Хятадын Хэнань мужийн Пиньюй хэмээх газар нэгэн гэмт этгээд гадаа тоглож байсан хүүхдүүд рүү халдсан хэрэг гарчээ. Гартаа хутга барьсан тэрээр дөрвөн хүүхдийг шархадуулсан тухай мэдээллээ. Гудамжинд явж байсан хүмүүс түүнийг барьж авч цагдаа нарт хүлээлгэн өгсөн байна. Хохирогчын хоёрынх нь биеийн баййдал нэлээд хүнд байгаа бөгөөд эмчлүүлж байгаа гэнэ.
Ю.Дэлгэр
2014 оны 10 дугаар сарын 03-ны өдөр Улаанбаатар-Бээжин чиглэлийн ОМ-223 онгоцоор зорчих гэж байсан БНХАУ-ын иргэн Ши Гуань биеэс тусдаа тээшиндээ их хэмжээний гадаад валютыг хийн, Гаалийн байгууллагад мэдүүлэлгүй улсын хилээр хууль бусаар гаргахыг завдсан хууль бус үйлдлийг Гаалийн ажилтнууд илрүүллээ. Гаалийн ерөнхий газрын харьяа Буянт-Ухаа дахь Гаалийн газрын гаалийн улсын байцаагч нар тус гадаадын иргэний тээшинд эрсдэл тооцон, мэргэжлийн ур чадвар гарган нарийвчилсан үзлэг шалгалт хийхэд хар өнгийн чемоданд сэжиг бүхий эд зүйл байгаа нь тогтоогдсон байна. Биет үзлэг шалгалтыг хөндлөнгийн гэрч болон сэжигтэн этгээдийг байлцуулан хийхэд бараан өнгийн гялгар уутанд савласан БНХАУ-ын мөнгөн дэвсгэрт болох юань 100-тын дэвсгэртээр 4300 ширхэг буюу нийт 430000 юань илэрсэн байна. Энэ нь өнөөдрийн ханшаар 129000000 төгрөг болж байгаа бөгөөд гаалийн хилээр хууль бусаар нэвтрүүлсэн үйлдэлд холбогдсон дээрх гадаад валютийг улсын орлого болгон хурааж, буруутай этгээдэд нэмж торгуулийн хариуцлага хүлээлгэлээ хэмээн ГЕГ-аас мэдээлэв.
“Улаанбаатар” олон улсын кино наадам маргааш эхлэх гэж байна. ССАЖЯ, Монголын Урлагийн Зөвлөл, Монголын Кино Урлагийн Зөвлөл хамтран кино урлагийн салбарын олон улсын хамтын ажиллагааг нэмэгдүүлэх, дэлхийн сор болсон киног Монголын үзэгчдэд хүргэх зорилготой тус кино наадамд Монгол, Америк, Ази, Европын 10 гаруй найруулагч, продюссер, уран бүтээлч болон олон улсын нэр хүндтэй кино наадмын зохион байгуулагчид оролцох аж.
Энэ жил манай улс 293 мянган га талбайд улаанбуудай тариалснаас 440 мянган тонн улаан буудайг үтрэм дээр хураан авах төлөвлөгөөтэй байгаа билээ.Өнгөрөгч долоо хоногт Үр тариа, газар тариалан эрхлэгчдийн холбооноос “Улаанбаатар гурил” компани удаан хугацаанд хадгалсан, чанарын шаардлага хангаагүй 40 мянган тонн улаанбуудайг ОХУ-аас оруулж ирж байна хэмээн мэдэгдэж байсан бол “Улаанбаатар гурил” компанийн эзэн Ц.Баатарсайхан “Гадуур цацагдаад байгаа шиг 60, 70 тонн чанаргүй улаан буудай биш. Нийт 49300 тонн улаан буудайг оруулж ирсэн” гэсэн тайлбар хийсэн юм. Мөн манай улсын улаан буудайнаас гаргаж авсан гурил урсац ихтэй байдаг учир ОХУ-аас оруулж ирж буй улаан буудайтай холисноор гурилын чанар сайжирна хэмээн үзжээ.
Фенобаритал эмийг хүүхдийн тунгаар олгох байсныг андуурч том хүний тунгаар өгч, 16 нярайн эрүүл мэндийг хохироосон “Монос” группийн салбар эмийн сангийн жор баригч Э-д БГЛ-ийн цагдаагийн I хэлтсээс эрүүгийн хэрэг үүсгэн шалгаж байсан.өТэгвэл түүнд холбогдох хэргийг өнгөрөгч долоо хоног харьяа дүүргийн прокурорт шилжүүлсэн байна. Э-д Эрүүгийн хуулийн 198 дугаар зүйлийн 198.1 дэх хэсэгт зааснаар эрүүгийн хэрэг үүсгээд байгаа юм. Энэхүү зүйл ангид хөдөлмөрийн хөлсний доод хэмжээг 51-100 дахин нэмэгдүүлсэн мөнгөн торгууль, эсвэл 3-6 cap баривчлах, гурван жил хүртэл хорих ял шийтгэнэ гэж заасан байдаг.
Америкийн “NBC” телевизийн сэтгүүлч, гэрэл зурагчин Ашока Мукпо Либери улсад сурвалжлага хийж байхдаа эболагийн халдвар авсан нь илэрчээ. Тэрбээр энэ сарын 3-нд халдвар авсан нь тогтоогдож, Либери улсад эмчлүүлж байсан юм. Тэгвэл сэтгүүлч залууг АНУ-ын эрүүл мэндийн ажилчид тусгай онгоцоор тээвэрлэж Нью Йорк хотод авчирсан тухай “www.dailymail.co.uk” мэдээллээ.7Сэтгүүлчийн ээж Диана Мукпо “Хүүгийн минь бие хэвийн байгаа гэсэн. Тэгэхдээ би нүдээрээ хараагүй л байна. Хүүгээ хэр зэрэг өвдсөн гэдгийг нь мэдэхгүй байна. Хүү минь үхэлд хүрэх аюултай эбола туссан нь “NBC” телевизийн удирдлагуудын буруу. Эбола дэгдсэн Гвиней, Нигер, Сьерро-Леон, Либери улс хилээ хаасан байсан. Тэгтэл хүүг минь эболагийн голомт руу илгээсэн” гэж хэлжээ.7Ашока Мукпо өнгөрсөн сар Гвиней улсад сурвалжлага хийж байгаад энэ сарын эхээр Либери улсад ирсэн аж. Мөн Мукпотой хамт явсан зураглаач залууг шинжилгээнд хамруулжээ. Түүний шинжилгээний хариу хараахан ирээгүй байгаа гэж ДЭМБ-аас мэдэгдэв.
Зохион байгуулалттай гэмт хэрэгтэй тэмцэх газар (ЗБГХТГ)-ын Хар тамхи, мансууруулах бодистой тэмцэх хэлтсийн ажилтнууд сүүлийн 14 хоногийн дотор хар тамхины төрлийн бодис хэрэглэсэн, борлуулсан, бэлтгэсэн 19 хүнийг илрүүлжээ. Өчигдөр орой гэхэд дөрвөн хүнийг саатуулсан байна. Тэдний гурав нь мансууруулах бодис түүж бэлтгэж байсан бол нэг нь борлуулахаар авч явж байсныг газар дээр нь илрүүлэн, саатуулсан байна. Энэ талаар ЦЕГ-ын Хэвлэл мэдээллийн төвийн ахлах мэргэжилтэн, ахмад Ё.Лхагвасүрэн “Төв аймгийн нутгаас 10 орчим кг хар тамхины төрлийн каннабис хэмээх ургамлыг түүж байсан Т, Б, Ц нарыг өчигдөр газар дээр нь саатууллаа. Энэ гурван залуу 1986 онд төрсөн, 28 настай. Тэднийг Эрүүгийн хуулийн 192 дугаар зүйлд заасны дагуу мансууруулах бодис борлуулах зорилгоор түүж бэлтгэсэн гэсэн үндэслэлээр эрүүгийн хэрэг үүсгэн шалгаж эхэллээ. Сэжигтнүүдийг өчигдөр үдэш Цагдан хорих 461 дүгээр ангид саатуулаад байна. Ургамлын дээжээс Шүүхийн шинжилгээний үндэсний төвд илгээж шинжлүүлэхээр илгээлээ” гэв.
Сар дэлхийн сүүдэрт орох үзэгдлийг сар хиртэлт гэдэг. Өөрөөр хэлбэл, нар, дэлхий, сар гурав нэг шугаманд давхцах, эсвэл бараг нэг шугаманд ороход сар хиртдэг. Иймээс сар хиртэлт нь зөвхөн тэргэл сартай үдэш л ажиглагддаг байна. Энэ жилийн аравдугаар сарын 8-ны орой буюу маргааш сарт хиртэлт болох бөгөөд судлаачдын мэдэгдэж буйгаар улаан сар гарахаараа онцлогтой юм. Номхон далай, Авсрали, Хойд Америк болон Азийн орнуудаас сарны дүрс хамгийн тод харагдах аж.
Монгол маркийн түүхт 90 жилийн ой энэ өдрүүдэд тохиож буй. Ойн хүрээнд “Монгол шуудан” компаниас хэрэгжүүлж буй ажлын нэг бол Монгол маркийн музейг нээх явдал юм. Өнөөдөр тус музейн нээлт ТӨВ ШУУДАНГИЙН дугуй танхимд 12 цагт болох аж. Мөн энэ үеэр шинэ маркийг танилцуулж, уулзалт зохион байгуулна. Монгол маркийн музейнээс өнгөрсөн 90 жилийн хугацаан дахь түүхийн хуудсыг маркийн он тооллоор дарааллуулан харах боломжтой юм. 1924 оноос түүхээ бичиж буй МОНГОЛ МАРК-ын ховор нандин бүхнийг МАРКИЙН МУЗЕЙ энэ удаад дэлгэж байна.
Улсын Их Хурлын Төрийн байгуулалтын байнгын хорооны хуралдаан 9 цаг 30 минутад 57.9 хувийн ирцтэй эхэллээ. Байнгын хорооны энэ өдрийн хуралдаанаар Монгол Улсын Засгийн газрын тухай хуульд нэмэлт, өөрчлөлт оруулах тухай, Засгийн газрын бүтцийн тухай хуульд өөрчлөлт оруулах тухай хуулийн төслүүд болон “Төрийн захиргааны байгууллагын тогтолцоо, бүтцийн ерөнхий бүдүүвчийг батлах тухай” Монгол Улсын Их Хурлын 2012 оны 14 дүгээр тогтоолын хавсралтад өөрчлөлт оруулах тухай Улсын Их Хурлын тогтоолын төслийн анхны хэлэлцүүлгийг хийхээр төлөвлөсөн байв. Эдгээр хууль тогтоомжийн төслийн хэлэлцэх эсэх асуудлыг чуулганы өнгөрсөн долоо хоногийн Баасан гарагийн нэгдсэн хуралдаанаар хэлэлцэж дэмжээд анхны хэлэлцүүлэгт бэлтгүүлэхээр тус Байнгын хороонд шилжүүлсэн юм. Байнгын хорооны дарга А.Бакей хуралдаанаар хэлэлцэх асуудлыг танилцуулж батлуулсны дараа УИХ дахь АН-ын бүлгийн дарга Д.Эрдэнэбат Байнгын хорооны энэ өдрийн хуралдаанаар хэлэлцэхээр төлөвлөсөн асуудлаар намын бүлэг дахин ярилцах шаардлагатай байгаа тул ажлын нэг хүртэлх өдрийн завсарлага авах хүсэлтэй байгаагаа мэдэгдлээ. Ийнхүү УИХ дахь АН-ын бүлэг завсарлага авснаар Байнгын хорооны хуралдаан хойшиллоо.