Бүгд найрамдах намын Ерөнхий нарийн бичгийн дарга Ц.Ганхуяг, Бүгд найрамдах намын хотын нарийн бичгийн дарга Г.Тэмүүжин, Хэвлэл мэдээллийн дараг Б.Зориг болон холбогдох албаны хүмүүс мэдээлэл хийлээ. Тэд УИХ-ын дарга, Ерөнхий сайд нарт мэдэгдэл хүргүүлжээ. Одоо байгаа Засгийн газар ард түмнийг эдийн засгийн хүнд байдалд оруулсан. Энэ байдлаас биднийг чөлөөлөх хэрэгтэй гэж үзэж байгаа бөгөөд их хурлыг татан буулгахыг шаардаж байгаа юм. Тус мэдэгдэлд,
Мэдэгдлийн хариуг гуравдугаар сарын 7-ны өдөр буюу ардын хувьсгалыг унагасан өдөр авахаа санууллаа. Хариу өгөхгүй бол тэмцлийн хурц хэлбэрийг сонгохоо мэдэгдсэн юм.
Өчигдөр болсон Засгийн газрын ээлжит бус хуралдаанаар “Эрдэнэс МГЛ” компанийн өмнөх гүйцэтгэх захирал О.Сайнбуяныг үүрэгт ажлаас нь чөлөөлж, оронд Б.Бямбасайханыг томилсон байна. О.Сайнбуян нь 2012 оны арван нэгдүгээр сард “Эрдэнэс МГЛ” компанийн гүйцэтгэх захирлаар Я.Долгоржавын оронд томилогдож байсан юм. Б. Бямбасайхан нь 2012 оны 12-р сараас Монголын Бизнесийн Зөвлөлийн ТУЗ-ийн даргаар сонгогдон ажиллаж байгаа ба эдүгээ Улаанбаатар хотод хөрөнгө оруулалт, төслийн менежмент, санхүүгийн зөвлөгөө өгдөг НоваТерра ХХК-д үүсгэн байгуулагч захирлаар ажилладаг. НоваТерра нь Монгол Улсад уул уурхай, эрчим хүч, үл хөдлөх хөрөнгө мөн дэд бүтцийн төслүүдэд хамтран хөрөнгө оруулах болон хөгжүүлэх үйл ажиллагаа явуулдаг. Түүнчлэн хувиараа бизнес эрхлэгчид, томоохон корпорацууд, Засгийн Газар, санхүүгийн байгуулгууд болон хувийн эзэмшлийн байгуулгуудад зөвлөгөө өгдөг. Бямбасайхан нь эрчим хүчний хэмнэлттэй барилга, сэргээгдэх эрчим хүчний технологийг нэвтрүүлдэг Гэйтвэй Девелопмент Монголиа Компанийн ТУЗ-ийг удирддаг.
Сүхбаатар аймгийн Шүүхийн шинжилгээний алба хими-биологийн анхан шатны лабораторитой болсон байна. Энэ нь Зүүн бүсдээ анхдагч болж байгаа бөгөөд цусны бүх төрлийн, шээс, био-эдийн шинжилгээг лаборатортоо хийж хариуг түргэн шуурхай гаргаж өгөх боломжтой ажээ.
Монгол Улсын Ерөнхийлөгчийн санаачилга, түүний үйл ажиллагааны хөтөлбөрийн хүрээнд Ерөнхийлөгчийн Тамгын газрын дэмжлэгээр ШУА-ийн Хэл зохиолын хүрээлэн, Информатикийн хүрээлэнгийн эрдэмтэн судлаачдын хамтран гүйцэтгэж буй Монгол хэлний цахим их тайлбар толийн эхний хувилбар бэлэн болжээ. Энэ толийг цахим хэлбэрээр гаргаж байгаа бөгөөд эхний байдлаар цахим тольд 60 гаруй мянган толгой үг, 80 гаруй мянган хоршоо, холбоо үг, хэвшмэл хэллэгийг багтаасан байна. Цаашдаа “Монгол уран зохиолын дээж” 108 ботийн үг хэллэг, өдөр тутмын тогтмол хэвлэлийн болон улс төр, шинжлэх ухааны үг хэллэгийг дэлгэрэнгүй оруулахаар болжээ. 
ХХАА-н Дэд сайд Б.Батзориг БНХАУ-ын “ЭКЗИМ” банкны төлөөллийг хүлээн авч уулзлаа. Уулзалтаар БНХАУ-ын Засгийн газраас Монгол Улсын Засгийн газарт олгох экспортын зээлийн хөрөнгөөр санхүүжих “Сүүний хөргөлтийн төвийн техник, тоног төхөөрөмж нийлүүлэх”, “Үр тариа хадгалах элеватор байгуулах” тендерийг хэрхэн хэрэгжүүлэх талаар ярилцсан байна. Тухайлбал, тус улсын Засгийн газрын хөнгөлөлттэй зээлийн 20.4 сая ам.долларын хөрөнгө оруулалтаар тариалангийн бүс нутгуудад үр тариа хадгалах зориулалттай 91 мянган тоннын нийлбэр багтаамжтай элеватор барьж байгуулах бол сүүний хөргөлтийн тоног төхөөрөмж нийлүүлэгдсэнээр нийслэлчүүдийг тасралтгүй шингэн сүүгээр хангах нөхцөл бүрдэх юм. Тиймээс уулзалтын үеэр хоёр тал санал бодлоо солилцсоны эцэст хэд хэдэн чухал асуудлыг дахин судлан нягталж, товлосон хугацаанд нь байгуулахаар ярилцлаа. 
Мөн тэрээр, “Цагаан сар бол монголчуудын эрхэмлэн дээдэлдэг, өлзий билэгтэй, баяр жаргалын өнгийг билэгддэг баяр юм. Иймд үндэсний баяраараа Монгол хүний эрүүл мэнд, гэр бүл, амь насанд хортой нөлөө үзүүлдэг архи, тамхийг бие биедээ бэлэглэхээс эрс татгалзаж цагаан мөрийг гаргахыг нийт монголчууддаа уриалж байна. Улсын Их Хурлын чуулганаар 2012 онд батлагдсан Тамхины хяналтын тухай хууль хэрэгжсэнээс хойш олон мянган хүнийг дам тамхидалтад өртөхөөс хамгаалсаар ирсэн. Иймд энэхүү хорыг үндэсний уламжлалт баяр болох цагаан сараар бэлэг болгон өгөхөөс татгалзаж үндэснийхээ бүтээгдэхүүнийг бэлэглэцгээя” гэсэн юм.
Монголын Сурагчдын Холбооны Тэргүүн О.Сэлэнгэ хэлэхдээ, “ Монголчууд бид бие биеэ хайрлахгүй бол өөр хэн ч биднийг хайрлахгүй. Хүүхдийнхээ дэргэд цагаан сараар бие биедээ архи, тамхи бэлэглэж, хэрэглэж байгаа нь буруу үлгэр дууриалал болж байна. Хүүхдүүд ээж, аавынхаа юу хийж байгааг сайн хардаг. Архидалт баярын үеэр ихэсдэг. Цагаан сарын билэгдийн өдрүүд согтуу баяр болж хувирдаг. Иймд энэ бүхнийг хүүхдүүд хараад ингэж болдог юм байна гэж харах вий гэдэгт санаа зовж байна. Архинаас болж маш олон хүүхэд өнчирч байна, маш олон хүүхэд ядууралд өртөж байна, гудамжинд гарч байна. Иймд архины эсрэг бүгдээрээ тууштай тэмцэх хэрэгтэй” гэдгийг уриаллаа.
Түүнчлэн мэдээллийн үеэр Улсын Их Хурлын гишүүн Л.Эрдэнэчимэг өнгөрсөн 7 хоногт түүнийг туулай агнасан мэтээр хэвлэл мэдээллийн хэрэгслээр дайрсанд тайлбар хийсэн юм.
УИХ-ын Хууль зүйн байнгын хорооны өнөөдрийн /2015.02.13/ хуралдаанаар Монгол Улсын Ерөнхий прокурорыг томилох саналыг зөвшилцөх тухай асуудлыг хэлэлцлээ.
Хоёрдугаар сарын 12- 13-ний өдрүүдэд цагдаагийн байгууллагад иргэд, аж ахуйн нэгж байгууллагаас гэмт хэрэг, зөрчлийн 1278 дуудлага, мэдээлэл бүртгэгдэж, гэмт хэргийн шинжтэй 52 үйлдлийг холбогдох нэгжүүд шалган, 35 хэргийн эзэн холбогдогчийг илрүүлжээ. 
Өмнөд Солонгосын “Korean Air” компанийн үйлчилгээ хариуцсан дэд Ерөнхийлөгч асан Чо Хюн Аны “самарны хэрэг”-ийн шүүхээр шийдвэрлэгдэж дууслаа. Түүнийг шүүхээс Агаарын тээврийн аюулгүй байдлын хуулийг зөрчсөн хэмээн буруутгаж нэг жилийн хорих ял оноосон байна.
Жижиг, дунд үйлдвэрлэл эрхлэгчдээ дэмжих зорилгоор Баянгол дүүргийн Иргэдийн Төлөөлөгчдийн Хурал, Иргэний Танхим, Жижиг дунд үйлдвэрлэлийг дэмжих төв, Баянгол дүүргийн Хөдөлмөрийн хэлтэс хамтран “Баянголд үйлдвэрлэв-4 “Цагаан сар 2015 үзэсгэлэн худалдаа” -г 2015 оны 02 дугаар сарын 02-17-ныг дуустал нийт 15 хоногийн хугацаанд 3,4 –р хорооллын эцэст “Оргил” худалдааны төвийн баруун талд “LION TOWER”-т үргэлжилж байна.
