Month: February 2015

Categories
мэдээ соёл-урлаг

“РЕАЛИЗМ” уран бүтээлчдийн нэгдсэн үзэсгэлэн дэлгэгдэх гэж байна

Blue moon арт галерейн үзэсгэлэнгийн танхимд 2015.02.06-02.15-ны хооронд “РЕАЛИЗМ” уран бүтээлчдийн нэгдсэн үзэсгэлэн дэлгэгдэж гэж байна. Blue moon арт галерейгаас идэвхитэй уран бүтээлээ туурвиж буй уран бүтээлчдийг дэмжих, тэдний идэвхийг нэмэгдүүлэх, урлагаар дамжуулж хүмүүсийн гоо сайханы таашаал, мэдлэгийн нэмэгдүүлж хөгжүүлэх, үзэгчдийг бэлдэх, Монголын дүрслэх урлагийн уран бүтээлчдийг олон улсад таниулах зорилгын хүрээнд дүрслэх урлагийн төрлүүдээр төрөлжүүлэн уран бүтээлийн үзэсгэлэнгүүдийг зохион байгуулсаар байгаа билээ.

Энэ удаагийн цуврал, сэдэвт үзэсгэлэнгээ “РЕАЛИЗМ” нэртэйгээр зохион байгуулж байгаа бөгөөд үзэсгэлэнгийн үеэр Философич Др.Др.С.Молор-Эрдэнэ Blue moon арт галерейн үзэсгэлэнгийн танхимд 2015.02 сарын 11-ны өдөр 18:30-20:00 цагийн хооронд “РЕАЛИЗМ” сэдвийн дор лекц унших аж. Уг үзэсгэлэн нь дүрслэх урлагийн хөгжлийн үндэс болсон Реализмын тухай урлагт хайртай хүмүүс болоод уран бүтээлчдэд тодорхой ойлголтыг өгөх болон нэмэгдүүлэх зорилготой юм. РЕАЛИЗМ / латин. Realis- биет, бодит/ Урлаг дахь том чиглэл. Бодит зүйлсийн уран сайхны аргаар илүү адилхан, бүрэн илэрхийлэх нь гол зорилго юм. Уг үзэсгэлэнд 56 уран бүтээлчийн 80 орчим бүтээлүүд дэлгэгдлээ.

Уг үзэсгэлэн 2015 оны 02-р сарын 06-15-ны хооронд “Blue moon” арт галерейн үзэсгэлэнгийн танхимд үргэлжлэх бөгөөд дэлгэрэнгүй мэдээллийг 89806021, 88773410 дугаарын утсаар лавлана уу

Categories
мэдээ спорт

Пауэрлифтингийн улсын аваргууд тодорлоо

Монголын пауэрлифтингийн нэгдсэн холбооноос(МПНХ) 2015 оны улсын аварга шалгаруулах тэмцээнийг Спортын төв ордонд хоёрдугаар сарын 5-6-ны өдрүүдэд зохион байгууллаа. Хүчний гурван төрөлт буюу суулт, шахалт, таталтын төрөлд болдог тус тэмцээнийг энэ жил “Чемпионс” клуб ивээн тэтгэн явууллаа. Тэмцээн залуучууд, насанд хүрэгчид, ахмадын ангиллаар болж, 24 байгууллагын 169 тамирчин нийт 23 жинд 300 багц медалийн төлөө өрсөлдөв. Тэдний дунд Ази тивийн аварга, Дэлхийн цом, ДАШТ-ий алтан медальт, ОУХМ Ш.Алтанбагана, залуучуудын ДАШТ-ий хэвтээ шахалтын аварга О.Баярбаатар нарын шилдэг тамирчид багтсан юм. Мөн энэхүү спортоор хичээллэж буй 60 наснаас дээш гарсан ахмад тамирчид ч оролцжээ.

Тэмцээний үеэр улсын рекордыг насанд хүрэгчдийн ангилалд гурван тамирчин суулт, таталтад шинэчлэн тогтоолоо.

Тодруулбал,

105 кг: Суулт Х.Энхболд 380 кг (“Стронг” клуб)

+120 кг: Суулт Б.Алтангэрэл 405 кг (“Хар хорин” клуб)

-120 кг: Таталт С.Батхүрэл 307,5 кг (“Дархан хүчтэн” клуб) тус тус тогтоосон байна.

Энэ жилийн улсын аваргад амжилттай оролцогчдоос ирэх долдугаар сард Хонгконгт болох Азийн аварга шалгаруулах тэмцээнд оролцох тамирчдыг сонгон шалгаруулсан юм. Тэмцээний шилдэг шүүгчээр З.Мөнх-Эрдэнэ тодорсон байна.

Гурван төрлийн нийлбэр дүнгээр улсын аварга болсон тамирчдыг танилцуулья:

Залуучууд:

  • 74 кг: А.Бердмурат (“Финикс” клуб) – 737.5 кг
  • 83 кг: Ж.Саруул-Эрдэнэ (Налайх) – 672,5 кг
  • -93 кг: О.Отгонбаяр (Төв аймаг) – 580 кг
  • +93 кг: А.Нямдорж (“Стронг” клуб) – 720 кг

Насанд хүрэгчид:

  • 59 кг: П.Отгонбаяр (Төв аймаг) – 520 кг
  • 74 кг: Д.Амарбат (Орхон аймаг) – 740 кг
  • 93 кг: Т.Амарзаяа (“Хархорин” клуб) – 835 кг
  • 105 кг: Х.Энхболд (“Стронг” клуб) – 945 кг (Улсын рекордч)
  • -120 кг: Т.Сайфолла (“Финикс”) – 925 кг
  • +120 кг: Б.Алтангэрэл (“Хархорум”) – 970 кг (Улсын рекордч)

Мастер -1 (40-49 нас)

  • 74 кг: С.Энхбат (“Тайхар”) – 605 кг
  • 83 кг: Г.Насанбат (Орхон) – 597,5
  • 93 кг: Д.Мөнх-Эрдэнэ (“Champions”) – 780 кг

Мастер -2 (50-с дээш нас)

  • 70 кг: А.Дуулга (“Алагтай цэцээ” клуб) 350 кг
  • 80 кг: Д.Намхайдорж (“Алагтай цэцээ” клуб) 510 кг
  • 90 кг: Ц.Маамчулуун (“Алагтай цэцээ” клуб) 575,5 кг-аар улсын аварга цолыг тус тус хүртлээ.

Дашрамд дуулгахад, Пауэрлифтингийн спорт 2018 оны Азийн наадмын хөтөлбөрт багтаад байна. Тиймээс МПНХ энэ жилээс шигшээ багийг бүрдүүлж, байнгын бэлтгэл сургуулилттай байлгах төлөвлөгөөтэй байгаа аж. Түүнчлэн долдугаар сард хэвтээ шахалтын, есдүгээр сард өсвөр үе, эмэгтэйчүүдийн УАШТ-үүдийг зохион байгуулахаар төлөвлөжээ.

Categories
мэдээ соёл-урлаг

Ж.Пуччини “Тоска” дуурь өнөөдөр тайзнаа амилна

Дуурь бүжгийн эрдмийн театрын уран бүтээлчид хоёрдугаар сарын 7-ны өдөр буюу өнөөдөр 17.00 цагт Дж.Пуччинигийн ТОСКА дуурийг тоглох гэж байна. Гурван бүлэг, гурван үзэгдэлт тус дуурийн цомнолыг Ж.Жакоза, Л.Иллика нар зохиож, анх 1900 оны нэгдүгээр сарын 14-нд Ром хотын “Костанци” театр тогложээ. Ж.Пуччини тухайн үед В.Сардугийн “Флория Тоска” жүжгийг үзээд сэтгэл нь маш их хөдөлж, уг дуурийг бүтээсэн гэдэг.

Энэхүү дуурь Ж.Пуччинийн хамгийн хүнд драмтай дууриудын нэг бөгөөд авьяаслаг, үзэсгэлэнтэй хэдий ч сэтгэлийн хөдөлгөөн, хар ихтэй, гэнэн бүсгүй Тоска, мөрөөдөмтгий, мэдрэмтгий, шулуун шударга Каварадосси, санаа муутай, харгис Скарпья нарын дүрийг хөгжмийн аялгуугаар маш тодорхой гаргаж өгсөн нь сонсогч, үзэгчдийн сэтгэлийг ихэд татдаг байна. Ирэх сард тоглогдох уг дуурийн найруулагчаар УГЗ, Л.Эрдэнбулган ажиллаж, УГЗ, Ж.Бүрэнбэх удирдаачаар ажиллах юм байна. Харин гол дүрд СТА Б.Саруул тогложээ.

Үйл явдлыг хураангуйлан хүргэвэл Ром хотын төв дэх нэгэн сүмд зураач Каварадосси өөрийн зурсан Магдалена эх дагинын хөргийг харж, хайрт бүсгүй Тоскатайгаа зүйрлүүлэн бодлогоширно. Римийн эрх чөлөөний төлөө тэмцсэний улмаас шоронд хоригдож байгаад оргож гарсан Чезаре Анжелотти энэ сүмд нуугдсан байжээ. Каварадосси Анжелоттитай уулзаж түүнд туслахад бэлэн байгаагаа хэлнэ. Гэтэл алсад их бууны дуу нүргэлж, хоригдол оргосныг зарлана. Каварадосси, Анжелотти хоёр яаравчлан гарах гэтэл хаалга тогшиж, Тоска орж ирнэ.

Тоска Каварадоссийн зурсан хөргийг харангуут сурвалжит бүсгүй Аттавантитай төстэй болохыг ажиж хардах сэтгэл төрнө. Каварадосси сэтгэлт бүсгүйгээ тайтгаруулан зөвхөн түүнд хайр сэтгэлтэйгээ батална. Тоска тайвширч,орой учрах цагаа болзоод гарч явна. Зураач Анжелоттийг дагуулан гарна. Энэ үед Скарпъя дагуулынхаа хамт сүмд дайран орж ирээд Аттавантийн овгийн сүлд бүхий дэвүүрийг олно. Мөн эх дагина Магдалена, Аттавантитай төстэй болохыг ажина. Аттаванти бол Чезаре Анжелоттийн төрсөн дүү бөгөөд түүнийг оргоход гол үүрэг гүйцэтгэжээ…

Тасалбарыг УДБЭТ-ын касс болон www.monda.mn-р худалдаалж байна.

Categories
гадаад мэдээ

Амиа алдсан зорчигчийн тоо нэмэгджээ

Тайванийн агаарын тээврийн “Trans Aria” компанийн “ATR-72” онгоцны ослоор амиа алдагсдын тоо 35-д хүрсэн тухай “Ройтерс” агентлаг мэдээллээ. Одоогоор найман зорчигчийг олоогүй байгаа юм. Ирэх даваа гаригт Тайванийн Тээврийн яам онгоцны осолтой холбоотойгоо мэдээлэл хийх билээ. Тус онгоцонд Хятадын 31, Тайванийн 11, Индонезийн долоон зорчигч зорчиж явсан юм. Өнөөдрийг хүртэл амиа алдсан хүмүүс аль улсын иргэн нь тодорхойгүй байна.

58 зорчигч бүхий “ATR-72” онгоц энэ долоо хоногийн эхээр гүүр мөргөж, Кийлөнг мөрөнд осолдсон билээ. Аврагчид шуурхай ажилласны үр дүнд 15 зорчигчийг аварсан юм.

Categories
мэдээ нийгэм

Худалдаж авах машиныхаа бүх мэдээллийг цахимаар сонирхох боломжтой

Нийслэлийн Мэдээллийн технологийн газраас автомашин, өөрөө явагч хэрэгслийн мэдээллийн нэгдсэн сан байгуулан, татвар төлөлтийн явцыг сайжруулах, төрийн үйлчилгээг чирэгдэлгүй болгох зорилгоор тээврийн хэрэгслийн татвар хураамж, даатгал, үзлэг оношилгоо, бүртгэлийн нэгдсэн системийг боловсруулж, www.smartcar.mn цахим хуудсыг ажиллуулж эхэлжээ. Уг системийг нэвтрүүлснээр тээврийн хэрэгсэлтэй холбоотой үйл ажиллагаа явуулдаг төрийн байгууллагууд мэдээллийн сангаа нэгтгэж харилцан мэдээлэл солилцох боломж нээгдэж байгаа аж. Мөн иргэд цахимаар тээврийн хэрэгслийнхээ мэдээллийг бүрэн авах боломжтой гэнэ.Уг цахим хуудсаас та сонирхсон тээврийн хэрэгслийнхээ улсын бүртгэлийн дугаараар нь татвар, албан журмын даатгал, техникийн үзлэг, оношлогооны талаарх мэдээллийг компьютер, гар утас, таблетаасаа (https://itunes.apple.com/us/app/smart-ub/id708807878?mt=8 холбоосоор i-phone, i-pad, https://play.google.com/store/apps/details?id=mn.moco.smartub&hl=en холбоосоор андройд үйлдлийн системтэй утсанд) smartcar апликейшн татаж суулгаснаар цаг хугацаа, газар зүйн байршлаас үл хамааран мэдээлэл авах боломжтой юм байна. Мөн автомашин худалдах буюу худалдан авах гэж байгаа бол тухайн тээврийн хэрэгслийнхээ улсын бүртгэлийн дугаарыг оруулж мэдээлэл авч болох нь.

Categories
мэдээ нийгэм

Хоёр хүн угаартаж нас баржээ

Өнгөрсөн баасан гарагт Дархан-Уул аймгийн Дархан сумын V багийн “Үйлдвэр”-ийн X гудамжийн 58А тоотод иргэн Г-н байшинд дөрвөн хүн угаартсан хэрэг гарлаа. Хэргийн газарт Онцгой Байдлын хэлтсийн албан хаагчдыг очиход 70-н настай эрэгтэй, 48-н настай эмэгтэй нар нас барсан байжээ. Аврагчид тэнд байсан 12 болон 17 настай хоёр эмэгтэй хүүхдийг эмнэлэгт хүргэн яаралтай тусламж үзүүлсэн байна.

Мөн Дархан-Уул аймгийн Хонгор сумын II багийн “Хар ямаат” уулын бэлд хууль бус аргаар ашигт малтмал олборлогчийн гар аргаар ухсан нүхэнд морьтой хүн унасан байсныг морьтой нь эсэн мэнд татан гаргажээ.

Завхан аймгийн Улиастай сумын Богдын гол багийн Нэгдүгээр гудамжинд оршин суугч, 23 настай, эрэгтэй Б гэгч 2015 оны нэгдүгээр сарын 30-ны өдрийн 22:00 цагийн орчим тус сумын Жинст багийн нутаг “Уран байгаль” зочид буудлаас гэр рүүгээ яваад сураггүй болсныг тус аймгийн Онцгой байдлын хэлтэс, Цагдаагийн газар, орон нутгийн иргэд эрэн хайх ажиллагааг явуулсан ч үр дүнд хүрээгүй тул эрлийн ажиллагааг түр зогсоолоо гэж Онцгой Байдлын Ерөнхий Газрын Гамшгийн Шуурхай Удирдлагын Газраас мэдээллээ.

Categories
мэдээ нийгэм

Сар шинийн үзэсгэлэн худалдаа дүүрэг бүрт болж байна

Жил бүр сар шинийн баярыг тохиолдуулан нийслэлийн зургаан дүүрэгт цагаан сарын үзэсгэлэн худалдааг зохион байгуулдаг уламжлалтай. Энэ жил Баянзүрх дүүрэгт “Скай” их дэлгүүрийн гадна талбай, Бөхийн өргөөний гадна талбай, “Тэнгэр” бөөний худалдааны төв, Сүхбаатар дүүрэгт “Цэрэндоржийн гудамж”-ны гадна талбай, Чингэлтэй дүүрэгт Тусгаар тогтнолын талбай, Урт цагааны зүүн талын гадна талбай, Баянгол дүүрэгт “Лион” тауэр, Хан-Уул дүүрэгт “Скай трейдинг” ХХК, “Номингийн тав трейд” ХХК, “Хоум плаза”-гийн дотор талбай, “Улаанбаатар импекс” ХХК, Сонгинохайрхан дүүрэгт “Силвер” худалдааны төв, “Сувдан” төвийн дотор талбайд тус тус зохион байгуулж байна. Үзэсгэлэн худалдаа сар шинийн баяр хүртэл үргэлжилнэ.

Categories
мэдээ нийгэм

Монгол охины бүтээл amazon.com-оор зарагдаж байна

Монгол оюутан охины бүтээсэн номын хавчуурга amazon.com-оор зарагдаж эхэлсэн байна. Гэрэгэний хэлбэртэй, уйгаржин бичиг сийлсэн өвөрмөц загвартай номын хавчуургаа зургаан ам.доллараар үнэлжээ. Харин Монголд6900 төгрөгөөр, бэлэг дурсгалын дэлгүүрүүдээр зарагдаж байгаа аж.

Categories
мэдээ онцлох-нийтлэл туслах-ангилал улс-төр

УИХ ирэх долоо хоногт ийм асуудлууд хэлэлцэнэ

2015 ОНЫ 02 ДУГААР САРЫН 09-ӨӨС 18-НЫ ӨДРҮҮДЭД НАМ, ЭВСЛИЙН БҮЛЭГ, АЖЛЫН ХЭСЭГ, БАЙНГЫН БОЛОН ДЭД ХОРОО, ЧУУЛГАНЫ НЭГДСЭН ХУРАЛДААНААР ХЭЛЭЛЦЭХ АСУУДАЛ, ХУВААРЬ

НЭГ.УЛСЫН ИХ ХУРАЛ ДАХЬ НАМ, ЭВСЛИЙН БҮЛГИЙН ХУРАЛДААН:

02 дугаар сарын 09-ний Даваа гарагт:

  • Улсын Их Хурал дахь Ардчилсан намын бүлгийн хуралдаан “А” танхимд;
  • Улсын Их Хурал дахь Монгол ардын намын бүлгийн хуралдаан “Б” танхимд;
  • Улсын Их Хурал дахь МАХН-МҮАН-ын “Шударга ёс” эвслийн бүлгийн хуралдаан “В” танхимд.

ХОЁР.АЖЛЫН ХЭСГИЙН ХУРАЛДААН:

02 дугаар сарын 09-ний Даваа гарагт:

  • “Монгол Улсын төрөөс хүн амын хөгжлийн талаар баримтлах цогц бодлого батлах тухай” Улсын Их Хурлын тогтоолын төслийг хэлэлцүүлэгт бэлтгэх үүрэг бүхий Нийгмийн бодлого, боловсрол, соёл, шинжлэх ухааны байнгын хорооны ажлын дэд хэсгийн хуралдаан 11.00 цагаас “Г” танхимд;
  • Чөлөөт бүсийн тухай /шинэчилсэн найруулга/ болон холбогдох бусад хууль, тогтоолын төслүүдийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын хэсгийн хуралдаан 13.00 цагаас “А” танхимд;
  • Шүүх байгуулах тухай хуулийн 1, 2 дугаар зүйлийн зарим заалт Монгол Улсын Үндсэн хуулийн холбогдох заалтыг зөрчсөн тухай Үндсэн хуулийн хуулийн цэцийн 2014 оны 07 дугаар дүгнэлт гарсантай холбогдуулан Хууль зүйн байнгын хорооноос байгуулсан ажлын хэсгийн хуралдаан 14.00 цагаас “Б” танхимд;
  • Хяналтын тухай болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Төрийн байгуулалтын байнгын хорооны ажлын хэсгийн хуралдаан 14.00 цагаас 334 тоот өрөөнд;
  • “Төрөөс ойн талаар баримтлах бодлого батлах тухай” Улсын Их Хурлын тогтоолын төслийг хэлэлцүүлэгт бэлтгэх үүрэг бүхий Байгаль орчин, хүнс, хөдөө аж ахуйн байнгын хорооны ажлын хэсгийн хуралдаан 15.00 цагаас “В” танхимд;
  • “Монгол Улсын төрөөс хүн амын хөгжлийн талаар баримтлах цогц бодлого батлах тухай” Улсын Их Хурлын тогтоолын төслийг хэлэлцүүлэгт бэлтгэх үүрэг бүхий Нийгмийн бодлого, боловсрол, соёл, шинжлэх ухааны байнгын хорооны ажлын хэсгийн хуралдаан 15.00 цагаас “Г” танхимд.

02 дугаар сарын 11-ний Лхагва гарагт:

Сонгуулийн нэгдсэн хуулийн төсөл боловсруулах үүрэг бүхий Төрийн байгуулалтын байнгын хорооны ажлын хэсгийн хуралдаан 13.00 цагаас 334 тоот өрөөнд.

ГУРАВ. БАЙНГЫН БОЛОН ДЭД ХОРООНЫ ХУРАЛДААН:

02 дугаар сарын 10-ны Мягмар гарагт:

1. Эдийн засгийн байнгын хорооны хуралдаан 09.00 цагаас “А” танхимд:

Хэлэлцэх асуудал:

“Эрдэнэс Таван толгой” ХК-ийн үйл ажиллагаанд хийсэн шалгалтын дүнтэй холбогдуулан гаргах Байнгын хорооны тогтоолын төсөл.

2. Хууль зүйн байнгын хорооны хуралдаан 09.00 цагаас “Б” танхимд:

Хэлэлцэх асуудал:

3. Төсвийн байнгын хорооны хуралдаан 10.00 цагаас “В” танхимд:

Хэлэлцэх асуудал:

  • Төсвийн зарлагын хяналтын дэд хорооны даргыг сонгох тухай асуудал;
  • Монгол Улсын Засгийн газар, Японы олон улсын хамтын ажиллагааны байгууллага хооронд байгуулах “Улаанбаатар хотын олон улсын шинэ нисэх онгоцны буудал барих төслийн нэмэлт хэлэлцээр”-ийн төсөл /Засгийн газар 2015.02.04-ний өдөр өргөн мэдүүлсэн, санал, дүгнэлтээ Аюулгүй байдал, гадаад бодлогын байнгын хороонд хүргүүлнэ, зөвшилцөх/;
  • “Засгийн газарт чиглэл өгөх тухай” Улсын Их Хурлын тогтоолын төсөл /Байнгын хороо санаачилсан, анхны хэлэлцүүлэг/;
  • Нийслэл хотын албан татварын тухай хуулийн төсөл /Засгийн газар 2014.12.30-ны өдөр өргөн мэдүүлсэн, анхны хэлэлцүүлэг/;
  • Хөрөнгийн албан татварын тухай болон холбогдох бусад хуулийн төслүүд /Засгийн газар 2014.12.30-ны өдөр өргөн мэдүүлсэн, анхны хэлэлцүүлэг/;

Өрийн удирдлагын тухай болон холбогдох бусад хуулийн төсөл /Засгийн газар, 2015.02.06-ны өдөр өргөн мэдүүлсэн, хэлэлцэх эсэх/.

4. Төрийн байгуулалтын байнгын хорооны хуралдаан 14.00 цагаас “А” танхимд:

Хэлэлцэх асуудал:

5. Өргөдлийн байнгын хорооны хуралдаан 14.00 цагаас “Б” танхимд:

Хэлэлцэх асуудал:

  • Нийтийн сонсголын тухай хуулийн төсөл /Монгол Улсын Ерөнхийлөгчөөс 2014.07.08-ны өдөр өргөн мэдүүлсэн, санал, дүгнэлтээ Төрийн байгуулалтын байнгын хороонд хүргүүлнэ, анхны хэлэлцүүлэг/;
  • Өргөдлийн байнгын хорооны 2014 оны шийдвэрүүдийн хэрэгжилтийн талаар Засгийн газрын мэдээлэл сонсох тухай;
  • 2015 оны 01 дүгээр сард ирүүлсэн өргөдлийн тойм мэдээг сонсох.

6. Нийгмийн бодлого, боловсрол, соёл, шинжлэх ухааны байнгын хорооны хуралдаан 14.00 цагаас “В” танхимд:

Хэлэлцэх асуудал:

  • Соёлын тухай хуульд нэмэлт оруулах тухай хуулийн төсөл /Засгийн газар, 2014.06.23-ны өдөр өргөн мэдүүлсэн,эцсийн хэлэлцүүлэг/;
  • “Монгол Улсын төрөөс хүн амын хөгжлийн талаар баримтлах цогц бодлого батлах тухай” Улсын Их Хурлын тогтоолын төсөл /Засгийн газар 2014.09.04-ний өдөр өргөн мэдүүлсэн, анхны хэлэлцүүлэг/.

7. Жижиг, дунд үйлдвэрлэлийн хөгжлийн дэд хорооны хуралдаан 15.00 цагаас “Г” танхимд:

Хэлэлцэх асуудал:

  • Дэд хорооны 2015 онд хийх ажлын төлөвлөгөөний тухай.

ДӨРӨВ.ЧУУЛГАНЫ НЭГДСЭН ХУРАЛДААН:

ТАВ.БАЙНГЫН ХОРООНЫ ХУРАЛДААН:

02 дугаар сарын 11-ний Лхагва гарагт:

1. Эдийн засгийн байнгын хорооны хуралдаан 13.00 цагаас “А” танхимд:

Хэлэлцэх асуудал:

2. Төсвийн байнгын хорооны хуралдаан 13.00 цагаас “Б” танхимд:

Хэлэлцэх асуудал:

  • Өрийн удирдлагын тухай болон холбогдох бусад хуулийн төсөл /Засгийн газар, 2015.02.06-ны өдөр өргөн мэдүүлсэн, анхны хэлэлцүүлэг/.

3. Байгаль орчин, хүнс, хөдөө аж ахуйн байнгын хорооны хуралдаан 16.00 цагаас “В” танхимд:

Хэлэлцэх асуудал:

4. Аюулгүй байдал, гадаад бодлогын байнгын хорооны хуралдаан 16.00 цагаас “Г” танхимд:

Хэлэлцэх асуудал:

  • Монгол Улсын Засгийн газар, Японы олон улсын хамтын ажиллагааны байгууллага хооронд байгуулах “Улаанбаатар хотын олон улсын шинэ нисэх онгоцны буудал барих төслийн нэмэлт хэлэлцээр”-ийн төсөл /Засгийн газар 2015.02.04-ний өдөр өргөн мэдүүлсэн, зөвшилцөх/;
  • “Оюутолгой” ХХК-нд хийсэн шалгалтын дүнгийн тухай мэдээлэл сонсох /хаалттай/.

02 дугаар сарын 12-ны Пүрэв гарагт:

1. Төрийн байгуулалтын байнгын хорооны хуралдаан 08.30 цагаас “Б” танхимд:

Хэлэлцэх асуудал:

  • Сонгуулийн ерөнхий хорооны дарга, нарийн бичгийн даргыг томилох тухай асуудал.

ЗУРГАА.ЧУУЛГАНЫ НЭГДСЭН ХУРАЛДААН:

2015 оны 02 дугаар сарын 12, 13-ны өдрийн 09.00 цагаас:

ДОЛОО.УЛСЫН ИХ ХУРАЛ ДАХЬ НАМ, ЭВСЛИЙН БҮЛГИЙН ХУРАЛДААН:

02 дугаар сарын 16-ны Даваа гарагт:

  • Улсын Их Хурал дахь Ардчилсан намын бүлгийн хуралдаан “А” танхимд;
  • Улсын Их Хурал дахь Монгол ардын намын бүлгийн хуралдаан “Б” танхимд;
  • Улсын Их Хурал дахь МАХН-МҮАН-ын “Шударга ёс” эвслийн бүлгийн хуралдаан “В” танхимд.

НАЙМ.АЖЛЫН ХЭСГИЙН ХУРАЛДААН:

02 дугаар сарын 16-ны Даваа гарагт:

  • Нийслэл хотын албан татварын тухай хуулийн төслийг хэлэлцүүлэгт бэлтгэх үүрэг бүхий Төсвийн байнгын хорооны ажлын дэд хэсгийн хуралдаан 13.00 цагаас “В” танхимд;
  • Хөрөнгийн албан татварын тухай болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Төсвийн байнгын хорооны ажлын дэд хэсгийн хуралдаан 15.00 цагаас “В” танхимд.

ЕС.БАЙНГЫН ХОРООНЫ ХУРАЛДААН:

02 дугаар сарын 17-ны Мягмар гарагт:

1. Эдийн засгийн байнгын хорооны хуралдаан 09.00 цагаас “А” танхимд:

Хэлэлцэх асуудал:

2. Төсвийн байнгын хорооны хуралдаан 09.00 цагаас “Б” танхимд:

Хэлэлцэх асуудал:

  • Өрийн удирдлагын тухай болон холбогдох бусад хуулийн төсөл /Засгийн газар, 2015.02.06-ны өдөр өргөн мэдүүлсэн, эцсийн хэлэлцүүлэг/;
  • “Засгийн газарт чиглэл өгөх тухай” Улсын Их Хурлын тогтоолын төсөл /Байнгын хороо санаачилсан, эцсийн хэлэлцүүлэг/;
  • Нийслэл хотын албан татварын тухай хуулийн төсөл /Засгийн газар 2014.12.30-ны өдөр өргөн мэдүүлсэн, эцсийн хэлэлцүүлэг/;
  • Хөрөнгийн албан татварын тухай болон холбогдох бусад хуулийн төслүүд /Засгийн газар 2014.12.30-ны өдөр өргөн мэдүүлсэн, эцсийн хэлэлцүүлэг/;

3. Байгаль орчин, хүнс, хөдөө аж ахуйн байнгын хорооны хуралдаан 13.00 цагаас “А” танхимд:

Хэлэлцэх асуудал:

  • Гол, мөрний урсац бүрэлдэх эх, усны сан бүхий газрын хамгаалалтын бүс, ойн сан бүхий газарт ашигт малтмал хайх, ашиглахыг хориглох тухай хуулийг дагаж мөрдөх журмын тухай хуульд нэмэлт, өөрчлөлт оруулах тухай, Ашигт малтмалын тухай хуульд нэмэлт оруулах тухай хуулийн төслүүд /Засгийн газар 2013.09.10-ны өдөр өргөн мэдүүлсэн, эцсийн хэлэлцүүлэг/.

АРАВ.ЧУУЛГАНЫ НЭГДСЭН ХУРАЛДААН:

2015 оны 02 дугаар сарын 18-ны өдрийн Лхагва гарагийн 09.00 цагаас:

Categories
мэдээ нийгэм

“Дэнжийн 1000”-ын замд нэг чигийн хөдөлгөөн зохицуулалт хийгдэнэ

Нийслэлийн Засаг даргын “Сар шинийн баярыг угтсан зарим арга хэмжээний тухай” А/78 дугаар захирамжийн хүрээнд авто замын ачааллыг бууруулах зорилгоор Чингэлтэй дүүргийн нутаг дэвсгэрт 2015 оны хоёрдугаар сарын 7, 14-ний бямба гараг, 8, 15-ны ням гарагуудад Дэнжийн мянгын авто замын хөдөлгөөнийг “Хүчит шонхор” худалдааны төвийн зүүн урд уулзвараас хойш үерийн далангийн уулзвар хүртэл урдаас хойш чиглэлд, далангаас зүүн тийш Судалт төвийн /хуучнаар/ уулзвар хүртэлх авто замын хөдөлгөөнийг баруунаас зүүн чиглэлд 08:00-17:00 цагийн хооронд нэг чигийн хөдөлгөөнд оруулж зохицуулалтын арга хэмжээ авч хөдөлгөөний аюулгүй байдлыг хангаж ажиллана.