Монгол Улсын Шадар сайд У.Хүрэлсүх Нэгдсэн үндэстний байгууллагын Монгол Улс дахь Суурин зохицуулагч, Нэгдсэн үндэстний байгууллагын хөгжлийн хөтөлбөрийн суурин төлөөлөгч хатагтай Сезин Синаноглугийн Онцгой байдлын салбарт оруулсан хувь нэмрийг нь үнэлж Онцгой байдлын албаны “Тэргүүний ажилтан” тэмдгээр шагнасныг өнөөдөр Төрийн ордонд гардуулж өглөө. Цол тэмдэгийг гардуулах үеэр Шадар сайд У.Хүрэлсүх Онцгой байдлын ерөнхий газар нь НҮБ-ын төрөлжсөн байгууллагуудтай харилцаа, хамтын ажиллагааны хүрээнд төсөл, хөтөлбөр хэрэгжүүлэх гадаад улс, оронд зохион байгуулагдаж буй хурал, чуулган, сургалт, семинар, дасгал сургуульд албан хаагчдыг хамруулах, Монгол Улсад хурал, чуулган, сургалт семинар, дасгал сургууль зэргийг хамтран зохион байгуулсаар ирсэнд талархаж байдгаа илэрхийлэн ОБЕГ-аас нийт 5 албан хаагч НҮБ-ын Гамшгийн үнэлгээ, зохицуулалтын баг (UNDAC)-ийн гишүүд болсоныг цохон тэмдэглэсэн юм.
Шадар сайдын хувьд өөрийн эрхлэх асуудлын хүрээнд гадаад харилцаагаа өргөжүүлэх, стратегийн түншлэлээ бэхжүүлэх үр өгөөжтэй олон уулзалт, хэлэлцээрүүдийг Монгол Улсын Шадар сайдаар томилогдсоноосоо хойш хийж бодитой ажил хэрэг болгосоор байгааг Шадар сайдын ажлын албанаас мэдээллээ.
Хууль зүйн байнгын хорооны өнөөдрийн хуралдаанаар Зөвшөөрлийн тухай хууль болон холбогдох бусад хуулийн төслүүдийг хэлэлцлээ. Хуулийн салбарт байгаа тусгай зөвшөөрлүүдийг цэгцлэх шаардлага бий. Гэхдээ үүнийг аж ахуйн үйл ажиллагааны тусгай зөвшөөрөлтэй хольж, хутгалгүйгээр тусад нь хэлэлцэж, шийдвэрлэх ёстой гэж байнгын хорооны зүгээс үзэж байгаа аж. Байнгын хорооны гишүүдийн зүгээс уг асуудлаар асуулга тавьсан юм.
С.Бямбацогт: -Эдийн засгийн байнгын хорооны ажлын хэсгийн түвшинд нэлээд олон удаа хуралдаж, яам, агентлаг, бизнес эрхлэгчдийн саналыг сонсоод Зөвшөөрлийн тухай хууль болон Зөвшөөрлийн жагсаалтын тухай хуулийн үндсэн концепцыг бараг бэлэн болгочихсон байгаа. Ажлын хэсгийн түвшинд уг хуулийн төслийг хэлэлцээд Засгийн газрын оруулж ирсэн хувилбараас 80-90 хувь өөрчлөгдөхөөр боловсруулж, бэлэн болгоод байна. Гэтэл одоо Хууль зүйн байнгын хорооны саналаар дахиад хэд хэдэн хуулийг хүчингүй болгох, нэмэлт өөрчлөлт оруулах асуудлыг оруулж ирж байна. Ингэхээр энэ хууль маань бүхэлдээ өөрчлөгдөх нөхцөл байдал үүсэхээр байна. Байнгын хороодын санал хоорондоо зөрчилдөөд байх юм. Хуульч гишүүд нь үүнд нэг саналаа хэлээч.
Х.Тэмүүжин: -Засгийн газрын хэрэг эрхлэх газраас энэ хуулийг боловсруулахдаа анх Хууль зүйн яам болон бусад яам, агентлагаас саналуудыг нь авсан. Гэхдээ тэр саналуудаа хуульдаа тусгалгүйгээр шууд л бизнес эрхлэлтийн зөвшөөрлүүдийг цэгцэлнэ гээд нийтээр нь хавтгайруулах маягаар хуулийн төслөө оруулаад ирсэн. Гэтэл тэсэрч дэлбэрэх бодис, галт зэвсгийн тээвэрлэлтийн маршрут дээр цагдаагийн байгууллага тусгай зөвшөөрөл олгоод, шаардлагатай бол тээвэрлэлт дээр хамгаалалт гаргаж өгдөг. Энэ бол бизнес эрхлэх, аж ахуйн үйл ажиллагаатай холбоотой асуудал биш. Нөгөөтэйгүүр ноториатчын үйл ажиллагаа байна. Ноториатч нь хуульч байхгүй үед иргэнд үйлчлэх хуульч гэж ойлгож болно. Хуульчийн мэргэжлийн ёс зүйг баримталж ажилладаг. Ийм үйл ажиллагааг бас бизнестэй хутгаж болохгүй. Төр шашны байгууллагын харилцааны тухай асуудал бас бий. Энэ бас л бизнес биш. Энэ бол шууд үндэсний аюулгүй байдалтай холбоотой асуудал. Бизнес эрхлэлтийн зөвшөөрлийг цэгцэлж, цөөрүүлж байгаа нь энэ гээд аюулгүй байдал, хэв журам сахиулахтай холбоотой иймэрхүү тусгай зөвшөөрлүүдийг алга болгож болохгүй л гэж байгаа юм.
Ц.Нямдорж: -Нэгэнт Засгийн газрын оруулж ирсэн хуульд 80-аас дээш хувийн өөрчлөлт орохоор байгаа бол Засгийн газарт нь буцаадаг. Өнөөдөр хууль зүйн байнгын хороон дээр ямар ч байсан энэ саналуудыг хураалгаад, шийдээд явах нь зүйтэй. Тэгээд дараа нь эдийн засгийн байнгын хороон дээр асуудлаа хэлэлцээд, наад хуулиа буцаасан нь дээр юм биш үү.
З.Энхболд: -Аж ахуйн үйл ажиллагаатай холбоотой зөвшөөрлийн тухай хуулиас аюулгүй байдалтай холбоотой зөвшөөрлүүдийн асуудлыг салгах нь зүйтэй гээд зарчмын зөрүүтэй санал гаргаад, түүгээрээ санал хураалгачих. Тэгвэл ажлын хэсгийн гаргасан тэр олон саналаар санал хураах шаардлагагүй болно” гэв. УИХ-ын дарга З.Энхболдын энэхүү гаргасан саналыг байнгын хорооны ажлын хэсэг зарчмын зөрүүтэй саналын томъёолол дотроо оруулж, гишүүд санал хураалгаж, дэмжлээ. Ингэснээр аюулгүй байдал, хэв журам сахиулахтай холбоотой тусгай зөвшөөрлүүд, мөн хуульчийн мэргэжлийн үйл ажиллагаатай холбоотой тусгай зөвшөөрлүүдийг Зөвшөөрлийн тухай хууль болон Зөвшөөрлийн жагсаалтын тухай хуулиас тусад нь хэлэлцэхээр боллоо.
Хууль зүйн сайдын 2014 оны 06 дугаар сарын 06-ны өдрийн А/289 дугаарын 2 дугаар хавсралтаар иргэний зөвлөл, оршин суугчидад цагдаагийн байгууллага тайлан тавихаар батлагдсаны дагуу хариуцсан нутаг дэвсгэрийн иргэдэд 2014 онд хийж гүйцэтгэсэн ажлын тайланг ХУД-ын Цагдаагийн 1дүгээр хэлтэс болон хороодын хэсгийн байцаагч нар хуваарийн тайлангийн хуралуудыг зохион байгууллаа. Хурлын үеэр оршин суугч, иргэдээс санал хүсэлтийг хүлээн авч түүний мөрөөр 2015 онд хийх ажлын төлөвлөгөө гарган ажиллахаар болсон байна.
Уламжлалт эмчилгээ хийж байхад мөнгөн ус алдагджээ-
“Хөгжлийн банк”-ыг УИХ дахь Эдийн засгийн байнгын хорооноос шалгах шийдвэр гаргажээ. Тус банкыг шалгахаар ажлын хэсэг байгуулсан бөгөөд ажлын хэсгийг УИХ дахь МАН-ын бүлэг бүрдүүлэх аж. Ажлын хэсгийн ахлагчаар УИХ-ын гишүүн Л.Энх-Амгалан томилогдож, УИХ-ын гишүүн Д.Хаянхярваа, Ч.Хүрэлбаатар болон шилдэг эдийн засагчид, хэвлэл мэдээллийн багийг ажиллуулахаар болсноо мэдэгджээ. 
Баян-Өлгий аймгийн Бугат суманд мөнгөн усны улмаас хордсон иргэдийг Улаанбаатар хотын Хордлогын төвд эмчлүүлэх шийдвэр гарч, хүргэж ирээд буй. Энэ сарын 17-ны өдрөөс тус сумын иргэн, 25 настай, эрэгтэй Е толгой нь эргэн халуурч, нүднийх нь угаар хүчтэй өвдөж, биеэр нь улаан тууралт гарсны улмаас сумынхаа эмнэлэгт ханджээ.
Ашигт малтмалын газраас хайгуулын тусгай зөвшөөрөл хүссэн өргөдлийн дагуу VPN тусгай төхөөрөмжөөр аж ахуй нэгжүүдийн мэдээллийг авч эхэлсэн. Гэсэн ч VPN төхөөрөмж гацсан талаар аж ахуй нэгжээс гомдол ирэх болсон билээ. Уг асуудлаар Уул уурхай яамнаас мэдээлэл хийлээ. Ашигт малтмалын газарт 373 аж ахуй нэгж нэвтрэн бүртгүүлж дугаар авах ажиллагаанд оролцсон байна. Сүлжээний ачааллаас үүдэн систем унасан, зогссон, дугаар зүй буаар олгосон тохиолдол гараагүй гэв. Ашигт малтмалын газрын түр орлон гүйцэтгэгч Д.Үүрийнтуяа сэтгүүлчдийн асуултад ингэж хариуллаа.
Цагдаагийн байгууллагад өнгөрсөн амралтын өдөр хүн амины нэг хэрэг бүртгэгджээ.Түүнчлэн 17 настай хүү ахуйн хэрэглээний газ үнэртэж амиа алдсан харамсалтай хэрэг гарсан байна.