Нийслэлийн Засаг дарга бөгөөд Улаанбаатар хотын Захирагч Э.Бат-Үүлийн урилгаар АНУ-ын Стэнфордын Их сургуулийн Улс төрийн шинжлэх ухааны профессор бөгөөд Стэнфордын Зөвлөлдөх ардчиллын төвийн захирал Жэймс С.Фишкин Улаанбаатар хотод зочлох гэж байна. Тэрээр АНУ-ын Елийн Их сургуулийн Улс төрийн Шинжлэх ухааны, ИБУИНВУ-ын Кэмбриджийн Их сургуулийн Философийн доктор зэрэгтэй профессор юм. Ардчилал болон Нийтийн төлөөлөл, Шударга ёсын хэлэлцүүлэг, Иргэдийн дуу хоолой зэрэг номуудыг туурвиж, Deliberative Polling буюу Зөвлөлдөх ардчилал /Нийтийн төлөөлөллийн/ санал хураалтыг санаачлан, АНУ, ИБУИНВУ, Австрали, Дани, Болгар, БНХАУ, Грек зэрэг орнуудад нийтийн төлөөллийн санал хураалтыг 40 гаруй удаа амжилттай зохион байгуулжээ.
Жэймс С.Фишкин нь 2015 оны 02 дугаар сарын 22-27-ны өдрүүдэд Улаанбаатар хотод ажиллах бөгөөд энэ үеэр Монгол Улсын Ерөнхийлөгч Ц.Элбэгдоржид бараалхаж, нийслэлийн ИТХ-ын дарга Д.Баттулга, Нийслэлийн Засаг дарга бөгөөд Улаанбаатар хотын Захирагч Э.Бат-Үүл нартай уулзах юм. Нийслэл, дүүргийн удирдлагууд, МУ-ын Засгийн газар, Олон Улсын байгууллагуудын төлөөлөгч нарт “Зөвлөлдөх ардчилал” сэдвээр лекц уншиж, нийслэлийн түвшинд иргэдийн оролцоог хангах чиглэлээр хийгдсэн ажлын талаар харилцан санал солилцоно. Мөн төр, захиргааны анхан шатны нэгж болох хорооны үйл ажиллагаатай танилцаж, хэвлэл мэдээллийн байгууллагынхантай уулзахаар төлөвлөжээ.
НОБГ-аас Сар шинийн баяраар иргэд их очдог шашны байгууллагуудад гамшгаас хамгаалах болон гал түймрийн улсын хяналтыг хэрэгжүүлэх төлөвлөгөөт бус шалгалтыг нэгдүгээр сарын 21-нээс энэ сарын 11-ний өдрийг хүртэл зохион байгуулжээ. Шалгалтаар нийт 72 объект хамрагдсан бөгөөд хэд хэдэн зөрчил илэрчээ. Зөрчил гаргасан есөн албан тушаалтныг 540,000 төгрөгөөр торгож захиргааны арга хэмжээ авсан байна. 
Өнөө жилийн сар шинийн барилдаан Дархан аварга Г.Өсөхбаяр барилдаж байгаа нь үзэгчдийн талархлыг хүлээж байгаа юм. Учир нь Б.Бат-Эрдэнэ аваргаас хойш сүүлийн хэдэн жил дархан аварга цолтон сар шинийн барилдаанд огт зодоглоогүй. Тэгвэл энэ удаагийн барилдааны өөр нэг зүйл нь Тувагийн бөх Сайнбуян анх удаа сар шинийн барилдаанд зодоглож буй явдал юм. Нэгийн даваанд барилдаж буй байдлыг харахад аварга Г.Эрхэмбаяраас дутахааргүй бяртай нь харагдаж байв. Ямартаа ч аварга Г.Эрхэмбаяртай хайнцаж дахин барилдаж өвдөг шороодлоо. Тувагийн бөх Сайнбуян нь аймгийн заан цолтой аж. Тэрбээр тойргийн барилдаанаас заан цол хүртсэн юм байна.
УИХ-ын гишүүн О.Содбилэг Монголын ард түмний баялаг болох Оюутолгойн төрийн эзэмшлийн 34 хувийг бусдын мэдэлд шилжүүлэх хэлцлийг Ерөнхий сайд Ч.Сайханбилэг хийсэн тухай мэдээлэл гадаадын хэвлэлээр гарсантай холбогдуулан түүнд асуулга тавьж, мэдээлэл хийлээ. Тэрээр Оюутолгой ордтой аливаа худалдах болон шилжүүлэх үйлдэл, үйл ажиллагаа явуулж хууль зөрчихгүй байхыг Ерөнхий сайдад анхааруулан, аливаа аман болон бусад байдлаар хэлэлцэх хийх, гэрээ байгуулахаа зогсоохыг шаардлаа. 
Сар шинийн хүчит бөхийн барилдааныг үзэхээр ирсэн иргэд улсын арслан Д.Азжаргал, улсын гарьд Н.Ганбаатар, Ж.Бат-Эрдэнэ, заан Баасандорж нарыг барилдах болов уу гэж их хүлээж байсан аж. Зарим нь үзүүрт түрүүнд үлдэнэ хэмээн таавар бөглөснөө ч ярьж байлаа. Түүнчлэн аймгийн арслан О.Хангай барилдаагүй тул түүний сургийг гаргахаар өөр хоорондоо ярьж байх юм. Тэгвэл Завхан аймгийн Тэс сумын харьяат улсын начин Нямсүрэн нэгийн даваанд өвдөг шороодсон бол дөнгөж сая аймгийн харцага Доржсүрэнгээр Б.Гончигдамба гарьд, аймгийн заан Мустафагаар улсын харцага Т.Өсөх-Ирээдүй даваагаа ахуиллаа
Сар шинийн баярт зориулсан үндэсний бөхийн барилдааны хоёрын даваа эхэллээ. Сар шинийн барилдаанд 2007 оноос хойш дархан аварга цолтон барилдаагүй бөгөөд энэ удаад Дархан аварга Г.Өсөхбаяр барилдаж байгаа нь олны анхаарлыг татаж байна. Түүний хувьд нэгийн давааны учраагаа түвэггүй давсан бол хоёрын давааны учраа бөхөө ч мөн өвдөглүүлээд авлаа. Улсын аварга Г.Эрхэмбаяр, улсын арслан Н.Батсуурь Өсөхбаатараар даваагаа ахиулсан бол улсын заан Ч.Санжаадамба мөн хоёр даваад байгаа юм. 
Данийн Копенгаген хотод болсон халдлагын улмаас амь үрэгдсэн иргэдийн дурсгалыг хүндэтгэн олон мянган хүн жагссан байна. Хүндэтгэлийн жагсаал халдлага болсон газрын ойролцоо болжээ. Үргэлжилсэн халдлагын улмаас хоёр хүн амиа алдаж, таван хүн гэмтэж бэртсэн байна. Данид болсон энэ удаагийн халдлагыг Парист болсон “Charlie Hebdo”-ийн халдлагатай ижил төстэй гэж ажиглагчид дүгнэж байгаа. Учир нь эхний удаад хэрэгтэн Копенгагены төвд болсон үг хэлэх эрх чөлөөний талаарх нээлттэй хэлэлцүүлэгт оролцогчид руу гал нээсэн бол дараагийн байгаар еврейчүүд төвлөрсөн хэсгийг сонгосон байжээ.
Энэ жилийн Дүнжингарав уралдаан хоёр өдөр үргэлжилхээр болжээ. Учир нь эрлийз насны морьдын уралдаанаа шинийн гурванд буюу 21-ний өдөр уралдуулахаар болсон байна. Эрлийз, Монгол адуунуудыг сэрвээний өдөр болон үүлдэрлэг байдал, гадаад төрхөөр нь ялгана гэнэ.
Голомт банк
Хаан банк 
Худалдаа хөгжлийн банк
Хас банк
Төрийн банк 
Капитал банк
Монгол Улсын Ерөнхийлөгч Ц.Элбэгдорж зарлиг гаргаж Магванноровын Энх-Амгаланг Улсын ерөнхий прокуророор томилов.