Өмнөговь аймгийн нутагт орших Тавантолгойн ордыг эдийн засгийн эргэлтэд оруулах үүднээс Монгол Улсын Засгийн газар төсөл хэрэгжүүлж, стратегийн хөрөнгө оруулагчийг тодруулах сонгон шалгаруулалтыг явуулсан. Өнгөрсөн оны сүүлээр явуулсан сонгон шалгаруулалтад дөрвөн компани хүсэлтээ ирүүлснээр Тавантолгойд олборлолт, тээвэрлэлт, боруулалтын үйл ажиллагааг нь хариуцсан стратегийн хөрөнгө оруулагчаар Хятадын төрийн өмчит “Чайна Шэнхуа Энержи”, Японы “Сумитомо” корпораци болон Монголын “Энержи Ресурс” нар тодорсон юм.
Газрын хэвлийн дороо асар их нөөцтэй, сайн чанарын коксжих нүүрсний ордод үйл ажиллагаа явуулах стратегийн хөрөнгө оруулагчидтай хэлэлцээр хийх ажил нэгдүгээр сарын 5-наас буюу ирэх даваа гаригаас эхэлнэ.
Таван толгойн нүүрсний ордод хөрөнгө оруулах, хөгжүүлэх хэлэлцээрийг амжилтад хүргэхийн тулд бүх талын хүчин чармайлт гаргах тал дээр хөрөнгө оруулагчид болон Монголын Засгийн газар санал нэгдсэн байна. Ажлын хэсгийн гишүүд “Орд газар Монгол төрийн өмчлөлд байх, Төслийн бүхий л хугацаанд үндэсний компани олонхи байх, бүтээгдэхүүнийг Япон болон бусад зах зээлд борлуулах бололцоотой байх, орон нутгийн хөгжилд хувь нэмэр оруулах болон Монголын уламжлалт соёл иргэншлийг хүндэтгэн хөгжүүлэхэд туслах, байгаль орчинд халгүй байх” зэрэг хэлэлцээрт баримтлах шалгуур баримтлалаа тохирсон аж.
Харин ирэх даваа гаригаас эхлэх хэлэлцээр хөрөнгө мөнгө болон бусад асуудлаа ярилцах аж. Тавантолгойн ордод эхний ээлжинд дөрвөн тэрбум ам.долларын хөрөнгө оруулалт хийхээ стратегийн хөрөнгө оруулагчид амалсан байгаа.
Энэхүү төслийг хэрэгжүүлэх ажлын хэсгийн ахлагч буюу Монгол Улсын сайд М.Энхсайхан хэлэлцээр ил тод явагдана гэдгээ амалсан. Талууд хэлэлцээрт “Харилцан ашигтай байх стратеги” барихаар тогтсон бөгөөд энэ нь хэлэлцээр итгэлцэл дээр суурилах, санаа зовж байгаа бүх асуудлаа ярилцах, аливаа асуудалд хамтарсан бүтээлч шийдэл олохын төлөө ажиллах зэрэг зарчмууд багтаж байгаа юм байна.
Дашрамд сонирхуулахад, х өрөнгө оруулагчдын зах зээлийн үнэ цэнийг нь сонирхуулахад, Чайна Шэнхуа Энержи групп нь 60 тэрбум ам.долларын үнэтэй бол Сумитомо корпорацийн зах зээлийн үнэлгээ нь 13 тэрбум ам.доллараар хэмжигдэж байна. Харин “Энержи ресурс” компани 500 сая ам.доллараар үнэлэгдэж байгаа аж. Бүгд Хөрөнгийн биржид бүртгэлтэй. a
Мөн Чайна Шэнхуа Энержи компани өөрийн төмөр замтай, өөрийн борлуулалт хийх зах зээлтэй. Сумитомо корпораци Ази, номхон далайн бүс нутагт нүүрс болон бусад ашигт малтмал борлуулагч бол Энержи ресурс нь 15 сая тонн нүүр боловсруулах үйлдвэртэй, өөрийн гэсэн цахилгаан станцыг барьсан байна.
Он гараад “Ливерпүүл”-ийн балиашигуудын сонсож буй хамгийн хар мэдээ нь энэ байх. “Ливерпүүл”-ийн унаган хүү, олон жил манлайлж явсан ахлагч нь “Одоо боллоо. Гэрээгээ сунгахгүй. Гэхдээ төрөлх багийнхаа гол өрсөлдөгчидтэй хэзээ ч гэрээ хийхгүй. Ливерпүүл мөнхөд миний зүрхэнд орших болно” гээд хайртай багаасаа явах болсноо зарлалаа. Өдгөө 36 настай “Мистер Ливерпүүл” энэ багтаагаа Аваргуудын лиг, Английн цом, Лигийн цом, УЕФА-гийн цом гээд бүгдэнд нь түрүүлж үзсэн ч ганц ч удаа Английн аварга болж чадсангүй явж байна. Энэ улирал дуусаад гэрээ нь дуусч чөлөөт агент болох Жеррардын дараачийн баг нь Итали юмуу Америкын баг байх магадлалтай гэжээ.
Өнөөдрийн байдлаар “AirAsia”-гийн нисэх онгоц унасан далайн бүсийн цаг агаарын байдал тааруу, 3-4 метрийн давалгаатай байгаа аж. Гэвч Индонезийн авран туслах баг “AirAsia”-гийн сүйрсэн нисэх онгоцны эрлийн ажиллагааг үргэлжлүүлж буй юм байна. Энэ сарын 2-ны өдөр буюу өнөөдөр Индонезийн тал “AirAsia”-гийн QZ8501 сүйрсэн нисэх онгоцны 16 хохирогчийн цогцсыг нэмж олоод байгаа аж. Тэдгээрийн наймыг Сурабая-д хүргэж, задлан шинжилгээ хийж эхэлжээ. Энэ талаар Индонезийн Үндэсний цагдаагийн газрын ажилтан Хэ Чянжи Пангкалан Бун хотын нисэх онгоцны буудал дахь аврах бааз дээр сэтгүүлчдэд мэдээлэл хийхдээ мэдэгдсэн байна. 
2014 онд 24.7 мянган айлын 1.8 сая ам.метр орон сууц ашиглалтад орсон байна.Улаанбаатар хотод 20 мянга 820 айлын орон сууц ашиглалтад орсон бол хөдөө орон нутагт 3924 айлын орон сууц ашиглалтад оржээ. 
Улсын аварга шалгаруулах Жудо бөхийн насанд хүрэгчдийн тэмцээний тов тодорсон байна. Нэгдүгээр сарын 9-11-нд “Буянт-Ухаа” спортын ордонд жудогийн тамирчид Монгол Улсын аварга цолны төлөө өрсөлдөх нь. 
Өнөө оройноос нэгдүгээр сарын 3-ны оройн 20 цаг хүртэлх хугацаанд нийт нутгаар цаг агаар ямар байх мэдээг хүргэж байна. Урьдчилсан төлөвөөр баруун аймгуудын нутгаар үүлшинэ. Шөнөдөө нутгийн баруун хэсгээр, өдөртөө зарим газраар цас орж, цасан шуурга шуурна. Салхи зүүн өмнөөс баруун хойш эргэж секундэд 5-10 метр, шөнөдөө Алтайн уулархаг нутгаар, өдөртөө зарим газраар түр зуур секундэд 16-18 метр хүрч ширүүснэ. Увс, Завхан, Баянхонгорын хойд хэсгээр шөнөдөө 28-33 градус, өдөртөө 15-20 градус, Говь-Алтай, Баянхонгорын өмнөд хэсгээр шөнөдөө 13-18 градус, өдөртөө 2 градус дулаанаас 3 градус хүйтэн, бусад нутгаар шөнөдөө 13-18 градус, өдөртөө 1-6 градус хүйтэн байна.
Улаанбаатар хотын аварга шалгаруулах “Цодгор хүү-2015” өсвөр үеийнхний аварга шалгаруулах шатрын тэмцээн энэ сарын 5-7-ны өдрүүдэд зохион байгуулагдана.
Үндэсний статистикийн хорооноос мал тооллогын урьдчилсан дүнг танилцуулсан. Урьдчилсан дүнгээр 2014 оны жилийн эцсийн байдлаар манай улсын мал сүрэг 51.9 сая толгойд хүрч, 2013 оныхоос 15.1 хувь буюу 6.8 саяар өссөн байна.