Month: January 2015

Гадаадын улс орнуудаас шуудангаар дамжин ирсэн илгээмжийг гаалийн татвараас чөлөөлөх тухай хууль хэрэгжиж эхэллээ. Ингэснээр улс хоорондын шуудангийн илгээмжээр илгээсэн арилжааны шинж чанаргүй, хөдөлмөрийн хөлсний доод хэмжээг 10 дахин нэмэгдүүлсэн буюу 1 920 000 /нэг сая есөн зуун хорин мянга/ төгрөгөөс дээшгүй үнийн дүнтэй илгээмжийг гаалийн татвар төлөхгүйгээр хүлээн авах боломжтой болж байна. Энэ үнийн дүнг Гаалийн ерөнхий газар, Харилцаа холбооны зохицуулах хороо болон шуудангийн үйлчилгээ эрхэлдэг аж ахуйн нэгжүүдийн санал, хүсэлтэд үндэслэн тогтоожээ.

ГЕГ-ын харьяа Улс хоорондын шуудан илгээмжийн гаалийн газраар нэвтэрч байгаа шуудангийн илгээмжийг гол төлөв гадаадад оршин суугаа Монгол улсын иргэдээс гэр бүлдээ илгээсэн хуучин хувцас, хичээлийн хэрэглэл, хүүхдийн гутал, хувцас, ном, бэлэг дурсгал, бага оврын хүнсний зүйл, эм, эмийн багаж, хэрэгсэл гэх мэт арилжааны бус, хувийн хэрэглээний эд зүйлс эзэлж байдаг. Гэтэл тэдгээрээс гаалийн албан татвар нэхдэгт иргэд байнгын гомдолтой байдаг бөгөөд улмаар энэ байдал нь шуудангийн байгууллагуудын үйл ажиллагаанд ч хүндрэлтэй байсан. Тэгвэл одоо дээрх төрлийн барааны үнийн дүнд тодорхой хязгаарлалт тогтоож, албан татвараас чөлөөлж байна.

Канадын Хөрөнгийн биржид бүртгэлтэй “Khot Infrastucture Holdings” компани Монголын зам барилгын салбарт хийх хөрөнгө оруулалтын боломжийг найман тэрбум ам.долларт хүрч өснө гэж үзэж байгаагаа илэрхийлжээ

Тэдний ийм дүгнэлт гаргах болсон шалтгааны нэг ньМонгол Улсын Засгийн газрынҮндэсний хөгжлийн цогц бодлогод тусгасан 10 мянган км автозам барих төлөвлөгөө гэнэ.

“Khot Infrastucture Holdings” нь охин компаниараа дамжуулан Дархан-Уул аймагт зургаан км хатуу хучилттай автозамын засвар, шинэчлэлийн ажлыг гүйцэтгэн, хүлээлгэж өгснөө ч мэдээллээ.

Эрүүл мэндийн сайдын тушаалаар “Эрүүл мэндийн даатгалын сангаас санхүүжих өндөр өртөг бүхий мэс заслын тусламж, үйлчилгээнд шаардагдах зарим эмнэлгийн хэрэгсэл, протезийн жагсаалт”-ыг өнгөрсөн онд баталж, 2015 оны нэгдүгээр сарын 1-ээс мөрдөж эхэлж байна. Даатгуулагч өндөр өртөгтэй мэс засал хийлгэсэн тохиолдолд тухайн мэс засалд шаардагдах зарим эмнэлгийн хэрэгсэл, протезийн үнийн тодорхой хэсгийг эрүүл мэндийн даатгалын сангаас төлөхөөр болж байгаа юм. Өндөр өртөгтэй мэс заслын тусламж, үйлчилгээнд дараах мэс засал хамаарах ажээ. Үүнд:

-зүрхний төрөлхийн гажгийн мэс засал;
-зүрхний олдмол гажгийн мэс засал;
-зүрхний ишемит өвчний үеийн мэс засал;
-артерийн судасны эмгэгүүдийн үеийн мэс засал;
-тархи мэдрэлийн мэс засал;
-бүдүүн шулуун гэдэсний мэс засал;
-бөөрний мэс засал;
-чих, хамар, хоолойн мэс засал;
-гэмтэл, бэртлийн мэс засал;
-ерөнхий мэс засал;
-эрхтэн, хиймэл эрхтэн суулгах мэс засал зэрэг багтжээ.

2015 онд өндөр өртөгтэй мэс заслын тусламж, үйлчилгээнд шаардагдах зарим эмнэлгийн хэрэгсэл, ортопедийн үнийн хөнгөлөлтөд эрүүл мэндийн даатгалын сангаас 13.4 тэрбум төгрөг зарцуулах юм байна. Түүнчлэн даатгуулагч тухайн сард өвчний учир эмчийн заалтаар оношлогоо, шинжилгээ хийлгэх бол эрүүл мэндийн даатгалын сангаас 55000 төгрөгийн хөнгөлөлт үзүүлдэг байсан бол нэг удаад 3 сарын хэмжээтэй тэнцүү хэмжээгээр буюу 165000 төгрөгийн хөнгөлөлт эдлэх боломжтой болжээ.

Сүүлийн үед төвөнхийн хорт хавдар нэмэгдэх болжээ. Төвөнхийн хорт хавдар үүсгэх эрсдэлтэй зүйлсийг жагсаая.

Тамхи: Удаан хугацаагаар татах тусам хавдар үүсэх эрсдэл төдий их байна. Судалгаагаар өдөрт 25 ширхэг тамхи татдаг эсвэл 40 жил түүнээс дээш хугацаагаар татсан хүнд хорт хавдар үүсэх эрсдэл татдаггүй хүнээс 40 дахин их байдаг байна. Тамхичин хүн өөрөөсөө гадна хажууд нь байгаа хүнээ мөн эрсдэлт байдалд оруулж байдаг. Дам тамхидалтад өртөж байгаа хүн татаж байгаа хүнтэй адилхан найрлагатай агаараар амьсгалж байдаг. Тамхи архи хоёр бие биенийхээ өвчин үүсгэх хорт нөлөөг дэмжин ихэсгэж байдаг.

Архи: Архи уудаггүй хүмүүстэй харьцуулахад ихээр уудаг хүмүүст төвөнхийн хорт хавдар үүсэх эрсдэл гурав дахин их байдаг байна. Архаг архичдад зөв хооллолтын горим байдаггүй ба иймээс аминдэмийн дутагдалтай байдаг нь үүнтэй холбоотой байж болзошгүй гэж таамагладаг.

Хүний хөхлөг вирусын халдвар: Энэ вирусын олон хэлбэр байдаг. Арьснаас арьсанд болон бэлгийн замаар халдварладаг. Төвөнхийн хоргүй хавдрыг зарим хэлбэр нь үүсгэдэг ба төвөнхийн хорт хавдартай өвчтөнүүдийн 25 хувьд нь хөхлөг вирус илэрдэг.

Хоол тэжээл: Шинэ жимс ногоогоор дутмаг хоол хавдар үүсэх эрсдэлийг нэмэгдүүлдэг. Энэ нь аминдэм эрдсийн дутагдалтай холбоотой.

Нас: 40-өөс дээш насанд хортой хавдар ихэвчлэн үүсдэг ба залуу насанд их ховор.

Удмын хүчин зүйл: Төрсөн эцэг эх, ах эгч , дүү, хүүхдэд нь хорт хавдраар өвдсөн хүн байдаг хүмүүс бусад хүмүүсийг бодвол хавдар үүсэх эрсдэл арай өндөр байна.

Дархлаа буурах: ДОХ-ын халдвартай эсвэл эрхтэн шилжүүлэн суулгуулсны дараа дархлаа дарангуйлах эм уудаг хүмүүст эрсдэл илүү байна.

Тодорхой химийн бодис: Хэдэн жилийн турш модны болон нүүсний тоос тортог, утаа, хүхрийн хүчлийн уур, дизелийн шаталтын утаа зэргийн нөлөөнд байх нь хорт хавдар үүсэх эрсдэлийг нэмэгдүүлдэг. Үүнтэй холбоотой тодорхой ажил мэргэжлийн хүмүүст төвөнхийн хавдар илүү тохиолдоод байгаа нь ажиглагддаг. Жишээ нь: багш, жолооч гм. Гэртээ нүүрс олон жилийн турш түлэх нь эрсдэлийг мөн нэмэгдүүлдэг.

-Ходоод гэдэсний сөөргөөтэй хүмүүст ходоодны хүчил цөсөөр гулгих нь улаан хоолойг гэмтээж дээд хэсгийн ийм өөрчлөлт нь улмаар төвөнхөд мөн нөлөөлж хавдар үүсэх эрсдэлийг нэмдэг.

Шинж тэмдэг:

-Дуу хоолой сөөх – хоолой сөөх нь олон эмгэгийн үед тохиолддог. Ханиад томуу, гэмтэл, хэт хүчтэй чангаар орилж хашгирснаас гм олон шалтгаантай. Тиймээс хоолой сөөнгүүт хавдар гэж айж сандрах хэрэггүй ч энэ шинж тэмдэг 3-4 долоо хоног, сараас илүү үргэлжилбэл мэргэжлийн эмчээр шалгуулах нь зүйтэй. Төвөнхийн дууны нугалааснаас дээшхи болон доошхи хэсгийн хавдрын үед дууны өөрчлөлт эрт илрэхгүй бөгөөд хавдар үүссэн газраасаа хальж дууны нугалаасыг гэмтээсэн үед л хоолойн өнгө өөрчлөгддөгөөс дээрх хэсгүүдийн хавдрын үед хавдар оройтож илрэх нь элбэг.

-Залгихад хүндрэлтэй тээглээд байх мэт болох: энэ нь мөн л дан ганц хавдрын үед гардаг шинж биш тул хоол тээглээд байх мэт болох, гадны биет байгаа мэт болох, залгихад хорсох өвдөх гэх мэт шинжүүд илрээд намдахгүй байвал эмчид үзүүлж шалтгааныг нь тодруулаарай.

-Ханиах, хоол цайндаа хахаж цацаад байх

-Турах: өөр ямар нэг шалтгаангүйгээр богино хугацаанд 4-5 кг турсан бол шалтгааныг тодруулна. Хорт хавдрын үед турж эцэн сульдаж ядрах шинж гардаг.

-Чих уруу өвдөх

-Хүзүүнд овгор үүсвэр булчирхай гарах

-Амьсгал муухай үнэртэй гарах, амьсгал бачуурах, хяхтнаж шуугиж амьсгалах

Оношлогоо эмчилгээ:

Дээрх сэжигтэй шинжүүд илэрсэн бол толгой хүзүүний хавдрын эмчид үзүүлж онош тодруулах шинжилгээ хийлгэнэ. Гол нь дурангаар төвөнхийг дурандаж хавдрын сэжигтэй үүсвэр байвал түүнээс эдийн шинжилгээ авч оношийг тогтоодог. Хавдар оношлогдсон бол хавдрын хэмжээ тархацыг тогтоож цаашдын эмчилгээний тактик, мэс заслын цар хүрээг тодорхойлохын тулд компьютер томографи, MRI, рентген, дотор цуллаг эрхтэний болон хүзүүний ЭХО зэрэг шинжилгээнүүдийг бусад цус, шээсний шинжилгээний хамт хийдэг.

Эмчилгээ нь хавдрын хэмжээ үе шат, өвчтөний биеийн байдал хавсарсан бусад эмгэг зэрэг олон хүчин зүйлээс хамааран мэс засал, туяа эмчилгээг хослуулан эсвэл дангаар хэрэглэн эмчилдэг. Зарим тохиолдолд химийн эмчилгээг мөн хийнэ.

Урьдчилан сэргийлэлт:

-Эрсдэлт хүчин зүйлсээс аль болох зайлсхийх бууруулах: Архи тамхины найрлагад хорт хавдар үүсгэгч бодис байдаг. 13 судалгааны үр дүнгээр архи уухаа больсон хүмүүст 5-10 жилийн хугацаанд хавдар үүсэх эрсдэл эрс буурч цаашид аажим буурсаар 20-30 жил болоход архи огт уудаггүй хүмүүсийнхтэй адил болдог байна. Нэгэн судалгаагаар төвөнхийн хорт хавдартай хүмүүсийн 80 хувь нь эрүүл амьдралын хэвшилтэй байсан бол өвдөхгүй байх боломжтой байсан гэж гарчээ. Өөрөөр хэлбэл 80 хувь нь урьдчилан сэргийлж болох байсан байна.

-Эрсдэлт хүчин зүйлсийн нөлөөнд байдаг бол, ойрын удамдаа толгой хүзүүний ялангуяа төвөнхийн хорт хавдраар өвдсөн хүнтэй бол сэжигтэй шинж тэмдэг мэдэгдэнгүүт хугацаа алдалгүй эмчид үзүүлж байх нь эмчлэгдэх шатанд нь өвчнийг илрүүлж бүрэн эдгэх нөхцөлийг бүрдүүлнэ. Дашрамд хэлэхэд манай өвчтөнүүд хожуу шатанд ирсэний улмаас төвөнх тайрагдаж дуу хоолой гаргаж чадахгүй бичгээр харьцдаг болдогоос үүдэн эмчилгээнээс зугтан алга болох тохиолдол гардаг. Хэдийгээр хавдар ургаж амьсгал бачуурч боогдон нас барах аюул байгааг сануулсан ч үл хайхран эмчилгээг хаян явж эмчлэгдэх боломж байхгүй болсон хойно амьсгал боогдон бачуурч түргэнээр ирэх тохиолдол гардаг. Үүнд манай хүмүүсийн дунд нийтлэг байдаг хавдарт мэс хүргэж болдоггүй гэсэн маш буруу ойлголт бас нөлөөтэй. Хэдийгээр төвөнх тайрагдахад өөрийн дуу хоолойгоор ярих боломжгүй болдог ч хиймэл дуу гаргах төхөөрөмж түүнчлэн дуу гаргах протез ч байдаг. Гэхдээ үүнд хиймэл хөл гараа ашиглаж сурахын тулд хүн өөрөө олон хоног сараар хичээн зүтгэж даддагтай адилаар ердийнхөөс өөр механизмаар дуу авиа гаргаж сурах, дадах хэрэгтэй болдог.

Статистик судалгаанаас үзвэл өнөөдөр дэлхийн гурван хүн тутмын нэгнийх нь хараа муу байдаг аж. Энд компьютерийн үүрэг нэлээд бийг эмч нар сануулдаг. Гэвч муутгахгүй гээд компьютерээ гаргаад хаячихаж болохгүй нь мэдээж. Нүдээ хамгаалах, хараа муудахаас сэргийлдэг, хараа тогтоодог комплекс дасгалуудыг байнга хийж сурчихад л асуудлыг ухаалгаар шийдчихнэ. Дасгалуудаас өөрт хамгийн эвтэй, тохиромжтойг нь сонгож аваад хийгээрэй. Дасгалуудыг өдөрт хоёроос цөөнгүй удаа хийнэ. Хослуулж хийвэл бүр ч сайн. Нэг комплексийг хийхэд ердөө таван минут хангалттай.

1-р Комплекс

Хараа сайжруулах цогц дасгалууд

Нүдийг баруун зүүн тийш хөдөлгөнө.

Нүдийг дээш доош нь хөдөлгөнө.

Нүдээ нар зөв болон нар буруу эргэлдүүлнэ.

Нүдээ хурдан, эрчимтэй анивчина.

Зүүн доод булан руугаа хараад шууд дээшээ эгцлэн харна. Дараа нь нөгөө талдаа давтана.

Нүдээ хооронд нь ойртуулна.

Ойр ойрхон анивчих.

Оффисынхоо цонхонд дөхөж очоод эхлээд цонхон дээрх жижиг зураас г.м. /жижигхэн цаас наасан ч болно/ ойр байгаа зүйлийг ширтээд дараа нь харцаа алсад байгаа байр, уул г.м. зүйлс рүү шилжүүлнэ.

Нэг дасгалыг 6-аас доошгүй удаа давтана.

2-р комплекс

Холын хараа муудахаас сэргийлэх цогц дасгал

Сандлын түшлэгийг налан хойшлохдоо амьсгаа аваад дараа нь урагш тонгойхдоо амьсгаагаа гаргана.

Сандлынхаа түшлэгийг налаад нүдээ чанга аниад дараа нь нээнэ.

Гараа ташаандаа аваад толгойгоо баруун тийш эргүүлээд баруун тохойгоо харна. Дараа нь зүүн талдаа давтана.

Дээш хараад нүдээ нар зөв болон буруу эргэлдүүлнэ.

Гараа урагш сунгаад хурууныхаа үзүүрийг ширтэнэ. Гараа дээш өргөхдөө амьсгаа аваад толгойгоо өргөлгүйгээр хурууны хөдөлгөөнийг дагуулан харна. Гараа буулгахдаа амьсгаагаа гаргана.

Энэ цогц дасгалыг компын ард 40-50 минут ажилласны дараа тогтмол хийж байх нь сайн. Дасгалыг хийх хугацаа 3-5 минут.

3-р комплекс

Нүдний ядаргааг тайлах цогц дасгалууд

Цэх урагшаа 2-3 секунд ширтэнэ. Дараа нь хуруугаа нүднээсээ нэг төө хэртэй орчим газар аваачаад 3-5 секунд ширтэнэ. Гараа буулгаад ахиад алсыг ширтэнэ. 10-22 удаа давтаарай.

Харандаа, эсвэл бал бариад гараа сунгаад харандааг хамрын үзүүр рүү ойртуулахдаа харц салгалгүй ширтэнэ. 10-12 удаа давтана.

Цонхны шилэн дээр 3-5 мм хэртэй жижиг цаас, наалт наана. Харцаа цонхы цаана, алсад байгаа зүйл дээр төвлөрүүлээд буцаахдаа цонхон дээрх тэмдэг рүү ширтэнэ. Дасгалыг 10-12 удаа хийнэ.

Нүдээ наймаа тоо зурж байгаа мэт эргэлдүүлэн амьсгалын хэмнэлтэйгээ удаан нээнэ. Наймын тоог зурахдаа цэх харан босоо, хэвтээ чигт хийнэ. Чиг бүрт 5-7 удаа давт.

Эрхий хуруугаа нүднээс 20-30 см зайнд аваачаад хоёр нүдээрээ үзүүрийг нь 3-5 секунд ширтэнэ. Дараа нэг нүдээ 3-5 секунд аниад, дараа нь ахиад хоёр нүдээрээ ширтэнэ, дараа нь нөгөө нүдээ анина. 10-12 удаа давт.

Нүдний түвшинд өргөж сунгасан баруун гарынхаа эрхий хурууг 5-6 секунд ширтэнэ. Гараа аажмаар баруун тийш болгоход эрхийг хурууг толгойгоо хөдөлгөлгүйгээр дагуулан харна. Зүүн гар дээрээ давтана. Чиг тус бүр дээр 5-7 удаа давт.

Толгойгоо хөдөлгөлгүйгээр зүүн доод булан руу ширтээд, дараа баруун дээд булан руу харна. Дараа нь баруун доод, зүүн дээд гэсэн чигт давтана. 5-7 удаа давтаад нөгөө чигт давтана.

4-р комплекс

Нүд ядарсан үед хийх дасгал

Нүдээ аль болох хүчтэй аниад хүзүү, нүүр, толгойныхоо булчинг чангал. Амьсгалаа 2-3 секунд бариад хүчтэй хурдан гаргахтайгаа зэрэгцэн нүдээ нээнэ. 5 удаа давтана.

Нүдээ аниад нүдний ухархайн дээд ба доод хэсэгт хамраас чамархай руу гэсэн чиглэлээр илнэ.

Нүдээ аниад хөмсгөө суллана. Нүдээ зүүнээс баруун, баруунаас зүүн тийш эргэлдүүл. 10 удаа давт.

Эрхий хуруугаа нүднээс 20-30 см зайнд аваачаад хоёр нүдээрээ үзүүрийг нь 3-5 секунд ширтэнэ. Дараа нэг нүдээ 3-5 секунд аниад, дараа нь ахиад хоёр нүдээрээ ширтэнэ, дараа нь нөгөө нүдээ анина. 10-12 удаа давт.

Хуруугаараа чамархайн орчим зөөлөн дараад 10 удаа хурдан анивчина. Нүдээ аниад 2-3 удаа гүнзгий амьсгаа авч амар. 3 удаа давтана.

Нүдний массаж

Нүдээ аниад долоовор болон дунд хуруугаараа наймын тоо хэлбэртэй хөдөлгөөн хийж иллэг хийх нь нүдний цусны эргэлт, мэдрэлд сайн нөлөө үзүүлдэг. Ухархайн доод хэсэгт хөдөлгөөн нь хамар руу чиглэсэн, дээд хэсэгт нь хөмсөгний дээгүүр. Дасгалыг 8-16 удаа давтана.

Байгалийн, уламжлалт арга ямар ч шинжлэх ухааны аргаас илүүтэй нөлөөлөх нь бий. Танд дорнын үзэсгэлэнт бүсгүйчүүдийн эртнээс хэрэглэж ирсэн зуун наст, сармисны хандыг ашиглан залуужих эмчилгээний жорыг толилуулж байна.

1. Зуун наст + Архи
Энэ жорыг японы гейша нар толигор залуу царайгаа алдахгүйн тулд хэрэглэж иржээ.
Зуун настын залуу дэлбээнүүдийг шилж, хурц хутгаар маш нимгэн, жижигхэн хэрчээд 39-өөс доошгүй градустай 100 орчим грамм цагаан архинд хийнэ. Үүнийгээ сайн бөглөөд, сэрүүн харанхуй газарт нэг сар хадгал. Нэг сарын дараанаас өглөө, оройд нүүрээ цэвэрлэснийхээ дараа уг бэлдмэлийг хөвөнд шингээж арчаарай. Хэрэглэж эхэлснээс хойш 7 хоногийн дараа таны арьс өнгөлөгжиж, зөөлөрч буйг та анзаарах болно.Нүүрний гүн биш үрчлээтэй хэсгээ хоёр тийш нь ийн арчаад байвал удахгүй бүдгэрнэ.

2. Сармис + Спирт + Сүү
Харин энэ бол эртний төвдийн залуужуулах жоруудын нэг юм.
350 грамм сармисыг угааж цэвэрлээд модон сав юм уу тагшинд сайтар үрж, шүүс гартал нь нунтаглана. Нунтагласан сармисны доод, шүүсэрхэг хэсгээс нь 200 граммыг авч шилэн саванд хийнэ. Түүн дээр 96 хувийн спирт хийнэ. Уг холимогтой савыг сайтар бөглөж, харанхуй сэрүүн газарт 10 өдөр байлгана. Дараа нь нягт, цэвэр даавуугаар шингэнийг шүүж авна. Үүнээс 2-3 өдрийн дараанаас эмчилгээг хийж эхэлнэ. Хоол идэхээсээ 15-20 минутын өмнө стаканы ¼ хэмжээтэй сүүнд дараах байдлаар хийж ууна.

Давтан эмчилгээг зургаан жилийн дараа хийнэ.