Month: October 2014

Оюутолгой компанид ногдуулсан торгуулийн 130 сая ам.доллар 30 сая ам.доллар болж буурсныг УИХ-ын гишүүн С.Ганбаатар эсэргүүцэж буй. Тэрээр 100 сая ам.долларыг Оюутолгой компаниас авч чадахгүй байна гэдэг нь 184 тэрбум төгрөгийг үлдээж байна гэсэн үг. Түүнийг цалин, тэтгэврийг нэмэхэд зарцуулж болох байсан, холбогдох материалуудыг үзье гэхэд татварынхан зөвшөөрөхгүй байгаа гэх мэдэгдлийг хийгээд буй. Тэгвэл энэ асуудалтай холбогдуулж Татварын ерөнхий газрын дарга Т.Батмагнай өнөөдөр сэтгүүлчдэд мэдээлэл хийлээ.

Тэрээр УИХ-ын гишүүн С.Ганбаатар хуулиас гадуур шаардлага тавьж байна. Үнэхээр Оюутолгойн татвартай холбоотой баримттай танилцахыг хүсвэл хуулийн дагуу хандах ёстой. Ажлын хэсэг байгуулж, ажиллаад гаргасан шийдвэрийнх нь дагуу татварын бичиг баримттай танилцах хүсэлт гаргасан бол бид зохих журмын дагуу баримтуудыг үзүүлж болох байсан. Мөн Оюутолгой компанид ногдуулсан 130 сая ам.долларын торгуулийг 30 сая болгон бууруулсныг Татварын Маргаан шийдвэрлэх зөвлөл өнгөрсөн есдүгээр сарын 12-нд мэдээлсэн. Гэтэл С.Ганбаатар гишүүн намрын чуулганы эхэлсэн энэ өдрүүдэд гэнэт асуудал болгож тавьж буйг ойлгохгүй байна. Шоу хийж байна гэж хэлмээр байна” гэсэн юм.

Нийслэлийн удирдах ажилтнуудын ээлжит шуурхай зөвлөгөөн өнөөдөр болж, дүүргийн Засаг дарга нар өнгөрсөн 14 хоногийн нөхцөл байдлын талаар мэдээлэл өглөө.
Багахангай дүүрэг гамшиг ослоос урьдчилан сэргийлэх зорилгоор 5 объектод төлөвлөгөөт болон төлөвлөгөөт бус үзлэг шалгалт явуулж явуулж давхардсан тоогоор 16 зөрчил илрүүлж 4 зөрчлийг газар дээр нь арилгуулж галын аюулгүй байдлыг хангаж ажиллажээ. Нийт 1443 тээврийн хэрэгсэл шалгаж, 447 зөрчил илрүүлэн, зөрчилтэй явсан 442 жолоочийг /бэлэн бусаар/ 6.850.000 төгрөг, 3 жолоочийг /бэлнээр/ 467,000 төгрөгийн торгууль ногдуулж, согтуугаар тээврийн хэрэгсэл жолоодсон 2 жолоочийг тээврийн хэрэгсэл жолоодох эрхийг 6 сараас 2 жилийн хугацаагаар хассан байна.
Багануур дүүрэг 2014 оны 09 дугаар сарын 04-ны өдрөөс 09 дүгээр сарын 18-ны хооронд 14 хоногийн хугацаанд иргэд, албан тушаалтнаас гэмт хэрэг, захиргааны зөрчлийн шинжтэй 106 дуудлага мэдээлэл бүртгэгдсэн нь өмнөх 14 хоногоос 50 нэгжээр буюу 32,5 хувиар буурсан. Архи согтууруулах ундаа худалдаалдаг, түүгээр үйлчилгээ явуулдаг 9 аж ахуйн нэгжийн 14 салбар нэгжид хяналт хийж нийт 41 зөрчил илрүүлж газар дээр нь 15 зөрчлийг арилгуулж, улсын байцаагчийн 38 заалт бүхий 7 албан шаардлага хүргүүлж 7 аж ахуй нэгжид 2688000 шийтгэврийн арга хэмжээг авч, 25 нэр төрлийн 4,45 кг, 328906 мянган төгрөгийн хүнсний барааг актаар хураан авч устгажээ. Шалгалт үргэлжилж байгаан байна.
Баянзүрх дүүрэгт гал түймрийн 23 дуудлага гарсан нь өмнөх 14 хоногийн хугацаатай харьцуулахад 4 хувиар буурчээ.
Чингэлтэй дүүргийн Замын Цагдаагийн тасгаас 2014 оны 9 сарын эхний 14 хоногт 297, 2014 оны 9 сарын сүүлийн 14 хоногт 201 зам тээврийн осол, хэргийн материалыг хүлээн авч шийдвэрлэжээ. Онцгой байдлын хэлтсийн Аврах, гал унтраах 10 дугаар ангийн бие бүрэлдэхүүнээс энэ хугацаанд нийслэлийн үйлчлэх хүрээний хэмжээнд гал түймрийн 31 удаагийн дуудлагаар ажиллан аж ахуй нэгж байгууллага, иргэдийн 515,0 сая төгрөгийн өмч хөрөнгийг авран, 8 байшин барилга, объектыг гал түймрийн аюулаас хамгаалж 22 хүний амь насыг аварчээ.
Хан-Уул дүүрэг, Цагдаагийн 1 хэлтэст нийт 510 дуудлага ирсэн байна. Ирсэн дуудлага мэдээллийн 463 нь жижүүрээр, 47 нь өргөдлөөр бүртгэгдэж, өнгөрсөн 14 хоногт өдөрт дунджаар 51 дуудлага мэдээлэл хүлээн авч, гал түймрийн 2, гал түймрийн зөрчлийн 5 дуудлага, нийт 7 дуудлаганд Аврах гал унтраах ангиуд ажилласан байна. 2014 оны 09 дүгээр сарын 22-ний өдөр Хан-Уул дүүргийн 2-р Нэхмэлийн 7-р байр 7 тоотод гал түймэр гарч байсныг нь хохирол багатай унтрааж 45 настай эрэгтэй Ж.Жаргалсайхан угаартсан байдалтай байсныг аварч эмнэлгийн байгууллагад хүлээлгэн өгчээ.
Харин Сүхбаатар дүүрэг Өнгөрсөн 14 хоногт дүүргийн хэмжээнд Захиргааны хариуцлагын тухай хуулиар 1586 хүнийг 2,051,500 төгрөгөөр, архидан согтуурахтай тэмцэх тухай хуулиар 15 хүнийг 1,000,000 төгрөгөөр, тамхины хяналтын тухай хуулиар 11 хүнийг 100,000 төгрөгөөр, эрүүлжүүлсэн 504 хүнийг 939,400 төгрөгөөр торгож арга хэмжээ авчээ. МХЕГ-ын даргын удирдамжаар 60 объектын 86 аж ахуйн нэгж байгууллагад хяналт шалгалт хийж, аюул ослоос урьдчилан сэргийлэх зөвлөмж 86, НЗД-ын албан даалгавар 80, илэрсэн зөрчлийг арилгуулахаар 16 байгууллагад 128 заалт бүхий албан шаардлага хүргүүлж, 3 барилгын үйл ажиллагааг түр хугацаагаар зогсоосон байна.
Сонгинохайрхан дүүргийн нутаг дэвсгэрт сүүлийн 30 хоногийн хугацаанд объектын 42 удаагийн гал түймрийн дуудлага гарч Онцгой байдлын хэлтийн Аврах гал унтраах ангиуд цаг алдалгүй газар дээр нь очиж ажиллан иргэд аж ахуй нэгж байгууллагад учирч болох 510 сая төгрөгийн өмч хөрөнгийг гал түймрийн аюулаас авран хамгаалсан байна. Нийслэлд тарваган тахал өвчний халдвар орж ирэхээс урьдчилан сэргийлж дүүргийн Онцгой байдлын хэлтэс, нийслэлийн мэргэжлийн хяналт, цагдаагийн байгууллагын ажлын хэсэг Эмээлт, Баруунтурууны авто вокзалууд дээр 24 цагаар үүрэг гүйцэтгэж хоногт дунджаар 1200- 1500 автомашинд хяналт шалгалтыг явуулж ажиллаж байна.
Баянгол дүүргийн нутаг дэвсгэрт өнгөрсөн 9 дүгээр сард нийт 2052 дуудлага мэдээлэл ирж, 15753 зөрчил илрүүлжээ.Согтуугаар тээврийн хэрэгсэл жолоодсон 597 жолоочид арга хэмжээ авч, нийт 14.895 иргэнд 144.687.000 төгрөгийн торгох шийтгэл ноогдуулан ажилласан байна.Улаанбаатар хотод усархаг бороо орсоны улмаас үертэй холбоотой 16, бусад 3 дуудлага мэдээлэл ирсэнийг шийдвэрлэжээ.
Дүүргийн Засаг дарга нарын мэдээлэлтэй холбогдуулан нийслэлийн Засаг дарга “Гэмт хэргийн гаралт нийслэлийн төвийн дүүргүүдэд нэмэгдэх хандлага ажиглагдаж байна. Иргэдийнхээ аюулгүй байдлыг хангахыг тулд ирэх оны төсөвт хяналтын камержуулалтад багагүй мөнгө тусгаж, шийдвэрлэнэ” гэдгээ хэлсэн юм гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

УИХ-аар батлагдсан “Улаанбаатар хотыг 2020 он хүртэл хөгжүүлэх хөгжлийн хөтөлбөр, 2030 он хүртэл чиг хандлага”-ын баримт бичиг, нийслэлийн Засаг даргын 2013-2016 оны үйл ажиллагаа хөтөлбөрт тусгагдсаны дагуу, НИТХ-аас тогтоосон 21 байршилд Гэр хорооллын дахин төлөвлөлтийн төслийн ажил эхлээд жил гаруй болж байна. Төсөл хэрэгжүүлэгчээр шалгарсан аж ахуйн нэгжүүд эхний ээлжийн 4000 орчим орон сууцыг 2014 оны 4, 2015 оны 1-р улиралд ашиглалтад оруулахаар төлөвлөжээ. Өнөөдөр “Хера пропертийз” ХХК Сонгинохайрхан дүүргийн 5, 6, 7 дугаар хорооны нутаг Ханын материал орчимд барьсан189 айлын гурван блок орон сууцны барилгаа Улсын комисст хүлээлгэн өгөх гэж байна. Улсын комисс хүлээгээд авчихвал Гэр хорооллын дахин төлөвлөлтөд хамрагдсан эхний айлууд 10-р сарын 15-нд шинэ байрандаа орох ажээ.

“Эмч, эмнэлгийн ажилтан өвчтөнд эмнэлгийн тусламж үзүүлэх үүргээ хариуцлагагүй биелүүлснээс өвчтөн нас барсан” гэх үндэслэлээр Хүний гавьяат эмч Б.Бүлтэн, С.Энхзаяа, н.Цовоо, н.Мөнхцэцэг, Соёлмаа нарын таван хүнд холбогдох хэрэг Дүүргийн эрүүгийн хэргийн анхан шатны шүүхэд өнөөдөр 14.00 цагт эхэллээ. Шүүгдэгчдийн өмгөөлөгчдийн зүгээс шинжээч н.Энхтуулыг оролцуулах хүсэлтэй байсан ч шүүх хуралдааныг эхлүүлжээ.

Уг хэргийн шүүх хурал өмнө нь гурван удаа товлогдсон ч хойшлогдоод байсан бөгөөд шүүх бүрэлдэхүүн бүрэн цугласан гэж үзэж, шүүх хурлыг эхлүүлээд байна.

Хэргийг сануулбал өнгөрөгч 2013 онд III амаржих амаржих газарт Баянзүрх дүүргийн иргэн Ц дөрвөн кг гаруй жинтэй хүүхэд төрүүлсэн байна. Том хүүхэд тээж байгаа гэдэг үндэслэлээр иргэн Ц-д кесарево хагалгаа хийхдээ эхэсийг нь гүйцэд гаргалгүй саванд үлдээснээс гурван удаа хагалгаанд орж, амь насаа алджээ. Шүүхийн шинжилгээний үндэсний төвийн дүгнэлтээр эмч нар ажил үүрэгтээ хайнга хандаж, хохирогч эмэгтэйн саванд эхэсийг дутуу үлдээснээс үүдэн амь насаа алдсан гэж дүгнэсэн байна.

Эх сурвалжийн мэдээллээр Гавьяат эмч Б.Бүлтэн өмнө нь энэ төрлийн хэрэгт шалгуулж байсан ч 2009 оны Өршөөл үзүүлэх тухай хуулийн хүрээнд прокурорын шатнаас хэрэг нь хэрэгсэхгүй болж байжээ .Тэднийг Эрүүгийн хуулийн 106.2-т заасан үндэслэлээр БЗД-ийн цагдаагийн I хэлтэст шалгаж харьяа прокурорын газраас яллах дүгнэлт үйлдэн шүүхэд шилжүүлээд байгаа юм. Хүний гавьяат эмч Б.Бүлтэн нарын гэм буруутай нь тогтоогдвол албан тушаал эрхлэх, үйл ажиллагаа явуулах эрхийг гурван жил хүртэл хугацаагаар хасч гурван жил хүртэл хугацаагаар хорих ял шийтгэх хуулийн заалттай юм байна.

Бүлэглэн сэтгэцэд нөлөөлөх эм бэлдмэл хэрэглэсэн хэргээр 1.6 жилийн хорих ял сонссон Г.Сарангэрэл ШШГЕГ-ын харьяа 461 дүгээр ангид хоригдож байгаа билээ.
Тэрбээр, найзуудтайгаа дарвиж явахдаа хар тамхи хэрэглэсэн байсныг Цагдаагийн ажилтнууд шуурхай илрүүлэн охидыг хорьсон билээ. Гэсэн ч Г .Сарангэрэл Х.Тэмүүжин сайдыг унагах гэсэн цагдаагийн хурандаа нарын золиосонд зохиомол хэрэг үүрлээ хэмээн эсэргүүцэж давж заалдсан билээ.
Гэсэн ч давж заалдах шатны шүүхээс Г.Сарангэрэлийн ялыг хэвээр үлдээсэн юм. Тэгвэл, түүний өмгөөлөгч Г.Батбаяр Улсын дээд шүүхэд ханджээ. Г.Сарангэрэлийг хурандаа нарын явуулгаар хорьсон учир ялаас чөлөөлж өгөхийг энэхүү хүсэлтэд дурьдсан байна.