Мэргэжлийн онцлогоос шалтгаалаад бусдыг шалгааж, хэцүүхэн асуултаар улалзуулж явсан удаа нэг бус. Харин одоо надад үе үе хүндхэн асуулт тавьж, “бүдрүүлдэг” нэг хүнтэй болсон. “Ээжээ, нарыг хэн асаадаг вэ” гэж гурван настай охин маань асуухад анх удаа би нэлээд хүнд байдалд орсон. Дунд сургуульд нар сар, одны тухай ямар нэгэн хичээл үзэж байсан ч тэрхэн үедээ тоймтой юм толгойд орж ирээгүй ээ. Харин саяхан охин маань их л энгийн асуултаар яриагаа эхэлдэг байгаа. “Ээжээ, та эмээгээс гарсан тийм ээ”, “Тийм ээ, миний хүү”, “Эмээ өөрийнхөө ээжээс гарсан тийм ээ”, “Тийм ээ”. “Тэгвэл бүүр хамгийн эхний эмээ хаанаас гарсан бэ?” гэхэд нь ахиад л мухардав. Адам, Ева, алимны мод, Бөртэ чоно, Гуа марал гэсэн хэдэн нэр санаанд буусан ч таван настай охинтой ярилцахад амаргүй сэдэв аж. Хэсэг бодож байгаад бурхан руу “чихлээ”. “Бурхан хамгийн эхний хүнийг бүтээсэн юм аа, миний охин” гэлээ дээ. Дундад зууны үед ч ээжүүд иймэрхүү л хариу өгдөг байсан биз.
Хөдөө малаа хариулж яваа малчин ээжээс би мэдлэгтэй биш бас ухаантай биш. XXI зуунд, мэдээллээр бөмбөгдүүлж явдаг ч сэтгэлд үлдэж хоцордог юм дэндүү цөөхөн. “Хүмүүс мэдэхгүй юмаа бурхантай холбож тайлбарладаг байсан” гэж түүхийн хичээл дээр багш ярьсан санагдана. Тиймээ, надад мэддэг юм их. Гэхдээ л бас хамгийн эхний ээж шиг “Бурхан”-аас өөр хариулт олдохгүй үе олон юм даа.
Б.Янжмаа
Аргын тооллын 10 сарын 16, Бархасвад гараг. Билгийн тооллын 23, Өглөгт охин одтой, цагаан бич өдөр. Өдрийн наран 7 цаг 36 минутад мандан 18 цаг 16 минутад жаргана. Тухайн өдөр хулгана жилтнээ аливаа үйлийг хийхэд эерэг сайн ба үхэр, луу, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхийрүүлштэй. Эл өдөр найз нөхдийг түшиж элдэв үйлийг түргэн бүтээх, шинэ ажил эхлэх, цар ихтэй үйлийг эхлэх, бясалгал хийх, доодсыг асран өглөг, хандив өргөх, сан тавиулах, угаал үйлдэх, бүжиг наадам хийх, цэцэрлэг байгуулах, хур оруулах, дарханы үйлд сайн. Хувцас исгэх, шинэ хувцас өмсөх, зөвлөгөө хийх, сэтгэлд сэвтэй газар очиход муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулбал эд, эдлэл, идээ, ундаа олдоно. 
ӨМӨЗО-ы Эрээн хот руу жилд давхардсан тоогоор 2.2 сая орчим монгол зорчдог гэсэн судалгаа гарчээ. Өчигдрөөс буюу энэ сарын 14-ний өдрөөс эхлэн Эрээн-Улаанбаатарын хоорондын шууд нислэг нээгдсэн талаар Эрээн хотын “Сайнус” олон улсын онгоцны буудлаас мэдээлсэн байна. 
Хуулинд заасан заалтын дагуу “Монгол 999 Үндэсний нэгдэл” ХКомпани нь “Монголын хөгжил үндэсний нэгдэл” ХК-ийн эзэмшиж байсан нийт хувьцааны 90% -ийн хяналтын багц хувьцааг худалдан авах санал гаргасныг Монголын Хөрөнгийн бирж олон нийтэд мэдээлсэн байна. Аливаа компанийн хяналтын багцыг худалдан авахдаа “Үнэт цаасны зах зээлийн тухай хууль”-ийн 22.1.1, 22.4 дэх заалтын дагуу хяналтын багцыг худалдан авах санал гаргагч нь СЗХ болон нийтэд зэрэг мэдэгдэж, хувийг биржид ирүүлсний дараа багцын арилжааг зохион байгуулах боломж нь нээгддэг юм байна.
МАХН, МҮАН “Шударга ёс” эвслийн бүлэг ээлжит бусаар хуралдаж, Засгийн газрын гишүүнийг томилох тухай асуудлыг хэлэлцлээ. Уг бүлгээс Шадар сайдад Ц.Шаравдорж, Г.Шийлэгдамба хоёрын нэгийг санал болгох тухай ярилцсан байна. Харин Зам тээвэр, барилга хот байгуулалтын сайдад “Шударга ёс” эвслийн бүлгийн дарга Н.Батцэрэгийг нэр дэвшүүлэхээр хэлэлцэж 100 хувь санал нэгдсэн бололтой. Өмнө нь УИХ-ын гишүүн Ц.Цолмонг Зам тээвэр, барилга хот байгуулалтын сайд болгохоор ярьж байсан. Түүнчлэн үүний сацуу МАХН-ын дарга Н.Энхбаярын эхнэр О.Цолмон, түүний хүү Э.Батшугарын нэрийг дэвшүүлэх талаар ярилцаж. Тэд ч нэрээ дуртай шургуулсан гэх. Харин Эрүүл мэндийн сайд Н.Удвалыг энэ удаад хэвээр нь үлдээх бололтой. 
Манай улсын модон бөмбөгийн шигшээ баг оюутны ДАШТ -д оролцохоор Малайз улсыг зорьжээ. Тус тэмцээн нь Малайз улсын нийслэл Куала Лумпур хотноо энэ сарын 21 -26 –ны өдрүүдэд зохион байгуулагдах юм. Манай шигшээ багийн бүрэлдэхүүнд Ш.Батжаргал, М.Сугарсүрэн, Б.Оюунтуяа, Б.Хишигжаргал, Г.Батбуян, Д.Мөнх-оргил, Г.Ижилцэцэг, Г.Энэрэл, Э.Энхтүвшин, Д.Даваадорж, Ц.Баасанжаргал, Б.Баянбулаг нар багтсан байна.Тэд энэ сарын 20 –ны өдрийг хүртэл Малайзийн Перлисийн их сургуулийн тамирчидтай хамтарсан бэлтгэл хийгээд 21 –нээс эхлэн тэмцээндээ оролцох юм байна. Модон бөмбөгийн оюутны ДАШТ –д манай улсын шигшээ өмнө нь оролцож тавдугаар байранд орж байжээ.
Улсын Дээд шүүхийн хяналтын шатны эрүүгийн хэргийн шүүх хуралдаанаар Н.Хүрэлсүх нарын 11 хүнд холбогдох эрүүгийн хэргийг 2014 оны 10 дугаар сарын 15-ны өдөр хянан хэлэлцээд анхан шатны шүүхийн шийтгэх тогтоол, давж заалдах шатны шүүхийн магадлалд зарим өөрчлөлтийг оруулахаар шийдвэрлэв. 
Мэргэжлийн хяналтын байгууллагаас эбола өвчнөөс урьдчилан сэргийлэх, болзошгүй тохиолдолд авах хариу арга хэмжээ, бэлэн байдлыг хангажээ. Одоогоор хилийн нэвтрэх цэгүүдэд термокамераар хяналт хийж буй аж. Халдварын нууц хугацаандаа зөөвөрлөгдөж, улс оронд орж ирсэн хойноо өвчлөх явдал гарч байгаа тул иргэд болгоомжтой, сэрэмжтэй байх, шаардлагагүй бол өвчлөл гарсан орнуудад зорчихгүй байх, өвчний шинж тэмдэг илэрсэн үед яаралтай холбогдох газруудад мэдэгдэхийг тус байгууллагаас анхааруулж байна. 
Дархан хотынхон амралтын өдрөөр мод тарьцгаав. Дарханы Засаг дарга С.Насанбат “Урьд нь гадна дотнынолон суулгацтарьж үзсэн. Үр дүн нь сэтгэлд хүрдэггүй.Дарханы хөрсөнд ургасан суулгацыг энэ удаа тарьж байна. Дарханд тохирсон суулгац гэдгээс гадна Дарханы иргэдээсээ суулгац авч, хөрөнгө оруулж байгаа юм” хэмээн тайлбарлав. Мөн хүрээлэнгийн эрдэмтэн, докторуудын зөвлөгөөгөөр модоо суулгаж байгаа болохоор өмнөхөөс сайн урганагэж засаг ноён найдаж байлаа. Дарханы Ургамал, газар тариалан, сургалт эрдэм шинжилгээний хүрээлэнгийнэрдэм шинжилгээний ажилтан С.Баттөмөр “Гадна талд нь амьд хашаа маягаар хайлаас суулгаж,дотор талд нь голтбор, монос тарьж байна. Монос цагаан цэцэгтэй, агаар цэвэршүүлдэг, Манай хүрээлэнгээс судлаад тарималжуулсан моносны “Царам” гэдэг сорт юм. Голт бор нь Оросоос оруулж ирж нутагшуулсан “Шарын гол” гэдэг сорт. Энэ моднуудыг наян хэдэн оноос судлаад, тарималжсан ургамлаар баталгаажуулсан юм” хэмээн ярилаа. Хүрээлэнд “Хоёр, гурван настай моднууд 2000-2500 төгрөгийн үнэтэй байдаг гэнэ. Тэд суулгацандаа амьдрах баталгаа өгдөг аж. “Мод тарихад стандартын суулгац чухал. Зөв ухаж аваад, зөв хадгалаад, зөв суулгасан мод ямар ч нөхцөлд ургана. Зах дээр олон хүний гар дамжсан, үндэс нь ил гараад, нар салхинд хатсан мод үхчихдэг. Гаднаас нь хараад мэдэгдэхгүй учраас найдвартай газраас авах хэрэгтэй гэж эрдэм шинжилгээний ажилтан зөвлөв. Хүрээлэнд үйлдвэрлэсэн, жижиглэж савласанбактерийн бордоог мод тарьсан нүх рүү хийцгээж харагдана.
