“Инчёон-2014” Азийн спортын XVII наадамд Монгол Улсын баг тамирчдад төрөөс дэмжлэг үзүүлээгүй, өөрсдийн зардлаар уг наадамд оролцсон гэх мэт таагүй үгс яригдаад байгаа. Харин Соёл, спорт аялал жуулчлалын яамныхан тамирчдад ямар хэмжээний дэмжлэг үзүүлсэнээ өөрийн сайтанд мэдээлж, түүнийг нь сайд нь твитертээ байрлуулжээ.
Уг мэдээлэлд “Инчёон-2014” Азийн XVII наадамд оролцох баг тамирчдын замын зардалд хөнгөлөлт үзүүлэх тухай Соёл, спорт, аялал жуулчлалын сайдынхүсэлтийг Зам тээврийн яам хүлээн авч МИАТ компаниар зорчсон тохиолдолд 30хувийн үнийн хөнгөлөлт үзүүлэхээр шийдвэрлэсэн бол Азийн Паралимпийн наадамд оролцох баг тамирчдад 50 хувийн үнийн хөнгөлөлт үзүүлэхээр шийдвэрлэсэнд нийт тамирчдынхаа нэрийн өмнөөс талархал илэрхийлье.
Түүнчлэн ССАЖЯ-ны зүгээс 2014 онд зохиогдсон дээрх 5 наадамд оролцох оролцох үндэсний шигшээ баг тамирчдын зардлаас гадна бусад баг тамирчиддаа дараах дэмжлэгийг үзүүлсэн болно. Үүнд:
– “Сочи-2014” Өвлийн Олимпийн XXII наадам – 30 сая төгрөг
– “Сочи-2014” Өвлийн Паралимпийн XI наадам – 20 сая төгрөг
– “Нанжинь-2014” Залуучуудын Зуны Олимпийн II наадам – 30 сая төгрөг
– “Инчёон-2014” Азийн XVII наадам – 47 сая төгрөг
– “Инчёон-2014” Азийн Паралимпийн XI наадам – 40 сая төгрөгийн дэмжлэгийг тухайн спортын наадамд Монгол Улсын баг тамирчдыг зохион байгуулж оролцуулах эрх бүхий Төрийн бус байгууллагуудаар дамжуулан олгосон.
Өмнө нь томоохон наадмуудад оролцоход зөвхөн үндэсний шигшээ багийн тамирчдын зардлыг төр хариуцдаг байсан бол 2013 оноос үндэсний шигшээ багийн бус тамирчдын зардалд дэмжлэг үзүүлж эхэлсэн бөгөөд 2013 онд “Казань-2013” Оюутны Универсиад наадамд 260 сая төгрөг, “Кали-2013” Дэлхийн спортын наадамд (
олимпийн бус төрлийн спортын төрлүүдийн наадам
) 30 сая төгрөг, “Софи-2014” Дифлимпийн Зуны наадам (
сонсголын бэрхшээлтэй иргэдийн наадам
)-д 30 сая төгрөгийг тус тус тусгайлан нэр зааж төлөвлөгөөнд тусган дэмжлэг үзүүлсэн байдаг” хэмээн дурджээ.
УИХ-ын чуулганы нэгдсэн хуралдаан үргэлжилж Засгийн газрын бүтцийн асуудлын анхны хэлэлцүүлгийг хийж байна. Уг хуулийн төслийн анхны хэлэлцүүлгийг өнөөдөр Төрийн байгуулалтын байнгын хороогоор хийх явцад УИХ дахь МАН-ын бүлгийн зүгээс ССАЖЯ-ыг өөр аль нэгт яамтай чиг үүргийн хувьд нэгтгэх санал гаргаж олонхийн дэмжлэг авсан.
Энэ онд улсын хэмжээнд 50 мянган хүнд томуугийн вакциныг сайн дурын үндсэн дээр тарихаар болжээ. Хүйтний улирал ирж байгаатай холбоотойгоор томуугийн эсрэг вакцин тарих ажил улсын хэмжээнд эхлээд байна. Томуу, томуу төст өвчин одоогоор эмнэлэгт хандаж оношоо тодруулсан нийт иргэдийн дөрөв орчим хувийг эзлэж байгаа юм. Ханиад томуу ид дэгдэлтийн үедээ нийт өвчлөлийн 7-8 хувьд хүрдэг байна. Тиймээс энэ өвчнөөс сэргийлж иргэд сайн дурын үндсэн дээр томуугийн вакцин хийлгэхийг эмч мэргэжилтнүүд анхаарууллаа. 
EV-D68-аар сэдээгдсэн амьсгалын замын хүнд халдвар бүртгэгдээд буй АНУ-ын муж улсууд: Алабама, Коларода, Коннектикут, Иллиной, Индиана, Айова, Канзас, Кентакки, Луйзанниа, Миннесота, Миссури, Монтана, Небраска, Нью Жерси, Нью Йорк, Оклахама, Пеннсильвани, Виржиниа. 
Манай иргэд ундны ус, айраг, сүүгээ хуванцар саванд хийж, хадгалах нь түгээмэл болсон. 2008 онд Нийгмийн эрүүл мэндийн хүрээлэнгээс хийсэн судалгаанаас үзэхэд хот, хөдөө орон нутгийн айл өрхийн 63 хувь нь хүнсний бус хуванцар сав ашигладаг гэнэ. Иргэдийн санал хүсэлтийн дагуу Мэргэжлийн хяналтын ерөнхий газрынхан хүнсний зориулалтаар ашиглаж байгаа хуванцар саванд шинжилгээ хийлээ. Ингэхдээ “Нарантуул” захад худалдаж байгаа 10-120 литрийн багтаамжтай, долоон төрлийн хувцанцар савыг сонгон авчээ. Ийм саванд хадгалсан усан дахь хар тугалганы хэмжээ Дэлхийн эрүүл мэндийн байгууллагын зөвлөмж болон манай улсад мөрдөж байгаа стандартад заасан зөвшөөрөгдөх дээд хэмжээнээс /хар тугалга-0,01мг/л/-ээс 60-800 дахин их, формальдегид дээд хэмжээнээс /формальдегид – 0,1 мг/л /-ээс 1800-6900 дахин их байгаа нь тогтоогдлоо. Хүнсний зориулалттай саванд формалины үлдэгдэл илрэх ёсгүй атал 27,0 – 53,43 мг/л хэмжээтэй гарч, цаг хугацаа явахын хэрээр улам ихэсч байна. Хуванцар саванд хадгалсан усан дахь төмөр, нитрит манайд мөрдөж байгаа стандартад заасан зөвшөөрөгдөх дээд хэмжээнээс хэтрээгүй бол аммиак зөвшөөрөгдөх хэмжээнээс 27 дахин их байлаа. Саванд хадгалсан сүү, айрганд кадьми 0,001 мг/л-ээс бага, хар тугалга сүүнд зөвшөөрөгдөх хэмжээнээс 3-4 дахин их, айрганд дөрөв дахин их гарсан байна.Хар тугалга, химийн бусад бодис нь хүний биед хуримтлагдаж, мэдрэлийн системийг хордуулан, эд эрхтэнг өвчлүүлэх эрсдэлтэй тул “3”, “6”, “7” гэсэн тэмдэглэгээ кодтой, эсвэл огт тэмдэглэгээ, кодгүй, хүнсний зориулалтын бус хуванцар савыг хүнсний бүтээгдэхүүн хадгалах зориулалтаар огт хэрэглэхгүй байх, “2”, “4” тэмдэглэгээ, кодтой хуванцар савыг хэрэглэхээ багасгахыг Мэргэжлийн хяналтын ерөнхий газар сэрэмжлүүлж байна. Харин “1”, “5” дугаартай хуванцар савыг хүнсний зориулалтаар ашиглахад ямар ч аюулгүй юм. 
Монгол Улсын Засгийн Газар, Европын Цөмийн Судалгааны Байгууллага (ЦЕРН) хооронд Их энергийн физикийн салбарт шинжлэх ухаан, техникийн хамтын ажиллагааг хөгжүүлэх тухайн хэлэлцээрт гарын үсэг зурлаа. Тус хэлэлцээрт Монголын талаас Монгол Улсын Засгийн газрыг төлөөлөн Боловсрол, шинжлэх ухааны сайд Л.Гантөмөр, ЦЕРН-ний талаас Гадаад харилцаа эрхэлсэн ноён Р.Форс нар гарын үсэг зурсан юм. Их энергийн физикийн судалгаа нь суурь шинжлэх ухаан болон манай орны технологийн дэвшлийг цаашдын хөгжилд чухал ач холбогдолтой. 2014 оны 10 дугаар сарын 6-ны өдөр хийгдсэн уг хэлэлцээрийн үр дүнд ЦЕРН-ийн эрдэм шинжилгээний хөтөлбөрүүдэд манай орны эрдэмтэд, судлаачид, оюутан залуучууд оролцох бололцоо нээгдэж байна. 
Удахгүй болох гэж байгаа Улаанбаатар хот байгуулагдсаны 375 жилийн ойн өдрөөр буюу 10 дугаар сарын 29-ны өдөр монголд өвөрмөц “рекорд” тогтоож 4 удаагийн төрөлтөөр 8 ихэр төрүүлсэн гэр бүлд шинэ орон сууц олгох шийдвэрийг Нийслэлийн Засаг дарга Э.Бат-Үүл гаргажээ.Нийслэлийн Сүхбаатар дүүргийн иргэн Э.Энхтөрийн гэргий Ц.Ундрах дөрвөн удаа хүүхэд төрүүлэхдээ ихэрлэж 8 хүүхэдтэй болсон байна. Тэрээр 8 хүүхэдтэй, “Алдарт эх”-ийн нэг, хоёрдугаар одонтой болжээ. Энэхүү ховорхон хувь заяаг нь төр засаг анхааралдаа авч өнгөрсөн онд орон сууц хүссэн өргөдлийг нь Засаг даргын зөвлөлийн хурлаар авч хэлэлцэн дээрх шийдвэрийг гаргажээ. Энэ тухай Хотын хэвлэл мэдээллийн албаны дарга Б.Түвшинтөгсөөс лавлавал, “Ихрүүдэд тун удахгүй орон сууц өгөхөөр болсон нь үнэн. Харин яг хэзээ, хаана байр өгөх нь 375 жилийн ойн өдөр тодорхой болно” гэлээ.Ихрүүдэд байр өгөхөөр хэлэлцэх үеэр бас нэгэн өргөдлийн тухай сонирхолтой яриа өрнөсөн байна. 6 дахь ихрийг төрсний дараа 94 настай өндөр настан хотын захиргаанд хандан ихэр хүүхдүүдэд орон сууц олгоход туслаач гэсэн өргөдөл ирүүлснийг ЗДТГ-ын дарга Ё.Гэрэлчулуун үзүүлж, сонирхуулсан нь шийдвэрийг түргэн гаргахад ихээхэн түлхэц болсон гэнэ. Ихрүүдийг тэтгэсэн хотын удирдлагуудын шийдвэр нь хүн амаа өсгөх, удахгүй 3 сая дахь иргэнээ хүлээж буй төр засгийн бодлогын хувьд туйлын бахдалтай алхам болж байгааг иргэд үнэлж байна.
Дархан-Уул аймгийн Дархан сумын долдугаар цэцэрлэгийн хүүхдүүд хоол хүнсээр дамжсан гэдэсний бүлгийн савханцараар өвчилсөн нь лабораторийн шинжилгээгээр тогтоогдлоо. МХЕГ-ын Хүнсний аюулгүй байдлын лавлагаа лабораторид хийсэн шинжилгээгээр цэцэрлэгийн ундны ус нянгийн бохирдолттой гарсан байна. Хордлого аван эмчлүүлж байсан хүүхдүүдийн бие сайжирч эмнэлгээс гарсан, одоогоор цэцэрлэгийн үйл ажиллагааг зогсоосон хэвээр байгаа тухай аймгийн Мэргэжлийн хяналтын байгууллага мэдээллээ. Аймгийн Засаг дарга цэцэрлэгт ариутгал, халдваргүйжүүлэлт хийх, инженерийн шугам сүлжээг засварлах зэрэг 26 заалт бүхий захирамж гарган хэрэгжүүлж байгаад Мэргэжлийн хяналтын байгууллага хяналт тавьж байна. Есдүгээр сар гарснаас хойш нийтийг хамарсан хоолны хордлого хэд хэдэн удаа гарсан учир хүнсний бүтээгдэхүүнийг тээвэрлэхдээ юунд анхаарах зэргийг тусгасан Мэргэжлийн хяналтын ерөнхий газрын дарга, улсын Ерөнхий байцаагчийн 20 заалттай зөвлөмжийг аймаг, нийслэлд хүргүүллээ. Мөн аймгууд “Үдийн цай” хөтөлбөрт шалгалт хийн шаардлага хангахгүй, мэргэжлийн бус тогооч ажиллуулж байсан зөрчлийг илрүүлж, тогооч нарыг сургаж бэлтгэх явцад хяналт тавьж байна хэмээн МХЕГ-аас мэдээллээ. 
“Нарантуул” захын өргөтгөл буюу хүнсний худалдааны хэсгийг өчигдрөөс эхлэн хаалаа. Энэ талаар сурвалжлахаар тус худалдааны төвийг зорьсон юм.
Колумбийн хойд нутагт Гуачака хотоос холгүй Сьерра-Невада ууланд шашны баярын арга хэмжээний үеэр 11 хүн аянганд ниргүүлэн нас баржээ. Амь үрэгдсэд бүгд Колумбийн уугуул иргэд болох вива үндэстэн аж. Түүнээс гадна 15 хүн түлэгдсэний улмаас Санта-Марта хотын эмнэлэг хүргэгдсэн байна. Нэгэн омгийн 60-аад хүн уулан дахь дээврийг нь далдуу модны навчаар бүрсэн сүмд цугларсан байжээ. Гэтэл байшин аяганд ниргүүлснээс хүний амь эрсэдсэн аж.