УИХ-ын гишүүн асан У.Хүрэлсүх Тусгаар тогтнолын ордны Их танхимд “Андууд” нэртэй хамтлагынхаа анхны тоглолтыг хийлээ. Тэрбээр эхнэрээ эмчлүүлэх гэж УИХ-ын гишүүний албаа өгснөөс хойш гадаадад нэг хэсэг байж байгаад Монголдоо ирж, улс төрийн үйл ажиллагаагаа идэвхжүүлж, “Зүүний хүчний холбоо” гэх төрийн бус байгууллагаа хуралдуулаад авсан. Түүний холбоо МАН-ын нөлөө бүхий гишүүдээр бүл нэмж, нэгэн баг болж зүтгэхээр шулуудсан гэлцсэн билээ.
Тэгвэл У.Хүрэлсүх чөлөөт цагаараа ангийн найзууд, урлаг уран сайхны авьяастай залуустай нийлж “Андууд” хэмээх хамтлаг байгуулжээ. Монголын хамгийн отгонд тооцогдох “Андууд” хамтлагийн басс гитарчин Чингэлтэй дүүргийн Засаг дарга асан Г.Ариунбаяр, бөмбөрчин Цөмийн инергийн газрын дарга асан Г.Манлайжав нарын гишүүд багтсан аж.
Тэд энэ үеэр 80-90-ээд оны үеийн залуусын сэтгэлд хоногшиж, одоо ч дуулагдаж байгаа дуунуудыг дуулж, үзэгчдийн талархалыг хүлээж байлаа. Тэрбээр хамтлагийнхаа анхны тоглолтын билетийг намынхандаа, тэр дундаа холбооныхондоо үнэгүй тарааж өгсөн аж. Түүний үзэгчдийн дотор, С.Баяр, Сү.Батболд, Д.Бат-Эрдэнэ, Я.Содбаатар, О.Содбилаг, Нийслэлийн Засаг дарга асан Б.Мөнхбаяр тэргүүтэй намын гишүүд, анд нөхөд, ахан дүүс, гар бүлийн гишүүд нь уг тоглолтыг үзэж сонирхсон юм.
2016 онд Бразилийн Рио-де-Жанейро хотод болох олимпийн наадамд оролцох эрх олгох жүдо бөхийн оноо олгох цуврал тэмцээнүүд эхэлснээр тамирчдын чансаанд өөрчлөлт орж эхлээд байна. Жүдо бөхийн олон улсын холбооноос жин тус бүрт тамирчдын чансааг шинэчлэн гаргахад эрэгтэйчүүдийн 60 кг-ын жинд манай Г.Болдбаатар 6276 оноотойгоор тэргүүлж, Д.Амартүвшин 1520 оноотой мөн жинд зургадугаарт жагсчээ.
Нийслэлд үйл ажиллагаа явуулж буй хувийн хэвшлийн орон сууцны компаниудын ашиглаж буй хэмжих хэрэгслийн баталгаажуулалт, ашиглалтыг нийслэлийн Мэргэжлийн хяналтын газраас шалгажээ. Шалгалтад нийтийн аж ахуйн үйлчилгээний тусгай зөвшөөрөлтэй хувийн хэвшлийн 40 аж ахуйн нэгжийн харьяа ус, цахилгааны төлбөр тооцоог гүйцэтгэдэг 74 аж ахуйн нэгжийг хамруулсан аж. Ус сувгийн удирдах газартай усны төлбөр тооцоо хийдэг 194 аж ахуйн нэгж байдгийн 45 нь орон сууцны доторх цэвэр, бохир усны шугам сүлжээний ашиглалт, засвар үйлчилгээний тусгай зөвшөөрөл авсан байдаг аж.
Сүүлийн жилүүдэд ” стресс” гэдэг үг их хэрэглэгдэх болсон билээ. Хүн бүр сэтгэл санааны хямралд орж, ингэсний дараа хэвийн байдалд орох гэж нэлээд зүдэрдэг. Тиймээс хэрвээ сэтгэл санаа хямрах бүрийд тайвшруулах эм уугаад байвал, үүндээ дасчихаж мэднэ. Би маш сайн үйлчилдэг аргаа та бүхэндээ хэлэх гэсэн юм. 
“Суудаг цаг богиносч, уудаг хэмжээ багассан. Уулзах найз цөөдөж, учрах тоо хасагдсан. Шалтгаан нь энэ хоёр. Гэхдээ уулзаагүй найз, уугаагүй пиво, наргиагүй наргиандаа харамсахгүй байна. Харин, ойлгохгүй ч гэсэн хүүгийнхээ шулганан ярихыг сонсож баясаагүй бол харамсах байсан байх. Түүртмээр олон ажлынхаа дундуур сэтгэлээ гаргаж хийсэн ханийнхаа хоолыг халуун дээр нь идээгүй бол харамсах байсан байх. Ухаан сууж засарсан гэж худлаа ярих гээгүй юм аа. Аз жаргал харин хаана байгааг мэддэг болсон гэх гэсэн юм. Хөхөндөө сүүгүй ч гартаа угжтай, хүйгээр холбоогүй ч сэтгэлээрээ уяатай. Аав нь харьж явна, миний хүү…”. Хэн нэгэн ингэж бичсэн нь facebook-т хагас мянган like авчээ. Зарим нь машин дүүрэн like дарж байгаагаа зургаар илэрхийлсэн байна. Уншсан хүмүүс мундаг аав гэж магтаж, “Эр хүнийг эгшээх ийм л нэг мэдрэмж сайхан” гэж шуугижээ. Хоёр зуу гаруй хүн цааш түгээсний ихэнх нь эмэгтэйчүүд байв. Эндээс харахад аавуудыг үрсэг, гэрсэг байгаасай гэж хүсдэг хүн олон юм. Нөгөө талдаа олон хүн ийм мэдрэмжийг хүсч байна гэдэг нь аавууд гэр бүл, үр хүүхдээсээ холдож байгаагийн илрэл болов уу. Тиймдээ чолон аав үлгэр аваасай гэсэндээ тараасан биз ээ. Аав ороод ирэхэд гэр дүүрч, халуун дулаан болдог. Аавынхаа хайранд өлгийдүүлсэн хүүхэд зоригтой өсдөг гэдэг. Аав гэдэг ганцхан үг таныг хувь нэгэн биш гэр бүлийнхээ төлөө амьдар гэдгийг хэлээд өгч байгаа юм шүү дээ. 
Нийслэлийн 375 жилийн ойн хүрээнд Нийслэлийн Засаг даргын Тамгын газар, Нийслэлийн Архивын газраас хамтран “Нүүдлийн хотоос-Суурин хот” нэн үнэт баримт болон гэрэл зургийн үзэсгэлэн Үндэсний музейд гарч байна. Энэхүү үзэсгэлэн нь нийслэлийн ард иргэд, хүүхэд багачууд, хойч үеийнхэнд Нийслэл Улаанбаатар хотын түүхэн хөгжил, түүхийг таниулах, судлах, сурталчлах, их хотоо хайрлан хамгаалах хүмүүжил олгох зорилготой юм. Үзэсгэлэнд 1639-2014 он хүртэлх нийслэлийн түүхэнд холбогдох нэн үнэт 20 гаруй уран зураг, газрын зураг, 240 гаруй гэрэл зураг, Өргөө, Нийслэл хүрээ, Улаанбаатар хотын түүхэнд холбогдох 30 гаруй зарлиг, тогтоол, шийдвэр мөн баримтат кино, нийт 40 гаруй, дижитал хэлбэрээр үзүүлэх 50 гаруй үзмэрийг дэлгэн тавьсан байна. Үзэсгэлэнг арваннэгдүгээр сарын 07 хүртэл үнэ төлбөргүй олон нийтэд үзүүлнэ гэж Нийслэлийн Архивын газраас мэдээллээ.
Засгийн газрын ээлжит хуралдаан өнгөрсөн бямба гарагт болж дараах асуудлыг хэлэлцэн, шийдвэрийг гаргалаа. Засгийн газрын 2012-2016 оны үйл ажиллагааны хөтөлбөрт Улаанбаатар, Дархан хотын гадна Арьс, ширний үйлдвэрийн цогцолбор байгуулах дэд бүтцийг шинээр барьж эхлэх зорилт тавьсан. Мөн УИХ-ын 2012 оны 74 дүгээр тогтоолоор арьс, ширний үйлдвэрүүдийг үйлдвэрийн шинэ бүс рүү шилжүүлэх арга хэмжээг үе шаттайгаар зохион байгуулахыг Засгийн газарт үүрэг болгосон юм. Дээрх шийдвэрүүдийг хэрэгжүүүлэх хүрээнд Засгийн газрын 249 дүгээр тогтоол гарчээ.