Нийслэлийн ИТХ-ын Тэргүүлэгчдийн энэ оны эхний хуралдаан маргааш буюу даваа гарагт болох гэж байна.
Хуралдаанаар Багануур дүүргийн 3 дугаар хороонд баригдсан 640 хүүхдийн сургуулийн барилга, нийтийн эзэмшлийн эд хөрөнгө, Сонгинохайрхан дүүргийн 21 дүгээр хорооны Саалийн ам, Баянзүрх дүүргийн 20 дугаар хорооны Баянголын ам, Улиастайн Зүүн салааны ам, Сүхбаатар дүүргийн 19 дүгээр хорооны Санзайн амуудад баригдсан байгаль хамгаалагчийн 4 дүгээр байр, мөн тус дүүргийн нэгдүгээр хорооны нутаг дэвсгэрт “Эх газар” ХХК-ийн ашиглалтад оруулсан төмөр замын доогуурх авто машины нүхэн гарц зэргийг нийслэлийн өмчид бүртгэн авах, зарим орон нутгийн өмчит үйлдвэрийн газруудын дүрэм батлах тухай, нийслэлд авто тээврийн хэрэгслийн бүртгэл, төлбөрийн тогтолцоог шинэчлэн нэвтрүүлэх журам батлах зэрэг асуудлуудыг хэлэлцэхээр төлөвлөжээ.
Мөн уг хуралдаанаар Авлигын эсрэг нийслэлийн хөтөлбөр, хөтөлбөрийг хэрэгжүүлэх стратеги төлөвлөгөө батлах асуудлыг хэлэлцэхээс гадна нийслэлийн ИТХ-ын хуралдааныг зарлан хуралдуулах асуудлыг хэлэлцэнэ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Монголын хүүхдийн спортын V их наадмыг Зохион байгуулах хорооны анхдугаар хурал боллоо. Тус хурлыг дэд сайд Т.Болдбаатар удирдан явуулсан юм. Монголын Хүүхдийн спортын V их наадам нь Биеийн тамир, спортын тухай хуулийн 16.1, Бага, дунд боловсролын тухай хуулийн 18.3 дугаар заалт, Засгийн газрын 2014 оны 359 дүгээр тогтоол “Хүүхдийн спортын наадам” зохион байгуулах тухай тогтоолыг хэрэгжүүлэх, хүүхэд, өсвөр үеийнхнийг биеийн тамир, спортын арга хэмжээ, тэмцээн, наадамд өргөнөөр хамруулах, тэдэнд эр зориг, хамт олонч хүмүүжлийг төлөвшүүлэх, ур чадвартай тамирчдын залгамж халааг тодруулах, 2016 онд Сахагийн Олон улсын хүүхдийн спортын наадам, “Лиллехаммер-2016” Залуучуудын өвлийн олимпийн II наадамд оролцох тамирчин хүүхдүүдийг сонгон шалгаруулах зорилгоор 2015 онд зохион байгуулах аж. Хурлааар зохион байгуулах хорооны дарга, дэд дарга, гишүүд, нарийн бичгийн дарга нарын ажил үүргийн хуваарийг баталж, Тэмцээний нэгдсэн заавар болоод Хүүхдийн спортын V их наадмын далбаа, лого, бэлэгдэлийн уралдааны төслийг хэлэлцсэн байна.
Монголбанкны албан ханшаар ам.долларын төгрөгтэй харьцах ханш 1944.06 төгрөгт хүрлээ. Долларын он гарсаар төгрөгийн эсрэг эрс чангарсаар байгаа юм. Оны өмнө ханш 1890 орчим төгрөгтэй тэнцэж байсан ч он гармагц 1900-аас давж, улмаар өнөөг хүртэл чангарсаар байна. Уул уурхайн салбарт эерэг хүлээлт бий болж, машин, механизмын импорт нэмэгдэх хандлагатай болсон нь долларын эрэлтийг нэмэгдүүлж, ханшид нөлөөлсөн гэж эдийн засагчид тайлбарлаж байгаа юм. Арилжааны банкуудын хувьд долларын зарах ханш аль хэдийн 1955 төгрөгт хүрээд байна.
Монгол Улсын харцага цолтонд хүндэтгэл үзүүлэх хүчит бөхийн барилдаан өнөөдөр 14:00 цагт Монгол бөхийн өргөөнд эхлэх гэж байна. Уг барилдаанд улс, аймгийн өндөр цолтой бөхчүүд хүчээ үздэг уг барилдаан ес дэх жилдээ зохион байгуулагдах гэж буй аж. Монгол Улсад нийт 38 харцага цолтон байдаг бөгөөд тэдэнд хүндэтгэл үзүүлэх барилдаан 2006 оноос зохион байгуулагдаж ирсэн юм. Өнгөрсөн жилийн хүндэтгэлийн барилдаанд Улсын гарьд Д.Рагчаа түрүүлж, улсын гарьд Н.Ганбаатар үзүүрлэж байжээ.
Нийслэлийн Ерөнхий боловсролын сургуулийн сурагчдын хоёрдугаар улирлын амралт дуусч даваа гаригаас хичээлдээ орно. 
ОХУ-ын алдарт бөх И.Ярыгиний нэрэмжит “Алтан гранпри” тэмцээний эмэгтэйчүүдийн 63 кг-ын жинд барилдсан Гавьяат тамирчин С.Батцэцэг алтан медаль хүртжээ. Тэрээр нэгдүгээр тойрогт оросын бөх Юлия Пронцевичийг хожиж мөнгөн медалийн төлөө барилдаанд байнгын өрсөлдөгч, Латвийн бөх А.Григорьеваг илүүрхэн ялж алтан медалийн төлөө барилдаанд оросын бөх И.Тражуковаг цэвэр яллаа. Хоёр жилийн өмнө энэ тэмцээнд мөнгөн медалийн төлөө барилдаанд А.Григорьевтэй барилдахдаа оноо илүү явсан ч дархан тохох мэхэнд нь орж цэвэр ялагдаж байсан түүхтэй.
Өнгөрсөн бямба гарагт Нийслэлд гал түймрийн 5, зөрчлийн 3, орон нутагт гал түймрийн 1, зөрчлийн 1 дуудлага бүртгэгджээ. Үүнд:
Мустанг клубийн нэрэмжит Бодибилдингийн тэмцээний үеэр. 2000 он Бодибилдингийн спортын төрөлд тив дэлхийд эх орныхоо нэрийг дуурсгаж яваа “Мон-Алтиус” биеийн тамирын дээд сургуулийн 2002 оны төгсөгчдийг энэ удаагийн “Нэг ангийнхан” буландаа урилаа. Хамгийн сүүлд гэхэд эдний ангийнхнаас өнгөрсөн оны арванхоёрдугаар сард Энэтхэгийн Мумбай хотноо зохиогдсон дэлхийн аварга шалгаруулах бодибилдингийн тэмцээнээс ОУХМ Г.Жамц мөнгөн медаль, ОУХМ Ч.Мянганбилэг хүрэл медалийн эзэн болсон юм. Хамгийн сонирхолтой нь дэлхийн аваргын энэхүү тэмцээнд оролцоход тэдний бэлтгэлийг нь хангуулсан багш дасгалжуулагч, спортын мастер Г.Ганбаатар хүртэл тэдний анги. Бусад нь ч мөн мэргэжлээрээ хөдөө орон нутагтаа багш дасгалжуулагчаар ажиллаж байгаа гэнэ. 
Ингэсээр хэд гурван кассеттай болчихно оо. Тэдэн дотроосоо “Терминатор” киногоо өдөр бүр уйдалгүй үзнэ дээ. Бүр заримдаа өдөрт хоёр гурван ч удаа үзнэ. Тэгээд хөвгүүд нь бүгд Шварценнегер шиг бие хаатай болохын мөрөөдөл болсон улс байлаа” гэцгээв. Тэгтэл А.Эрдэнэсүрэн “Та нар терминатор шиг болохыг хүсдэг байсан бол би Жон Клот Вандам шиг бие хаатай болохыг хүсдэг байсан. Одоо бол бие хаа адилхан болсон байгаа биз дээ. Царай нь хүртэл адилхан. Хэн нэгэнд нь улаан даавуу байвал гаргаад ир. Үсээ боочихвол яг даа” гээд бусдыгаа хөгжөөв. 
Оюутан байхдаа тэмцээн уралдаанд орохын тулд биеийн крем олох гэж бөөн юм болдог байж. Шоколадан бор өнгөтэй зориулалтын биеийн крем түрхэхгүй бол булчингийн ялгаралт харагдахгүй. Тиймээс олдсон жаахан түрхлэгээ уруулын будаг, вазелинтай хольж арвилдаг байж. Үүнийг ангийнхан дундаасаа Г.Ганбаатар гардан хийдэг байж. Тэрээр “Бараг л будгийн мэргэжилтэн болсон шүү. Бор крем олдохгүй бол шар улааныг хольж бор өнгө гаргана. Вазелинтай хольж их болгоно шүү дээ” гэсэн юм. 
Жил бүр сар шинийн баярыг тохиолдуулан нийслэлийн 6 дүүрэгт цагаан сарын үзэсгэлэн худалдааг зохион байгуулдаг уламжлалтай. Энэ жил Баянзүрх дүүрэгт “Скай” их дэлгүүрийн гадна талбайд, Бөхийн өргөөний гадна талбайд, “Тэнгэр” бөөний худалдааны төвд, Сүхбаатар дүүрэгт “Цэрэндоржийн гудамж”-ны гадна талбайд, Чингэлтэй дүүрэгт Тусгаар тогтнолын талбайд, Урт цагааны зүүн талын гадна талбайд, Баянгол дүүрэгт “Лион” тауэрт, Хан-Уул дүүрэгт “Скай трейдинг” ХХК-д, “Номингийн тав трейд” ХХК-д, “Хоум плаза”-гийн дотор талбайд, “Улаанбаатар импекс” ХХК-д, Сонгинохайрхан дүүрэгт “Силвер” худалдааны төвд, “Сувдан” төвийн дотор талбайд тус тус зохион байгуулж байна. Үзэсгэлэн худалдаа энэ сарын 23-наас эхэлсэн бөгөөд сар шинийн баяр хүртэл үргэлжлэх юм. Мөн Үйлдвэр хөдөө аж ахуйн яам, Хөдөлмөрийн яам, Нийслэлийн Засаг даргын Тамгын газар хамтран “Монголд үйлдвэрлэв” Цагаан сар үзэсгэлэн худалдааг зохион байгуулдаг уламжлалтай. Энэ жил “Мишээл экспо”, “Шөнийн зах”, “Драгон” төвд зохиохоор төлөвлөжээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Монголчуудыг тэжээх хоёр том уурхайн нэг болох Таван толгойн асуудал гацаанаас дөнгөж гараад байгаа. Дөрвөн жилийн турш шалгаруулж чадаагүй стратегийн хөрөнгө оруулагчдыг саяхан нэрлэсэн. Монголын талаас “Энержи ресурс” компани шалгарсан бол Хятадын төрийн өмчит “Чайна Шинхуа энержи”,Японы “Сумитомо” корпораци зэрэг концерн Таван толгойн стратегийн хөрөнгө оруулагчдын тендерт шалгарсан нь сүүлийн үеийн гэгээтэй мэдээний нэг. Дээрх компаниуд шалгарсан даруйдаа хийх ажлынхаа төлөвлөгөөг Засгийн газарт танилцуулсан. Одоо асуудал хэлэлцээрийн шатанд явж байна. Хэлэлцээр амжилттай болбол Тавантолгойд дөрвөн тэрбум ам.долларын хөрөнгө оруулалт орж ирэх юм. Монголын урдаа барьдаг томоохон эдийн засагчид “Энержи ресурс” компани,Хятадын төрийн өмчит “Чайна Шинхуа энержи”, Японы “Сумитомо” корпораци нар нэгдэл болж, гар нийлж ажиллах гэж байгаа нь зөв зүйтэй асуудал” хэмээн ам сайтай байгаа. “Чайна Шинхуа” компанийг сонгосноор олон жил яригдаж байгаа төмөр замын хувь заяа нааштайгаар шийдэгдэнэ. Төмөр зам барих ажил дээр “Шинхуа” компанийн оролцоо их байх нь ойлгомжтой. Монголын сайн чанарын нүүрсийг гуравдагч зах зээлд буюу далайд хүргэх гол асуудал бий. Таван толгойн нүүрсийг далайд хүргэхийн тулд Хятадын нутгаар дамжихаас өөр гарц бидэнд байхгүй.ИймдХятадын төрийн өмчит”Шинхуа” компани төмөр замын асуудлыг зохицуулаад өгөх нь тодорхой. Харин Японы “Сумитомо” корпораци болАзи, Номхон далайн бүс нутагт ашигт малтмал тэр дундаа нүүрснийборлуулалт хийдгээрээ гол тоглогчдын нэг. Өөрөөр хэлбэл, Тавантолгойн нүүрсийг дэлхийн зах зээлдүнэд хүргэх төлөөлөгч. Засгийн газраас дээрх гурван компанийн нэгдэлд хэд хэдэн шаардлага тавиад байгаа. Үүнд, Тавантолгойн нүүрсний уурхайд нийтдээ дөрвөн тэрбум ам.долларын хөрөнгө оруулалт хийх, нүүрсний орд газарт нэмэлт хайгуул хийх, нөөцийг нэмэгдүүлэх, Тавантолгой -Гашуунсухайт чиглэлийн төмөр замын бүтээн байгуулалтыгхийх, 2.5 жилд багтаан Таван толгойн нүүрсний ордод 30 сая тонн нүүрс боловсруулах хүчин чадал бүхий үйлдвэр барих, Чалкогийн өрийг төлөх гэх зэрэг шаардлагыг тавьсан. Дээрх шаардлага болон хэлэлцээрийн асуудал цагаан сарын өмнө гэхэд шийдэгдэнэ гэж байгаа.