Монгол Улсын гавьяат тамирчин, Японы мэргэжлийн сумо бөхийн 69 дэх их аварга Хакухо Мөнхбатын Даваажаргалд Сар шинийн баярын өмнөхөн Монгол Улсын Хөдөлмөрийн баатар цол хүртээхээр болжээ. Арван таван настайдаа арлын Япон улсыг зорьж, анх сумо бөхөд хөл тавьсан тэрээр Монгол орныхоо нэрийг дэлхийн тавцанд өндөрт өргөж яваа бидний бахархал болсон залуусын нэг билээ.
Тэрээр одоогоос найман жилийн тэртээ 22 насандаа Монголын хоёр дахь, гадаадын дөрөв дэх ёкозүна болсон бахдам амжилтын эзэн. Мөн гарамгай барилдааны гурав, дайчин барилдааны хоёр, уран барилдааны шагнал тус тус хүртэж байсан. Түүний нөр их хөдөлмөрийг үнэлэн 2007 онд Монгол Улсын гавьяат тамирчин хэмээх эрхэм хүндтэй цолыг хүртээсэн билээ.
XVII жарны “Галзууруулагч” хэмээгч Модон хонь жилийн Сар шинийн баярыг угтан Баянзүрх дүүргийн Засаг даргын А/34 захирамжийн дагуу дүүргийн хэмжээнд бүх нийтийн их цэвэрлэгээний ажлыг зохион байгууллаа.
УИХ-ын гишүүн Л.Эрдэнэчимэг эдгээр өдрүүдэд Баян-Өлгий аймагт ажлын айлчлал хийж байгаа бололтой. Тэрбээр энэ тухайгаа өөрийн цахим хуудсаараа дамжуулан Баян-Өлгий аймагтай танилцаж, малчин айлаар зочилсон тухайгаа хуваалцсан байна.
АНУ-ын Лос Анжелес хотын “Стаплес центр”-т 56 дахь удаагийн “Grammy Awards” албан ёсоор эхэллээ. Энэ жилийн наадамд холливуудын 100 гаруй уран бүтээлч 35 номинацийн төлөө өрсөлдөж буй юм. Энэ жилийн “Оны залуу уран бүтээлч” шагналыг дуучин Сэм Смит хүртэж, анхны шагналын эзэн болжээ. Дуучин Бейонси, Сэм Смит, Кейни Уэст нар зургаан номинацид нэр дэвшсэнээр хамгийн олон номинацид нэр дэвшсэн уран бүтээлчээр тодорчээ. Бейонси “Шилдэг эмэгтэй дуучин” номинацид хэдийнэ ялалт байгуулсан тухай “
Ган зам 20 дугаар сургуулийн 540 хүүхдийн багтаамжтай өргөтгөлийн барилга ашиглалтад орж, нээгджээ. Энэхүү үйл ажиллагаанд Баянгол дүүргээс сонгогдсон УИХ-ын гишүүн, ХАХНХ-ын сайд С.Эрдэнэ, УИХ-ын гишүүн С.Одонтуяа, НИТХ-ын төлөөлөгч Л.Нарантуяа, дүүргийн Засаг дарга Д.Оросоо, ОХУ-ын Элчин сайдын яамны төлөөлөл, Төмөр замын удирдах газрын дарга, Эрхүү хотоос Монгол улсад суугаа байнгын төлөөлөгч, ахмад багш нарын төлөөлөл болон эцэг эх, сурагчид оролцсон байна. 
Өнгөрсөн хавар иргэний хөдөлгөөний нэр барьсан хэсэг нөхөд “Дорноговийн малын махыг битгий идээрэй” гэх маягийн зүйл ярьж хийрхсэнээс болж ялангуяа тус аймгийн Улаанбадрах, Сайншанд сумын малчид ихэд бухимдацгааж байсан юм. Гэвч таанын толгойгоор тарга авсан тус нутгийн малын махны амт чанар зах зээлээ огтхон ч алдсангүй.Тэр ч байтугай хаа сайгүй өвлийн идшээ зэхэцгээж байгаа энэ үеэр Дорноговь аймагт ажиллаж байгаа зарим компаниуд энэ нутгийн малчдаас мах худалдан авч эхэлсэн байна. Тухайлбал Монголд ураны хайгуул явуулж байгаа “Арева Монгол” компанийн охин компани болох “Кожеговь” компани ажилчдынхаа хоол хүнсэнд зориулж, хээрийн ангийнхаа ойр орчмын малчдаас хонь, үхэр худалдаж авчээ. Энэ талаар тодруулахаар бид нутгийн малчид болон компанийн төлөөлөлтэй очиж уулзсан юм. 
Нийслэлийн Засаг даргын А/977 дугаар захирамж, Нийслэлийн ИТХ-ын Тэгүүлэгчдийн Хурлын 90 дүгээр тогтоолоор баталсан журмын дагуу ашиглалтын шаардлага хангахгүй болсон нийтийн зориулалттай Баянгол дүүргийн 39 орон сууцыг дахин төлөвлөхөөр болж, энэхүү ажлыг зохион байгуулахыг нийслэлийн Ерөнхий төлөвлөгөөний газарт даалгасан. Уг ажлын хүрээнд Ерөнхий төлөвлөгөөний газраас Баянгол дүүргийн 1 дүгээр хорооны 10, 11, 12, 13, 14, 15, 16, 17, 18, 20 дугаар байр, 2 дугаар хорооны 1, 2, 3, 5, 6, 7 дугаар байр, 3 дугаар хорооны 21, 22, 23, 24, 35, 36, 37 дугаар байр, 4 дүгээр хорооны 1, 2, 3, 4, 5, 6, 7, 8, 9 дүгээр байр, 20 дугаар хорооны нутаг дэвсгэрт байрлах БХН-30, БХН-1-27, БХН-2-27, ТТЭ-37, БХН-48, ОС-8, АТ-12 дугаар орон сууцны барилгыг дахин төлөвлөн барилгажуулах төсөл боловсруулж, барилгажилтын ажил гүйцэтгэх эрх бүхий аж ахуйн нэгж, байгууллагуудын дунд сонгон шалгаруулалт зарлалаа.
Үндсэн хуулийн цэц Их суудлын хуралдаанаараа Шүүх байгуулах тухай хуулийн зарим заалт Үндсэн хууль зөрчсөн эсэхийг хянан хэлэлцсэн билээ. Тэгвэл энэ үеэр тойргийн шүүх байгуулсан хуулийн заалтыг өөрчлөхөөр болжээ. Тодруулбал, шүүхийн үндсэн тогтолцоог үгүйсгэж, иргэний үндсэн эрхийг баталгаатай эдлүүлэх, төрийн үйлчилгээг иргэдэд ойртуулах Үндсэн суурь зарчим, шүүхийн нэгдсэн тогтолцоог бэхжүүлсэн Үндсэн хуулийн заалтыг зөрчсөн гэж үзэж 2015 оны долдугаар сараас эхлэн хүчингүй болгохоор шийдсэн байна.
Иргэний нисэхийн ерөнхий газар /ИНЕГ/-ын даргаар ажиллаж байсан С.Батмөнх, тус газрын Санхүү, эдийн засгийн ерөнхий менежер асан Г.Наранцэцэг, Агаарын тээврийн бодлого зохицуулалтын ерөнхий менежер, газрын дарга асан Д.Эрдэнэбат нарын мөнгө угаасан гэх хэргийг өнөөдөр Улсын дээд шүүхэд хянан хэлэлцэнэ. Анхан болон давж заалдах шатны шүүхээс С.Батмөнх, Д.Эрдэнэбат нарт 6.6 жилийн хорих ял, “Электрон системс” компанийн захирал М.Батболдод долоон жилийн хорих ял оноосон юм. Хоёр шатны шүүхээс оноосон энэхүү ялыг шүүгдэгчид эсэргүүцэн ийнхүү Улсын дээд шүүхэд гомдол гаргаад байгаа юм.
Цагдаагийн байгууллагаас ингэж асуулаа. Улаанбаатар хотын цагдаагийн газрын Гэмт хэрэгтэй тэмцэх газарт Хан-Уул дүүргийн цагдаагийн 1-р хэлтсийн нутаг дэвсгэрт үйлдэгдсэн хулгайн гэмт хэргийн эд мөрийн баримт болгон хураагдсан эд зүйлсийн эзэн нь тогтоогдохгүй байгаа тул хулгайд ээмэг зүүлт болон бусад эд зүйлсээ алдсан хүмүүс тус газарт хандана уу гэжээ. 
