74 настай гавьяат тамирчин Т.Гүррагчаа Эверэстийн оргилд авирах талаараа өнөөдөр MN news төвд мэдээлэл хийнэ.
Уулын спортын ОУХМ, Олон Улсын шилдэг уулчин, Монгол Улсын Гавьяат тамирчин, Ховд аймгийн Онцгой байдлын газрын сургагч багш, ахмад тамирчин Т.Гүррагчаа энэ 4-5 дугаар сард Эверэстийн ноён оргил Жомолунгмад авиралт хийхээр бэлгэлдээ гараад байгаа билээ.
Цаст Гималайн ноён оргилыг тойроод 8000 метрээс дээш өндөртэй 14 салбар оргил байдаг бөгөөд гавьяат тамирчин Т.Гүррагчаа Мерапека, Лобуче хоёр оргил дээр 2001 онд, Казакстан, Киргызстаны хил дээр оршдог далайн түвшнээс дээш 7010 метрийн өндөртэй Хан тэнгэр оргилд 1990 онд авирч байсан туршлагатай тамирчин юм.
Эверэстийн ноён оргил Жомолунгма далайн төвшнээс дээш 8850 метр өндөр бөгөөд 74 настай уулчин авирч гарсан түүх үгүй аж. Харин гавьяат тамирчин маань энэхүү оргилд гарна гэдэгтээ бүрэн итгэлтэй байгаа бөгөөд бэлтгэлээ ч чамгүй сайн базааж байгаа юм байна.
2015 оны 01-р сарын 26- 27-нд цагдаагийн байгууллагад иргэд, аж ахуйн нэгж байгууллагаас гэмт хэрэг, зөрчлийн 1064 дуудлага, мэдээлэл бүртгэгдэж, гэмт хэргийн шинжтэй 42 үйлдлийг холбогдох нэгжүүд шалган, 30 хэргийн эзэн холбогдогчийг илрүүлжээ. Нийслэлд золгүй байдлаар нас барсан 3 хүн, дээрэмдэх гэмт хэрэг 2, хулгайлах гэмт хэрэг 13, бусдын биед гэмтэл учруулах гэмт хэрэг 2, танхайрах гэмт хэрэг 6, зам тээврийн хэрэг 12, осол 18 гарч 13 хүн гэмтсэн байна. 
Дорнод аймгийн Эрээнцавын автозамын боомтоор 500 боодол буюу 6000 ширхэг тарваганы арьс нэвтрүүлэхээр завдсан хэргийг хилчид илрүүлжээ. Тус аймгийн Чулуунхороот сумын гуравдугаар багийн иргэн Ч эдгээр арьсыг ОХУ руу авч гарахаар оролдсон аж. Түүний байгаль орчинд учруулсан хорилыг нөхөн тооцуулж, хууль бусаар ан хийсэн, ангийн арьс үс олж авч хадгалсан асуудлыг шалгуулахаар цагдаагийн байгууллагад шилжүүлжээ. 
Ашигт малтмалын газарт өчигдрөөс эхлэн хайгуулын тусгай зөвшөөрөл хүссэн өргөдлийн дугаарыг цахимаар олгож эхэлсэн. Дугаар олгож эхлэхэд уг цахим хуудас руу олон хүн хандсан учир түр хугацаанд ажиллахгүй байсан байна. Үүнээсболжэхний 30 дугаар олгогдсон байсан гэж аж ахуйн нэгжийн төлөөллүүд шүүмжлэлтэй хандаж байв. Харин Ашигт малтмалын газраас эхний 30 дугаарыг аж ахуйн нэгжүүдэд амжилттай олгосон болохыг хэлж байна. Эдгээр аж ахуйн нэгжүүд өнөөдөр цахим дугаарт заасан цагт өргөдлөө Ашигт малтмалын газрын Кадастрын хэлтэст гаргах юм. Цахим системд 373 аж ахуйн нэгж нэвтрэн компанийн бүртгэлээ хийлгэн дугаар авах ажиллагаанд оролцжээ. 
-Хотын татварыг эсэргүүцэж байна-
Нийслэлийн зам засвар, шинэчлэлийн ажлын чиглэлээр энэ онд Нарны замыг XIX хороололтой холбоно. Өлзийт хороолол-Ш”увуун фабрик чиглэлийн 9,06 км авто зам, Төмөр замын урдуурх хэвтээ тэнхлэгийн гол гудамж замын зүүн хэсгийн үргэлжлэл 6.0 км авто зам “Дүнжингарав худалдааны төвийн замаас Улиастайн замын уулзвар хүрэх, Нарны замыг 19-р хорооллын арын замтай холбох 1,5 км шинэ зам, замын байгууламжийн 58 у/м гүүр болон төмөр зам доогуурх Нарны замтай холбогдсон 22м туннелийн хамт, 120 мянгат, 19-р хорооллын доторхи талбайн борооны ус зайлуулах ажил, Яармагийн гүүрээс Нисэхийн товчоо (I хэсэг) Сонсголонгийн замын уулзвараас Яармагийн товчоо (II хэсэг) хүртэлх 13.7 км авто замын өргөтгөл, шинэчлэлт, Шарга морьт-Жигжидийн уулзвараас Гүнтийн даваа чиглэлийн 5 км авто зам, Нисэхийн товчоо-Биокомбинат-Шувуун фабрик чиглэлийн 22.5 км авто замын өргөтгөл, МТ-ын шатахуун түгээх станцын уулзвараас Хайлаастын эцэс хүртэлх 3.1 км авто замын өргөтгөл шинэчлэлтэд (Улаанбаатар, Чингэлтэй дүүрэг, 13, 16-р хороо) 30,737,6 сая төгрөгийн санхүүжилтийг зарцуулахаар шийдвэрлэсэн байна. 
Өнгөрсөн онд “Эмээлтийн хөнгөн үйлдвэрлэлийн үйлдвэрлэл технологийн парк” ОНӨТҮГ-ыг байгуулсан. Төлөвлөгөөний дагуу энэ онд 182 тэрбум төгрөгийн бүтээн байгуулалтын ажлыг өрнүүлнэ хэмээн албаныхан хэллээ.
Он гарсаар Нийслэлийн хэмжээнд иргэд болон аж ахуйн нэгж, байгууллагаас гаргасан гэмт хэргийн шинжтэй 3274 гомдол мэдээлэлд прокурорын байгууллагаас хяналт тавьж ажилласан байна. Үүний 821 буюу 25 хувийг “Бусдын эд хөрөнгийг хулгайлах” гэмт хэргийн шинжтэй гомдол мэдээлэл эзэлж байна.
Багануур, Налайх дүүрэгт хот байгуулах асуудлаар 01 дүгээр сарын 21,22-ны өдөр дүүргийн иргэдийн дунд санал асуулга явуулсан. Нийслэлийн Засаг даргын Тамгын газар Багануур, Налайх дүүргийн ИТХ, Засаг даргын Тамгын газартай хамтран “Нийслэлийн дүүргүүдэд дагуул хот байгуулах асуудлаар иргэдийн дунд явуулсан санал асуулгын үр дүн, цаашид авах арга хэмжээ” хэлэлцүүлэг зохион байгуулах гэж байна. Хэлэлцүүлэг 01 дүгээр сарын 28-ны өдөр 10:00-12:00 цагт Блю скай зочид буудлын Кристал танхимд болох бөгөөд хэлэлцүүлэгт нийслэлийн Засаг дарга бөгөөд Улаанбаатар хотын Захирагч Э.Бат-Үүл, нийслэлийн ЗДТГ-ын дарга Ё.Гэрэлчулуун, нийслэлийн Ерөнхий төлөвлөгөөний газрын дарга Н.Нацагдорж, Багануур, Налайх дүүргийн удирдлагууд оролцоно.