Нийслэлийн 375 жилийн ойг угтаж “Их хотын хямдралтай худалдаа”-г 2 дахь жилдээ зохион байгуулах гэж байна. Энэхүү худалдаанд оролцох 90 гаруй аж ахуйн нэгжийн захирлуудыг өнөөдөр Нийслэлийн Засаг дарга Э.Бат-Үүл, Улаанбаатар хотын Ерөнхий менежер Б.Бадрал, Засаг даргын орлогч нар, Захирагчийн ажлын албаны Хүнс худалдаа үйлчилгээний хэлтсийн дарга О.Нарантуяа нар хүлээн авч уулзлаа. Уулзалтын үеэр Нийслэлийн Засаг дарга нийслэлд үйл ажиллагаа явуулж буй соёл урлаг, нийтийн тээвэр, худалдаа үйлдвэрлэл, үйлчилгээний байгууллагуудын хамт олонд хандан “Нийслэл хот үүсч байгуулагдсаны 375 жилийн ойг тохиолдуулан байгууллага бүр өөрсдийн үйл ажиллагааг иргэд, үйлчлүүлэгчид рүү хандуулан, тодорхой санал санаачлагыг өрнүүлэн хамтран ажиллах”-ыг уриаллаа. Аж ахуйн нэгжүүдийн зүгээс ч Их хотын хямдралтай худалдааны үеэр иргэдээ хэрхэн баярлуулж, ямар ажил зохион байгуулах гэж байгаагаа танилцуулсан юм. Нийслэлийн удирдлагууд хотын хэмжээнд хийгдэж буй ажлуудыг танилцуулан, иргэдийнхээ төлөөзохион байгуулж буй энэхүү арга хэмжээг дэмжин хамтран ажиллаж байгаа аж ахуйннэгжүүдэд талархсанаа илэрхийллээгэж Улаанбаатар хотын Захирагчийн ажлын албанаас мэдээллээ.
Month: October 2014
НҮБ-ын Хүүхдийн сан (ЮНИСЕФ)-гаас Монгол Улсад суух Суурин төлөөлөгч ноён Роберто Бинэс Гадаад харилцааны сайд Л.Болдод Итгэмжлэх захидлаа өргөн барив. Ёслолын ажиллагааны дараа Гадаад харилцааны сайд, Суурин төлөөлөгч нар Монгол Улс, НҮБ-ын Хүүхдийн сангийн харилцаа, хамтын ажиллагааны өнөөгийн байдал, цаашид хамтран хэрэгжүүлэх арга хэмжээний талаар санал солилцов.өГадаад харилцааны сайд Л.Болд Монгол Улс НҮБ-ын Хүүхдийн сангийн үйл ажиллагаанд өндөр ач холбогдол өгч, идэвхтэй оролцохыг эрмэлзэж байгааг дурдаад тус сангаас өндөр түвшинд төлөөлөгч хүлээн авахад бэлэн байгааг тэмдэглэв. Түүнчлэн ирэх жил Монгол Улс “Онлайн эрх чөлөө эвсэл”-ийг даргалах бөгөөд энэ хүрээнд НҮБ-ын Хүүхдийн сантай хамтран хүүхдийн аюулгүй байдлын асуудлаар сургалт, семинар зохион байгуулах санал тавив. Р.Бинэс хүүхэд, өсвөр үеийнхнийхээ асуудалд онцгой ач холбогдол өгч, идэвхтэй үйл ажиллагаа явуулдаг Монгол оронд томилогдон хамтран ажиллах болсондоо сэтгэл өндөр байгаагаа илэрхийлж, сайд Л.Болдын тавьсан саналыг талархан хүлээ авч, цааш удирдлагадаа уламжлахаа мэдэгдэв. Түүнчлэн Хүүхдийн сан, Монголын хамтын ажиллагааг цаашид өргөжүүлэн бэхжүүлэхийн төлөө хүч чармайлтаа дайчлан ажиллахаа уулзалтын үеэр илэрхийлэв. Сайд Л.Болд Суурин төлөөлөгч Р.Бинэсд ажлын өндөр амжилт хүсээд Монгол Улсын төр, Засгийн газрын байгууллагууд дэмжиж ажиллах болно гэв.өР.Бинэс нь Итали Улсын иргэх бөгөөд манай улсад томилогдохоосоо өмнө Йордан дахь Хүүхдийн сангийн Суурин төлөөлөгчийн газарт Ойрхи дорнод, Хойд Африкийн нийгмийн бодлого хариуцсан бүс нутгийн зөвлөхөөр ажиллаж байжээ. Тэрээр мөн Мексик, Индонез, Сенегал, Итали дахь Хүүхдийн сангийн Суурин төлөөлөгчийн газарт алба хашиж байсан байна.
Цагдаагийн ерөнхий газрын Зохион байгуулалттай гэмт хэрэгтэй тэмцэх газрын Хар тамхи, масууруулах бодистой тэмцэх хэлтсээс хар тамхи хэрэглэдэг, худалдан борлуулдаг гурван залууг өчигдөр саатуулан баривчилжээ.аН, Т, Х нар нь гэртээ хар тамхи, мансууруулах төрлийн 500 грамм бодисыг хадгалж, худалдан борлуулах гэж байгаад үйлдэл дээрээ баригдсан байна. Сэжигтнүүдийг Цагдан хорих 461 дүгээр ангид саатуулан шалгаж эхэлжээ.
Хятадын нэрт жүжигчин Жеки Чаны хүү Жейси Чан өнгөрсөн наймдугаар сард хар тамхи хэрэглэсэн, борлуулсан, хадгалсан хэргээр Бээжингийн цагдаа нарт баригдсан билээ. Тэрбээр Тайванийн жүжигчин Кай Когийн хамтаар цагдаагийнханд баригдсан юм. Энэхүү хэргийн шүүх хуралд энэ сарын 29-нд болно гэж “Синьхуа” агентлаг мэдээллээ..Тэгвэл Жекигийн хүү твиттерийн тусламжтай олон нийтээс уучлалт гуйжээ. Жейси Чан “Намайг уучлаарай. Би маш их харамсч байна. Энэ хэргээс болж аав минь их шаналж байгаа” гэж жиргэсэн тухай “www.dailymail.co.uk” мэдээлэв. Мөн Кай Ко өчигдөр Бээжин хотноо хэвлэлийн хурал зохион байгуулж “Би хар тамхи хэрэглэсэн минь үнэн. Тэгэхдээ борлуулаагүй. Би өөрөөсөө маш их ичиж байна” гэж хэлжээ.
МХЕГ-ын дарга Д.Батмөнх энэ сарын нэгэнд Барилга хот байгуулалтын яаманд “Зуншин” ХХК-ийн тусгай зөвшөөрлийг цуцлах тухай албан шаардлагыг хүргүүлсэн. Энэ дагуу Барилга, хот байгуулалтын сайдын 2013 оны 89 дүгээр тушаалаар томилогдсон “Хот байгуулалтын баримт бичиг, барилга, байгууламжийн зураг төсөл боловсруулах, барилга угсралтын ажил гүйцэтгэх, өргөх байгууламж, түүний эд ангийн үйлдвэрлэл, угсралт, засвар үйлчилгээ эрхлэх тусгай зөвшөөрөл олгох” ажлын хэсгийнхэн хуралджээ. Уг хуралдаанаар барилга угсралтын “Зуншин” ХХК-ийн тусгай зөвшөөрлийг цуцлах эсэх асуудлыг хэлэлцжээ. Ингэхдээ тус компанийн тусгай зөвшөөрлийг МХЕГ-ын дүгнэлт болон цагдаа, шүүхийн байгууллагын шийдвэр гартал гурван сараар түдгэлзүүлсэн байна.
ҮХААЯ, Үр тариа эрхлэгчдийн холбоо, улаан буудай импортлох зөвшөөрөл авсан гурилын үйлдвэрүүд, гурил импортлогч томоохон компаниуд хамтарсан уулзалт хийжээ. Энэ уулзалтаар тариаланчид, гурилын үйлдвэрүүд, яамны хооронд үүсээд байсан зөрчлийг эцэслэн шийдвэрлэсэн байна. Салбарын яамнаас дөрвөн компанид ОХУ-аас 49 мянган тонн буудай импортлох эрхийг өгөөд байсан. Харин энэ нь зарим гурилын үйлдвэр, тариаланчдын эсэргүүцэлтэй тулгарч багагүй асуудлыг үүсгээд байсан юм. Тиймээс гурван талын уулзалт хийж, гадаадаас оруулж ирэх буудайн хэмжээг тодорхой хэмжээгээр багасгаж, хүчингүй болгожээ. Ингэснээр тариаланчид буудайгаа гурилын үйлдвэрүүдэд нийлүүлэх боломж нээгдэж буй юм. Харин буудайн үнийн хувьд гурилын үйлдвэр, тариаланчид хоорондоо тохиролцож шийдвэрлэх аж. Уг асуудалд салбарын яам оролцохгүй гэдгээ албан ёсоор мэдэгджээ.
Ерөнхий сайдын ахлах зөвлөхөөр ажиллаж байсан Л.Гансүхийн цагдан хоригдох хугацааг өнгөрсөн есдүгээр сарын сүүлээр дахин нэг сараар сунгаад буй. Тэрээр уг шийдвэрийг эсэргүүцэж ирэх долоо хонот өлсгөлөн зарлахаар болжээ. Л.Гансүхийг “Нүүрс” хөтөлбөрөөс их хэмжээний мөнгө зувчуулсан байж болзошгүй гэсэн үндэслэлээр шалгаж байгаа билээ.
Ерөнхий сайд Н.Алтанхуяг Засгийн газрын бүтэц бүрэлдэхүүнд өөрчлөлт оруулах тухай хуулийн төслийг УИХ-д өргөн мэдүүлж чуулганаар хэлэлцэн баталсан. Шинэ бүтэц бүхий Засгийн газарт ямар сайдууд орж ажиллах нь тодорхойгүй байгаа юм. Засгийн газрын шинэ сайдуудаар хэн ажиллах нь өнөөдөр тодорхой болох нь. Засгийн газрын шинэ бүрэлдэхүүнийг энэ өдөр УИХ-д өргөн барих юм байна. Зургаан яамыг нэгтгэж гурван яам болгох гэж байгаа билээ. ҮХАА-н сайд Ш.Түвдэндорж, ССАЖ-ын сайд Ц.Оюунгэрэл, ГХ-ны сайд Лу.Болд нарын суудал өөрчлөгдөж магадгүй гэсэн мэдээлэл байна.
Иргэний харъяалал, шилжилт хөдөлгөөний ерөнхий газар нь цахим шинэтгэлийн хүрээнд шилжилт хөдөлгөөний бүртгэл, хяналтын мэдээллийн нэгдсэн систем байгуулах зорилгоор “Э-иммигрэйшн” төслийг эхлүүлээд буй. Төслийн хүрээнд олон улсын түвшинд хүрсэн техник технологи ашиглаж улсын хилээр зорчигч, тээврийн хэрэгслийг нэвтрүүлэх, улмаар гадаадын иргэд цахимаар визийн хүсэлт гаргаж, хариуг онлайнаар авах боломж бүрдүүлэх юм байна. Өнгөрсөн дөрөвдүгээр сарын 14-ний өдрөөс Өмнөговь аймгийн Гашуунсухайт боомтоор нүүрс тээврийн үйлчилгээнд явж байгаа жолооч нарыг хурууны хээгээр хил нэвтрүүлж эхэлсэн. Тус программ ашиглалтад орсноор жолооч нар машинаасаа буухгүйгээр 20-30 секундын дотор хурууны хээгээ таниулан хил нэвтрэх болсон. Зөвхөн нүүрс тээврийн жолооч нарыг хурууны хээгээр хил нэвтрүүлээд зогсохгүй Буянт-Ухаа, Замын-Үүд зэрэг томоохон боомтоор үйлчлүүлж буй Монгол Улсын иргэдийг хурууны хээгээр хил нэвтрүүлэх гэж байна.
“Өдрийн сонин”-ы Вашингтон дахь тусгай сурвалжлагч М.САРУУЛ-ЭРДЭНЭ
Үндэс язгуур, хэл соёлоо
Үрийн үрдээ өвлөн бадраая
“Монгол Улсын
Төрийн дуулал”-аас
Социализмын үед нэг ийм онигоо байсан юм.ТАСС мэдээлж байна гэнэ. “АНУ нь манай ЗХУ-ын дотоод хэрэгт бүх дэлхий даяар оролцож байна” гэж. “Дотоод хэрэг” гэсэн атлаа “бүх дэлхий даяар” гэж буй нь хачирхалтай учраас онигоо болжээ. Үнэн хэрэгтээ бол энэ хоёр их гүрний “дотоод хэрэг” гээч нь “дэлхий даяар” оршиж байдгийг цаагуураа айхтар хэлж байгаа хэрэг л дээ. Даяаршлын өнөө үед их бага гэлтгүй, дэлхийн бүхий л улс орнуудын “эрх ашиг” дэлхий даяар тархаж байна.
Бас нэг мэдээ сонирхуулъя.Орос-Украйны асуудал хурцдахад АНУ болон Барууны бусад улсаас хавьгүй түрүүнд, хамгийн хатуу хоригийг Оросын талд тавьсан улс Канад байлаа. Яагаад тийм болсныг судлаад үзвэл украйнчууд Канад улсад 1890-ээд оноос хойш олноороо цагаачлан очиж, суурьшсан бөгөөд Дэлхийн нэг, хоёрдугаар дайны үеийн хоёр том давалгаагаар нэн олноороо дүрвэн, очиж өдгөө тэдний үр хүүхэд нэгд, украйн хэл соёл, үндэс угсаагаа мартаагүй, хоёрт, тэр том гүрний гадаад бодлогод нөлөөлөх хэмжээнд хүрчихсэн нь тэр аж.
Үүний адилаар монголчууд ч гадаадын улс орнуудад олон цөөнөөр оршин суух боллоо.Бид дэлхийн бүх тивд хөл тавьж, байгаа байгаа газраа улс орноо сурталчлах, эрх ашгаа ойлгуулах хэмжээнд нэгэнт хүрчээ. Үнэндээ бол монгол хүн байгаа газар бүрт Монголын эрх ашиг буй хэмээн ойлгож болно.
Эхний үеийн цагаачид ямагт амьдралын хатуу хүтүүг үүрэн, ихэвчлэн үр хүүхдийнхээ төлөө хөдөлмөрлөдөг бол тэдний үр хүүхэд буюу хоёр, гурав дахь үеийнхэн тухайн улсын иргэдийн хүүхэдтэй адил нөхцөлд сурч хүмүүжин, ижил гараанаас эхэлдэг тул, бас эцэг эхийнхээ хөдөлмөрийн үнэ цэнийг харж мэдэрдэг тул илүү хол явж, амжилтад хүрэх магадлал өндөртэй байдаг аж. Тиймээс гадаад дахь монголчуудын үр хүүхдээс шинжлэх ухаан, урлаг соёлын алдартнууд, улс төрийн зүтгэлтнүүд төрөх нь тодорхой, тухайн байгаа улсынхаа бодлогыг тодорхойлогчид болох нь ч тодорхой, харин гагцхүү тэр цагт тэр ХҮН монгол хэл соёлоосоо огт харь хөндий хүн болсон байх уу, 100 жилийн өмнө Канадад очсон украйнчуудын адил Украйн улсаа хэмээн харсаар суудаг ХҮН байх уу гэдэг өнөөдөр та биднээс, эцэг эхчүүдээс, төр засгаас шалтгаалах амин чухал асуудал болоод байна.
ГАДААД ДАХЬ МОНГОЛ СУРГУУЛЬ, СОЁЛЫН ТӨВҮҮДИЙН БАЙДАЛ
Монголчууд гадаадад олноор гарч, сурч хөдөлмөрлөх болсон 1999-ээд оны үед ихэнх хүн хувийн амьдрал сэлтээ зохицуулах зэрэгт гол анхаарлаа хандуулан, үр хүүхдийнхээ монгол хэл соёлын талаар бага анхаарсан дутагдал түгээмэл байна. Харин 2000 он гарснаас хойш, нэгд олон ч хүн “Биеэ засаад гэрээ зас” хэмээдгийн үлгэрээр “бие, гэрээ засан”, товхиносон, хоёрт, хүүхдүүд нь монгол хэлээ илт мартан, санаа зовоох хэмжээнд хүрч байгаа нь тодорхой болж эхэлсэн, ийм хоёр шалтгааны үүднээс санаачилга сайтай эцэг эхчүүд, Монголдоо сурган хүмүүжүүлэх ажил эрхэлж байсан багш нар хувиараа болон хэсэг бүлгээрээ нийлж хүүхдэд монгол хэлний хичээл заах, улмаар сургууль, соёлын төв болон өргөжих хөдөлгөөн өрнөжээ. Энд нэг зүйлийг дурдахад энэ бүх сургууль, төвүүд санаачилга сайтай иргэдийн идэвх зүтгэлийн хүч юм.
Өдгөө АНУ-ын Вашингтон, Чикаго (3 сургууль), Дэнвэр (2), Сан-Франсиско (3), Лос-Анжелос, Сакраменто хотуудад, ХБНГУ-ын Штуттгарт, Мюнхень, Нюрнберг, Дюссельдорф, Берлин, Их Британийн Лондон, Нотингхэм, Австрийн Вена, Швед улсад (Монгол сургууль байхгүй, гэвч монгол хэлний сургалт буй) БНСУ, Бельги улсад тус тус Монгол сургууль, Соёлын төв албан ёсоор байгуулагдан, монгол хэлний сургалт явуулж байна.
Эдгээр сургуулийн үйл ажиллагааг харахад дараах адил, нэгдмэл тал буй. Үүнд:
1. Бүгд идэвх бүхий хувь хүмүүс, багш нарын санаачилгаар байгуулагдсан. Монгол Улсаас ямар нэг тэтгэлэг, дэмжлэг аваагүй байна. Зарим сургуулийн хувьд тухайн улсад суугаа Элчин сайдын яамд байр танхимаар тусалсан тохиолдол байна.
2. Нэгэнт улсаас санхүүждэггүй тул сурагчдын төлбөр, эцэг эхчүүдийн хандив зэргээр үйл ажиллагаагаа явуулж, анги танхимынхаа түрээс зэргийг төлдөг байна.
3. Багш нар нь Монголдоо хэл уран зохиол болон бусад хичээл зааж байсан, зохих сургууль төгссөн, мэргэжлийн багш нар байна.
4. Ихэвчлэн Бямба гаригуудад, 2-4 цагаар хичээллэдэг.
БАГШ НАРЫН
ТАВЬЖ БУЙ САНАЛ
Гадаадад монгол хэлээ зааж буй багш нар Нүүр номын бүлэг-чаат үүсгэн ярилцаж, тохиолдож буй бэрхшээл, даван гарах арга зам, төр засагт хийгээд нэг нэгэндээ хандан тавих санал зэргээ ярилцаж байна. Тэнд ирсэн саналуудыг багцалбал:
Бодлого, төсөв: Дани, Солонгос, Хятад, Польш, Латви гээд маш олон улс гадаадад гарсан иргэдийнхээ хэл соёлыг хадгалах талаар тодорхой бодлого явуулдаг, төсөв гаргадаг, үүний үр дүнд тухайн улсын иргэд ямар ч улсад хэдэн үеэрээ ч амьдарсан хэл соёлоо мартддаггүй байна. Энэ туршлагыг хэрэгжүүлэн холбогдох яамдын дэргэд гадаад дахь монгол иргэдийн хэл соёлын асуудалд зориулсан тусгай алба, төсөв буй болгох шаардлагатай байна.
Хөтөлбөр, стандарт: Холбогдох яамд, ажлын албанаас гадаад дахь туршлагатай монгол хэлний багш нартайгаа хамтран хамгийн түрүүнд хийх ажил бол “Гадаад дахь хүүхдүүдийн монгол хэлний хичээлийн хөтөлбөр, мэдлэг чадварын стандарт”-ыг нас насны ангилалтайгаар боловсруулах шаардлагатай байна. Хөтөлбөрийг боловсруулахдаа долоо хоногт 2-4 цаг л танхимд сурах боломжтойг, харь улсад сурч амьдарч буйг, бусад олон хүчийн зүйлийг харгалзан үзүүштэй ийм хөтөлбөр, стандарт буй болсноор багш нар юу заах, сурах бичгээ хэрхэн боловсруулах зэрэг чиглэл тодорхой болох юм.
Сурах бичиг, сургалтын материал: Боловсруулсан хөтөлбөртөө зохицсон “Сурах бичиг”-ийг нас насны ангиллаар зохион боловсруулах хэрэгтэй. Монгол Улсад сурах бичиг хийдэг, туршлагатай сурган хүмүүжүүлэгчид олон боловч гадаад дахь хүүхдийн хэл яриа, орчны онцлог их өөр тул эдгээр сурах бичгийг боловсруулах багт гадаадад монгол хэлээ зааж буй багш нар, ялангуяа урьд нь “Цагаан толгой”, “Сурах бичиг” зэргийг зохиож байсан туршлагатай багш нарыг татан оролцуулах хэрэгтэй.
Онлайн хичээл, материал: Монгол хэл соёлын хичээлийн цөм нь гадаад дахь монгол сургуулиуд байх нь тодорхой боловч Монгол сургууль байгуулах боломжгүй газрууд, өөрөөр хэлбэл монголчууд цөөнөөрөө оршин суудаг улс, хотууд маш олон байдгийг бид ойлгох ёстой. Тиймээс өмнө дурдсан хөтөлбөр, сурах бичиг зэргийн онлайн хувилбарыг боловсруулж, монгол хүн бүр оршин сууж байгаа газраасаа үл хамааран хичээвэл, хүсвэл сурах боломж нь, хичээл нь интэрнэтэд байдаг болох ёстой. Энэ нь зөвхөн монгол хэл төдийгүй, морин хуур, хөөмий болон бусад урлаг соёлын хичээлүүдэд ч хамаатай.
Хурал, зөвлөгөөн, мэргэжил дээшлүүлэх сургалт: Гадаадад монгол хэл зааж буй багш нарын тусгай хурал, зөвлөгөөнийг жил тутам хийдэг байх.Ийм зөвлөгөөнд холбогдох яамдын түшмэд, заах аргачид оролцдог байх нь туршлага солилцоход нэн хэрэгтэй байна.АНУ, Европод ээлжлэн жил тутам зохион байгуулах нь тохиромжтой.
Мөн гадаадад хичээл зааж байгаа багш нартаа шинэ мэдээ мэдээлэл өгөх, орчин цагийн монгол хэлний журамлах хэлзүйн холбогдолтой сургалт зэргийг таниулах зорилгоор хэл шинжлэл, утга зохиолын мэргэжилтнүүдийн сургалт семинарыг тогтмол зохион байгуулах хэрэгтэй.
Багш нарын нийгмийн асуудал: Гадаадад олон жил монгол хэлээ заасан багш нарын нийгмийн асуудлыг яаралтай шийдэх хэрэгтэй байна. Нийгмийн даатгалд хамрагддаггүй учраас багш нар хэчнээн олон жил, нутгаасаа хол ачаалал ихтэй, хүнд ажил эрхэлж байгаа боловч тэтгэвэр тогтоолгож чадахгүйд хүрэх аюул өнөө маргаашгүй тулгарна. Үүнийг Боловсролын болон Нийгмийн даатгалын тухай хуульд заалт болгон оруулах хэрэгтэй.
БНСУ-ЫН ТУРШЛАГААС
Манай төр засгийн түшмэд,, бодлого боловсруулагчид хэрэг болуужин хэмээн Солонгос улсаас АНУ-д болон гадаадад суугаа иргэдийнхээ хэл соёлын талаар явуулдаг бодлоо, зарим арга хэмжээний туршлагаас хуваалцъя.
Анх АНУ-д Солонгос сургууль 1906 онд байгуулагджээ. Ингээд 100 илүү жилийн дараа буюу өнөөдөр гэхэд АНУ-д нийтдээ 1200 Солонгос сургууль ажиллаж, 60 мянган хүүхдэд хичээл зааж байна. Хичээлийн дараа болон сайн өдрүүдээр хичээллэдэг. Ихэнх сургууль нь Христийн сүмийн дэргэд үйл ажиллагаагаа явуулдаг, учир нь АНУ дахь нийт Солонгос цагаачдын 75 хувь нь Христийн сүмд явдаг гэсэн тооцоо бий.
Эдгээр сургуулийн үйл ажиллагааг дэмжин, чиглүүлж өгдөг улсын санхүүжилттэй хоёр байгууллага буй. Үүнд
NAKS – National Association for Korean Schools буюу Солонгос Сургуулиудын Үндэсний Холбоо
KSAA – Korean School Association in America буюу Америк дахь Солонгос Сургуулиудын Холбоо
NAKS нь 1981 онд Вашингтон хотноо байгуулагдсан, эгнээндээ 14 өөр улс дахь Солонгос сургуулийн Зөвлөлийг багтаасан, 1000 гаруй Солонгос сургуулийг эгнээндээ нэгтгэсэн байгууллага юм. Гол үйл ажиллагаа нь:
Жил тутмын хурал: Солонгос боловсрол сэтгүүл, солонгос хэлний SAT II сурах бичиг, солонгос хэлний хичээлийн хөтөлбөр, SAT II солонгос хэлний шалгалт.
KSAA нь 1982 онд байгуулагдсан, 182 Солонгос сургуульд ажиллаж буй 1839 багш, 14435 сурагчийг хариуцсан байгууллага юм.
Гол үйл ажиллагаа нь: Хичээлийн хөтөлбөр боловсруулах, багш нарын мэргэжил дээшлүүлэх сургалт, солонгос хэлээр үлгэр домог ярих тэмцээн, солонгос бичгийн тэмцээн, Han-Eol хэмээх сэтгүүл, SAT II -т бэлдэх шалгалт (жинхэнэ шалгалтыг нь NAKS авдаг)
Энд нэг зүйлийг онцлон хэлэхэд, манай багш нарын дурдаагүй нэг чухал санаа бол шалгалт байна. Үнэхээр сургуулиуд хэр чанартай ажиллаж байгааг, хүүхдүүд хэлээ хэр сурч байгааг тогтоох шалгуур байх ёстой юм.
Мөн БНСУ-ын Боловсролын Яамны “Гадаад дахь Солонгосчуудад зориулсан тэтгэлэг” хэмээх хөтөлбөрийг товч танилцуулах нь зүйтэй гэж үзэж байна.Гадаад улс орнуудад амжилттай ажиллаж, суралцаж буй солонгосчуудаа олж таних, тэднийг солонгос эх нутагтай нь холбох, хэл соёлыг нь заах, сайжруулах, ирээдүйд боловсрол мэдлэгийг нь Солонгос улстаа зориулах зорилготой хөтөлбөр юм байна. Зөвхөн хүүхдүүд төдийгүй үр бүтээлтэй ажиллаж буй насанд хүрэгчдийг Солонгосын их дээд сургуулиудад авчран, мастер, докторын сургалтад хамруулна. Гурван шатны сургалт буй. Үүнд:
Сурагчдад зориулсан зуны, намрын, өвлийн гэсэн хэлний курс
25 хүртэлх насныханд зориулсан бакалаврын сургалт
40 хүртэлх насныханд зориулсан мастер, докторын сургалт.
Жилд бакалавртаа 40, мастер, докторын сургалтдаа 40 хүнийг сонгон, тэтгэлгээ олгоно. Тэтгэлэгт сургалтын төлбөр, бүх ном хэрэглэгдэхүүний үнэ, сарын 900 воны стипенд, даатгал, ирэх буцах онгоцны зардал орно. Сургалтын төлбөрийн хувьд тус хөтөлбөрт багтсан гадаадын Солонгос хүнийг их дээд сургуулиуд нь төлбөрөөөс чөлөөлөх гэрээг Боловсролын яамнаас сургуулиудтайгаа хийсэн байдаг аж.