АНУ-ын ерөнхийлөгч Барак Обама Энэтхэг улсад хийж буй гурван өдрийн айлчлалаа эхлүүллээ. АНУ-ын ерөнхийлөгч Барак Обама өнөөдөр /I.25/ энэтхэгийн Шинэ Дели хотноо газардсан байна. Энэ нь түүний төрийн тэргүүний хувиар Энэтхэгт хийж буй хоёр дахь айлчлал аж. Барак Обамагийн айлчлал АНУ, Энэтхэгийн харилцаанд бэлэгдлийн чухал ач холбогдолтой аж. Барак Обама Энэтхэгийн бүгд найрамдах улсаа тунхагласны баярын парадад оролцохоор төлөвлөснөөр барахгүй ерөнхий сайд Нарендра Модитай радиогийн нэвтрүүлэг хөтлөх гэнэ. Барак Обамагийн айлчлалын үеэр Энэтхэг, АНУ-ын батлан хамгаалахын хамтын ажиллагаа, татвар, цаг уурын өөрчлөлт зэрэг асуудлыг авч хэлэлцэх гэнэ. АНУ-ын зүгээс Энэтхэгийг Хятадтай дүйх асар том зах зээл хэмээн харж байгаа аж. Хоёр орны хоорондын худалдаа наймаа 100 тэрбум ам.долларт хүрдэг байна.
Энэтхэгийн айлчлалаас өмнө Барак Обама Саудын Арабт түр саатан, Абдулла вангийн таалал төгссөнд эмгэнэл илэрхийлжээ. Уг нь Барак Обама Энэтхэгт арай эрт очиж алдарт Таж Махалыг үзэхээр төлөвлөж байсан ч Саудын Арабт саатсанаас айлчлалын цаг нь хүрэлцэхгүй болсон аж. Үүний зэрэгцээ Барак Обамагийн Энэтхэгийн айлчлалд АНУ-ын тэргүүн хатагтай Мишель Обама дагалдсан нь анхаарал татаж байна. Тэдний харилцаа муудаж, салах дээрээ тулсан гэх шум тарахын зэрэгцээ Барак Обамагийн өмнөх хэдэн айлчлалд Мишель Обама хамт яваагүй нь хардлага төрүүлж байсан юм.
Монголын үндэсний сагсан бөмбөгийн холбооны “Үндэсний супер лиг”-ийн II тойргийн тоглолтууд “Буянт-Ухаа” спортын ордонд үргэлжилж байна. Өнөөдөр буюу нэгдүгээр сарын 25-ны өдөр хоёр тоглолт болно. Эхний тоглолт 13.00 цагаас “Сентоза Арслангууд”-“Дорнод Танан гарьд” багуудын хооронд болох юм. Харин удаах тоглолт “Эрдэнэдрийлинг RIGS”-“Мадимос шонхорууд”-ын хооронд болно. Энэ өдөр “Мадимос шонхорууд” багт Смүш Паркер тоглох юм. Тэрээр НБА-гийн 17 удаагийн аварга алдарт “Лейкэрс” багийн үндсэн холбон тоглогчоор хоёр улирал буюу 2005-2006 оны улиралд 82 тоглолтод бүгдэд нь, 2006-2007 онд 82 тоглолтоос 80 тоглолтод гарааны үндсэн холбон тоглогчоор Коби Брайнтын хамтаар хүчин зүтгэж талбай дээр дунджаар 38 минут тоглон 11,5 оноог дунджилж, холбон тоглогчийн үүргийг гүйцэтгэж байжээ. Смүш Паркер өчигдөр манай улсад ирсэн бөгөөд өнөөдөр эхний тоглолтоо хийх гэж байна.
“Шинэ үе” продакшнын жүжигчид маргааш эх орондоо ирэх гэнэ. Харин хавирга нь хугарсан А.Энхжин, зөөлөн эдийн гэмтэлтэй Р.Алтансүх нар хэзээ ирэх нь тодорхой бус байна. Жүжигчин Бооёо тэднийг Хөх хотын төв эмнэлэгт үзүүлэхээр явжээ. Талийгаач Т.Билгүүний гэр бүлийнхэн ӨМӨЗО-ны Зүүн үзэмчин хошуу руу явжээ. 
2015 оны нэгдүгээр сарын 26-наас нэгдүгээр сарын 30-нийг хүртэлх
Увс аймгийн Улаангом сумын “Эрх чөлөөтэй, хариуцлагатай Монгол хүн” хөтөлбөрийн хүрээнд сумын ЗДТГ-аас Монгол Улсын баатар Бэгзийн Гивааны талбайг шинэчилж, иргэд амралт чөлөөт цагаа өнгөрүүлэх ногоон байгууламж бүхий цэцэрлэгт хүрээлэн болгон тохижуулахаар болжээ. Мөн иргэдэд хуулийн зөвлөгөөг цахим болон бусад хэлбэрийг ашиглан үнэ төлбөргүйгээр хүргэхээс гадна “Том төрөөс ухаалаг төрлүү” бодлогын хүрээнд ЗДТГ-ын мэргэжилтэн, харьяа албан байгууллагын удирдлагуудыг чадавхжуулах сургалтанд хамруулах, хүн амын төвлөрөл ихтэй газруудад ТҮЦ машины тоог нэмэгдүүлэх, багийн төвийн барилгын ажлыг эхлүүлэх зэрэг ажлыг хийхээр болжээ.
Жил бүр уламжлал болон зохион байгуулагддаг нүүрсний салбарт хөрөнгө оруулагчдын “Coal Mongolia” уулзалт ирэх дөрөвдүгээр сард болох гэж байна. Энэ удаагийн чуулга уулзалт тус чуулганы таван жилийн ойтой давхцаж буйгаараа онцлог болж байгаа аж. Чуулга уулзалт дөрөвдүгээр сарын 9-10-ны өдрүүдэд Монгол Улсын Засгийн газрын дэмжлэгтэйгээр зохион байгуулагдах юм. Одоогоор бэлтгэл ажлыг хангаж эхэлсэн бөгөөд оролцогчдыг ч бүртгэж эхэлжээ.
Японы Засгийн газар “Исламын улс” зэвсэгт бүлэглэлд 200 сая ам.доллар төлөөгүйн улмаас барьцааны нэг иргэн нь цаазлуулжээ. Барьцааны хоёр иргэнийг аврахын тулд чадах бүхнээ хийхээр амлаж байсан Японы Ерөнхий сайд Шинзо Абе ард түмэндээ хэлэх үггүй болж байна.
Английн хөлбөмбөгийн холбооны цом буюу FA Cup тэмцээний дөрөвдүгээр тойргийн тоглолтын хүрээнд Челси өөрийн алдарт Станфорд Бридж цэнгэлдэх хүрээлэндээ гутамшигтай ялагдал хүлээлээ. Тодруулбал, тэд доод лигийн Брэдфорд Сити клубыг талбай дээрээ хүлээн авч, 2:4-өөр ялагдсан байна. Ингэснээр Челси FA Cup тэмцээнийг өндөрлүүллээ. Челсигийн менежер Жозе Моуриньо энэ тоглолтын дараа “Энэ зүгээр урам хугалсан хожигдол биш, ичмээр хожигдол байлаа” гэжээ. Челси премьерлигийг энэ улирал эхэлсээр итгэл төгс тэргүүлж буй. Хүснэгтийг тэргүүлэгч баг ийнхүү доод лигийн багт хожигдож, тэмцээнээ өндөрлүүлсэн нь ихээхэн сенсаци дэгдээгээд байна.
Дуучин Жастин Бибер шинэ найз охинтой болсон тухай “
Швейцарийн Давос хотноо дэлхийн эдийн засгийн чуулганд оролцож байгаа Монгол Улсын Ерөнхийлөгч Цахиагийн Элбэгдоржид профессор Клаус Шваб бараалхлаа.