Нийслэлийн өмчид бүртгэлтэй тусгай зориулалтын тээврийн хэрэгслүүдийг төрийн өмчид шилжүүллээ
Нийслэлийн ИТХ-ын Тэргүүлэгчдийн ээлжит хуралдаан болж, хөрөнгө бүртгэн авах тухай, барилга байгууламж балансаас балансад шилжүүлэх тухай, нийслэлийн өмчийн бүртгэлээс хасч, төрийн өмчид шилжүүлэх тухай асуудлуудыг хэлэлцэн баталлаа. Хуралдаанд асуудлыг нийслэлийн Засаг даргын Санхүү, эдийн засгийн асуудал хариуцсан орлогч Н.Батаа танилцууллаа.
Бүгд Найрамдах Солонгос Улсын буцалтгүй тусламжийн хөрөнгөөр “Яармагийн шинэ хорооллын усан хангамжийн эх үүсвэр төсөл”-ийн хүрээнд Хан-Уул дүүргийн нутаг дэвсгэрт 2014 онд барьж ашиглалтад оруулсан нийт 28 тэрбум 125 сая төгрөгийн өртөг бүхий эд хөрөнгө, барилга байгууламж, Сүхбаатар дүүргийн 11 дүгээр хорооны Хороо, өрхийн эмнэлэг, цагдаагийн хэсгийн байрлаж буй “Моннис” ХХК-ийн 9 давхар орон сууцны барилгын нийслэлийн төсвийн хөрөнгө оруулалтаар барьсан 1, 2 дугаар давхрын 606 м2 талбайтай барилга, Баянзүрх дүүргийн 4 дүгээр хорооны нутаг дэвсгэрт, Доржийн гудамжинд байрлах ашиглалтгүй байгаа стадионы эд хөрөнгийг нийт 8 сая 681 мянган төгрөгийн бүртгэлийн үнээр нийслэлийн өмчид бүртгэн авлаа. Энэхүү стадионыг 1975 оны үед Зөвлөлт Холбоот Улсын хөрөнгөөр барьж ашиглалтад оруулжээ.
Багануур дүүргийн 2 дугаар хорооны нутаг дэвсгэрт Орон нутгийн хөгжлийн сангийн хөрөнгөөр барьсан 6 халуун усны өрөөтэй 100 м2 талбайтай 60 сая төгрөгийн үнэ бүхий халуун усны барилгыг нийслэлийн өмчид бүртгэн авч, ашиглалтыг нь Багануур дүүргийн Жижиг дунд үйлдвэрийг дэмжих төвд хариуцуулав. Мөн тус дүүргийн Гүн галуутай цогцолбор сургуулийн балансад бүртгэлтэй нийт 1 тэрбум 488 сая төгрөгийн бүртгэлийн үнэ бүхий барилга байгууламж, нийтийн эзэмшлийн хөрөнгийг шинээр байгуулж буй 193 дугаар цэцэрлэгийн балансад шилжүүллээ.
Нийслэлийн Онцгой байдлын газрын харъяа дүүргүүд дэх Онцгой байдлын хэлтсийн балансанд бүртгэлтэй нийт 205 сая 311 мянган төгрөгийн бүртгэлийн үнэ бүхий аврах гал унтраах тусгай зориулалтын 10 тээврийн хэрэгслийг нийслэлийн өмчийн бүртгэлээс хасч, төрийн өмчид шилжүүлэв.
Нийслэлийн Чингэлтэй дүүргийн 9 дүгээр хороонд байрлах “Улаанбаатар сан” ОНӨААТҮГ-ын балансад бүртгэлтэй нийт 159 сая төгрөгийн бүртгэлийн үнэ бүхий автогражийн барилга, байгууламжийг “Авто худалдааны цогцолбор” ОНӨААТҮГ-ын балансад шилжүүллээ. Тус барилга нь 2003 онд автомашины гараж, засварын зориулалтаар ашиглалтад оржээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Монгол Улсын 3 сая дахь иргэн, түүний чацуутнуудыг тодорхойлох, тэднийг угтах, алдаршуулах үүрэг бүхий Үндэсний ажлын хэсгийн хуралдаан өнөөдөр боллоо. Хуралдааныг Ажлын хэсгийн дарга, Монгол Улсын Ерөнхийлөгчийн Тамгын газрын дарга П.Цагаан удирдаж тус ажлын хэсгийн гишүүн, УИХ-ын гишүүн, Хүн амын хөгжил, нийгмийн хамгааллын сайд С.Эрдэнэ, Эрүүл мэнд, спортын сайд Г.Шийлэгдамба, Ерөнхийлөгчийн зөвлөх Р.Болд, Үндэсний статистикийн хорооны дарга С.Мэндсайхан, МҮОНРТ-ийн ерөнхий захирал Ц.Оюундарь, бусад хүмүүс оролцлоо.
Өчигдөр Замын цагдаагийн газрын шуурхай удирдлагын төв нийт 263 дуудлага, мэдээ мэдээлэл хүлээн авчээ. Түүнээс зам тээврийн ослын 249 дуудлага бүртгэгдэж, долоон хүн гэмтэж бэртсэн байна. Согтууруулах ундааны зүйл хэрэглэсэн үедээ тээврийн хэрэгсэл жолоодсон 69 жолоочийг журамлан, гарч болзошгүй осол гэмтлээс урьдчилан сэргийлжээ.
Энэ сарын дундуур Францын Парис хотын “Шарли Эбдо” сонины газарт болсон халдлагын дараа Парис хотын талбайд тус улсын ерөнхийлөгч Франсуа Олланд тэргүүтэй 40 гаруй орны төлөөлөгчид жагссан юм. Мөн уг террорист үйл ажиллагааг эсэргүүцэн 3 сая гаруй хүн жягсаалд хамрагдсан байна.
Энэ онд цалин, тэтгэврийг нэмэгдүүлэхэд зориулж улсын төсөвт 103 тэрбум төгрөг нэмж суулгах болсон байна. Тодруулбал, төрийн албан хаагчдын цалинг нэмэгдүүлэхэд 90 тэрбум, тэтгэвэр, тэтгэмжийг нэмэгдүүлэхэд 13 тэрбум төгрөг тус бүр суулгах аж. Ингэснээр энэ онд цалин, тэтгэвэр 10 орчим хувиар өснө. Харин хэзээ цалин, тэтгэврийг нэмэх вэ, аль салбарынхныг хамгийн тэргүүнд нэмэгдүүлэх вэ гэдгийг УИХ-аас 2015 оны төсвийн тодотголыг баталсны дараа дахин ярих юм байна.
Татвар төлөгч иргэд 2013 оны Хувь хүний орлогын албан татварын тайланг 2014 оны хоёрдугаар сарын 15-ны дотор гарган өөрийн харъяалах татварын албанд өгөх ёстой. Татварын албад хувь хүний орлогын албан тайланг энэ оны нэгдүгээр сарын 1-ээс авч эхэлсэн байна. Хуулийн дагуу хөнгөлөлт чөлөөлөлт эдлэх иргэн Үндэсний татварын албанаас гаргасан бүрдүүлэх материалын жагсаалтын дагуу зохих бичиг баримтуудыг бүрдүүлнэ. Орон сууцны чөлөөлөлтөд анхны жилд хамрагдаж байгаа иргэн 12 төрлийн бичиг баримт материал бүрдүүлнэ. Харин хоёр буюу түүнээс дээш жил орон сууцны чөлөөлөлтөд хамрагдаж байгаа иргэн долоон төрлийн, сургалтын төлбөрийн хөнгөлөлтөд хамрагдах иргэн 6-10 төрлийн бичиг баримт бүрдүүлж байгаа.
Өчигдөр Улаанбаатар хотын Замын цагдаагийн газрын МШУЗХ дээр нийт дуудлага мэдээ мэдээлэл 263 хүлээн авснаас зам тээврийн ослын 249 дуудлага бүртгэгдсэн байна. Үүнээс ХАБАЖЭГХэрэг 6 гарч 7 хүн гэмтсэн, зам тээврийн осол 8 бүртгэгдсэн байна. Согтууруулах ундааны зүйл хэрэглэсэн үедээ замын хөдөлгөөнд оролцсон 3 үүнээс жолооч 3 , хүүхэд зам тээврийн осолд өртсөн 1 байна. Согтууруулах ундааны зүйл хэрэглэсэн үедээ тээврийн хэрэгсэл жолоодсон 69 жолоочийг журамлан гарч болзошгүй осол хэргээс урьдчилан сэргийлж ажилласан байна. 
Барилга хот байгуулалтын сайд Д.Цогтбаатар Япон Улсаас Монгол Улсад суугаа Онц бөгөөд Бүрэн эрхт Элчин сайд Т.Шимизүтэй уулзжээ. Тэд салбарын хамтын ажиллагаагаа Төв цэвэрлэх байгууламжийн шинэчлэл, метро байгуулах судалгааны ажил, хот төлөвлөлтийн талаар ярилцсан байна. Түүнчлэн үл хөдлөх хөрөнгийн зах зээлийн чиглэлийг идэвхжүүлэх талаар хамтарч ажиллах тухай ярилцсан байна.
Нийтийн тээврийнхэн Чингисийн талбайд жагсч байна. Тэд цалингаа нэмүүлэхийг шаардаж байгаа аж. “Амьдрал дордлоо. Цалин нэм”, “ард иргэддээ соёлтой, эрүүл, аюулгүй орчинд үйлчлэх нөхцлийг бүрдүүлж өг”, “Нийт цалингийн 70-аас доошгүй хувийг үндсэн цалин болгохыг шаардаж байна” гэх зэрэг лоозон барьжээ. 
