Өнгөрсөн мягмар гарагт нийслэлд гал түймрийн тав, орон нутагт гал түймрийн дөрвөн дуудлага бүртгэгджээ. Үүнд:
Сонгинохайрхан дүүргийн 27 дугаар хорооны “Агар”-ын IV гудамжийн 17 тоотод иргэн М-н гэр, Чингэлтэй дүүргийн XII хорооны “Булаг”-ийн I гудамжийн 23 тоотод иргэн Б-н эзэмшлийн нийтийн байр, Хан-Уул дүүргийн 14 дүгээр хорооны “Өлзийт” хорооллын “Уяачид”-ын 34 дүгээр гудамжид Бурхан халдун ХХК-ийн хашаанд малын бууц, Чингэлтэй дүүргийн XVII хорооны “Сурагч”-ийн 64 дүгээр гудамжийн 756 тоотод иргэн Б-н “Баяннуур” хүнсний дэлгүүрийн байрны дээврийн хэсэг, Баянзүрх дүүргийн IV хорооны “Сансар” хотхоны II гудамжийн 18 тоотод иргэн Г-н нийтийн байр, Говьсүмбэр аймгийн Сүмбэр сумын II багийн I гудамжийн VII тоотод иргэн Э-н байшин, Хөвсгөл аймгийн Мөрөн сумын V багийн 24 дүгээр гудамжийн III тоотод иргэн Ц-н эзэмшлийн 04-20 ХӨА улсын дугаартай “Истана” загварын автомашин, Орхон аймгийн Баян-Өндөр сумын “Эрдэнэ” багийн 26 дугаар гудамжийн X тоотод иргэн У-н таван ханатай гэр, Өвөрхангай аймгийн Арвайхээр сумын IV багийн IV гудамжийн 15 тоотод иргэн Ш-н нүүрсний амбаар шатаж байна гэсэн дуудлага тус тус ирснийг Онцгой Байдлын Газрын Аврах, гал унтраах ангийн албан хаагчид шуурхай ажиллан унтраалаа гэж Онцгой Байдлын Ерөнхий Газрын Гамшгийн Шуурхай Удирдлагын Газраас мэдээллээ.
Нийслэлийн Мэргэжлийн хяналтын газраас Монголын Морин спорт, Уяачдын холбоонд хурдан морь унаач хүүхдүүдийн аюулгүй байдлыг хангах, болзошгүй эрсдэлээс урьдчилан сэргийлэх зорилгоор зөвлөмж хүргүүлжээ. Энэхүү зөвлөмжийг 2015 онд нийслэл, дүүргийн нутаг дэвсгэрт зохион байгуулахаар төлөвлөсөн хурдан морины уралдааны үед хангаж ажиллах юм. 
Шүүхийн ерөнхий зөвлөлөөс маргааш буюу энэ сарын 12-ны өдрийн 09.00-11.30 цагийн хооронд “Нээлттэй шүүх” хэлэлцүүлэг зохион байгуулах юм байна. Хэлэлцүүлэгт Шүүхийн ерөнхий зөвлөлийн ажлын албаны ажилтнууд, Нийслэл дэх шүүхүүдийн Тамгын газрын дарга, Олон нийттэй харилцах мэргэжилтнүүд, Монголын Хуульчдын холбоо, Монголын Өмгөөлөгчдийн холбоо, Монголын Худалдаа аж үйлдвэрийн танхим, Монголын Нотариатчдын танхим, Монголын Хуульч Эмэгтэйчүүдийн холбоо зэрэг Төрийн бус байгууллагуудын төлөөлөл болон орон нутгийн шүүхүүд оролцох юм байна. Мөн хуулийн сургуулийн багш, оюутан, эрдэмтэн судлаач нарт хэлэлцүүлгийн үүд хаалга нээлттэй байх нь. Энэ үеэр Шүүхийн ерөнхий зөвлөлийн Гүйцэтгэх нарийн бичгийн дарга Т.МэндсайханШүүхийн үйл ажиллагааны нээлттэй, ил тод байдлын шинэтгэл сэдвээр илтгэл тавина. Харин Монголын Хуульчдын Холбооны ерөнхийлөгч Д.Батсүх “Шүүхийн шинэтгэлийн үйл ажиллагаанд Хуульчдын холбоо оролцох нь”, Монголын Өмгөөлөгчдийн Холбооны ерөнхийлөгч Б.Ганбаатар “Шүүхийн нээлттэй үйл ажиллагаанд өмгөөлөгчдийн оролцоо”, Монголын Нотариатчдын Танхимын ерөнхийлөгч А.Оюунчимэг “Иргэдийн шүүхэд мэдүүлэх эрхээ хэрэгжүүлэхэд нотариатчдын оролцоо” сэдвээр тус тус илтгэл тавьж, хэлэлцүүлэг өрнүүлэх юм байна. “Нээлттэй шүүх” хэлэлцүүлэг нь шүүхийн үйл ажиллагааны нээлттэй, ил тод байдлыг хангахад чиглэсэн ажил, үр дүн, анхаарах асуудлын талаар хэлэлцэх бөгөөд энэ чиглэлээр Төрийн бус байгууллагуудтай хамтран ажиллах хэрэгцээ, шаардлагын талаар санал солилцох аж.
Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хууль, Авлигын эсрэг хуулийн дагуу УИХ-ын Хууль зүйн байнгын хорооны 2014 оны 20 дугаар тогтоолоор өөрчлөгдөн батлагдсан Хувийн ашиг сонирхлын мэдүүлэг болон хөрөнгө, орлогын мэдүүлэг гаргах зарим албан тушаалтнууд жил бүрийн хоёрдугаар сарын 15-ны өдрөөс өмнө Хөрөнгө, орлогын мэдүүлгээ зохих шатны албан тушаалтанд гаргах ёстой. Өнөөдрийн байдлаар /02.11/ хөрөнгө орлогын мэдүүлэг гаргах шаардлагатай нийслэлийн дүүргүүд, нутгийн захиргааны байгууллагын 1390 орчим албан тушаалтнаас 90 хувь нь хөрөнгө, орлогын мэдүүлгээ гаргаад байна.
Монголын нүүрсний томоохон олборлогчдын нэг болох “Багануур” хувьцаат компани өчигдөр 100 сая дахь тонн нүүрсээ олборложээ. Тус уурхай 1978 онд дулааны цахилгаан станцуудыг нүүрсээр хангах зориулалтайгаар байгуулагдсан бөгөөд үүнээс хойш 37 дахь жилийн ойн босгон дээрээ 100 сая дахь тонн нүүрсээ олборложээ. Энэхүү амжилт нь Монголын уул уурхайн компаниуд, тэр дундаа нүүрсний олборлогч компаниудын хувьд түүхэн амжилт юм.
Архангай аймгийн Хөгжимт драмын театрын хөгжимчин, ая зохиогч Чойжилсүрэнгийн Төгсбаяртай ярилцлаа. Тэрбээр “Мөнх тэнгэрийн орон” уран бүтээлийн бие даасан тоглолтоо энэ сарын 11-нд Бөхийн өргөөнд хийх гэж байна. 
Эгийн голын усан цахилгаан станц төслийг хариуцсан ажлын хэсэг усан цахилгаан станц баригдах орчмын нутгийн иргэдэд өөрсдийн хийж байгаа ажлуудаа байнга танилцуулсаар ирсэн билээ. Мөн төсөл хэрэгжихтэй холбоогдуулан засаг захиргааны байгууллагууд, орон нутгийн мэргэжлийн байгууллага болон иргэдтэй мэдээ, мэдээлэл тогтмол солилцож, хууль, журамд заасан эрх үүргийн дагуу тогтмол харилцан ажиллаж байгаа юм.
Даваа гаригийн 14 цаг гэхэд Монгол, Японы төвийн хурлын танхим дүүрэн хүнтэй байлаа. Энэ хүмүүс “Эмч, өвчтөн, гэр бүлд зориулсан уулзалт”-д оролцохоор зорьж ирсэн юм. Олон улсын эпилепсийн өдөр “Альфа долгион”, “Epi MON”, “Рефлекс” зэрэг мэдрэлийн эмнэлгүүд болон Монголын Неврологийн нийгэмлэг хамтран энэхүү уулзалтыг зохион байгуулжээ. “Эмч өвчтөн, гэр бүл хамтрахгүй бол өвчтөн ганцаараа энэ асуудлаас гарч чадахгүй” гэж М.Үүрийнтуяа эмч тодорхойлсон. Эпилепси нь ухаан алдаж, татах хэлбэрээр илэрдэг байна. Бага насны хүүхэд халуурч татах, архины шарталтын таталт зэрэгнь эпилепси буюу унаж татах өвчинтэй холбоогүй юм байна. Яагаад унаж татах болов гэсэн асуултыг хүмүүс тавьдаг. “65 хувьд нь тодорхой шалтгаан олж чаддаггүй” гэж Ж.Сарангэрэл эмч хэлсэн. Судалгаагаарнастай хүмүүст харвалтын дараахь эмгэг хэлбэрээр уналт таталт 10 хувь, төрөлхийн гаж хөгжил 8 хувь, тархины үрэвсэл 3 хувь тохиолдсон байна. “Хөдөө орон нутагт мориноос унах тохиолдол элбэг. Хурдан морины уралдаанд бага насны хүүхэдмориноос унаж, тархины гэмтэл авах тохиолдол их. Хамгаалалтын малгай өмсгөх шаардлагатай. Хөгжилтэй оронд хүүхдийг дугуй, ролик унуулахдаа хамгаалалтын малгай заавал хэрэглэдэг” гэж мэдрэлийн эмч нарын гаргасан гарын авлагад дурджээ. Тархины гэмтэл авсан хүн бүр таталт өгдөггүй.Нэг ийм тохиолдол байсан гэнэ.11, 12 насны ах дүү хоёр тоглож байгаад мөргөлдөхөд ах нь түүнээс хойшунаж татдаг өвчтэй болжээ. Гэтэл найман давхраас шуудай элс толгой дээр нь унасан залууд уналт таталт илрээгүй байх жишээтэй. Энэ өвчинд хүн харилцан адилгүй өртдөг хэрэг. Унаж татсан өвчтөний таталтыг хүчээр зогсоох гэж оролдож болохгүй гэнэ. Уналт нь өөрийн жамаар яваад аяндаа зогсдог учраас сэгсчих, зүрхний орчим дарах, массаж хийх гэж оролдох нь гэмтэл учруулж болзошгүй. Харин өвчтөнг хажуу тийш харуулж хэвтүүлээд, цамцны товч, зангиаг суллаж, амьсгалыг саадгүй болгох хэрэгтэй. Таталт 5 минутаас дээш хугацаанд тавигдахгүй бол, богино хугацаанд хоёроос дээш удаа таталт өгвөл эмч дуудах учиртай. Унаж татдагөвчтэй алдартнууд олон байдаг гэнэ. Суут хөгжмийн зохиолч П.И.Чайковский, Альфред Нобель, зураач Ван Гог, Леонардо да Винчи,Ф.Достоевский зэрэг алдартнууд унаж татдаг өвчтэй байсан аж. Унаж татдаг хүмүүсийг бөө болговол зүгээр болно гэдэг өрөөсгөл.Зарим хүн бөө болчихвол зүгээр болно гээд эмээ уухгүй тасалдуулаад, өвчнөө хүндрүүлэх тохиолдол байдаг гэдгийг мэдрэлийн эмч нар сануулсан юм. 