Энэ сарын 6-7-нд шилжих шөнө Баянгол дүүргийн 13 дугаар хороонд М-ийг гэртээ харих замд нь хоёр этгээд дээрэмдэж өмсөж явсан пүүз, гар утсыг нь булаажээ. Тодруулбал, А болон Б нар нь бүлэглэн 2 ширхэг гар утас өмсөж явсан пүүз гэх мэт зүйлийг дээрэмдэж зугтсаныг цагдаа нар эрэн сурвалжилж БГД-н 8 хорооны нутаг дэвсгэрээс цагдаагийн 2 дугаар хэлтсийн Хэв журмийн ахмад Б.Ганхүү ахлах ахлагч Г.Зоригтбаатар нар хөөн барьж саатуулжээ. Хэргийг БГД цагдаагийн 2 дугаар хэлтсийн жижүүрийн шуурхай албанд шилжүүлэн шалгаж байна.
Өнөөдөр 09.00 цагт улс даяар Элсэлтийн ерөнхий шалгалтын (ЭЕШ)-ын цахим бүртгэл эхэллээ. Шалгалын бүртгэл ирэх дөрөвдүгээр сарын 20-ныг дуустал үргэлжлэх юм байна. Энэ жил ерөнхий боловсролын сургуулийг 20 мянга гаруй сурагч төгсөх аж. Өнгөрсөн жилийн төгсөгчтэй нийлээд 25 мянга гаруй шалгуулагч ЭЕШ өгөх тооцоо гарчээ. 
Яг одоо Чингисийн талбайн төв хэсэгт Босоо хөх Монгол ТББ, Гал үндэстэн холбоо, Бөөгийн холбоо зэрэг байгууллагууд хамтран жагсаал зохион байгуулж, бөөгийн зан үйл хийж эхлээд байна. Одоогоор талбайд 40 гаруй бөө, удган бөөлж ноён уулыг аврах зан үйл үйлдэж буй юм.
Сар шинийн баяр болох гэж байгаатай холбогдуулан хүн амын төвлөрөл ихтэй худалдааны төвүүдэд халаасны хулгайн гэмт хэрэг өсөх хандлагатай байгаа юм. Амралтын өдрүүдэд алба хаагчид Нарантуул худалдааны төв дээр эрчимжүүлсэн арга хэмжээ авч тус төвийн цагдаагийн хэлтсийн судалгаанд байдаг 16-н хүнийг хүний хөдөлгөөн ихэсдэг 12-18-н цагийн хооронд түр саатуулан урьдчилан сэргийлэх арга хэмжээ авч ажиллаж байна. Одоогийн байдлаар халаасны хулгайн гэмт хэрэг байнга үйлддэг 8-н эрэгтэй, 8-н эмэгтэйг баярын өдөр өнгөртөл саатуулах юм.
Нас барсан хүнийг хилээр нэвтрүүлсэн ноцтой хэрэг гарсан талаар эх сурвалж мэдээллээ. Тодруулбал, энэ сарын 2-ны өдөр Замын-Үүдийн хилээр манай улсын иргэн хайрцаганд нуугдаж нэвтэрсэн байна. Гэвч хайрцаганд байхдаа агааргүйтэж, бүтэж нас барсан харамсалтай хэрэг гарчээ. Албаны эх сурвалжийн мэдээлснээр тэрээр бичиг баримтгүй учраас ийнхүү хайрцаганд нуугдаж хил нэвтэрсэн аж. Уг хэргийг цагдаагийн байгууллага шалгаж байна.
Барилгын ослоор амиа алдах харамсалтай хэрэг одоо ч гарсаар байна. Тодруулбал, энэ сарын 8-ны өдрийн 13.50 цагт нийслэлийн Баянзүрх дүүргийн 26 дугаар хороо “Саруул Хотхон”-ы барилгын есөн давхраас 36 настай иргэн, Б унаж, нас барсан хэрэг гарсан байна. Талийгаач Б нь тус барилгад ажиллаж байсан бөгөөд есөн давхраас тоосго буулгахаар лифтний хонгилд ажиллаж байх үедээ ийнхүү амиа алджээ. Тодруулбал, лифтний ган татлага тасарснаар есөн давхраас унаж амиа алдсан аж.
Орхон аймгийн Баян-Өндөр сумын Цагаанчулуут багийн нутагт судалгаа хийж явсан ажилтныг мэсээр гэмтээж амь насыг нь хөнөөсөн гэх Ц.Батхүүг өнөөдөр Орхон аймгийн анхан шатны шүүхэд шүүж байна.
Босоо хөх Монгол ТББ, Дэлхийн Монгол ногоон нэгдэл хөдөлгөөн хамтран хэдхэн хоногийн өмнө “Ноён уулаа аваръя” жагсаалыг зохион байгуулж байсан. Тэгвэл өнөөдөр Босоо хөх Монгол ТББ, Гал үндэстэн холбоо, Бөөгийн холбоо зэрэг байгууллагууд хамтран Чингисийн талбайд жагсаал зохион байгуулж, бөөгийн зан үйл хийж эхлээд байна.
Хуульчийн эрх зүйн байдлын тухай хуульд, “хуульчийн мэргэжлийн үйл ажиллагаа” гэж шүүх эрх мэдлийг хэрэгжүүлэх, эсхүл шүүхэд бусдын эрх, хууль ёсны ашиг сонирхлыг төлөөлөн хамгаалж шүүн таслах ажиллагаанд оролцох болон бусдад хууль зүйн туслалцаа үзүүлэхийг;” хэмээн тодорхойлсон нь “мэргэжлээрээ ажиллах” гэсэн ойлголтыг “хуульчийн мэргэжлийн үйл ажиллагаа” гэх ойлголтоор хэт явцууруулан хууль зүйн салбарт мэргэжлээрээ ажиллаж байгаа иргэдийн эрхийг хязгаарлаж улмаар Монгол Улсын Үндсэн хуулийн холбогдох заалтыг зөрчсөн байна гэсэн дүгнэлтийг Үндсэн хуулийн цэц өмнөх дунд суудлын хуралдаанаасаа гаргасан билээ. Гэвч Монгол Улсын Их Хурал Цэцийн дээрх дүгнэлтийг хэлэлцээд заримыг нь хүлээн зөвшөөрөх боломжгүй гэж үзэн холбогдох тогтоол гаргасан байна.
УИХ-ын гишүүн Г.Уянга, Х.Болорчулуун, С.Ганбаатар, Ц.Даваасүрэн, Л.Цог нараас Монгол Улсын сайд, Засгийн газрын Хэрэг эрхлэх газрын дарга С.Баярцогтыг үүрэгт ажлаас огцруулах санал гаргасантай холбогдуулан энэхүү тайлбар, мэдэгдлийг гаргаж байна. Түүнд, Монгол Улсын Үндсэн хуулийн Нэгдүгээр зүйлийн 2 дахь хэсэгт хууль дээдлэх нь төрийн үйл ажиллагааны үндсэн зарчим мөн хэмээн хуульчлан тунхагласан бөгөөд хууль тогтоогч, Улсын Их Хурлын гишүүн нь аливаа асуудлаар байр сууриа илэрхийлэхдээ тухайн асуудлын үнэн, бодитой байдлыг сайтар нягтлан үзэж, туйлын нухацтай хандаж байх шаардлагатай билээ.