2015 он гарсаар улсын хэмжээнд нийт 2960 гэмт хэрэг бүртгэгдсэнээс 65.2 хувь нь Нийслэл хотод үйлдэгдсэн нь өмнөх оны мөн үетэй харьцуулахад 20.6 хувиар өссөн байна. Үүнээс танхайрах гэмт хэрэг 9.3 хувиар өсч, уг хэргийн илрүүлэлт 73.7 хувьтай байгаа нь өмнөх оны мөн үеэс өссөн эерэг үзүүлэлт аж.
Иймд гэмт хэргийн халдлагад өртсөн болон гэмт хэрэг зөрчил гарч буйг мэдсэн тохиолдолд тэр даруй Цагдаагийн шуурхай дуудлагын 102 дугаарын утас руу залгах, хамгийн ойр эргүүлийн болон хороо, хэсэгт шуурхай мэдэгдэж байх, гэмт хэргээс урьдчилан сэргийлэх ажилд иргэн бүрийн оролцоо чухал болохыг Нийслэлийн прокурорын газраас анхааруулж байна.
Монголын жүдо бөхийн залуучуудын энэ оны аваргыг шалгаруулах тэмцээн энэ сарын 26-27-ны өдрүүдэд болно. Эрэгтэй, эмэгтэй тус бүр найман жингээр явагдах тус тэмцээнд 1995 оны нэгдүгээр сарын нэгнээс хойш төрсөн бүх тамирчид оролцох боломжтой аж. Тэмцээний ялагчид залуучуудын 2015 оны дэлхийн аварга шалгаруулах тэмцээнд оролцох эрхтэй болох юм. Мөн шилдэг цэвэр ялалт, хамгийн олон цэвэр ялалт гэсэн шалгуураар хоёр тамирчныг шалгаруулж, цом олгох юм байна.
Төрийн ордон хөл хөдөлгөөн ихтэй байна. Цагаан сарын өмнөх өдрүүдэд ахмадууддаа хүндэтгэл үзүүлэх, хүлээж авах хүрээнд зарим гишүүд сонгогчдоо Төрийн ордонтой танилцуулж байгаа юм. 
“Нийслэл Өргөө” ХХК-ийн захирал Б.Ганзоригт анхан шатны шүүхээс зургаан жилийн хорих ял оноосон. Гэвч шүүгдэгчид шүүхийн шийдвэрийг эсэргүүцэж, давж заладах шатны шүүхэд хандаад байсан юм. Тэгвэл Б.Ганзориг нарын хэргийг хэлэлцэх давж заалдах шатны шүүхэ хурал энэ сарын 12-нд Нийслэлийн давж заалдах шатны 10 дугаар шүүхэд болно. 
Монгол улс 2015 оны 1-р сарын 24-нд 3 саяулаа болж бид магнай тэнийн баярлаж байна. Нийслэлийн Сонгинохайрхан дүүрэгт 3 саядах иргэний чацуутан болж 18 иргэн шинээр мэндэлсэн. Аймаг дүүрэг тус бүрээс 3 саядах иргэнтэй хамгийн ойр төрсөн 1 хүүхдийг 3 саядах иргэнээр тодруулан алдаршуулж, 70 хүртэлх сая төгрөгийн урамшуулал, тэтгэмж олгох эрхийг Монгол Улсын Засгийн газраас Аймаг дүүргийн Засаг дарга, ИТХ-д олгосон билээ. 
Говь-Алтай аймгийн Баян-Уул сумын Баянбогд багийн Хөх хад гэдэг газар нутаглаж байгаа малчин Н-ын хонь галзуу өвчин туссан нь тодорхой болсон тул тус сумын Засаг даргын захирамжаар хорио цээрийн дэглэм тогтоогоод байна. Түүнчлэн тус аймгийн Цээл сумын Дэрстэй багийн төвд багийн дарга Б-ын нохой галзуурсан нь шинжилгээгээр тогтоогдсон тул Цээл сумын Засаг даргын нэгдүгээр сарын 30-ны өдрийн захирамжаар хорио цээрийн дэглэм тогтоожээ.
Өмнөговь аймгийн Мэргэжлийн хяналтын газар, Аймгийн Цагдаагийн газар, Баяндалай сумын ЗДТГ-тай хамтран энэ оны нэгдүгээр сарын 20-22-нд Баяндалай сумын Төхөм багийн “Дэвсэг”, “Цагаан чулуут”, “Далай хайлааст”, “Улаан толгой”, “Хувын булаг”, Сэврэй сумын Хоолт багийн “Хул морьт”, “Хүрэн овоо”, “Наран туул” зэрэг газруудад хяналт шалгалтыг зохион байгууллаа. Хяналт шалгалтын явцад Сэврэй сумын Хоолт багийн “Хүрэн овоо” хэмээх тусгай хамгаалалттай газарт Баянхонгор, Булган, Дундговь, Төв, Өвөрхангай, Өмнөговь аймгуудын 25 автомашин бүхий 100 гаруй иргэн цуглараад байсныг тарааж, тухайн ухсан газрыг иргэдээр гар аргаар нөхөн сэргээлт хийлгүүлэн гурав орчим га газрын хогийг цэвэрлүүлэв. Тус газарт иргэд газрын гүний усыг их хэмжээгээр гаргаж хоёр орчим га газарт ухсан нүх нь усаар дүүрч мөстсөн байжээ. Энэ нь цаг агаар дулаарч байгаа үед мал, амьтан унаж эрсдэх аюултай нөхцөл байдлыг үүсгээд байна.
УИХ-ын чуулганы нэгдсэн хуралдаанаар Шүүхийн шийдвэр гүйцэтгэх хуулийн зарим заалт Үндсэн хуулийн холбогдох заалтыг зөрчсөн эсэх тухай маргааныг хянан шийдвэрлэсэн Үндсэн хуулийн цэцийн дүгнэлтийг хэлэлцлээ. 
УИХ-ын нэгдсэн чуулганаар ирэх хаврын чуулганаар хэлэлцэх хууль болон бусад шийдвэрийн төслүүдийн талаар хэлэлцэж байна. Энэ талаар өнгөрсөн мягмар гарагт Төрийн байгуулалтын байнгын хорооны хуралдаанаар хэлэлцсэн билээ.