Month: January 2015

Categories
мэдээ нийгэм

“Их Майдар”-ын мэдээллийн төв нүүжээ

Үндэсний бүтээн байгуулалт Их Майдар төслийн мэдээллийн төв Чингисийн талбайд үйл ажиллагаа явуулдаг байсан. Тэгвэл тус төв нүүж, МБШТөв Гандантэгчэнлин хийд болон Баян Монгол хорооллын үйлчилгээний Е-27-д үйл ажиллагаагаа явуулахаар болжээ.

Их Майдар төсөл нь Монгол түмнийхээ оюуны дархлааг бэхжүүлэх, түүх соёлын үнэт өвийг түгээн дэлгэрүүлэх, нийгмийг соён гэгээрүүлэх, залуу үеийн ёс зүйг төлөвшүүлэх, уламжлал ёс заншлаа сэргээх, аялал жуулчлалын салбарын хөгжлийг шинэ түвшинд гаргах, уран барилгын гайхамшигт бүтээлийг бүтээн босгох зорилготой аж.

Categories
мэдээ спорт

Хэвлэл мэдээллийн салбарынхан волейболоор өрсөлдөнө

Монголын волейболын залуучуудын холбооноос хэвлэл мэдээллийн салбарын дундах анхдугаар “Супер цом-2015” тэмцээнийг зохион байгуулах гэж байна. Хэвлэл мэдээллийн салбарын ажилтнуудын дунд (телевиз, радио, сонин, сайт, сэтгүүл) болж буй тус тэмцээн ирэх амралтын өдрүүдэд буюу нэгдүгээр сарын 24, 25-ны өдрүүдэд Ус сувгийн удирдах газрын зааланд болох юм.

Тэмцээнд тавигдах шаардлага:

1. Эрэгтэй, эмэгтэй нэг баг найман хүний бүрэлдэхүүнтэй байна. Тоглогч нь тухайн байгууллагадаа сүүлийн 3 сараас доошгүй хугацаанд ажиллаж, нийгмийн даатгал төлсөн байх шаардлагатай.

2.Тоглолт эхлэхийн өмнө тэмцээний шүүгч болон зохион байгуулагчдын зүгээс ажлын үнэмлэх, нийгмиийн даатгалын дэвтэр, мэдүүлэгт хяналт тавих бөгөөд волейболын лигийн болон мэргэжлийн тамирчныг тэмцээнд оруулахгүй болно.

3.Багууд тоглолтын жигд хувцас, хувийн дугаартай байна.

Тэмцээнд орох багуудын эрхийн хураамж 50.000 /тавин мянган/ төгрөг байна.

Жич: Тэмцээнд ирэхдээ баг тамирчид болон хөгжөөн дэмжигчидтэй байх ба шилдэг хөгжөөн дэмжигч багийг шалгаруулна.

Шагнал урамшуулал:

1-р байр: Алтан медаль, өргөмжлөл, мөнгөн шагнал 500.000 төгрөг.

2-р байр: Мөнгөн медаль, өргөмжлөл, мөнгөн шагнал 300.000 төгрөг.

3-р байр: Хүрэл медаль, өргөмжлөл, мөнгөн шагнал 200.000 төгрөг.

Шилдэг эрэгтэй, эмэгтэй тус бүр нэг тоглогч шалгаруулна.

Эрэгтэй, эмэгтэй багийн нийлбэр дүнгээр шилжин явах “СУПЕР ЦОМ-2015” гардуулна.

Холбоо барих утасны дугаар: 9905-6650, 91110-1441

Categories
мэдээ нийгэм

Зургаан дүүрэгт Сар шинийн үзэсгэлэн худалдаа болно

Жил бүр сар шинийн баярыг тохиолдуулан нийслэлийн 6 дүүрэгт цагаан сарын үзэсгэлэн худалдааг зохион байгуулдаг уламжлалтай. Энэ жил Баянзүрх дүүрэгт “Скай” их дэлгүүрийн гадна талбайд, Бөхийн өргөөний гадна талбайд, “Тэнгэр” бөөний худалдааны төвд, Сүхбаатар дүүрэгт “Цэрэндоржийн гудамж”-ны гадна талбайд, Чингэлтэй дүүрэгт Тусгаар тогтнолын талбайд, Урт цагааны зүүн талын гадна талбайд, Баянгол дүүрэгт “Лион” тауэрт, Хан-Уул дүүрэгт “Скай трейдинг” ХХК-д, “Номингийн тав трейд” ХХК-д, “Хоум плаза”-гийн дотор талбайд, “Улаанбаатар импекс” ХХК-д, Сонгинохайрхан дүүрэгт “Силвер” худалдааны төвд, “Сувдан” төвийн дотор талбайд тус тус зохион байгуулахаар болжээ. Үзэсгэлэн худалдаа маргаашнаас буюу энэ сарын 23-наас эхлэн сар шинийн баяр хүртэл үргэлжлэх юм. Мөн Үйлдвэр хөдөө аж ахуйн яам, Хөдөлмөрийн яам, Нийслэлийн Засаг даргын Тамгын газар хамтран “Монголд үйлдвэрлэв” Цагаан сар үзэсгэлэн худалдааг зохион байгуулдаг бөгөөд энэ жил “Мишээл экспо”, “Шөнийн зах”, “Драгон” төвд зохиохоор төлөвлөжээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Categories
мэдээ улс-төр

Үндсэн хуулийн цэц шинэ оны анхны хуралдаанаа хийнэ

Үндсэн хуулийн цэц Шүүхийн шийдвэр гүйцэтгэх тухай хуулийн зарим заалт Үндсэн хууль зөрчсөн эсэх асуудлаар энэ оны анхны хуралдаанаа хийх гэж байна.

Монгол Улсын нэр бүхий иргэн Үндсэн хуулийн цэцэд хандахдаа, дээрх хуулийн 55 дугаар зүйлийн 55.1.2 дахь заалтад төлбөр төлөгч болон түүний гэр бүлийн гишүүний улирал бүрийн нэг ээлжийн хувцсыг үлдээж бусдыг төлбөрт хураан авч болохоор заасан нь Монгол Улсын Үндсэн хуулийн Арван зургадугаар зүйлийн 14/ дэх заалтын “… Гэм буруутны ял зэмлэлийг түүний гэр бүлийн гишүүд, төрөл саданд нь халдаан хэрэглэхийг хориглоно;” гэснийг зөрчсөн гэж үзэж мэдээлэл ирүүлжээ.

Уг мэдээллийн дагуу үүссэн маргааныг хянан хэлэлцэх Үндсэн хуулийн цэцийн Дунд суудлын хуралдаан ирэх лхагва гарагт буюу 2015 оны нэгдүгээр сарын 28-ны өдөр болох юм байна.

Categories
мэдээ улс-төр

Чуулганы хуралдаан 15 цагт эхэлнэ

Төсвийн байнгын хорооны хуралдаан сая өндөрлөө. Тус байнгын хороо дөрвөн цаг хуралдахдаа 2015 оны төсвийн тодотгол түүнтэй хамт өргөн баригдсан бусад хуулийн төслүүдийг хэлэлцсэн юм. Байнгын хорооны гишүүдийн олонх төсвийн тодотголыг хэлэлцэх нь зүйтэй гэж үзсэн тул чуулганы нэгдсэн хуралдаанаар хэлэлцэхээр боллоо. Чуулганы нэгдсэн хуралдаан 15 цагт эхэлнэ.

Categories
мэдээ нийгэм

Налайхчуудын 96.1 хувь нь хот болохыг дэмжлээ

Налайх дүүргийг хот болгох эсэх талаар иргэдийн санал асуулга өчигдөр 07.00-21.00 цагийн хооронд 7 хэсгийн хороон дээр боллоо. Тус дүүрэг 34575 иргэнтэй бөгөөд санал өгөх нэрсийн жагсаалтад 19535 иргэн бичигдсэн байна. Үүнээс санал асуулгад 62,3 хувь нь буюу 12180 иргэн санал өгснөөс 96,1 хувь нь буюу 11708 иргэн дүүрэгтээ хот байгуулах саналыг дэмжжээ. Харин 3,1 хувь буюу 374 иргэн “Үгүй” гэсэн санал өгсөн бол 0,8 хувь буюу 98 иргэний санал буруу дугуйлагдсан тул хүчингүйд тооцжээ.Ингэснээр Налайх дүүргийн иргэдийн олонхийн саналаар тус дүүрэгт хот байгуулах асуудлыг дэмжсэнд тооцож дүүргийн ИТХ-аар хэлэлцэж, нийслэлийн ИТХ-д өргөн барихаар боллоо. Хууль эрх зүйн хүрээнд дүүрэгт хот байгуулах асуудлыг Нийслэлийн ИТХ хэлэлцсэний дараа УИХ, Засгийн газарт хуулийн төсөл өргөн барихаар төлөвлөж байгаа юм.

Улаанбаатар хотыг 2020 он хүртэл хөгжүүлэх Ерөнхий төлөвлөгөөний тодотгол, 2030 он хүртэл хөгжлийн чиг хандлагын баримт бичиг, Нийслэлийн Засаг даргын 2013-2016 оны үйл ажиллагааны хөтөлбөрт тусгагдсаны дагуу Налайх дүүрэгт хот байгуулснаар өрхийн аж ахуй, тээвэр ложистик, бөөний худалдаа, хүнсний үйлдвэрлэл, барилгын материалын үйлдвэрлэл, мэргэжлийн сургалт үйлдвэрлэлийн төв, шинэ технологи нутагшуулах парк бүхий хот болон хөгжиж, 2030 он гэхэд 65000 орчим хүн амтай хот болох тооцоотой байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Categories
мэдээ нийгэм

93 хувь нь цэргийн бүртгэлд хамрагджээ

Энэ сарын 5-20-ны хооронд үргэлжилсэн цэргийн үүрэгтний бүртгэл 93 хувьтай байна. Энэ бол урьдчилсан дүн мэдээ юм. Цуглуулсан дүн мэдээгээ ирэх сарын 1-нээс өмнө Зэвсэгт хүчний жанжин штабт хүргүүлэх аж.

Харин цэргийн бүртгэлдээ хамрагдаагүй иргэдийг тухайн дүүргийн Цэргийн штабууд хариуцан нэгдүгээр улиралд багтаан дахин бүртгэлжүүлэх ажил хийх юм байна.

Categories
нүүр-хуудасны-онцлох туслах-ангилал

Бид ганц гарман дээр хорин хэдүүлээ үхээд байх хямдхан амь настай юу

Яармаг, Нисэхийн замыг шинэчлээдудаагүй байна. Хоёртусдааурсгалтай явган зам, гэрэлтүүлэгтэй, орчин үеийн стандартад нийцсэн зам барьсан.Яармагийн зам бол манай улсын нүүр царай, гадаад дотоодын хүмүүст нийслэл хотын минь талаарххамгийн анхны сэтгэгдэл төрүүлэх зам юм.

Харамсалтай нь энэ зам дээр замын осол их гарчхүний амь эрсдэх нь хэрээс хэтэрлээ.Зам ашиглалтад ороод жил гаруйхан болж байна. Энэ хооронд уг зам дээр 21 хүн замын ослоор хорвоогийн мөнх бусыг үзүүлжээ. Гэхдээбараг ганцхан Яармагийн нэгдсэн эмнэлгийн харалдаа энэ эмгэнэлтявдал болдог гэнэ. Тэр харалдаа зам дээр нь гарц гарам байхгүй, хурд сааруулагч ч үгүйжил гаран болжээ. Энэ бүхнийг хийх, дээгүүр доогуур нь гарц гаргах талаар одоо хүртэл хэн ч санаагүй байгаа нь гайхаш алдармаар.

Нүхэн гарц гаргаж болдоггүй юм уу гэж замын цагдаагаас асуухаар “Тэрүүгээр хүн гарах уу даа” гэж өөдөөс асуусан нь саяхан манай сонин дээр гарсан.Манай замын цагдаа нар машинтай хүмүүсийг л хурд хэтрүүлээд байна гэж араашүд нь тачигнанзанаад,араас ньхөөнторгож мөнгө олоод нууцхан хөөр хөс болоод байхаас ард иргэдийнхээ төлөө юу ч хийсэнгүй өдий хүрлээ. Энэ монголчуудын амь ганц гарам дээр 21-үүлээ нас бараад байхаар тийм хямдхан болчихсон юм уу. Бид яагаад бие биендээ ийм хайргүй болчихсон юм бэ. Жолооч та Нисэх явах гээд яарч байгаа. Хурдан давхихаас яахав. Гэхдээ үндэс угсаа нэгт ахан дүүсээняц дайран хурдлах ямар эрх дарх танд байгаа юм бэ. Бас дашрамд дур дахад манай хотын даргаулс төрийн асуудлаар айхавтар цочмог мэдэгдэл хийгээд л намуудын гэрээг бут ниргэж байгаа харагдсан. Уул нь ганц гарам дээр 21 иргэн ньзуурдаар өөд болоод байгаа энэ асуудлыг л ноцтой гэж үзэн мэдэгдэл хийж баймаар байх юм.

Ж.САНДАГДОРЖ

Categories
мэдээ цаг-үе

Ч.Улаан: Ардын нам давахгүй гэсэн даваагаараа давдаг л юм байна

УИХ-ын гишүүн Ч.Улаантай ярилцлаа.

-Төсвийн тогтвортой байдлын тухай хуульд өөрчлөлт оруулж баталлаа. Өрийн тааз ДНБ-ий 58.3 хувьд хүрлээ. Та юу хэлэх вэ?

-Төсвийн тогтвортой байдлын тухай хуульд өөрчлөлт оруулж байгаа нь зүйтэй алхам. Төсвийн тогтвортой байдлын тухай хууль бол уг нь их өвөрмөц хууль байгаа юм. Бодлого, зарчим, шалгуур үзүүлэлтийг тодорхойлсон зорилтот агуулгатай. Бүх заалт нь шууд хэрэгжээд эхлэх биш, тодорхой хугацааны дараа үе шаттайгаар үр дүнгээ өгөх холыг харсан хууль. Шилжилтийнхээ үед явж байгаа учраас энэ хуулийн үзүүлэлтүүд ямар байх вэ гэдэг дээр онож тогтож чадахгүй хоёр жил маргалдлаа бид. Чухам өнгөрсөн хугацаанд Ардын нам өрийн таазыг нэмэхгүй, Тогтвортой байдлын тухай хуульд өөрчлөлт оруулахгүй гэдэг байдлаар хандсаар ирсэн. Уг нь бол Засгийн газраас энэ асуудлыг дөрвөн ч удаа өргөн барьсан юм шүү. Эдийн засаг, санхүүгийн нөхцөл байдал хүнд учраас зайлшгүй шилжилтийн зохицуулалтыг боловсронгуй болгох шаардлага байна гэж үзсэн хэрэг. Харамсалтай нь Ардын намынхан эсэргүүцсээр УИХ-аар дэмжлэг авч байгаагүй.

-Өнөөдөр тэд засагт хамтарсныхаа дараадэмжлээ?

-Тэглээ. Их том бүлэг болж, шийдлийн Засгийн газар байгуулсны голзорилго биелэв бололтой.

Хамгийн гол нь өрийн таазыг нэмэх нь амьдралд зайлшгүй бий болсон шаардлага гэдгийг Ардын намынхан хүлээн зөвшөөрч байгаа нь нэг алхам.

-Ер нь Ардын намынхан засагт орохын тулд өрийн таазыг барьцаалсан байжээ…

-Санал нэг байна. Өр нэмэхгүй шүү гэж өмнөх Засгийн газрыгнэг ч алхам хийлгээгүй. Зохиомлоор эдийн засгийг боомилж, борцолчихоод засагт хамтрангуутаа өрийн хязгаарыг нэмэхийг дэмжлээ. Тэгэхээр хэнд ч ойлгомжтой байна шүү дээ.Ардын нам давахгүй гэсэн даваагаараа давдаг л юм байна. Уг нь эртхэн энэ давааг давчихсан бол өнөөдрийнх шиг хямрал болохгүй ч байж болох байсан.

-Ардын нам өрийнхязгаарыг нэмэхгүй гэж хэтэрхий их ярьчихсандаа бантаад 60 хувь гэдэг тоог 58 болгуулчихав уу. 60 гэж оруулж ирснийг бид бид буурууллаа, Нэмж өр тавихыг нь хязгаарлалаа гэдэг тайлбар хийх юм болов уу. Гэвч58, 60 хоёрын хооронд ямар ялгаа байгаа юм бэ?

-Зарчмын ялгаа байхгүй шүү дээ. Ерөнхий агуулгаараа өрийн таазыг нэмэгдүүллээ гэдэг нь гол. Тоо нь өөр харагдах боловч агуулга нь нэг.58 байна уу 60 байна уу ямар ч ялгаагүй. Нэмж өр тавихыг хэзээ ч зөвшөөрөхгүй гэдэг байсан хүмүүс өнөөдөр өрийн таазыг нэмье гэдгийгхүлээн зөвшөөрлөө.Их ч барьсан өмхий, багабарьсан ч өмхий.Ардын намынханд ичээд байх хэрэг юу байна.

-Өрийн таазыг 58 хувьд хүргэснээр одоо юу өөрчлөгдөх вэ. Одоо байгаа манай өр гэхэд 55 хувьд хүрчихээд байна гэдэг тооцоо бий. Тэгэхээр нэмж зээл авч болох юм уу?

-Засгийн газар зээл авна л гэсэн үг. Зээлийг өр болгох уу, үгүй юу гэдэг нь өөр хэрэг. Зээлийг ашиглаж чадахгүй бол өр болдог.Ер нь зээлээс бизнесмэнүүд айдаггүй. Зээл төлөх чадавхи бий болгож чадах уу, үгүй юу гэдэг нь асуудалбайдаг. 2015 онд Засгийн газар зээл авна. Гэхдээ дотоодын зах зээлээс авна. Яагаад гэвэлөнөөдөр баталсантоон үзүүлэлтийг харахаар дотоодын зах зээлд гаргах бондын хэмжээгээр өрийн таазыг өсгөчихлөө. Харинхөрөнгө оруулалт татах, гадаадын зах зээл дээр үнэт цаас борлуулах, үгүй ядахад олон улсын байгууллагуудаас хөнгөлөлттэй зээл авах орон зай байхгүй гэсэн үг. Уг нь олон улсын байгууллагаас авч байгаа урт хугацаатай, хүү багатай зээлийг авч ашиглах хэрэгтэй. Өнөөдөр Дэлхийн банкны таван төслийг хэрэгжүүлэх нь зөв гээд гээд УИХ-аас шийдвэр гарчихсан байгаа.Азийн хөгжлийн банкны гурван зээл, Австри улсаас дөрвөн төслийн зээл авахаар баталсан байсан.Гэтэл сая баталж байгаа өрийн тооцоогоор бол эдгээр зээлүүдийг авах энэ орон зай эргэлзээтэй болчихлоо.

-Өрийн таазыг58 хувьд хүргэлээ гээд эдийн засагт нэмэр байх болов уу?

-Огцом үр дүн хүлээх ч хэрэггүй дээ. Одообайгаа амьдралыг тасалдуулчихалгүй өдөр хоногийг залгуулах хэмжээний өөрчлөлт орлоо доо. Энэ утгаар Засгийн газар эдийн засгийг сайжруулах хагас алхам хийлээ. Уг нь эдийн засагтаа дорвитой өсөлт бий болгох өөрчлөлт хийе гэвэл өрийн таазаа хөрөнгө оруулалттайгаа уялдуулан тооцох байсан юм.

-70, 80 хувьд хүргэх байсан гэж үү?

-Засгийн газраас анх орж ирсэн санал нь 70 хувь байсан шүү дээ. Үүний цаана нэлээд тооцоо үндэслэл байсан юм.

-Төсвийн тодотголыг баталчихлаа. Анх орж ирсэн зүйлүүд нь нэлээд өөрчлөгдөв бололтой. Ер нь энэ тодотголын гол учир утга нь юунд байв?

-Нэг зүйлийг гайхаад байна. Энэ УИХ-ын дийлэнх олонхи ньхамтарч Засгийн газар байгуулсан. Тэгсэн хэрнээЗасгийн газрынхаа оруулж ирсэн бодлогыг үндсээр нь өөрчилж, танигдахын аргагүй болголоо.Ерөнхий сайд УИХ-ын индэр дээрээс өнөөдрийн Монголын эдийн засгийн талаар үнэлэлт, дүгнэлт хийгээд “гашуун ч гэсэн ийм арга хэмжээ авъя” гэдгээ зарлаадтөсвийн тодотгол хийх саналаа оруулж ирсэн.Гэтэл УИХ үүнийг нь үндсээр нь өөрчиллөө. Энэ нь эдийнзасгийн хямралыг мэдэрч чадаагүй,гарах арга замаа олж чадахгүй байгаагийн илрэл байх. Нөгөө талаарУИХ, Засгийн газрын бодлого зөрчилдөж байна. УИХ Засгийн газартаа итгэж байна уу гэдэг байдал эндээс үүсч байна. Үүнийг ч УИХ-ын заримгишүүд чуулган дээр хэлсэн.

-Гэхдээ ард түмний гар дээр очих мөнгөнөөс танах тодотголын санааг таныг сайд байхдаа боловсруулсан гэх юм билээ?

-Юу гэж дээ.Би 2015 оны төсвийн төслийг боловсруулсан нь үнэн. Өнгөрсөн аравдугаар сарын 1-нд төслөө өргөн барьсан. ГэвчУИХ хэлэлцээгүй. Харин аравдугаар сарын 16-ны өдөр би Сангийн сайдын албаа өгсөн. Тэр үед2015 оны төсвийг хэлэлцэж эхлээгүй байсан. Дараа нь 2015 оны төсвийг Сангийн сайдгүйгээр хэлэлцэж баталсан.УИХ цэвэрөөрийнхөөтодорхойлсон бодлогоор төсвөө баталсан шүү дээ. Сангийн шинэ сайд нь 2015 оныхоо төсөвттодотгол хийж байна.

Ер нь өөрсдөө будилуулчихаад буруутныг ньгаднаас хайдаг зуршил манай УИХ-д тогтчихож дээ. Сая УИХ-ын чуулган дээр Ж.Батзандан гишүүн “Өмнөх хоёр жилд эдийн засгийг унагаж элгээр нь хэвтүүллээ. Тэр хүмүүстэйхариуцлага тооцох хэрэгтэй. Өрийн хязгаарыг нэмээд өглөө. Та нар сайн ажиллаарай” гэж хэлж байна.ТэгвэлАрдын намын санаачилгаар АН-ын аялдан дагалдсанаар эдийн засгийг уруудах нөхцөлийг УИХ өөрөө бүрдүүлсэн юм шүү. Эдийн засгийн өсч дэвжих боломжийг хааж боочихоодөөрсдөө засаг авангуутаа өрийн хязгаарыг нэмж байгаахүмүүстэйгээхариуцлага тооцохгүй юм уу гэж хэлмээр байна. Эдийн засгийгзохиомлоор агшааж,хязгаарлагдмал нөхцөл үүсгэсэн гол эзэд нь Ардын нам.

Я.МӨНГӨНЦЭЦЭГ

Categories
мэдээ нийгэм

Орон сууцны журмыг уян хатан болгохыг хүслээ

Хөгжлийн бэрхшээлтэй иргэдийн холбоод хамтран Буянт Ухаа-2 орон сууцанд уян хатан нөхцөл тавих хүсэлтийг гаргажээ.

Нэгдүгээрт, хөгжлийн бэрхшээлтэй иргэдэд зориулан орон сууцны зээлийн 8 хувийг 6 хувь болгох. Урьдчилгаа 30 хувийг 10 хувь болгож хөгжлийн бэрхшээлтэй иргэдэд хөнгөлөлт үзүүлэхийг хүсчээ. Мөн тэдний тэтгэвэр, тэтгэмжийн мөнгийг өрхийн орлогод тооцож бодох, банкинд хөгжлийн бэрхшээлтэй иргэдийн материалыг дугаар харгалзахгүй авах зэрэг 4 хүсэлтийг илгээсэн байна. Хүсэлтийг илгээсний дүнд Буянт Ухаа-2 хороололд хөгжлийн бэрхшээлтэй иргэдийг дэмжиж хамтарна гэсэн хариу иржээ.