Өнгөрсөн оны есдүгээр сарын 20-ны өдөр жолооч Э-г такси үйлчилгээнд явж байхад нь С гэгч хүчиндсэн хэрэг хэрэг Дорнод аймгийн Хэрлэн суманд гарсан. С нь тус сумын III багт байрлах оршуулгын газарт хүргүүлэхээр яваад буцах замдаа Э-г зодож, хутга, автомашины түлхүүр зэргийг зэвсгийн чанартай ашиглан айлган сүрдүүлж, хүч хэрэглэн танхайрсан байдаг. Улмаар давтан үйлдлээр хүчинджээ. Уг гэмт хэрэгт Монгол Улсын Эрүүгийн хуулийн тусгай ангийн 126 дугаар зүйлийн 126.2.3-т зааснаар, мөн тус хуулийн 181 дүгээр зүйлийн 181.3-т зааснаар тус тус яллагдах бүрэн үндэслэлтэй гэж үзэн 2014 оны 12 дугаар сарын 12-ны өдөр 05/205 дугаартай яллах дүгнэлт үйлдэж шүүхэд шилжүүлсэн байна.
Тэгвэл анхан шатны шүүх энэ сарын 10-ны өдөр 13 тоот шийтгэх тогтоол гаргаж, шүүгдэгч С-ыг Монгол Улсын Эрүүгийн хуулийн тусгай ангийн 126 дугаар зүйлийн 126.2.3-т зааснаар зургаан жил, Эрүүгийн хуулийн тусгай ангийн 181 дүгээр зүйлийн 181.3-т зааснаар таван жил нэг сарын хорих ялыг нэмж нэгтгэн, биечлэн эдлэх нийт ялын хугацааг долоон жил зургаан сарын хорих ялыг чанга дэглэмтэй эрэгтэйчүүдийн хорих ангид эдлүүлэхээр шийдвэрлэжээ.
Цэцэрлэгийн багш бага насны охиныг алгадан унагааж буй нь хяналтын камерт ийн бичигдсэн байна
УИХ дахь Шударга ёс эвслийн бүлэг өнөөдрийн ээлжит хурлаараа “Урт нэртэй” гэгдэх хуулийн дагаж мөрдөх журамд өөрчлөлт оруулах хуулийн төслийн ажлын хэсгийн ахлагчаар ажилласан УИХ-ын гишүүн Д.Арвины мэдээллийг сонссон байна. Уг хуулийн төсөл дээр дахин ажлын хэсэг байгуулахаар болж, ахлагчаар УИХ-ын гишүүн Г.Уянгыг томилсон байна. “Урт нэртэй” гэгдэх хуулийн дагаж мөрдөх журамд өөрчлөлт оруулах хуулийн төсөл дээр нэгдсэн байр суурьт хүрэх хүртэл хойшлуулж буйгаа дуулгалаа. Мөн энэ долоо хоногт хэлэлцэх Согтууруулах ундааны хяналтын тухай хуулийн төсөл УИХ-ын гишүүн Л.Эрдэнэчимэгийн өргөн барьсан Архины хяналтын тухай хуультай 80 хувь нь нийцэж байгаа аж. Тиймээс зарчмын зөрүүтэй тодорхой заалтууд дээр бүлэг нэгдсэн байр суурьт хүрэхээр болжээ. Мөн бүлгийн хуралдаанаар Эдийн засгийн өршөөл үзүүлэх тухай, Өршөөлийн тухай хуулиудын төслөөр санал солилцсон байна.
Улиастайн уулзварт энэ сарын 17-нд зам тээврийн ноцтой осол гарч, хоёр хүн нас барж, арван хүн гэмтсэн. Налайхаас ирж байсан ЗИЛ-130 маркийн автомашин Истана маркийн микро автобустай мөргөлдсөн юм. Энэхүү ослын улмаас Истана маркийн машины жолооч болон зорчигч амиа алдсан.
УИХ дахь бие даагчдын зөвлөл дэд сайд нарын асуудлаар Үндсэн хуулийн цэцэд хандахаар болжээ. УИХ Монгол Улсын 2015 оны төсвийн тодотголын хоёрдугаар хэлэлцүүлгийг хийх шатанд С.Ганбаатар гишүүн “Дэд сайд нарыг чөлөөлөх санал” гаргасныг гишүүдийн 51 хувь дэмжсэн. Гэвч маргааш өдөр нь УИХ-ын Төрийн байгуулалтын байнгын хороог хуралдуулж УИХ-ын гишүүн Р.Гончигдорж “Дэд сайд нарыг чөлөөлөхийг дэмжихгүй” гэсэн санал гаргаж, УИХ дэмжсэнээр дэд сайд нар ажлаа үргэлжлүүлэхээр болсон юм.
АН-ын бүлэг өнөөдөр хуралдаж Эдийн засгийн ил тод байдлыг дэмжих тухай хуулийн Эдийн засгийн өршөөл үзүүлэх тухай хууль, НӨАТ-ын тухай хуулийн автобензин, дизелийн түлшийн онцгой албан татварыг нэмэгдүүлэх, Тавантолгойн хөрөнгө оруулалтын асуудлыг хэлэлцсэн байна. Мөн Ерөнхий сайдын болон УИХ-ын даргын мэдээллийг сонсчээ. Ерөнхий сайд Ч.Сайханбилэг Тендерийн тухай хуулийг эргүүлэн татахаар болсноо мэдээлсэн байна. Мөн эдийн засгийн нөхцөл байдалтай уялдуулан ерөнхий сайд хэдэн зүйл дээр өөрийн байр сууриа илэрхийлжээ. Тухайлбал, УИХ-д өргөн бариад байгаа “Урт нэртэй” хууль, Өрийн удирдлагын тухай хууль, Зөвшөөрлийн тухай хууль, Хуулиудын тухай хууль зэргийг чуулганаар яаралтай хэлэлцэх саналыг тавилаа. Мөн намын дотоод асуудал болон боловсон хүчний асуудлыг хэлэлцжээ. Улс төрийн шахаагаар боловсон хүчнүүдийг ажилгүй болгохгүй байхад анхаарч ажиллахаа мэдэгдсэн байна. Харин Тавантолгойн асуудлаар Монгол улсын сайд М.Энхсайхан ирэх даваа гаригт мэдээлэл хийхээр болжээ. Мэдээлэл хийх үеэр АН-ын бүлгийн дарга Б.Гарамгайбаатараас сэтгүүлчид зарим асуултад хариулт авлаа.
Гэр хорооллын гэрэлгүй харанхуй гудамжинд гэмт хэрэг гарах нь ихэсчээ. Тиймээс ЦЕГ-аас нохойтой эргүүл гаргаж эхэлсэн байна. Энэ сараас эхлэн Улаанбаатар хотын цагдаагийн газрын Нийтийн хэв журам сахиулах хэлтсээс туршин ажиллуулж байгаа нохойтой эргүүл харанхуй гудамж, мухрын хашааны орчинд хяналт тавьж байгаа аж. Сонгинохайрхан, Баянзүрх, Чингэлтэй дүүргийн харанхуй, гэрэлгүй гудамж эхний ээлжинд нохойтой эргүүлийн хяналтад ороод байна.
Өвөрхангай аймгийн Ардчилсан намын хороо өчигдөр хуралдаж, Үндэсний зөвлөлдөх хорооны нөхөн сонгуулийг хийжээ. Нөхөн сонгуульд С.Дэмчиг, И.Мөнхжаргал, Ц.Доржпалам, Т.Батчулуун, Р.Оюунцэцэг, Б.Жавзансүрэн, Д.Лхагвабуд нарын долоон нэр дэвшигч өрсөлдсөн байна. Олонхийн саналаар УИХ дахь Ардчилсан намын бүлгийн ажлын албаны дарга С.Дэмчиг, УИХ-ын гишүүн Г.Батхүүгийн хүн гэгддэг Д.Лхагвабуд нар тодорч, ҮЗХ-ны гишүүн болсон аж. Гэвч Ардчилсан намын гишүүд дэмжигчдийн холбооны тэргүүн Т.Хасбаатарыг Өвөрхангай аймгийн Үндэсний зөвлөлдөх хороо/ҮЗХ/-ны нөхөн сонгуульд өрсөлдүүлээгүй тул энэ асуудлаар гомдол гаргахаар болжээ.
Тайванийн Вандана хийдийн хамба лам яруу найрагч Уй Сигийн санаачлагаар Тайпей дахь Улаанбаатарын Худалдаа эдийн засгийн төлөөлөгчийн газар, Нийслэлийн Засаг даргын Тамгын газар, Нийслэлийн Соёл урлагийн газартай хамтран “Улаанбаатар хотын соёлын өдрүүд”-ийг Тайванийн Хуалень, Тайпэй хотуудад зохион байгуулж байна. Соёлын өдрүүдийг Хуалень хотын Вандана хийдэд “Монгол гэр” –ийн нээлтээр эхлүүлжээ. Ёслолыг нээж, соёлын өдрүүдийг санаачлан зохион байгуулагч Вандана хийдийн хамба лам Уй Си хэлэхдээ “Аугаа их Чингис хааны төрж мэндэлсэн Монгол гэр арлын Тайваньд сүндэрлэн бослоо. Дэлхий шигээ бөөрөнхий, бөмбөрцөг хэлбэртэй энэ гэр Монгол соёлын тод төлөөлөл болон үүд хаалгаа нээж байна. Монгол гэр байгаа газар бүхэнд Монголын төлөөлөл байх болно. Монголчууд шинэ гэр барихдаа найр хийдэг уламжлалын дагуу бид ч мөн гэрийнхээ нээлтийг хийж байна. Монголын хөх тэнгэр нь цэлмэг, хүн ард нь эрүүл энх аз жаргалтай байхыг хүсье” гэсэн юм. НИТХ-ын төлөөлөгч бөгөөд НЗД-ын Эдийн засгийн асуудал хариуцсан зөвлөх Ц.Алтанцэцэг хэлсэн үгэндээ “Монгол Тайванийн харилцааг цаашид бэхжүүлэх, хамтын ажиллагааг өргөжүүлэх хамгийн дөт зам бол соёлын харилцаа юм. Тиймээс Монголын Үндэсний болон уламжлалт урлаг, соёлыг Тайванийн ард түмэнд сурталчлан таниулах ажлыг санаачлан зохион байгуулж байгаа Вандана хийдийн хамба лам Уй Си болон бусад хүмүүст талархаж байгаагаа илэриийлье” гэлээ. Улаанбаатар хотын Худалдаа эдийн засгийн төлөөлөгчийн газрын тэргүүн С.Элбэг “Улаанбаатар Тайпэй хотуудын харилцаа 1997 оноос эхэлсэн. Соёл урлаг, биеийн тамир, эдийн засаг, худалдаа, хүмүүнлэгийн салбарт хамтран ажилладаг. Энэ удаа Улаанбаатар хотын соёлын өдрүүдийг хамтран зохион байгуулж, Монголын соёлыг түгээх, сурталчлах бас нэгэн төв үүд хаалгаа нээж байна. Тайванийн ард түмэн Монгол гэр, морин хуур, Монгол соёл урлагтай танилцах энэхүү өргөөний үүд байнга нээлттэй байна гэдэгт итгэж байна” гэлээ. Соёлын өдрүүд Тайванийн Хуалень хотод орших Вандана хийдэд Монгол гэрийн нээлтийн ёслол, Төрийн соёрхолт зураач Ц.Цэгмидийн уран бүтээлийн үзэсгэлэн, Улаанбаатар чуулгын уран бүтээлчдийн тоглолтоор үргэлжилж байна. Соёлын өдрүүд өнөөдөр маргааш хоёр өдөр Тайпэй хотод үргэлжилнэ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Харүмафүжи Д.Бямбадорж Японоос Нийслэлийн II амаржих газарт төрөхийн зориулалтын бүрэн тоноглолтой автомашин илгээжээ. Өмнө нь тус эмнэлэгт төрөхийн хүндрэлтэй эхчүүдийг нарийн мэргэжлийн эмнэлэг рүү зөөвөрлөх зориулалтын машин хэрэгтэй байжээ. Энэ машин нь хүчилтөрөгчийн болон даралтын аппарат, зүрхний үйл ажиллагааг хянах төхөөрөмж зэрэг жирэмсэн эхэд яаралтай тусламж үзүүлэхэд шаардлагатай бүхий л хэрэгслээр тоноглогджээ.