Нийслэлийн Засаг даргын 2013-2016 оны үйл ажиллагааны хөтөлбөр, 2015 оны нийгэм, эдийн засгийн зорилтын хүрээнд байгаль орчны чиглэлээр ой зохион байгуулалтын төлөвлөгөөний дагуу нийслэлийн ногоон бүсэд 230 га талбайд ойжуулалт, ой нөхөн сэргээх ажил, 80000 га тайлбайд ойн хөнөөлт шавьж, өвчний судалгаа хийнэ. Мөн 5000 га талбайд тэмцлийн ажил явуулахаар төлөвлөжээ. Элсний нүүдэл цөлжилтөөс хамгаалах зорилгоор Хан-Уул дүүргийн нутаг дэвсгэрт Түргэний гол дагуу 10 га талбайд ногоон зурвас байгуулах ажлыг хэрэгжүүлнэ. Түүнчлэн Ойн менежментийн төлөвлөгөөний дагуу 20 га талбайд ойн цэвэрлэгээний ажлыг гүйцэтгүүлэхээр төлөвлөөд байна.
Хүн амын ундны усны эх үүсвэрийг хамгаалах зорилгоор рашаан, булаг тохижуулах, тохижуулсан булгуудын хамгаалалтын хайс, хашааг сэргээн засварлах ажлыг энэ онд гүйцэтгүүлнэ. Баянзүрх дүүргийн 20-р хороо Улиастайн голын эх байгалийн нөөц газрын ангиллаар орон нутгийн тусгай хамгаалалтанд авсан газарт хамгаалалтын хашааг барина. Эдгээр ажлыг нийслэлийн Байгаль орчин, ногоон хөгжлийн газар хариуцан ажиллах юм. Харин ногоон байгууламжийг нэмэгдүүлэх, тохижилтын ажлын хүрээнд Үндэсний цэцэрлэгт хүрээлэнд 2015 онд Эко танхим, Хүүхдийн номын сан байгуулахаар төлөвлөжээ. Мөн цэцэрлэгт хүрээлэнгийн цагдаагийн талбайн орчны тохижилтын ажлыг хийж, Сөүл хотын нэрэмжит хүүхдийн тоглоомын талбайн ажлыг эхлүүлэхээр төлөвлөж байна . Дээрх ажлуудыг Үндэсний цэцэрлэгт хүрээлэн НӨҮГ хариуцан гүйцэтгүүлнэ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Улаанбаатар хотын Ерөнхий менежерийн дэргэдэх Гадна зар сурталчилгааны зөвлөл хуралдаж 2015 оны үйл ажиллагааныхаа төлөвлөгөөг хэлэлцлээ. Хурлын үеэр Гадна сурталчилгааны зөвлөлөөс гаргасан шийдвэр, зөвлөмжийг дүүргүүдийн түвшинд хэрэгжүүлэхийн тулд дүүргүүдийн дэд бүтэц тохижилт хариуцсан Засаг даргын орлогч нарыг оруулахаар боллоо. Уг зөвлөл нь Улаанбаатар хотын хэмжээнд гадна сурталчилгааны журмын хэрэгжилт, норм дүрэм, зай хэмжээнд нь нэгдсэн хяналтыг тавин ажиллах юм. Дүүрэг бүр өөрийн нийтийн эзэмшлийн гудамжуудад ямар хэмжээтэй хэдэн ширхэг сурталчилгааны самбар байрлуулах боломжтойг зөвлөлийн хурлаар хэлэлцэж, зай хэмжээ, төлөвлөлтөө хийж олон нийтэд нээлттэй зарлах юм. Ингэснээр Улаанбаатар хотын нутаг дэвсгэрт гадна сурталчилгааны байгууламж байрлуулахад дагаж мөрдөх журмын хэрэгжилт хангагдах боломж бүрдэнэ. Мөн Зайсангийн гудамж, Энэбиш, Ард Аюушийн өргөн чөлөө гэх мэт гудамжуудад байрлуулсан зөвшөөрөлгүй болон шаардлага хангахгүй сурталчилгааны самбаруудыг дүүргүүдтэй хамтран буулгана гэж Улаанбаатар хотын Захирагчийн ажлын албанаас мэдээллээ.
Дархан-Уул аймагт олон жилийн дунджаас ахиу цас орж, бүх суманд цасны зузаан 20-35 см хүрчээ. Мөн энэ сарын эхээр хүйтний эрч чангарч, ойрын өдрүүдэд шөнөдөө хасах 28-33 градус, өдөртөө 14-20 градус хүйтэн байна. Иймд замгүй газраар газар товчлон зорчихгүй байх, зайлшгүй шаардлагатайгаас бусад тохиолдолд хол замд гарахгүй байх, бага насны хүүхдээ малд явуулахгүй байхыг сануулжээ. Мөн жолооч нарт техникийн бүрэн бүтэн байдал, аюулгүй ажиллагаагаа сайтар хангаж замд гарахыг анхааруулсан байна. 
“Үндэсний бүтээн байгуулалтын дээд шагнал-Төрийн гэрэгэ” шагналыг Ерөнхийлөгчийн Тамгын газар, Шинжлэх ухааны академи, Монголын үндэсний худалдаа аж үйлдвэрийн танхим, Үндэсний хөгжлийн хүрээлэн, Үндэсний бүтээмжийн төв, Өрсөлдөх чадварын төв, Нийслэлийн засаг даргын тамгын газраас хамтран байгуулсан ажлын хэсэг шалгаруулах аж. “Үндэсний бүтээн байгуулалтын дээд шагнал Төрийн гэрэгэ” шагналд Аймаг, нийслэлийн ИТХ, Засаг даргын Тамгын газар орон нутагтаа тухайн жилд бий болсон бүтээн байгуулалтыг, Төрийн яамд салбартаа тухайн жилд бий болсон бүтээн байгуулалтыг, иргэд, төрийн бус байгууллагууд дэмжиж буй бүтээн байгуулалтыг нэр дэвшүүлэх эрхтэй бөгөөд холбогдох бичиг баримтыг Ерөнхийлөгчийн Тамгын газарт 1 дүгээр сарын 25-ны өдрийн дотор ирүүлж байхаар тогтжээ.
Монгол Улсын Дээд шүүхийн Иргэний хэргийн танхим өнгөрсөн онд 841 хэргийг хяналтын шатны шүүх хуралдаанаар хэлэлцсэнээс 181 нь хөдөлмөрийн эрх зүйн маргаан байна.
Шүүхийн ерөнхий зөвлөлийн даргын 2015 оны 01 дүгээр сарын 12-ны өдрийн 03 тоот тушаалаар анхан болон давжзаалдах шатны шүүхийн шүүгчийн 16сул орон тоонд сонгон шалгаруулалт зарлалаа.
Б.Цэнддоогийн “Соёлын довтолгоо: Анхны хэт гүрнээс сүүлчийн нүүдэлчин” (2008) хэмээх бестселлер бүтээлийг манайхан сайн мэднэ. Нүүдэлчин ардуудыгиргэншин суурьшуулах процессын хүрээнд өрнөсөн албадан соёлжуулах операци-соёлын довтолгооны хөгтэй, хөгжилтэй түүхэн дээр үндэслэн бичсэн уг бүтээлд монголчуудын оюун сэтгэлгээ, ёс сурталд гарсан шинэчлэл, хувьслыг сэтгэл хоногшим дүрсэлсэн байдаг. 
Есөн жилийн өмнө С.Шаарийбуу гуайн охиныг Малайзад хэрцгийгээр хөнөөсөн. Олон жил ужгирсан энэ асуудлын шүүх хурал сая болов. Гэмт этгээдийг цаазаар авах ялыг хэвээр үлдээсэн мэдээ дуулдаж байна. Гэхдээ бид энэ бүхнийг гадаадын хэвлэл мэдээллийн хэрэгслүүд болоод тэндээс ирсэн захидлаар л мэдлээ.