Манай улсад ус цаг уурын гаралтай гамшигт үзэгдлийн улмаас сүүлийн 12 жилд 424 хүний амь эрсдэж, 24.5 сая мал хорогдож, 564 тэрбум 191 сая 420 мянган төгрөгийн хохирол учирсан байна.
Үүнээс амь насаа алдсан хүний 41.2% нь хүчтэй салхи шуурганд, 22.4% нь ширүүн аадар бороо, уруйн үерийн улмаас энджээ.
Сүүлийн хоёр жилийн дотор байгалийн онц ноцтой үзэгдэл 2013 оны долдугаар сарын 4-нд Сэлэнгэ аймгийн Түшиг суманд хүчтэй аадар бороо, том мөндөр, нөөлөг салхи тохиолдсон бол 2014 оны долдугаар сарын 26-нд Архангай аймгийн Хашаат сумын Номгон багийн нутагт 300-400 метрийн өргөнтэй, 10 км орчим урт нутгийг хамарсан догшин хар салхи, ширүүн аадар бороо, 6 см орчим голчтой том мөндөр орсон юм.
Ийм төрлийн догшин хар салхи манай улсад 40 жилийн өмнө буюу 1974 оны долдугаар сарын 16-ны өдөр Хэнтий аймгийн Батширээт сумын Хүрх бригадад ажиглагдаж байжээ.
Түүнчлэн 2014 оны салхины хурдыг тогтоох цаг уурын станц, харуул байхгүй тул салхины хурд хэдэн м/сек хүрснийг нарийн тогтоогоогүй. АНУ-ын Чикаго их сургуулиас боловсруулсан хар салхины хүчийг учруулсан хохирлын байдлаар тодорхойлох хүснэгтээр дээрх хар салхины хурдыг тодорхойлбол энэ хар салхи F4 ангилалд багтах (сайн баригдсан байшин нурах, муу суурьтай байшин бут цохигдох, машин 10 метр шидэгдэх, мод булгарч, чулуу хийсэх) тул салхины хурд нь 58-72 м/с хүрсэн гэсэн ойролцоо тоо гаргасан байна.
Дээрх байгалийн аюултай үзэгдлүүдийн улмаас Сэлэнгэ аймгийн Түшиг суманд 3 тэрбум гаруй төгрөгийн, Архангай аймгийн Хашаат сумын Номгон багийн нутагт болсон хар салхины улмаас 1 хүн амиа алдаж, 9 хүн гэмтэж, 198 мал үхэж, 5 байшин, 3 машин эвдэрсэн нийт 413 сая 523 мянган төгрөгийн хохирол тус тус учирчээ.
2014 онд байгалийн гамшигт үзэгдлийн улмаас 12 хүн амь насаа алдаж, 20 хүн гэмтэж, 1019 мал хорогдсон бөгөөд улс нийгэмд 1 тэрбум 466 сая 40 мянган төгрөгийн хохирол учирсан байна.
Иргэний нисэхийн ерөнхий газар /ИНЕГ/-ын даргаар ажиллаж байсан С.Батмөнх, тус газрын Санхүү, эдийн засгийн ерөнхий менежер асан Г.Наранцэцэг, Агаарын тээврийн бодлого зохицуулалтын ерөнхий менежер, газрын дарга асан Д.Эрдэнэбат нарын мөнгө угаасан гэх хэргийг энэ сарын 05-нд Улсын дээд шүүхэд хянан хэлэлцэнэ. Анхан болон давж заалдах шатны шүүхээс С.Батмөнх, Д.Эрдэнэбат нарт 6.6 жилийн хорих ял, “Электрон системс” компанийн захирал М.Батболдод долоон жилийн хорих ял оноосон юм. Хоёр шатны шүүхээс оноосон энэхүү ялыг шүүгдэгчид эсэргүүцэн ийнхүү Улсын дээд шүүхэд гомдол гаргаад байгаа юм. 
Зохион байгуулалттай гэмт хэрэгтэй тэмцэх газрын Хар тамхи, мансууруулах бодистой тэмцэх хэлтсийнхний мэдээллээр Буянт-Ухаа боомт дахь гаалийн ажилтнууд энэ сарын 1-ний үдэш гадаадаас ирсэн манай улсын иргэн Л-ийг шалгажээ. 
Нийслэлийн Сонгинохайрхан дүүргийн 6 дугаар хороо буюу хуучнаар Ханын материалын үйлдвэрийн орчмын 9 га газарт Хотын захиргааны шинэ цогцолборыг барихаар болсон. Хотын захиргааны шинэ цогцолбор нь НИТХ, ЗДТГ, хурлын танхим, харъяа агентлагууд гэсэн 4 блок барилгаас бүрдэх бөгөөд 2013 оны 6 дугаар сарын 19-нд тус цогцолборын шав тавьсан.
Улаанбаатар хотын олон улсын шинэ нисэх буудал барих төслийн хүрээнд 2008 онд авсан хөнгөлөлттэй зээлийн хөрөнгө 2015 оны долдугаар сард дуусах тул нэмэлт зээлийн хэлэлцээрийн асуудлыг нэн яаралтай шийдвэрлэж, төслийн бүтээн байгуулалтын ажлыг хэвийн үргэлжлүүлэх шаардлагатай болжээ.
“Хавдрын эсрэг үндэсний аян 2015”-ны нээлтийн ажиллагаа өнөөдөр Хавдар судлалын үндэсний төвд болно. Дэлхий дахинд жил бүр 12 сая хүн хорт хавдартай гэж оношлогдож, 7,6 сая хүн энэ өвчний улмаас нас барж байна. Хорт хавдрын өвчлөл нас баралт дэлхий дахинд жилээс жилд өсөн нэмэгдсээр байгаа юм. Үүнтэй адил манай улсад ч хорт хавдраар өвчлөх хүний тоо өсөн нэмэгдаж байгааг бид мэднэ. Тухайлбал Монгол Улсад дунджаар жилд 4200 орчим хорт хавдар шинээр оношлогдож байгаа бөгөөд 3000 орчим хүн хорт хавдрын улмаас нас барж байна. Өөрөөр хэлбэл нийт хүн амын нас баралтын хоёр дахь шалтгаан нь хорт хавдар болж байгаа юм. Шинээр оношлогдсон хорт хавдрын 75 хувь нь төгс эмчилгээгүй буюу хавдрын эцсийн шат болох гурав, дөрөвдүгээр үедээ орсон хойно эмнэлэгт хандаж байгааг мэргэжлийн эмч нар анхааруулдаг.Нийгмийн эрүүл мэндийн тулгамдсан асуудал болоод буй хорт хавдартай тэмцэхэд хорт хавдраас урьдчилан сэргийлэх, эрсдэлт бүлгийг үзлэгт хамруулах, эрт илрүүлэх, хорт хавдар үүсгэгч халдвараас сэргийлэх тухай хүн амын мэдлэгийг дээшлүүлэх зэрэг нь ихээхэн ач холбогдолтой юм. 
Зөрчлийн тухай хуулийн төсөл болон Эрүүгийн хуулийн шинэчилсэн найруулгын төслийг хэлэлцээд Хууль, УИХ-ын бусад шийдвэрийн төсөл боловсруулах, өргөн мэдүүлэх журмын тухай хуульд заасны дагуу УИХ-д өргөн мэдүүлэхээр тогтлоо.
Үнэндээ монголчуудын хувьд гадаадын тэр дундаа Ази, Номхон далайн орнуудад тулгамдаад буй хүйсийн тэгш байдал алдагдсан зарим байдал бидэнд огтоос сонин биш байдаг. Бид дайн, мөргөлдөөнтэй орнуудад эмэгтэйчүүд хүчирхийллийн золиос болдог зовлонг огт мэдэхгүй хүмүүс. Өнгөрөгч оны сүүлээр Тайландын Бангкок хотноо “Бээжин+20″-ийг хэрхэн сурвалжлах, жендерийн тэгш байдлын талаар ойлголт өгөх, охид залуучуудын асуудалд яаж хандах талаар сэтгүүлчдэд зориулан сургалтын үеэр олон сонин хүмүүстэй уулзуулж, амьдрал дээр асуудал ямар байгааг тэднээр яриулахаар хөтөлбөртөө тусгасан байсан билээ. Дайны хохирогч болсон Папуа Нью Гвинейгээс ирсэн эмэгтэйн зовлон бэрхшээлийн талаар монголчууд тэр бүр ойлгож чадахгүй болов уу. Яагаад гэвэл бид тийм зовлонг туулж үзээгүй учраас сэтгэлд буух ч үгүй. Гэтэл сүүлийн үед дайн болоосой гэж хөөрөлөгсөд манайд цөөнгүй болсон нь анзаарагдана. Дайнтай газрын зовлонг мэдрээгүй, дайн дажны ланчигийг гадарлаагүй хүмүүс ингэж гэнэхэн санадаг биз ээ. Гэтэл дайн мөргөлдөөн болоход хамгийн түрүүнд хүүхдүүд, эмэгтэйчүүд золиос болдог гунигтай түүхийг нүдэндээ нулимс цийлэгнүүлэн ярих эмэгтэйн шимшрэм ярианаас ойлгосон билээ. Бас бидний мэдэхгүй асуудлууд ч Азийн бусад орнуудад асуудал болсоор байна. Лалын шашинтай орнуудад тухайлбал Индонезид гэрлээгүй эмэгтэй эмийн сангаас жирэмснээс хамгаалах эм худалдан авах эрх байхгүй. Гэр бүлгүй байж ийм алхам хийж болохгүй гэж шашны хатуу зарчим үйлчилдэг нь нөгөө талдаа охид, эмэгтэйчүүдийн эрхийг зөрчиж байгаа хэрэг юм. Мөн охидоо бага насанд нь гэрлүүлдэг явдал Зүүн Өмнөд Азийн орнуудад их. Өмнөд Америкийн орнуудад 6.6 сая, Африкийн орнуудад 14 сая, Азийн орнуудад 31 сая гэсэн тоог харж болно. Азид Бангладеш, Энэтхэг, Непал, Афганистан толгой цохиж байх жишээтэй. Харин энэ судалгаан дээр араасаа Мальдив, Монгол, Вьетнам харагдана. Ер нь охид, эмэгтэйчүүдийн хувьд асуудал болж яригддаг олон сэдэв дээр манайх эерэг үзүүлэлттэй байдгийг онцлохоос аргагүй. Бага дунд боловсрол эзэмшиж буй байдлаараа Афганистаны охид, хөвгүүдийн харьцаа тэнгэр газар шиг зөрүүтэй. Энэтхэг, Пакистан, Иранд хөвгүүд нь сургуульд олноор хамрагддаг бол Тайланд, Самоа, Фижи, Монголд охид нь давуу байх жишээтэй. Охид, хөвгүүдийн бага дунд боловсрол эзэмшиж буй үзүүлэлтээр Фижи, Шри Ланка, Монгол гээд тэргүүлж байгаа нь харагдана. Дэлхийн долоон тэрбум хүний 1,8 тэрбум нь залуучууд, тэрхүү 1,8 тэрбумын 1,1 тэрбум нь Ази, Номхон далайн орнуудад амьдарч байгаа гэхээр энэ бүс нутгийнхан анхаарахаас аргагүй сэдвүүд олонтой. Бээжингийн тунхаглалд багтсан 12 тулгуур зарчмын асуудлын нэг бол эмэгтэйчүүд ба хэвлэл мэдээлэл. Ази, Номхон далайн орнуудад сэтгүүлчдийн 25 хувь нь эмэгтэйчүүд, хэвлэлийн компаниудын нэг нь эмэгтэй удирдагч эрхлэгчтэй ажээ. Харин манайд энэ салбарт ажиллагсдын 70 гаруй хувь нь эмэгтэй, өдөр тутмын сонинуудын бараг 90 орчим хувь нь эмэгтэй эрхлэгчтэй гэгддэг. Гэхдээ бидэнд бусадтай адил хүйсийн тэгш байдал алдагдсан, охид эмэгтэйчүүдийн эрхийг ноцтой зөрчигдөж байдаг асуудлууд ч бий. Эмэгтэйчүүдийн 70 хувь нь амьдралынхаа туршид ямар нэг байдлаар хүчирхийлэлд өртөж байдаг гэлцдэг. Энэ нь цохиж зодох, бэлгийн хүчирхийллээс гадна сэтгэл санааны, эдийн засгийн гээд бүх төрлийн хүчирхийллийн хэлбэр л дээ. Бас хүчирхийлэлтэй гэр бүлд өссөн хөвгүүд өсч том болоод хүчирхийлэл үйлдэх нь ийм гэр бүлд өсөөгүй хөвгүүдтэй харьцуулахад гурав дахин их байдаг гэсэн судалгаа байдаг ажээ. Тэгэхээр эцэг, эхчүүдийн харилцаа, гэр бүлийн амьдрал ирээдүйн хүчирхийлэгчийг бий болгоход шууд нөлөөлдөг гэсэн үг. Дэлхийн долоон тэрбум хүнээс 600 сая гаруй хүн нь гэр бүлийн хүчирхийллийг гэмт хэрэгт тооцдоггүй улс орнуудад амьдардаг гэсэн тоог тэр үеэр ихээр онцолж байсан билээ. Харин тэдний гурван сая нь бид, манай Монгол Улс болж байгаа нь харамсалтай юм. Өмнөх Хууль зүйн сайдын үед нэлээд идэвхтэй яригдаж байсан энэ асуудлыг хуульчлах явдал мартагдаад өнгөрөхгүй байгаасай гэж бодогдож байсныг хэлэхгүй өнгөрөхийн аргагүй. Тэнд яригдаж байсан сэдвийн нэг бол яах аргагүй шийдвэр гаргах түвшинд эмэгтэйчүүдийн оролцоог нэмэгдүүлэх явдал. Гэхдээ жендер судлаачдын онцолдог гол зүйл бол үүнд хууль тогтоох байгууллагад эмэгтэйчүүдийг олноор оруулах гээд байгаа хэрэг бус харин хоёр хүйсийн оролцоо аливаад тэгш байх нь хөгжлийн тулгуур, сайн засаглал байгуулах эхлэл болно хэмээдэг билээ. Ази, Номхон далайн 17 оронд эмэгтэйчүүдийн парламент дахь оролцоо 10 хувиас бага, 20 оронд 10-20 хувьтай байгаа гэгддэг. Тэгэхээр бид өмнөх парламентад гурван хувьтай байснаа энэ парламентад 14 хувь болж өссөн болохоор арай дээр хувьтай хорин орны нэг болж чадсан гэсэн үг л дээ. Харин ажил эрхлэлтийн хувьд манай бүс нутагт ажилтай байгаа хүмүүсийг хүйсээр нь харьцуулахад 100:62 байдаг аж. Мэдээж 100 эрэгтэй ажилтай байхад 62 эмэгтэй ажилтай байна гэж ойлгож болно. Энэ мэт Ази, Номхон далайн орнуудад хүйсийн тэгш байдлыг хангах, эмэгтэйчүүдийг чадавхижуулах тухайд хийх олон ажлууд байгааг “Бээжин+20″-ийн өмнөх уулзалтаараа орон орны төр засаг, нийгмийн байгууллагуудын төлөөлөгчид ярилцсан билээ. 2015 он бол одоогоос 20 жилийн өмнө цуглацгааж, Бээжингийн тунхаглалыг гаргаж байсан он цагаас байдал юугаар өөр болсныг хамтдаа хэлэлцэж, дараагийн 20 жилийн үйл ажиллагаагаа тодорхойлох түүхэн цаг хугацаа юм. Үнэндээ эмэгтэйчүүдийн эрхийг хамгаалж, нийгэмд тэдний оролцоог нэмэгдүүлэхээр эхэлж байсан 100 жилийн өмнөх тэмцэлтэй харьцуулахад байдал тун өөр болсон. Бас сүүлийн 20 жил хамгийн ололттой цаг хугацаа байсныг онцлохоос аргагүй. Харин энэ ололт бол дэлхийн өнцөг булан бүрт байгаа эмэг-тэйчүүдийн байгууллага, ийм чиглэлд ажилладаг төрийн бус байгууллагуудын олон сая хүмүүсийн хөдөлмөрийн үр дүн билээ. Монголд ч энэ чиглэлд ажилладаг олон байгууллага байдгийн нэг нь Либерал эмэгтэйчүүдийн оюуны сан (ЛЭОС). Энэ байгууллага бол Монголын хамгийн анхны эмэгтэйчүүдийн төрийн бус байгууллага гэдгээр нь хүмүүс мэддэг. Бас “Батзаяа ба түүний нөхөд”-ийн хошин шогт эхнэр нь нэлээд шударга зүйл яриад асуудалд шүүмжлэлтэй хандаж байхыг хараад нөхөр нь “Чи чинь одоо хаашаа юм бэ, ЛЭОС-ын гишүүн болчихсон юм уу” гэж хэлж байгаагаар гардаг. Үүнээс үзэхэд тухайн цаг үедээ яах ч аргагүй хүлээн зөвшөөрөгдсөн байгууллага байсныг мэдэж болдог. Мөн 1996 оны УИХ-ын сонгуульд ЛЭОС-ийн таван эмэгтэй нь гишүүнээр сонгогдож байсан гэхээр шийдвэр гаргах түвшинд эмэгтэйчүүдийг гаргаж ирэхэд онцгой үүрэг хүлээж байсан нь харагддаг. Хамгийн олон жил тууштай ажиллаж буй энэ байгууллагынхан НҮБ-ын UNWOMAN, Жендерийн тэгш байдлын сантай хамтран 2013-2015 онуудад “Үндэсний хөгжилд эмэгтэйчүүдийн манлайлал” төслийг хэрэг-жүүлж байгаа билээ. Тэд энэ хөтөлбөрийнхөө хүрээнд дээрх сургалтад хамрагдах сэтгүүлчийн сонгон шалгаруулалт зарласнаар миний бие Ази, Номхон далайн 20 орны 27 сэтгүүлчийг хамарсан уг сургалтад хамрагдах боломжтой болсон юм. Энэ боломжийг олгосон тус байгууллагынханд талархаж байгаагаа энэ дашрамд дуулгая.
Монголын үр тариа эрхлэгчдийн “Газар тариалан” холбооныхон болон тариаланчид Чингисийн талбайд жагсаж байна. Тэд Монголд тарьсан буудай дотоодынхоо хэрэгцээг бүрэн хангах болсон байхад гадаадаас импортлох шаардлагагүй гэж жагсаж байгаа юм. 
Нийслэлийн ИТХ-ын 2013 оны 10/39 дүгээр тогтоолоор нийслэлийн 52 байршилд иргэдэд гэр бүлийн хэрэгцээний зориулалтаар 15309 га газарт цахим системээр газар өмчлүүлэхэээр шийдвэрлэсэн. Өнгөрсөн онд нийслэлийн Засаг даргын 2 удаагийн захирамжаар нийт 13523 иргэн газар өмчилж авсан бол цахим системээр газар өмчлүүлэх ажлын 2 дугаар ээлж үргэллжилж байна. Цахим системээр газар өмчлүүлэх 2 дугаар ээлжинд дараахь 8 байршилд газар өмчлүүлнэ.
