай энэ дэвжээний ояагата Асахифүжи аваргын Фүжиг авсан юм.

-Харумафүжи аваргатай нэг дэвжээнд байдаг. Аваргатай хамт байх ямар байна?

-Хажууд аварга хүн байна гэдэг маш их нөлөөтэй шүү дээ. Аваргын давж, туулж гарсан болгоныг мэдрээд, хажуунаас нь хараад явна гэдэг маш их зүйлийг ойлгуулдаг. Ийм хүн болох юмсан. Илүү их хичээе гэсэн бодлыг гүн суулгадаг болов уу. Өглөө хамт бэлтгэл хийнэ. Яавал хүчтэй болох уу, яаж хүнтэй харьцаж байна, яавал сэтгэлийн тэвчээртэй байх уу гээд бүгдийг л дэргэдээс нь харж, суралцаж байдаг. “Алтны дэргэд гууль шарлана” гэдэг шиг ахыгаа харж байж л явна шүү дээ. Надад ах байхгүй. Нэг эгч, нэг эмэгтэй дүүтэй болохоор ахаасаа бүх л юмыг сурч байна даа.

-Нэг дэвжээний Аминишики бөх башё дундуур гэмтээд, барилдангаа зогсоосон. Ингэж амжилттай барилдахад ахын зүгээс их юм захиж байсан байх даа?

-Тэгэлгүй яахав. Монголд бол ах зах, насны эрэмбийг их харж, хүндэлж харьцдаг бол сумод анх орсон жилээр нь харгалзаж, хүндэлж харилцдаг. Би Аминишики бөхөөс их эмээж бас хүндэлдэг. Бэртээд сууж байхдаа намайг яг гарахын өмнө хажуу талын өрөөнөөс “Ганаа хичээгээрэй” гэсэн. Тэгтэл нь би Кайсейд уначихаад хүрээд ирсэн. Маргааш нь хаалган дээр “Ганаа хичээгээрэй” гээд цаасан дээр бичээд наачихсан байсан. Тэрийг харангуут сэтгэл нэг л сонин болчихсон. Давахгүй бол болохгүй юм байна даа гэж бодогдсон. Ялчихаад ирлээ. Дараа нь дахиад цаасан дээр “Одоо хоёр барилдаан л үлдлээ. Ганаа хичээгээрэй” гээд биччихсэн байсан. Дараа өдөр нь хоёр гэдэг тоог арилгаад нэг болгосон байсан. Дууссаны дараа өрөөний хаалган дээр “Ганаа маш их хичээлээ” гээд бичээд наасан байсан.

-Үгээрээ хэлж болохгүй байсан юм байх даа. Яагаад тэгж бичиж наагаад байсан юм бол?

-Хэлээд гаргахад унаад ирсэн болохоор бичээд тавиад байсан байна л даа. Бид хоёр долоон даваатай байсан өдрөө хоёулаа уначихсан. Тэгээд орой нь Аминишики надад “Чи тийм муу бөхөд унаад байхдаа яадаг юм” (Кисеносато) гэхээр нь “Би таныг л уначихаар адилхан болчихлоо шүү дээ” гэсэн юм л даа.

-Башёгийн 14 дэх барилдаанд Ичиножо та хоёр таарч нэлээн удаан барилдаж, та давсан. Урьдах башёод ч гэсэн гурван минутаас дээш удаан барилдсан. Ер нь яагаад та хоёр ийм удаан барилддаг юм бэ. Монгол бөхчүүдийн хав золгоод уддаг шиг. Монгол бөхтэйгөө таарахаар тэгээд байна уу?

-Хоёулаа яг адилхан барилдаантай. Нэг нь нөгөөгийнхөө арга барилыг бүр багаасаа өөр шиг нь шахам мэдэлцсэн хүмүүс шүү дээ. Аль, аль нь золгоод л бяраар үздэг, хүч чадлын хувьд тэнцүүхэн байгаа болохоор тэгж уддаг юм байлгүй.

-Ичиножо найзыгаа сэкивакэ болоход нь их гоёмсог үнэтэй цаг бэлэглэсэн гэсэн. Таныг сэкивэкэ болоход цаадах чинь бэлэг өгөв үү?

-Аваагүй байгаа. Өгөх байлгүй. Сэтгэлээрээ болно биз. (Инээв) Такануива Баасандорж ах, Ичиножо бид гурав бие биенээ цол ахихаар бэлэг авч өгдөг юм. Ичиножог цол ахихад нь Баасандорж ах бид хоёр нийлж, бэлэг авч өгсөн юм. Одоо миний ээлж болчихоод, бэлгээ хүлээгээд л байна. (Инээв)

-Озэки цолонд тун ойртчихлоо. Ирээдүйн зорилго гэвэл?

-Энэ жилдээ багтаж озэки цолонд хүрэхийг бодож байна. Үүнийгээ л биелүүлэхийн төлөө үзнэ дээ. Хэвлэл мэдээллийнхэн нэг сайн барилдахаар хэтэрхий дөвийлгөж магтаад, шуугиад л, жаахан тааруухан барилдахаар энэ ер нь явахгүй, бүтэхгүй нь ээ гэж л яриад эхлэхээр онцгүй санагдаад байдаг юм. Ичиножог анх гарч ирэхэд яалаа. Монгол, Японгүй шуугилаа. Тэгээд л дараа нь бараг мартчихдаг шахуу. Иймэрхүү хандлагад би дургүй. Адилхан л байдгаараа хичээгээд барилдаж байна. Бэртэл гэмтэл байна. Сүүлийн үед энэ нүүр номоор ч гэсэн элдвээр хэлэх юм. Ер нь хамт байгаа хэдэн бөх л бие биенийхээ зовлонг ойлгодог доо.

-Найз охинтой юу?

-Яагаад ингэж асууж байгаа юм?

-Монгол төдийгүй япон олон шүтэн бишрэгч охид байгаа шүү дээ. Тэд хамгийн их сонирхож байгаа гэж бодож байна.

-Одоо амжилттай сайхан барилдахдаа л хамаг анхаарлаа төвлөрүүлье гэж бодож байна шүү.

Х.ЭРДЭНЭЦЭЦЭГ

Гэрэл зургийг

Р.ДАВАА