БСШУ-ны яамнаас Японд 1000 инженер бэлтгэх төслийг эхлүүлээд байгаа билээ. Уг төслийн хүрээнд япон улсад суралцах шалгуур хангасан залууст БСШУ-ны сайд Л.Гантөмөр өнөөдөр батламжаа авах юм байна. Уг төслийн талаар Боловсрол, соёл шинжлэх ухааны сайд өмнө нь ярьж байсныг хүргэе.
-Япон улсад 1000 инженер сургах талаар дэлгэрэнгүй мэдээлэл өгөөч?
-2012 он аравдугаар сараас Боловсролын яам, Японы Жайка байгууллагатай хамтран ажиллаж эхэлсэн. Ер нь дэлхий дээр инженерийн чиглэлээр хүмүүсээ сайн бэлддэг улс гэвэл Япон, Герман хоёр. Германы хувьд Германы технологийн их сургуулийг бид монголдоо байгуулсан. Энэ ажил 2014 онд хүчээ авна. Барилга байшингаа ашиглалтад оруулчихлаа. Германаас хөтөлбөрийн дагуу багш нар ирж байна. Монголын компаниуд, яамдууд захилагаа өгч оюутнуудаа сургаж эхэлж байна. Ингэснээр Герман хөтөлбөр дээр инженер бэлтгэх ажил маань эхэлсэн. Мөн бид жил гурван сар Япон талтай оюутан сургах асуудлаар хэлэлцээр хийгээд МУ-ын Ерөнхий сайд Японд хийх айлчлалын хүрээнд санал тависан. Улмаар хоёр улсын дунд хугацааны хамтын ажиллагааны хөтөлбөрт тусгаад энэ зорилтоо хэрэгжүүлэхээр ажиллаж байна. “Инженер, технологийн дээд боловсрол” нэртэй энэхүү төслийн талаар Боловсролын яамны сайтад байршуулсан байгаа. тэндээс дэлгэрэнгүй мэдээлэл авч болно. Төслийн үр дүнд Японд 1000 гаруй залуучуудыг хоёр жилээр буюу богино хугацаанд сургана. Өөрөөр хэлбэл хоёр жил монголд, хоёр жилд Японд сурах хөтөлбөрийг бий болгоно. Нэгд, монголын инженерийн хөтөлбөрийг Японд хүлээн зөвшөөрөх түвшинд очно гэдгээрээ их ач холбогдолтой. Хоёрт, Японы сайн инженер бэлтгэж байгаа тогтолцоог өөрийн болгож авч байна. Гуравт, Японы сайн тогтолцоог маш богино хугацаанд маш олон залууст сургаж, манай улс инженерийн бүтэн шинэ үеийг бий болгох юм. Ер нь цаашид МУИС, ШУТИС-т Японы инжененрийн дээд түвшний сургалтыг хэрэгжүүлэх ирээдүй харагдаж байна. Одоо Боловсролын яам, Жайка байгууллага, Эдийн засгийн яам хамтран зөвшилцөлөө богинохон хугацаанд эцэслэж, Хаврын чуулганаар зээлийн хэлэлцээрийг их хуралдаа өргөн барихаар ажиллаж байна.
-Гадаад сурахад ар өврийн хаалганы асуудал их яригддаг. Сонгон шалгаруулалтыг хэрхэн явуулахаар төлөвлөж байна вэ?
-Шалгаруулалт хийх эрхийг бид Японы талд өгнө. Япончууд маш өндөр шалгуураар элсэлт авдаг онцлогтой. Гэтэл АНУ-д тодорхой болзол хангасан авах бол сургуулиуд нь элсэлт авах боломжтой болдог. Тийм болохоор хоёр жил суралцах хүсэлтэй суралцагч Япон талын шалгалтыг давах ёстой. Давах бэлтгэлийг энд монголдоо хоёр жил сурахдаа хийнэ. Тиймээс монгол талаас ар өврийн хаалгаар хүүхэд элсүүлэх гэдэг асуудал яригдахгүй. Японы шалгалтын системийг нь хөндөхгүйгээр хүүхдүүд шалгуулаад шууд элсдэг тэр боломжуудаар хангах юм.
-Дээрх суралцагчдын үр өгөөж Монгол Улсад хэзээнээс мэдрэгдэнэ гэж тооцоолж байна. Ер нь ямар үр дүн авчирах бол?
-Маш богино хугацаанд үр дүн мэдрэгдэнэ. Хэлэлцээр байгуулагдаад үйл ажиллагаа эхэлсэн цагаас МУИС, ШУТИС хоёрын инженерийн сургалтын хөтөлбөр нь Японы түвшинд очих юм. Бид Японоос багш нараа урина, тэдний санал болгож байгаа лабораториудыг бий болгоно. Монголоос багш нараа явуулж сургана. Ер нь дотоодын хоёр том сургуулийн инженерийн сургалтын орчин богино хугацаанд өндөр түвшинд хүрнэ гэж ойлгох хэрэгтэй. Хоёр жилийн хугацаатай явах учраас анхны инженерүүд гурван жилийн дараа төгсөөд ирнэ. Японоос ирж байгаа инженерийн тоо тав, арав биш 50, 100 гаараа байна. Хамгийн гол нь тэр инженерүүдийг ирэхэд угтаж авах дэд бүтэц, ажлын байраа бэлдэх хэрэгтэй. Японд суралцах докторууд, магиструуд сурлцаад ирлээ гэхэд энд эрдэм шинжилгээний ажил хийх дэд бүтэц хэрэгтэй. Тийм учраас бид бүх чадлаараа Шинжлэх ухаан руу анхаарлаа хандуулж байна.
Өдөр тутмын чөлөөт хэвлэл “Өдрийн сонин”-ы 2015 оны анхны дугаар хэвлэгдэн уншигчдын гарт хүрлээ. Манай сонины анхны дугаарын “Танайд өнжье” буланд их наран улсад Монгол Улсынхаа нэрийг өндөрт өргөж яваа Монголын сумочдын алтан хараацай Кёкүтэнхо Н.Цэвэгнямынхаас бэлтгэлээ. Түүний олон сайхан амжилт ялалтын тухай үргэлжлэл нь 12, 13 дугаарт нүүрт хэвлэгдсэн байна. 
Тив, дэлхийн олон тэмцээнд эх орныхоо нэрийг мандуулсан МУГТ Н.Төгсцогтыг мэргэжлийн бокст орох нь гэсэн мэдээлэл үе, үе гарах болсон. Тэрээр өнгөрсөн хавар нэг сар АНУ-д амьдарч мэргэжлийн боксын спорттой танилцаж, судлаад ирсэн. Өнгөрсөн хугацаанд энэ талаар ямар нэгэн хариулт өгөөгүй ч “Мэргэжлийн бокс миний мөрөөдөл. Цаашдаа мэргэжлийн рингэнд тоглоно гэж боддог. Наана нь Олимпийн аварга болох зорилтыг өөртөө тавьсан” хэмээн ярилцлагадаа дурдаж байсан юм. Мөн АНУ-ын хоёр ч компани, мэргэжлийн боксын менежерүүд санал тавьсан талаар ярьсан билээ.
Хүн ам олноор суурьшсан, аймгийн төвөөс алслагдсан бүсийн төвүүдэд эд хөрөнгийн эрхийн улсын бүртгэлийн нэгжийг бий болгох, улсын бүртгэлийн үйлчилгээний шат дамжлагыг бууруулах, иргэдэд үйлчилгээг түргэн шуурхай хүргэх зорилгоор Сэлэнгэ аймгийн Улсын бүртгэлийн хэлтэс нь Мандал, Сайхан сумдад бүсчилсэн хэлбэрээр эд хөрөнгийн бүртгэлийн үйлчилгээг бий болгожээ.
Эдийн засгийн хүндрэлийг даван туулахын тулд зарим халамжийн чанартай бодлогуудаа эргэн харж, ялгавартай хандахаас аргагүй болж байгаагаа Ерөнхий сайд өнгөрсөн оны арванхоёрдугаар сард УИХ-д мэдэгдсэн юм. Тухайлбал, 0-18 хүртэл насны хүүхдэд сар тутам олгодог 20 мянган төгрөгийг эцэг, эхийнх нь орлогоос хамааруулж нэг хэсгийг нь хасахаа мэдэгдсэн. Ингэхдээ эцэг, эхийнх нь сарын орлого 1 сая төгрөгөөс дээш бол хүүхдэд нь 20 мянган төгрөг олгохгүй байхаар хуульд өөрчлөлт оруулна гэж буй. Үүнийг нь УИХ дахь эмэгтэй гишүүд эсэргүүцэж, хүүхдэд ялгавартай хандаж болохгүй гэх байр суурийг барьж байгаа аж. Мөн одонтой ээжүүдэд олгодог мөнгөн тэтгэлгийг ялгавартай өгөхийг эсэргүүцэж буй юм байна. Тиймээс энэ асуудлаар Ерөнхий сайдад санал хүргүүлэхээр болжээ.
Өнгөрсөн зул сарын баяраар нээлтээ хийсэн “Sony Picture” компанийн бүтээл “Ярилцлага”-ыг кино театрууд болон онлайнаар гаргахгүй байхыг Хойд Солонгосын “Хөдөлмөрийн нам”-аас мэдэгдэж, шаардах хуудас явуулсан тухай “
Төрийн жинхэнэ албан хаагчид нэг удаагийн буцалтгүй тусламж олгох журам шинэ оны эхний өдрөөс хэрэгжиж эхэллээ. Уг журмаар төрийн захиргааны албан тушаалд ажиллаж байгаад Төрийн албаны тухай хуулийн 24.1.1, 24.1.2-т заасан үндэслэлээр чөлөөлөгдөж, тэтгэвэр тогтоолгосон төрийн жинхэнэ албан хаагчид төрийн албанд ажилласан жилийн тоог нь хамгийн сүүлд хашиж байсан албан тушаалын гурван жилийн үндсэн цалингийн дунджаар үржүүлсэнтэй тэнцэх хэмжээний нэг удаагийн буцалтгүй тусламж олгоно.
“Дакар ралли-2015” автомашины уралдааны албан ёсны нээлт өнөөдөр боллоо. Нээлтийн арга хэмжээнд Монгол, Унгарын хамтарсан “Uniqa Sandlander” баг оролцсон байна. Тамирчид өнөө шөнө замдаа гарч, 14 хоногийн турш Өмнөд Америкийн нутаг дэвсгэрээр уралдах юм.
Нийслэлийн биеийн тамир, спортын газар, Монгол туургатны “Урамтай шатар” холбоо хамтран Улаанбаатар хотын аварга шалгаруулах “Цодгор хүү-2015” өсвөр үеийнхний аварга шалгаруулах тэмцээнийг энэ сарын 5-7-ны өдрүүдэд зохион байгуулах гэж байна. “Урамтай шатар” холбооны байранд болох тэмцээн хөвгүүд, охидын тав, долоо, ес, 11 хүртэлх насны ангилалд швейцарь системээр 7-9 өрөг үргэлжилнэ. Тэмцээнд оролцогчдын бүртгэлийг өнөөдөр “Урамтай шатар” холбооны байранд (13-р хорооллын автобусны буудлын баруун талд “Шри шри амьдрах урлаг” төвийн байрны 4-р давхар) авах юм. 
УБЕГ-аас Төрийн үйлчилгээний цахим машин /ТҮЦ/-ны үйлчилгээг өнгөрсөн оны зургадугаар сарын 20-ны өдрөөс хэрэгжүүлж эхэлсэн. Түүнээс хойш 7000 гаруй иргэний хүсэлтийг ТҮЦ машинаар авсан гэсэн мэдээлэл гарчээ. Түүнчлэн иргэд иргэний улсын бүртгэлийн чиглэлээр 631121, эд хөрөнгийн улсын бүртгэлийн чиглэлээр 42128, хуулийн этгээдийн улсын бүртгэлийн чиглэлээр 2200, нийт 665449 лавлагааг ТҮЦ машинаас иргэд авсан байна. Автозамын түгжрэл, дугаар дараалал ихтэй нийслэл хотын олон иргэний хувьд мөнгө, цаг завыг хэмнэсэн үйлчилгээ ТҮЦ машин болсныг дээрх тооноос харж болох нь.