XX-р зууны манлай дасгалжуулагч В.Батбаярын нэрэмжит боксын 2015 оны насанд хүрэгчдийн улсын аварга шалгаруулах тэмцээн өнөөдөр Спортын төв ордонд эхэлж байна.
Тэмцээний нэгдүгээр сарын 17-24-ний Спортын төв ордны “А”зааланд өдөр бүр 14:00 цагаас үргэлжлэх бөгөөд эрэгтэй 10, эмэгтэй 8 жинд улсын аваргуудыг тодруулна. Энэ удаагийн Улсын аварга шалгаруулах тэмцээнд 18 настай тамирчид оролцох эрхтэй болсноороо онцлог юм.
ТЭМЦЭЭНИЙ ХУВААРЬ:
- 1-р сарын 17. 14:00 цагаас Урьдчилсан тулаан.
- 1-р сарын 18. 14:00цагаас Урьдчилсан тулаан.
- 1-р сарын 18. 15:00 цагаас Нээлтийн ажиллагаа.
- 1-р сарын 19. 14:00 цагаас Урьдчилсан тулаан.
- 1-р сарын 20. 14:00 цагаас Урьдчилсан тулаан.
- 1-р сарын 21. 14:00 цагаас Хагас шигшээ тулаан.
- 1-р сарын 22. 14:00 цагаас Хагас шигшээ тулаан.
- 1-р сарын 23. 14:00цагаас Шигшээ тулаан.
- 1-р сарын 24. 14:00 цагаас Шигшээ тулаан, хаалтын ажиллагаа
Францын Канн хотын ойролцоо, Аржантан-Мортригийн замд өнгөрсөн мягмар гарагт зам тээврийн ноцтой осол гарч, дөрвөн монгол залуу амь үрэгджээ. Тэдний сууж явсан Мерседес маркийн суудлын автомашин ачааны том машинтай мөргөлдсөн байна. Хохирогчид 27-42 насны хүмүүс байсан бөгөөд гурав нь газар дээрээ нас барж, 27 настай залуу нь Каннын эмнэлэгт хүргэгдээд пүрэв гарагийн өглөө нас барсан байна. Францын цагдаагийн газраас ослын шалтгааныг шалгаж байгаа бөгөөд суудлын автомашин урсгал сөрж явсан байж болзошгүй гэсэн таамаглалыг гаргаад байгаа юм байна. 
Налайхын замд өнөөдөр 10.00 цагийн орчимд зам тээврийн осол гарч, нэг хүн амиа алдан, арав гаруй хүн бэртсэн байна. 
Нийслэлийн ИТХ-ын Тэргүүлэгчдийн ээлжит хуралдаан болж, “Алтан-Өлгийн оршуулгын газрын үйл ажиллагааг сайжруулах журам”-ыг хэлэлцэн баталлаа. Хуралдаанд асуудлыг Улаанбаатар хотын Ерөнхий менежер бөгөөд Захирагчийн ажлын албаны дарга Б.Бадрал танилцууллаа. Алтан-Өлгийн оршуулгын газар нь Баянзүрх дүүргийн 22 дугаар хорооны нутаг дэвсгэрт оршдог бөгөөд Монгол улсын төр, нийгмийн зүтгэлнүүдийг нутаглуулдаг хүндэтгэлийн оршуулгын газар юм. Монгол Улсын Засгийн газрын 2004 оны 231 дүгээр тогтоолоор Алтан-Өлгийн оршуулгын газрыг тусгай хамгаалалтад авч байсан ч өнгөрсөн онд Засгийн газрын 100 дугаар тогтоолоор Улсын онц чухал объектын жагсаалтаас хасч, харуул хамгаалалтаа зогсоосон. Үүнтэй холбогдуулан Нийслэлийн Засаг даргын А/971 дүгээр захирамжийн дагуу Алтан-Өлгийн оршуулгын газрын харуул хамгаалалтыг Нийтийн үйлчилгээний Улаанбаатар нэгтгэл хариуцан ажиллаж байна. Одоогийн байдлаар хүндэтгэлийн оршуулгын газар нь А, Б, В гэсэн гурван хэсэгтэй ч газрын ашиглалт дуусч, уг оршуулгын газрын хашаанд айлууд тулж, эргэн тойрон хог хаягдлаар дүүрч, орчны бохирдол ихтэй байгаа юм. Тиймээс оршуулгын газрын хамгаалалтын бүсийн баталгаажсан зураглалын дагуу иргэдэд зориулсан анхааруулга, санамж бүхий тэмдэглэгээ хийж, хамгаалалтын бүсэд мод, зүлэг тарьж, дотор болон эргэн тойронд үүссэн хог хаягдлыг цэвэрлэх зэргээр оршуулгын газрын үйл ажиллагааг сайжруулах юм гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ. 
Монголын хэвлэл мэдээллийн бизнес эрхлэгчдийн холбооноос олон нийтийн санал асуулгаар шалгаруулсан “Best of Mongolia-2014” хүндэтгэлийн ёслол өчигдөр болсон юм. Монгол Улсын шилдгийн шилдэг аж ахуйн нэгж байгууллагуудыг шалгаруулдаг уг ёслолд нийгмийн бүхий л салбарт тэргүүлэх чиглэлийн бүх компанийн удирдлага, албан хаагчид оролцов. “Шилдэг аж ахуйн нэгжүүдийг хэрэглэгчийнх нь тоогоор шалгаруулахаас үр дүнтэй зүйл байсангүй. Хэрэглэгчид, олон нийтийн санал үнэнд ойрхон байлаа” гэж шагнал гардуулах ёслолын үеэр зохион байгуулагчдын зүгээс мэдэгдэж байсан. Ингээд Монголын хэвлэл мэдээллийн салбарт “Оны шилдэг сонин”-оор “Өдрийн сонин” шалгарсан юм. 
Монгол Улсын Буудлагын шигшээ багийн тамирчид энэ сард Кувейтыг зорих нь ээ. Тэдний энэ оны анхны тэмцээн нэгдүгээр сарын 24-31-ний өдрүүдэд Кувейтэд болох Хааны нэрэмжит олон улсын Гран при тэмцээн байх аж. 
Нийслэлийн Засаг даргын тамгын газраас энэ 2015 онд Ү
Монголын даамын холбооны нэрэмжит 2015 оны насанд хүрэгчдийн Улсын аварга шалгаруулах тэмцээний хагас шигшээ тоглолт үргэлжилж байна. Өнөөдөр тэмцээний зургаа, долоодугаар өргийн тоглолтууд болж буй юм. Тэмцээн Баянзүрх дүүргийн Ботаникын эцэст байрлах “Бадмаараг” төв дээр болж байгаа. 
УИХ дахь албан бус эмэгтэйчүүдийн бүлгийн Л.Эрдэнэчимэг, Д.Сарангэрэл, З.Баянсэлэнгэ нар өчигдөр Нийслэлийн хоёр, гуравдугаар амаржих газруудын үйл ажиллагаатай танилцлаа. Тэдний хувьд удахгүй Монгол Улс гурван сая дахь иргэнээ авах дөхсөн энэ үед төрөх эмнэлгүүд ямар нөхцөл байдалд үйл ажиллагаа явуулж байгааг сонирхсон юм. Түүнчлэн эмэгтэй гишүүдийн зүгээс эмнэлгийн тулгамдсан асуудлыг шийдвэрлэх тал дээр анхаарал хандуулж ажиллана гэдгээ мэдэгдлээ. 