Нийгмийн халамжийн сангаас 18 хүртэлх насны хүүхдэд сар бүр 20 мянган төгрөгийн мөнгөн тэтгэмж олгодог. Энэ оны хувьд хүүхдийн нэгдүгээр сарын мөнгө буугаагүй байгаа билээ.
Тиймээс зарим эцэг эхчүүд хүүхдийн мөнгө хасна гэж яриад байсан. Хасчихсан юм болов уу гэсэн эргэлзээнд ороод байгаа юм. Үнэндээ энэ мөнгө цаашид хэвээр олгогдохоор болсон. Харин 2015 оны төсвийн тодотгол эцэслэн батлагдахгүй сунжирсан явдал ийм асуудал үүсэхэд хүрсэн юм.
Албаны зарим эх сурвалжийн мэдээллээр маргаашнаас хүүхдийн мөнгө данс руу шилжигдэх мэдээлэл байна.
Дуучин Аделийн нэрийг ашиглан твиттерт жиргэдэг байсан “X” гэгчийг өнгөрсөн долоо хоногт Лондонгийн цагдаа нар саатуулсан тухай “
Хөдөлмөрийн яам, Монголын Залуучуудын холбооны дэргэдэх Залуучуудын хөдөлмөрийн төв бирж хамтран “Ажилтай, орлоготой Монгол залуу” хөтөлбөрийг 2013 оноос эхлэн хэрэгжүүлж байгаа билээ. Энэ хүрээнд МЗХ-ны дэргэдэх Залуучуудын хөдөлмөрийн төв бирж хөдөлмөр зуучлалын ухаалаг систем www.myjob.mn сайтыг одоогоос жилийн өмнө ажиллуулж эхэлсэн юм. Тэгвэл уг сайтын 1 жилийн ой, оюутан, залуучуудын өвлийн амралт эхэлсэнтэй холбогдуулан цагийн болон түр ажлын байранд зуучлах, ажлын байрны хүртээмжийг нэмэгдүүлэх, ажил олгогч байгууллагуудад түргэн шуурхай үйлчлэх, чадварлаг ажиллах хүч нийлүүлэх зорилгоор Монголын Залуучуудын холбооны дэргэдэх Залуучуудын хөдөлмөрийн төв бирж “PART-TIME” хөдөлмөрийн яармагийг өнгөрсөн баасан гарагт амжилттай зохион байгууллаа.
Улсын дуурь, бүжгийн эрдмийн театрын хамт олон энэ смардатын өдрүүдэд вальс хөгжмийн хаан гэгддэг Австрийн алдарт хөгжмийн зохиолч И.Штраусын 15 хөгжмийн бүтээлүүдийг нэгтгэсэн “Оргилуун дарс” нэртэй шинэ балетыг дэглэн тоглуулж байгаа билээ. “Оргилуун дарс” балет нь нэгэн үзэсгэлэнт бүсгүйн сэтгэлд ургасан төсөөлөл, түүний баяр баяслаар дамжуулан залуу хүний дотоод ертөнц, амьдралын сайхан талыг орчин үеийн сонгодог бүжиг болон вальс бүжгийн гайхамшигт хослолоор харуулахыг зорьж буйгаараа онцлог юм. 
Нийслэлд бүртгэлтэй иргэдэд газар шинээр өмчлүүлэхээр батлагдсан дараагийн ээлжийн байршлуудад цахим хэлбэрээр газар өмчлөх хүсэлт хүлээн авах ажиллагааг эхлүүлэхээр болсон байна. Энэ удаад шинээр Сонгинохайрхан дүүргийн Эмээлт уулын баруун хоолой, Баянзүрх дүүргийн Улиастай дахь Их цуурай, Бага цуурайн ам, Багануур дүүргийн Тариан булагийн 2-р хэсэг, Баганхангай дүүргийн Хангайн хөндийн 1-р хэсэг зэрэг 5 байршилд нийт 12 388 иргэнд, мөн өмнөх 5 байршлаас Сонгинохайрхан дүүргийн Соёондын ам, Багануур дүүргийн Тариан булагийн 1-р хэсэг, Баганхангай дүүргийн Бор үзүүр гэсэн 3 байршилд нийт 1431 иргэнд цахим системээр газар өмчлүүлэхээр үйл ажиллагааг зохион байгуулах аж. Цахим системээр иргэдээс газар өмчлөх хүсэлт хүлээн авах ажиллагаа нэгдүгээр сарын 26-ны өдрөөс эхлэн 15 хоногийн турш үргэлжлэх юм байна.
Өнөөдөр Улаанбаатарт бага зэргийн цас орох юм байна. Салхи зүүн хойноос секундэд 7-12 метрт хүрнэ. 13-15 градус хүйтэн байна. Баруун аймгуудын нутгаар үүлэрхэг. Шөнөдөө зарим газраар, өдөртөө нутгийн өмнөд хэсгээр бага зэргийн цас орж, цасан шуурга шуурна. Салхи зүүн хойноос секундэд 5-10 метр, зарим газраар секундэд түр зуур 16-18 метр хүрч ширүүснэ. Хүйтэрч Увс, Завханы хойд хэсгээр шөнөдөө 33-38 градус, өдөртөө 22-27 градус, Говь-Алтай, Баянхонгорын өмнөд хэсгээр шөнөдөө 11-16 градус, өдөртөө 3-8 градус, бусад нутгаар шөнөдөө 19-24 градус, өдөртөө 10-15 градус хүйтэн байна.
Украины зүүн хязгаарын Оросыг дэмжигч зэвсэгт босогчид Донецк мужийн зүүн өмнөд хэсгийн Мариуполь хотод довтолжээ. Энэ үеэр Мариуполь хотноо 30 хүн амь үрэгдэж, 83 хүн гэмтэж шархатсан байна. Зэвсэгт босогчид алсын тусгалын пуужин зэргийг ашиглан довтолжээ. Оросыг дэмжигчдийн довтолгооны улмаас Украины ерөнхийлөгч Пётр Порошенко өнөөдөр /I.25/ Киевт үндэсний аюулгүй байдлын зөвлөлийг зарлан хуралдуулав.
“Ноён уулаа аваръя” уриатай тайван жагсаал маргааш 12.00 цагаас Чингэс хааны талбайд болох ажээ. Сэлэнгэ аймгийн Мандал суманд орших Ноён уул нь Хүннүгийн үеийн хаадын шарил ба үнэт өв хөрөнгө ихээр хадгалагддаг түүхэн газар боловч уулын хөндийд алт олборлох лиценз олгогдоод байгаа гэж нутгийн иргэд болон “Ноён уулаа аваръя” хөдөлгөөнийхөн үзэж байгаа юм. Тэд өөрсдийн байр суурь, үзэл бодлоо илэрхийлэхээр ийнхүү төв талбайд цуглахаар шийдсэн байна.
Улаанбаатар хотын Цагдаагийн газрын Гэмт хэрэгтэй тэмцэх газар, Нарантуул худалдааны төвтэй хамтран хулгайн гэмт хэргээс урьдчилан сэргийлэх чиглэлээр олон төрлийн үйл ажиллагаа явуулдаг. Энэ удаа хот хөдөөгийн иргэдийн төвлөрөл ихтэй, худалдааны төвийн иргэд орж гардаг хаалган дээр халаасны хулгайгаас урьдчилан сэргийлэх самбаруудыг байрлуулсан байна.
Мэргэжлийн сүмо бөхийн 69 дэх Их аварга Хакүхо М.Даваажаргал өнөөдрийн барилдаанд ёкозүна Какурюу М.Анандыг давснаар Японы мэргэжлийн сүмо бөхийн дээд зиндаанд 33 дахь удаагаа түрүүллээ. Ийнхүү тэрээр сүмо бөхийн түүхэнд дэх бүх цаг үеийн хамгийн олон түрүү хүртсэн бөхөөр тодорч, өнөөдрөөс эхлэн хэний ч очиж үзээгүй шинэ замаар алхаж байна. Хакүхо аварга сүмо бөхийн хамгийн олон түрүүлсэн бөхөөр тодорч буй энэ башёд мөн нэг ч уналгүй, бүх өрсөлдөгчдөө ялж түрүүлсэн юм..