“Өдрийн сонин”-ы дөрөвдүгээр улирлын захиалга амжилттай явагдсан билээ. Аравдугаар сарын 31-нийг хүртэл “Монгол шуудан”, “Улаанбаатар”, “Скай”, “Түгээмэл шуурхай” шуудангийн салбаруудаар нэмэлт захиалга үргэлжлэн явагдахыг уншигч та бүхэнд дуулгая.
Сонин захиалахын тулд та бүхэн доорх хүснэгтэд буй утсаар холбогдоорой.Мөн 9911-2954, 8811-1375 дугааруудад хандан дэлгэрэнгүй мэдээллийг лавлана уу.
Мэргэжлийн хяналтын ерөнхий газрын даргын зөвлөлийн өнөөдрийн хуралдаанаар “Оргил рашаан сувилал” төрийн өмчит хувьцаат компанид хийсэн санхүүгийн шалгалтын тайланг мэдээлэв. Шалгалтаар хэд хэдэн ноцтой зөрчил илэрсэн байна. Тодруулбал, тус компанин нь төлөөлөн удирдах зөвлөлийн гишүүддээ хууль бусаар 20.5 сая төгрөгийн урамшуулал, томилолтын мөнгө олгосон байж. Мөн хуулийн фермтэй хамтран ажиллаж, сар бүр нэг сая төгрөг шилжүүлдэг байсан аж. Түүнчлэн тендер, сонгон шалгаруулалт явуулалгүйгээр компанидаа хүнсний бүтээгдэхүүн, тоног төхөөрөмж худалдан авч байсан зэрэг зөрчил илэрчээ. Тиймээс МХЕГ-ын улсын байцаагчид акт тогтоон, зөрчлөө арилгах албан шаардлагыг “Оргил рашаан сувилал” –д хүргүүлээд байгаа юм байна.
Монгол Улсын Үндсэн хуулийн цэцийн дарга, академич Ж.Амарсанаа тэргүүтэй төлөөлөгчид БНСУ-ын Сөүл хотноо саяхан болсон “Үндсэн хуулийн шүүх эрх мэдлийн асуудлаархи Дэлхийн Бага хурал”-ын 3 дугаар Их хуралд оролцов.
Дэлхийн 92 орны Үндсэн хуулийн шүүхийн Ерөнхийлөгч, Дээд шүүхийн Тэргүүн шүүгч, шүүгчид болон олон улсын нэр хүндтэй байгууллагыннийт 300 гаруй төлөөлөгчид оролцсон энэхүү Их хурлыг Европын Зөвлөлийн Венецийн комисс, БНСУ-ын Үндсэн хуулийн шүүх хамтран “Үндсэн хуулийн шүүх ба нийгмийн интеграцчлал” сэдвийн дор зохион байгууллаа.
Манай төлөөлөгчид Үндсэн хуулийн шүүх, түүнтэй адилтгах байгууллагын Азийн нийгэмлэгийн салбар хурлын үйл ажиллагаанд оролцов. Их хурлын үеэр БНСУ-ын Үндсэн хуулийн шүүхийн Ерөнхийлөгч ноён Парк, Хан–Чулын тавьсан Азийн хүний эрхийн комисс байгуулах тухай саналыг Монгол Улсын Үндсэн хуулийн цэц дэмжиж байгаагаа илэрхийлэв.
Монгол Улсын Үндсэн хуулийн цэцийн дарга Ж.Амарсанаа БНСУ-ын Үндсэн хуулийн шүүхийн дэргэдэх Үндсэн хуулийн судалгааны хүрээлэнгийн Ерөнхийлөгч ноён Ким Мүн-Хуньтай уулзаж, энэ оны 11 дүгээр сард тус хүрээлэнгээс зохион байгуулах сургалтад Үндсэн хуулийн цэцийн Тамгын газрын ажилтнуудыг оролцуулахаар тохиролцлоо.
Монгол Улсын Үндсэн хуулийн цэцийн дарга, академич Ж.Амарсанаа Солонгосын KBS телевиз болон “The Hankyoreh” сонинд тус тус уригдан Монгол Улсын шүүхийн тогтолцоо, Үндсэн хуулийн цэц, түүний үйл ажиллагааны талаар дэлгэрэнгүй ярилцлага өгөв.
“Үндсэн хуулийн шүүхүүдийн Дэлхийн Бага хурал”-ын 3 дугаар Их хурлын үеэр Үндсэн хуулийн цэцийн дарга, академич Ж.Амарсанаа ОХУ, Словак, Тайланд, Норвег, Турк, Украйн, Армен, Киргиз, Молдав, Бангладеш зэрэг орны Үндсэн хуулийн шүүхийн Ерөнхийлөгч, Дээд шүүхийн Тэргүүн шүүгчтэй тус тус уулзаж, зарим орны Үндсэн хуулийн шүүхтэй хамтын ажиллагааны санамж бичиг байгуулахаар тохиролцов.
Мөн тэрээр 3 дугаар их хуралд оролцогчдод зориулан БНСУ-ын Ерөнхий сайд эрхэмсэг ноён Чунг Хонгвоны барьсан хүлээн авалт дээр хуралд оролцогчдыг төлөөлөн үг хэлсэн байнагэж Үндсэн хуулийн цэцийн хэвлэл, мэдээллийн төлөөлөгч мэдээлэв.
CRIRSCO буюу олон улсын нөөцийн стандартын хорооны ерөнхийлөгч Т.Эдмундо, Монголын геологи, уул уурхайн мэргэжлийн институтийн ерөнхийлөгч Д.Дамба нар Монгол Улсыг CRIRSCO- гийн гишүүн байгууллагаар элсэн оруулах тухай баримт бичигт гарын үсэг зурлаа. Уг байгууллагад Монгол Улсыг төлөөлж Монголын геологи, уул уурхайн мэргэжлийн институтийн гүйцэтгэх захирал Б.Оюунгэрэл, УУЯ-ны сайдын зөвлөх Д.Бат-Эрдэнэ нарыг гишүүнээр ажиллахыг санал тавьсаныг хүлээн зөвшөөрлөө. Манай улсын хувьд CRIRSCO 8 дахь гишүүн улс болж байгаа юм. ө CRIRSCO нь ашигт малтмалын нөөцийг тайлагнах ажлын олон улсын стандартын хороодын үйл ажиллагааг уялдуулан зохицуулах зорилгоор 1994 онд байгуулагдсан олон улсын байгууллага бөгөөд бүрэлдэхүүнд нь Австралийн JORC, Канадын CIM, Өмнөд Африкийн SAMREC, АНУ-ын SME, Чилийн Comision Minera, Европын PERC, ОХУ-ын НАЭН код хамаардаг. Тус байгууллагад Монгол Улс гишүүнээр элсэн орсноор Монгол орны ашигт малтмалын ордуудын нөөцийн тайлагнах асуудлыг олон улсын хэмжээнд нээлттэй болгож гаднын хөрөнгө оруулалтыг татах таатай нөхцөл бүрдэж байна. Мөн Монгол Улсын үндэсний геологи, уул уурхайн салбарын мэргэшсэн, итгэмжлэгдсэн шинжээчид дэлхийн түвшинд оюун ухаанаа уралдуулах боломж нээгдэж байна.
НҮБ-ын Хүнс, хөдөө аж ахуйн байгууллага 69 жилийн тэртээ 1945 оны 10 дугаар сарын 16–нд анхны хурлаа хийж үүсэн байгуулагдсан түүхэн өдрийг 1981 оноос “Дэлхийн хүнсний өдөр” болгон дэлхий дахинд тэмдэглэн өнгөрүүлэх болсноос хойш өдгөө 33 жилийн нүүрийг үзэж байна.
Жил бүр энэхүү өдрийг өлсгөлөн, ядуурал, хоол тэжээлийн дутагдал, хомсдлыг бууруулах, хүнсний баталгаат болон аюулгүй байдлыг хангахад чиглэсэн онцлох сэдвийн хүрээнд тухайн сэдэвт төр, олон нийт, хамтын нөхөрлөлийн анхаарлыг хандуулах зорилго агуулан тэмдэглэн өнгөрүүлдэг.
НҮБ-ын Ерөнхий Ассамблейгаас 2014 оныг “Өрхийн аж ахуйн олон улсын жил” хэмээн зарлан тунхагласантай холбогдуулан энэ оны дэлхийн хүнсний өдрийг “Өрхийн аж ахуй нь: Эх дэлхийг тэжээж, шим ертөнцийг тэтгэнэ” гэсэн уриан дорд элхий дахинаа тэмдэглэн өнгөрүүлэх юм. Хөгжингүй болон хөгжиж буй орнуудын хөдөө аж ахуйн үйлдвэрлэл голчлон өрхийн аж ахуйдад түшиглэн явагддаг. Дэлхий дахинд одоогоор хөдөө аж ахуйн үйлдвэрлэл эрхэлдэг 570 сая аж ахуй байгаагийн 500 сая нь өрхийн аж ахуйн хэлбэрээр үйл ажиллагаа явуулдаг байна. Тэд хойд болон төв Америк тивийн хөдөө аж ахуйн эдэлбэр газрын 83 хувийг, Европ тивийн 68 хувийг, Ази тивийн 85 хувийг, Африк тивийн 62 хувийг, Өмнөд Америкийн 18 хувийг тус тус эзлэх талбайд үйлдвэрлэл эрхэлж, дэлхийн хүн амын хүнсний хэрэгцээний 80 гаруй хувийг үйлдвэрлэж байна. 2013 оны статистикийн мэдээгээр Монгол улсад 145.3 мянган малчин өрх нийт мал сүргийн 87.2 хувьтай тэнцэх мал сүргийг уламжлалт өрхийн аж ахуйн хэлбэрээр адгуулан маллаж, мал аж ахуйн гаралтай хүнс үйлдвэрлэлд хувь нэмрээ оруулж байна. Газар тариалангийн салбарт 34.5 мянган өрхийн тариалан эрхлэгчид 191.6 мян.тон төмс, 101.8 мян.тон хүнсний ногоо хураан авч хүн амыг газар тариалангийн бүтээгдэхүүн ялангуяа төмс, хүнсний ногоогоор хангахад үнэлж байршгүй хувь нэмэр оруулж байгаа юм. Манай улсад “Өрхийн аж ахуй нь: Эх дэлхийг тэжээж, шим ертөнцийг тэтгэнэ” гэсэн уриан дор тэмдэглэх 2014 оны дэлхийн хүнсний өдрийг НҮБ-ын ХХААБ-ын Монгол улс дахь суурин төлөөлөгчийн газар, ҮХААЯ, Монголын хөдөө аж ахуйн хоршоологчдийн үндэсний холбоо хамтран зохион байгуулж байна. Энэхүү өдрийг тэмдэглэн өнгөрүүлэх ажлын хүрээнд 10 дугаар сарын 15-ны өдөр ҮХААЯ-нд хэвлэлийн бага хурал, 10 дугаар сарын 16-ны өдөр ҮХААЯ болон МХААХҮХ-ны хурлын танхимд “Өрхийн аж ахуйг дэмжих талаар баримталж буй төрийн бодлого” семинар, “Өрхийн бүтээгдэхүүн” үзэсгэлэн, “Өрхийн аж ахуйг хөгжүүлэхэд анхаарах асуудлууд” сэдэвт нээлттэй хэлэлцүүлэг, 2014 оны 10 дугаар сарын 20-ны өдөр ХААИС-ийн Мал аж ахуй, биотехнологийн сургууль дээр оюутны эрдэм шинжилгээний бага хурал, дайвар бүтээгдэхүүний үзэсгэлэн зэргийг зохион байгуулагдана.
Зураач Ш.Тэнгисболдтой ярилцлаа.
–Монголын Уран зургийн галерейн сан хөмрөгт хадгалагдаж байдаг “Их хөлгөн туульс” чинь ч үнэхээр сайхан бүтээл шүү. Та энэ зургаа бүтээсэн түүхээсээ хуучлаач?
-Үнэндээ бол наад бүтээлийн тухай сэдэв чинь хүмүүст нэг их шинэлэг сонстохгүй л байх аа даа. “Их хөлгөн туульс” чинь зотон, тосоор хийгдсэн зураг л даа. 1988 онд мөнгөний ханш чанга байхад найман мянган төгрөгөөр улсад зарагдсан бүтээл. Тухайн үедээ модерн маягаар зурагдсан, шинэлэг гэгдэж л байсан. Хамгийн өндөр үнэлэгдсэн зургийг л 4500 төгрөгөөр улсын сан хөмрөгт худалдаж авдаг байсан үе шүү дээ. Ер нь өмнө нь морин хуурын сэдэв бүхий “Өвгөн хуурч” зэрэг ганц нэг бүтээл байсан л даа. Би урлаг судлаач, яруу найрагч Жамцын Бадраа гуайтай нэлээд ойр харьцаатай байсан хүн. Бадраа гуай хөгжмийн атлас бичиж, би зургийг нь зурах болсон юм. Тэр хүн надад морин хуурын талаар маш их ярьдаг байсан. Эндээс л гол санаа нь төрсөн дөө. Морин хуур бол нумнаас төрсөн хөгжим гэж надад ярьдаг байсан нь санаанд үлдэж. Харин “Их хөлгөн туульс”-ын хувьд үзсэн хүмүүс “Харах бүрт л аяндаа хуур эгшиглэж байгаа юм шиг болж” гэж урам хайрлаж байсан тохиол цөөнгүй.
–Та “Их хөлгөн туульс“-аа адууны гавал толгойтой, чонон толгойтой гээд олон янзаар хувилж зуржээ?
-Хэдэн хувь, хэдэн янзаар зурах нь миний хэрэг юм. Клод Мане гэхэд нэг зургаа 300-400 удаа зурж л байсан шүү дээ.
–Манжийн дарлалын эсрэг амь насаа ч хайрлалгүй тэмцсэн Монголын ард түмний зоригт хөвгүүн, Хотгойдын Чингүнжавын хөшөөг та хийсэн дээ?
-Ард түмэн, эх орон, эрх чөлөөний төлөө тууш-тай тэмцэгч Шадар ван Чингүнжавын хөшөөг Баянгол дүүргийн XIX хорооны Чингүнжавын өргөн чөлөөнд одоогоос хэдэн жилийн өмнө миний эх загварын дагуу “Монгол уран цутгуур” компани цутгаж бүтээсэн. Шадар ван хуяг дуулгаа асаан, дайн тулааны догшин хар тугаа зүүн гартаа атгаж, сэлэм, нум, сумаа агсан, хилэн хар морьтойгоо дүүлэн давхиж буйгаар дүрсэлсэн ухаантай. Суурьтайгаа арван метр өндөр хүрлээр цутгаж хийсэн хөшөө шүү дээ. Хатан зоригт Чингүнжав бол Чингис хааны алтан ураг Гэрсэнз Жалайр хунтайжийн арав дахь үеийн ач хөвүүн болон 1710 онд одоогийн Хөвсгөл аймгийн нутагт Хотгойдын засаг ноён бэйл Бандийн ууган хүү болон мэндэлсэн эх оронч. Манжийн дарангуйллыг эсэргүүцсэн бослогыг удирдаж, 1756 онд Манжийн цэрэгтэй хийсэн хүч тэнцвэргүй тулаанд дийлдэж ухарсаар Орос, Монголын хилийн зааг дээр баригдаж, улмаар хэрцгийгээр тамлагдан амь насаа алдсан гунигт хувь тавилантай баатар. Энэ хүн хэдийгээр эх нутгийнхаа төлөө үр хүүхэд, эмгэн буурал ээжийнхээ хамт цаазлуулсан ч Монгол түмний сэтгэл зүрхэнд үеийн үед мөнхөрсөн гайхамшигт гавьяатай. Тиймээс “Төр, үр хоёр минь мөнх оршиг” гэсэн алдарт үгийг нь хөшөөний сууринаа сийлж мөнхөлсөн дөө.
–Таны баримлын урланд “Үндсэн хууль“-ийн загалмайлсан эцэг хэмээгддэг нэрт хуульч Б.Чимэд агсны хөшөөний загварууд харагдсан. Та хөшөөг нь хийж байгаа юм уу?
-Чимэд гуайг 1990 оноос мэдэх хүн. “Үндсэн хууль” батлах үед Их хурлын төсөлд ажиллаж байсан. Миний зурсан цагаан шонхор төрийн сүлдэнд өрсөлдөж байсан үе л дээ. Хүүхдүүдтэй нь ч ойр дотно явдаг. Алтан өлгийд оршуулах үед нь бунхны нь ч хийсэн. Тэгээд л тэр их хүний гэгээн дурсгалыг мөнхжүүлэх үүднээс хөшөөнийх нь эх загварыг гаргаад байна.
–Өндөр гэгээн Занабазарын хөшөөний эх загвар байна. Энэ хөшөө хаана босох бол?
-Хөшөөний шавыг Гандантэгчинлэн хийдийн урд босгохоор аль эрт шавыг нь тавьчихсан байгаа ш дээ. Социализмын үеэс л төлөвлөгдсөөр өдий хүрсэн, үйл ажил л болохгүй байгаа болохоос. Төрийн шагналт зохиолч Дарамын Батбаяр, Гандангийн хамба лам Д.Чойжамц, ардын зураач Цүлтэм, доктор Ишжамц, түвдэч Р.Отгонбаяр гуай бид нар сан байгуулах гэж нэвтрүүлэг хүртэл хийж байсан. Тэр үед ирсэн зургаан зуу гаруй захидал Д.Батбаяр гуайд одоо ч байх ёстой. Өндөр Богдын хөшөөг босгохыг зууны наян хувь нь дэмжиж байсан. Өндөр Богдыг би яагаад биширч шүтдэг вэ гэвэл тэр их хүний бүтээл туурвил бол ур хийцээрээ Монголд байтугай дэлхийд хосгүй зүйл байдаг. Тэрнээс гадна тэр их хүмүүний бүтээсэн соёмбо төрийн сүлдэнд мөнхөрсөн. “Дэлхийн туг сүлдийн түүх” хэмээх АНУ-аас хэвлүүлсэн атлас номонд “Хамгийн сонирхолтой сүлдтэй улс” гэж Монгол Улсыг онцолсон байдаг юм. Дөрвөн хуруу зузаан тэр том атласын хавтсыг эзэн Богд Чингэс хааны маань цагаан шонхор шувуун сүлдээр чимсэн байдаг юм.
–Төрийн шагналт зураач Ойдов гуайн зурсан өнөөгийн төрийн сүлдийг модон морь энэ тэр гээд нэг хэсэг шүүмжилж байсан. Таны зурсан цагаан шонхор бүтээл шалгарсан бол энгэртээ шууд л төрийн шагналын тэмдэг зүүх байж гэж харамсдаг уу, та?
-Ойдовын бүтээлийн тухайд би шүүмжилж чадахгүй. Одоогийн сүлдийг шүүдэг хүн нь би биш. Надад тийм эрх ч байхгүй. Уран бүтээлийн өрсөлдөгчөө муулах муухай.
–Монгол Улсын Ерөнхийлөгч шонхор шувууг “Төрийн бахархалт шувуу“-гаар зарласан. цагаан шонхороор сүлдээ хийчихэж болдоггүй юм байх даа?
-Шонхорын тухай нэг баримтат киног нэг хүү хийсэн байгаа. “Монголын нууц товчоон”-д Хиад боржигоны сүлд, Дэй сэцний зүүд энэ тэр гээд цагаан шонхорын тухай арваад удаа дурдсан байдаг. Зурагт, энтертайнмент мэдээлэлгүй дундад зууны үед хээр гадаа явж байгаа хүнд тэнгэрт нисэж яваа шувуу шиг тийм гайхамшиг хэн ч бодвоос байхгүй шүү дээ. Шонхор шувуу тагтаа шиг жижигхэн шувуу мөртлөө ямар зоригтой, хурдан шаламгай, хоромхон зуурын дотор тэнгэрт цэг шиг шунган алга болж байгааг шүтэн биширч байсан нь лавтай. Тэрнээс эдэлж хэрэглэдэг адуу морио шүтээд байгаагүй л байхгүй юу. Шонхорыг эцэг дээдсийн сүнс сүлд гэж итгэж ирсэн нь ч үүнтэй холбоотой. Эзэн Чингэсийн шүтэж явсан сүлд юм чинь цагаан шонхорыг төрийн бахархалт шувуу болгохоос ч аргагүй юм.
–Таны цагаан шонхор яаж яваад цагдаагийн байгууллагын сүлд болчихов?
-Пүрэв генералын үед болсон. Их хурал дээр төрийн сүлдээр батлагдахгүй болонгуут л надад санал тавьсан. Пүрэв генерал, хөдөлмөрийн баатар Л.Түдэв гуай нар их дэмжиж байсан юм.
–Та “Их хөлгөн туульс“-аасаа өөр ямар бүтээлийг боломжийн болсон гэж үнэлж явдаг бол?
-Миний анд, төрийн шагналт хөгжмийн зохиолч Х.Билэгжаргал агсан “Хүний хийсэн болгон мундаг болно гэж байхгүй. Надад “Ламбугайн нулимс” дуурь, Бавуугийн Лхагвасүрэнд “Боржигоны бор тал” гэж нэг шүлэг, чамд нэг сохор өвгөн байна. Эдгээр чинь л бусад бүтээлээ тодорхойлж явна” гэдэг байсан.
–Та сүүлийн үед ямар бүтээл туурвиж байна даа?
-Цагийн урлаг цагийнхаа л урсгалыг нэхнэ. Яахав, арван гурван бүлэг үзэсгэлэнгээ дэлгэнэ гэж бодоод л явж байна. Хойд туйл дээр мөсөн пирамид, урд туйл дээр цасан пирамид босгоно доо.
“Их хөлгөн туульс”. Зураачийн урлан дахь хувилбар
Л.БАТЦЭНГЭЛ
ОХУ-ын Челябинск хотноо болсон жүдо бөхийн ДАШТ-д түрүүлсэн ОУХМ Г.Болдбаатарт түүний төрсөн нутаг Булган аймгийн Хангал сумын удирдлага, нутгийн зон олон хүндэтгэл үзүүлжээ.
Булган аймгийн Хангал сумын ЗДТГ-аас зохион байгуулсан “Аварга” мялаалга наадамд Булган аймгийн Засаг дарга Д.Эрдэнэбат болон аймгийн удирдлагууд, Орхон аймгийн “Хангарьд” спорт хорооны удирдлагууд, Хангал сумын нутгийн зөвлөл, Монголын жүдо бөхийн холбоо, залуучуудын байгууллагуудын төлөөлөл оролцжээ.
Дэлхийн аваргын мялаалга наадамд олимпийн хошой медальт, Хөдөлмөрийн баатар Н.Түвшинбаяр аварга тэргүүтэй алдартнууд шинэ аваргыг хүндэтгэн очжээ.
Спортын ууган мастер Б. Түвдэндорж аваргынхаа хөшөөнд цэцэг өргөж эхэлсэн тус мялаалга наадамд 64 бөх барилдаж, их нас, даага уралдаж хурсан олныг цэнгүүлсэн байна.
Г.Болдбаатар нь Орхон аймгийн “Хангарьд” спорт хорооны тамирчин бөгөөд түүний амжилтын нэгээхэн хэсэг болсон “Хангарьд”-ынхан шинэ дэлхийн аваргадаа 3 өрөө орон сууц, 25 сая төгрөг бэлэглэсэн бол Булган аймаг таван сая төгрөг, Хангал сум гурван сая төгрөг, амралт сувиллын зориулалтаар 1 га газар, Хангал сумын нутгийн зөвлөл 10 сая төгрөгөөр дэлхийн аваргын алтан медалийг мялааж аав, ээж, багшид нь хүндэтгэл үзүүлжээ.
Нийслэлийн хэмжээнд 2014 оны II дугаар ээлжийн цэрэг татлага өнөдрөөс эхэлж байгаатай холбогдуулан Нийслэлийн цэрэг татлагын товчоо хуралдлаа. Хуралдаанд дүүргүүдийн цэрэг татлагын товчоодын ажиллах хуваарь, бэлтгэл ажил, цэргийн насны залуучуудын эрүүл мэндийн байдал, эрүүлжүүлэлт, цаашид авах арга хэмжээний тухай танилцууллаа.
Нийслэлийн хэмжээнд зарлан хуудсыг2014 оны 10 дугаар сарын 14-ны байдлаар цэргийн насны залуучуудын 93,1 хувьд нь тараасан байна.Цэрэг татлагын байруудыг камержуулан, иргэдэд цэрэг татлагын мэдээлэл болон явцын талаар LED дэлгэц ашиглан хүргэх бэлтгэл ажлыг хангаж, дүүргүүдийн цэрэг татлагын товчооэрүүл мэндийн үзлэг явуулах ажлын байрны бүдүүвч зураг гаргаж, эрүүл аюулгүй байдлыг бүрдүүлэн ажиллаж байна Мөн цэрэг татлагатай холбогдолтой 84өргөдөл хүлээн авчшийдвэрлэжээ. Энэ оны 2-р ээлжийнцэрэг татлагын бэлтгэл ажил 100 хувь хангагдсан гэдгийг Нийслэлийн Цэрэг татлагын товчооноос томилогдсон ажлын хэсэг илтгэлээ.
Нийслэлийн Цэрэг татлагын товчооны дарга Ё.ГэрэлчулуунЦэрэг татлагын ажлыг өндөр хэмжээнд зохион байгуулж, хоол хүнсийг сайтар хангах, Хуулийн дагуу цэрэг татлагыг цаг хугацаанд нь зохион байгуулах , Батлан хамгаалахын сайд, Хууль зүйн дотоод хэргийн сайд, Эрүүл мэндийн сайдын хамтарсан тушаалаар батлагдсан иргэний цэргийн жинхэнэ албанд элсэх иргэдийгэрүүл мэндийн үзлэгт хамруулах, 2014 онд техникийн үзлэгт орж, дүүргийн цагдаагийн хэсгээс зөвшөөрөл авсан автомашинаар цэргүүдийг тээвэрлэх, Нийслэлийн Замын Цагдаагийн газартай хамтран 1 дүгээр эгнээгээр зорчуулах, 2014 оны 10 дугаар сарын 19-ны 13 цагт гэрээт цэргийг томилогдсон газар хүргэх, Цэрэг татлагатай холбоотой санал хүсэлтийг хүлээн авч шийдвэрлэх, Цэрэг татлагын байрны тохижилт, дулаан, камержуулалтыг бүрэн шийдэх талаарцэрэг татлагын ажлыг зохион байгуулах комиссын гишүүдэд үүрэгчиглэлөглөө.
Зарлан дуудах хуудсаа авсан иргэд цэргийн үүрэгтний үнэмлэх, цахим үнэмлэх, эрүүл мэндийн даатгалын дэвтэр, нийгмийн даатгалын дэвтэр, хэрвээ оюутан бол оюутны холбогдох материалаа бүрдүүлж, дуудагдсан цэрэг татлагын байрандаа очих юм байна.
УИХ-ын гишүүдэд хэнээс, хаанаас тараасан нь мэдэгдэхгүй “Эмгэнэлийн хуудас” гэгчийг тараажээ. Энэхүү тараах материалд, “Бидний итгэж байсан Ардчилал хоёр нам дамжсан авлигачдын гарт 25-хан насандаа таалал төгсч, бидэнд хүнд гарз тохиолдлоо. “Хүсэл зорилгоо нэгтгэе” үндэсний хөдөлгөөн” хэмээн бичжээ.
Энэ тухай УИХ-ын гишүүн М.Зоригт өөрийн твиттер хуудсандаа жиргэсэн бөгөөд “Хэн өгснийг нь мэдээгүй” хэмээжээ. МАН, АН ард түмнээсээ уучлалт гуйх ёстой хэмээж буй МоАХ-ноос энэхүү хуудсыг тараасан байх гэсэн таамаг байгаа аж.
Улаанбаатар хотын дарга Э.Бат-Үүлийн санаачилсан гэх нэртэй томоохон ажлын нэг нь Толгойт өртөөнөөс Амгалан чиглэлд үйлчилж буй “Railbus” билээ. Тэрбээр өнгөрсөн зургадугаар сараас эхлэн иргэдэд үйлчилж байгаа юм. Эхэндээ дээрх унааг түгжрэлгүй, түргэн шуурхай хэмээн иргэд ам сайтай байсан боловч сүүлдээ “Railbus”-аар үйлчүүлэх иргэдийн тоо цөөрч бараг л орлого олохгүй шатаж байна хэмээн хэвлэл мэдээллийн хэрэгслээр гарч байсан. Тэр ч бүү хэл “Railbus”-ийг дахин явуулахгүй байх талаар ч ярьж байсан юм. Тэгвэл хамгийн сүүлийн мэдээллээр “Railbus” эвдэрсэн байна. Ингэхдээ УБТЗ-ын дарга Г.Сэрээнэндорж тэргүүтэй 20 гаруй дарга нар Сэлэнгэ аймгийн хойд хэсгийн төмөр замыг шалгаж яваад ийн эвдэлсэн гэнэ. Түүнийг засахаар Монгол, Оросын инженерүүд ажиллаж байгаа аж. “Railbus”-ийг хүнд нөхцөлтэй зам дээр явуулсан учир засвар авахгүй гэсэн мэдээлэл байгаа юм. “Railbus”-ийг 3,9 сая ам.доллараар худалдан авч байсан билээ. – See more at: http://www.unen.mn/content/40848.shtml?alias=#sthash.6qmYRhq5.dpuf