Монгол Улсын Их Хурлын дарга Зандаахүүгийн Энхболд өнөөдөр /2015.02.17/ Европын Парламентын төлөөлөгчдийг хүлээн авч уулзлаа.
Уулзалтын эхэнд Улсын Их Хурлын дарга З.Энхболд төлөөлөгчдийг Монгол Улсад айлчилж байгаад баяртай байгаагаа илэрхийлээд, өнөөдөр болж буй Монгол Улсын Их Хурал, Европын Парламентын 10 дугаар зөвлөлдөх уулзалтад амжилт хүсэв.
Европын Холбоо болон түүний гишүүн орнуудтай харилцаа, хамтын ажиллагааг бололцоотой бүх салбарт эрчимжүүлэн хөгжүүлэх нь Монгол Улсын гадаад бодлогын тэргүүлэх чиглэлийн нэг бөгөөд манай Гадаад бодлогын үзэл баримтлалд Европын Холбоог “гуравдагч хөрш” гэж тодорхойлсон хэмээн онцлон тэмдэглэв. Мөн тэрээр Монгол Улсад өрнөсөн ардчилал, нийгэм, эдийн засгийн өөрчлөлт, шилжилтийн явцыг Европын Холбоо болон түүний гишүүн орнууд тууштай дэмжиж, туршлагаасаа хуваалцаж, туслалцаа үзүүлэн манай улстай хөгжлийн хамтын ажиллагааг идэвхтэй хөгжүүлж ирсэнд талархал илэрхийллээ.
Европын Парламентын төлөөлөгчид Улсын Их Хурлын даргыг цаг зав гарган хүлээн авсанд талархал илэрхийлээд, Монгол Улсын эдийн засаг, улс төр болон хөгжлийн нөхцөл байдлын талаар асуулт асууж, харилцан ярилцав.
Улсын Их Хурлын дарга, Монгол Улс шат шатандаа авлигатай тэмцэх асуудалд анхаарал хандуулж ажиллаж байгаа бөгөөд Авлигтай тэмцэх газар хэмээх бие даасан байгууллага үйл ажиллагаа явуулдаг. Мөн 2015 оны нэгдүгээр сарын 1-нээс хэрэгжиж эхэлсэн Шилэн дансны тухай хуулийн зарим зүйл заалтыг танилцууллаа.
Уулзалтад Европын Парламентын төлөөлөгчид, Улсын Их Хурлын гишүүн, УИХ-ын Төсвийн байнгын хорооны дарга, УИХ дахь Монгол-Европын Парламенттай харилцах бүлгийн дарга Б.Болор, УИХ-ын гишүүн, УИХ дахь Монгол-Европын Парламенттай харилцах бүлгийн гишүүн Ц.Оюунбаатар, УИХ-ын Тамгын газрын Ерөнхий нарийн бичгийн дарга Б.Болдбаатар болон албаны бусад хүмүүс байлцлаа хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтэс мэдээлэв.
Хуульзүйн сайд Д.Дорлигжавын төрсөн охин Д.Сарангэрэл Турк улсад аялж яваад усанд осолдож амь насаа алдсан харамсалтай хэрэг гарсан билээ. Талийгаачийн аав, Хуульзүйн сайд Д.Дорлигжав эмгэнэлт хэргийн дараа “2015 оны хоёрдугаар сарын 11-ний өдөр миний охин Сарангэрэл гэнэтийн ослоор харамсалтайгаар амь үрэгдлээ. Бидний уй гашууг хуваалцаж, охины минь буяны ажилд тусалсан бүх хүмүүст гүн талархлаа илэрхийлж байна. Бид гүн их уй гашуутай байгаа боловч аюулд өртсөн анд нөхрөө аврахын тулд амиа хайрлаагүй охиныхоо хүмүүнлэг, зоримог сайхан сэтгэлээр нь бахархаж байна. Цаашид охиныхоо мөрөөдлийг биелүүлж, дурсгалыг нь мөнхжүүлэхэд манай гэр бүл тууштай ажиллах болно” гэжээ.
Сар шинийн баярыг тохиолдуулан хамгийн өндөр насыг зооглож буй азай буурлууддаа Нийслэлийн ЗДТГ-аас хүндэтгэл үзүүлдэг уламжлалтай. Билгийн тооллын XVII жарны хөхөгчин хонь жилийн Сар шинийн баярыг тохиолдуулан нийслэлд амьдарч байгаа 98-99 насны 50 иргэнд нийслэлийн Засаг даргын гарын бэлгийг гардуулж, хүндэтгэл үзүүллээ. “Ахмад настны нийгмийн хамгааллын тухай хууль” – ийн 2 дугаар бүлгийн 6.2- д Билгийн тооллын хаврын тэргүүн сар-цагаан сарын шинийн нэгнийг тохиолдуулан тухайн нутаг дэвсгэрийн хамгийн өндөр настанд аймаг, нийслэл, сум, дүүрэг, баг, хорооны Засаг даргын, 1ОО ба түүнээс дээш өндөр настанд Монгол Улсын Ерөнхийлөгчийн мэндчилгээ, гарын бэлгийг тус тус гардуулна гэж заасан байдаг гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
“Цаг цагаар нэг цаддаг цагаан сараар нэг цаддаг” хэмээх үг үеэ өнгөрөөснийг Эрүүл мэнд, спортын яамны мэргэжилтнүүд сануулж байна. Цагаан сар хаяанд ирсэн энэ үед баяраар ихэвчлэн хэрэглэдэг бууз, нийслэл салат, архины калорийг тэд тооцож үзжээ. Учир нь Монголын хүн амын дунд илүүдэл жин, таргалалт сүүлийн жилүүдэд эрчтэй нэмэгдэж, 54,4 хувьд хүрчээ.Энэ нь хоёр монгол хүний нэг нь илүүдэл жинтэй байна гэсэн үг юм. Сар шинийн баярын гол зоогуудын илчлэгийг тооцвол дунд зэргийн бууз ойролцоогоор 200 хүртэл ккал, жижиг дийзтэйнийслэл салат 260 ккал, 50 грамм цагаан архи 115 ккал гэж тооцжээ.
Хаврын тэргүүн сар ирж буй энэ өдрүүдэд шагналын хур бууж байна. Монгол Улсын Ерөнхийлөгч Ц.Элбэгдорж зарлиг гаргаж, Хакухо М.Даваажаргалд Хөдөлмөрийн баатар цол олгосон бол мөн мэргэжлийн сумогийн их аварга М.Анандад гавьяат тамирчин цол хүртээлээ. 
Монгол, Хятадын барилгын салбарын ажил хэргийн хоёр дахь удаагийн уулзалт 2015 оны 2 дугаар сарын 09-нөөс 11-ний өдрүүдэд Бээжин хотноо боллоо. Уулзалтад Монгол Улсын Барилга, хот байгуулалтын дэд сайд Г.Байгалмаа, Нийслэлийн Засаг даргын хот байгуулалт, хөрөнгө оруулалтын асуудал хариуцсан орлогч С.Очирбат тэргүүтэй төр засаг, бизнесийн салбарын 50 орчим байгууллагын 80 гаруй төлөөлөгч, БНХАУ-ын 75 байгууллагын 140 гаруй төлөөлөгч, ӨМӨЗО, Ляонин муж, Тянжин, Фужан, Жанси мужийн Ардын Засгийн газрын төлөөлөгчид оролцлоо.
“Макс” Д.Ганбаатарын “Mongolian Saturday” хэмээх морь “Gulfstream Park”-ийн уралдаанаас ээлжит түрүүгээ авлаа.
Өнгөрсөн 2014 онд дэлхийн алтны эрэлт биетээр өмнөх оныхоосоо дөрвөн хувиар унаж 3,9 мянган тонн болсон байна. Мөнгөнд шилжүүлснээр алтны хэрэглээ нь 14 хувиар унасан бөгөөд 159,754 тэрбум ам.доллар болжээ. Дундаж үнэ нь 10 хувиар бууж, унци алтны үнэ 1266,4 ам.доллар байв. Харин алтны хөрөнгө оруулалтын эрэлт дэлхийд хоёр хувиар өсөн 904,6 тонн хүрчээ. 
Аюулгүй байдал, гадаад бодлогын байнгын хорооны өнөөдрийн хуралдаан 10.25 цагт 52.6 хувийн ирцтэй эхэллээ.