Реппер Фаррелл Уильямс залуу уншигчдад зориулж гэнэтийн бэлэг задалжээ. Тэрээр “Penguin Young Readers” номны дөрвөн цуврал зурагт номыг гаргах гэрээнд гарын үсэг зурсан байна. Харин номны эхний цувралыг түүний Грэммийн шагналт “Happy” дууны нэрээр нэрлэх гэнэ.
Зурагт номнууд ирэх есдүгээр сарын 22-ноос худалдаанд гарах нээ. Фаррелл Уильямс зурагт номоо эхний ээлжинд 250 мянган хувь хэвлэх бөгөөд хэрэв ном амжилттай борлуулагдах юм бол дахин хэвлэх аж.
Гэхдээ Фаррелл хүүхдийн ном гаргаж байгаа анхны дуучин биш юм. Өмнө нь . Мадонна, Пол Маккартни, Дэвид Боуи, Кортни Лав нар хүүхдүүдэд зориулан ном бичиж байжээ.
Хятадын Засгийн газар Цагаан сарын баярын үеэр олон нийтийн радио, телевизийн сувгуудаар брэндийн цаг, ховор марк, алтан зоос гэх мэт үнэтэй бэлэг, дурсгалын зүйлсийг сурталчлахыг хориглосон тухай Синьхуа агентлаг мэдээлж байна. Хэт үнэтэй бэлэг сурталчлах нь бэлэгний жинхэнэ үнэ цэнэ, утга учрыг дүгнэх хүний оюун санааны үнэлэмжийг алдагдуулах, ёс суртахуунд ч сөрөг үр дагавартай гэж үзжээ.
Исламын улсын хэт даврагчид Иракийн баруун хэсгийн Аль-Багдади хотод 45 хүнийг шатаасан тухай орон нутгийн цагдаагийн газраас мэдээлжээ. Одоогоор амиа алдсан хүмүүс хэн болох, ямар шалтгааны улмаас амиа алдсан нь тодорхойгүй байна гэж албаны хүмүүс мэдэгдсэн байна. Гэхдээ хохирогчдын зарим нь Аюулгүйн хүчний ажилчид байж магадгүй гэж таамаглаж байгаа юм.
Г.Эрхэмбаяр энэ жил төрийн оёдолчин Лхагвагийн урласан хурган дээлээр гоёох юм байна. Тэрээр аавыхаа уламжлал болгон үлдээсэн хөөргөөр гангарах нь ээ. Эрхэмбаяр ахыхнаа бэлгэлсэн матрын арьсаар бүс хийлгэж гоёжээ. Түүний баярын гоёо буюу дээл, малгай, бүс, хөөрөг, гутал нийлээд 15 сая төгрөгний үнэтэй юм байна. Тэрээр жил бүр найз нөхөдтэйгөө бөхийн өргөөнд бөх үздэг бөгөөд өнөө жил ч үзэх гэнэ. 
Аав ээж, ах дүү хамаатан садандаа золгохоор хөдөө орон нутгийг зорих, хөдөөнөөс хот руу ирэх хүмүүс цөөнгүй байдаг. Хэдийгээр цаг агаар дулаан, тогтуун байгаа ч хөдөөгийн зам халтиргаа гулгаа ихтэй байгаа тул анхаарал болгоомжтой зорчихыг мэргэжлийн байгууллагууд сануулж байна. Ялангуяа зорчигч хэтрүүлэн тээвэрлэх, согтуугаар тээврийн хэрэгсэл жолоодохгүй байх хэрэгтэйг онцолж байна. 
Үүнээс харахад Морин жилийн нийт 25 барилдаанаас улсын аварга С.Мөнхбат 5-д нь түрүүлж, 2 үзүүрлэж, 4 удаа их шөвөгт шалгарч, Р.Пүрэвдагва начин 4 түрүүлж, 4 удаа их шөвөгт шалгарсан амжилтаараа бусдыгаа тэргүүлжээ. 
“Улсын шилдэг хоршоо”-г шалгаруулах арга хэмжээ өчигдөр Аж үйлдвэрийн яаманд боллоо. Тус арга хэмжээнд Аж үйлдвэрийн яамны Төрийн нарийн бичгийн дарга Д.Нямхүү, Жижиг, дунд үйлдвэрийн бодлогын хэрэгжилтийг зохицуулах газрын даргын үүргийг түр орлон гүйцэтгэгч Г.Билгүүн болон хоршоодын төлөөлөл холбогдох албаны хүмүүс оролцов. Улс орны эдийн засаг, нийгмийн хөгжилд тодорхой хувь нэмэр оруулж байгаа хоршоодын үйл ажиллагааг дэмжих, идэвхжүүлэх, урам хайрлах, туршлагыг нь хуваалцаж, бүтээгдэхүүнийг сурталчлах зорилгоор Засгийн газрын тогтоолоор “Улсын шилдэг хоршоо”-г шалгаруулах журмыг батлуулсан. Улмаар 100-аас дээш гишүүнчлэлтэй хоршоод сум бүрт байгуулагдаж, хоршоолох хөдөлгөөн идэвхжиж, хоршооны гишүүдийн тоо жилээс жилд нэмэгдэж байна.
Билгийн тооллын XVII жарны “галзууруулагч” хэмээх модон хонь жилийн сар шинийн баярт зориулсан улс, аймгийн алдар цолтой хүчит 256 бөхийн барилдаан Монгол бөхийн өргөөд эхэллээ. Энэ удаагийн сар шинийн барилдаанд Монгол Улсын дархан аварга Г.Өсөхбаяр, улсын аварга С.Мөнхбат, Г.Эрхэмбаяр, улсын арслан Д.Ганхуяг, Н.Батсуурь, П.Бүрэнтөгс, улсын гарьд Д.Рагчаа, Б.Гончигдамба, Ш.Жаргалсайхан, улсын заан Ч.Санжаадамба, Мягмарсүрэн, М.Өсөхбаяр, Т.Санчир, Б.Батмөнх, Б.Соронзонболд, улсын харцага Пүрэвжав, Ө.Бат-Орших, Мөнгөнцоож, Т.Өсөх-Ирээдүй, Цацавшир, Амартүвшин, Батболд, Ц.Содномдорж, Б.Пүрэвсайхан, Э.Батбаатар, Ө.Даваабаатар, А.Бямбажав, улсын начин Р.Пүрэвдагва, Ш.Тогтохбаяр, Батсуурь, Сангисүрэн, Сугаржаргал, Баасанхүү тэргүүтэй хүчит бөхчүүд барилдаж байна. 
Эверест ууланд авирах маршрутыг ирэх гуравдугаар сард өөрчлөх гэж байна. 1990-ээд оноос хойш ашиглаж буй маршрутад цасан нурангийн эрсдэл нэмэгдсэнээс Эверестэд авирах замыг өөрчлөх хэрэгтэй болсныг Балбын албаныхан мэдэгджээ. Ингэснээр уулчид Эверестийн Кхумбу хөлдүү хүрхрээг алгасаж, 20-оод жилийн өмнө хэрэглэж байсан илүү богино маршрутаар авиралт хийх аж. Кхумбу хөлдүү хүрхрээгээр өнгөрөх үедээ 40 орчим уулчин амь үрэгдсэн байна. Балбын албаныхан шинэ маршрутанд ашиглагдах олс, гогцоог Их Британи улсаас импортложээ.
Билгийн тооллын XVII жарны “галзууруулагч” хэмээх модон хонь жилийн сар шинийн баярт зориулсан улс, аймгийн алдар цолтой хүчит 256 бөхийн барилдаан өнөөдөр 14.00 цагаас “Бөхийн өргөө”-нд эхэлнэ. Барилдааны тасалбарыг авах гэсэн иргэд өчигдөрийн 20.00 цагаас эхлэн оочирлож, одоо ч хүлээлт урт дараалал үүсгээд байна.